[الوان الطيف]

السلام عليكم ورحمة الله وبركاته
اليوم الاربعاء التاريخ 21\11
صحينا وتجهزنا ركبنا السيارة والحمدالله بابا لقي طريق مافي زحمة وصلت المدرسة والمفاجاة انو لقيت الطوابير بس اول ما دخلت كان طابورنا ماشي فما لحقت عليه وطلعت مع الثنوي كان علينا اول حصة تفسير اخذنا الدرس و حلينا و بقي من الحصة كنا نراجع لاختبار التوحيد دق الجرس رتبنا الطاولات جات ابلة الانجليزي تراقب علينا دخلت وسحبت الكتاب مني لانو انا اول طاولة في الصف جيت قلتلها بس شوية وجيت ابا اخذه قالت رجاء اللي اخذ منها الكتاب ما تشدو مني اخذته واعطتني قالت دخليه فكيت راجعت الين ما تسحبه من البنات ودخلته اختبرنا والحمد الله كان سهل بعدين جا وقت فوفة اليوم صحبتي اللي جنمبي غايبة ووحدة من صاحباتي جات مكانها نزلنا الساحة وفطرنا و قعدنا نسولف انا ووحدة من صاحباتي كانت غايبة امس بعدين طلعنا وكان علينا رياضيات كملنا درس من قبل يومين يمكن ما خلصناه وحتى اليوم كان باقيلنا فيه مسالة ما خلصناها بعدين كان علينا جغرافيا اشرنا وحلينا اشياء اجابتها طويلة ومعانا في الاختبار غير الخريطة والاشياء اللي في الدفتر صفحتين بعدين كان علينا توحيد اخذنا درسين وكان علينا تعبير سارت قواعد هيا غيرتها بعدين دق الجرس وقالت اللي ما جابت حق التعبير حتاخذ صفر انا كنت كاتبه جزء منه امس في البيت بس ما مداني اكمله الين 1ونص بعدين سبته وقلت الباقي في المدرسة بعد حصة التعبير قعدت اكتب حصة ونص تقريبا وخلصته فررحت اني خلصته رحت لها في الفصل الثاني قالتلي ليش مو مرتب قلتلها تعبت وانا اكتبه ودوبني خلصته وخليني اشوفها تنقصني شي ما رح اسكتلها طبعا كان قبلها علينا حصة تدبير والابلة غايبة جاتنا ابلة العلوم احتياط والبنات قعدو يطبلو ويغنو وهيا كل شوية تقلهم لا تغنون عادي انكم تنشدو بس ما تغنو شوية ويرجعو يغنو وطبلو خلصت الحصة على هذا الحال طلعت الابلة وجو بنات الفصل الثاني عندنا وقعدو معاهم يطبلو و يغنو اليوم ما افتكر اني شفت رقص طبعا انا ما احب اجلس معاهم اذا كانو يسوو هذي الاشياء لانو احنا فمدرسة وبعدين ممكن يطلع عنك شي يشوه سمعتك او اذا عاقبوهم يعاقبوكي معاهم ف انا ووحدة زيي كنا جالسين على الطاولات بعدين كل شوية يطفو النور ويكملو وتجي المراقبة تفكه بعدين قالت اللي تجي عيني عليها وهيا تطفي النور او شي حتنزل الادارة بعدين حصة التدبير الثانية جاتنا ابلة التاريخ وهذي مسكينه تسمعهم يغنو تقولهم وطو صوتكم عشان المراقبة ما تسمع وتطل فيهم شوية وتضحك ومرت الحصة كاملة فتطبيل واغاني استغفر الله بس بعدين دق جرس الصرفة وبدا الجنون يكثر ويصرخوو باعلى اصواتهم مع بعض<< بس ما ينطون خخ جات المراقبة وقالت اسم وحدة وقالتلها تعالي والباقيين ينزلو لانو انتو لما احد يعاملكم بالطيب ما ينفع نزلنا بعدين رحنا اشترينا ونادى اسمي انا وصاحبتي وخرجنا مع بعض وبس
لاتنسو التقييم