^ الله يبارك في حياتج .. عقبالج إن شاء الله :: قد مرة قلت لكم عن موادي البديلة اللي بدرسها في الصيف ؟ المهم تأكدت من أنهم وافقوا علي أمس والحمد لله سرت اليوم الجامعة علشان اسجل المواد على اساس ان التسجيل ما يفتح من النت لما جيت مسجلة الكلية .. قالت عندج انذار من المنحة ! قلت لها من وين الإنذار ؟ معدلي عالي ! قالت بتأكد لج وبرجع وحليلها ما قصرت .. سارت تستعلم ورجعت مرة 2 تقول ان اراجع المالية رحت المالية ، قالت البنت عليج التزامات مالية تدقعينها الحين او بعدين ؟ قلت لها عقب الصيفي احسن قالت اوكي سيري عند فلانة وقولي لها فلما سرت لها قالت ما في مشكلة في النظام ، وكل شيء اوكي قلت لها ما اقدر اسجل .. قالت خلي مسجلة الكلية تسجل لج ، النظام من عندها قلت لها اوكي .. ورجعت لمسجلة الكلية بعد ما مرت فترة نادتني ، ودخلت عليها وعطيتها ورقتين ، وحدة فيها المواد اللي بسجلهم بتوقيع من المرشد والثانية فيها كلام عن بما معناه ( عدم التسجيل قبل سداد الالتزامات ) : المهم في الاخير ما سجلت المواد =/ ولا بسير باجر .. ولا بداوم المحاضرات اول يوم جذي عناد يلين ما اشوف سالفة الرسوم اللي ما جاز لهم يحاسبون عليهم إلا على آخر كورس : اذكر بنت عمي مرة قالت ان في يوم من الايام ما طلعت نتايج امتحاناتها لما راجعت المالية قالوا لها : عليج نص درهم !! قالت علشان نص درهم ما تفتحون صفحة النتايج ؟؟؟ ورمت في وجهم 50 وقالت حطوا الباقي في الحساب .. وسارت