SMS : على قدرِ طمُوحنا نحصدْ !
. . هذا الأسبوع آخر أسبوع نداومه والله بفقد المدرسَة بشكل ما طبيعي أذكر يوم احنا صغار ينقال لنا المدرسة بيتكم الثاني وكنا نقول لا مستحيل لا بيتنا ولا شي >< الحين والله إني أحسها أكثر من مجرد بيتي الثاني أحس صعبة الوجوه اللي اشوفها 5 أيام كل أسبوع ما عاد أشوفها . . وأعرف انه في بنات كثار رح أقدر ألتقي بهم تقريباً كل شهر ويمكن أكثر . . بس غيييير لما يكون الوضع شبه يومي ناس سافرت معها المغرب وعشت معها ايام ما تتنسى من حياتي . . ناس تفهمني وتتحمل موجات مزاجيتي المزعجة معلماتي اللي كانت لهم بصمة عظيمة بشخصيتي خصوصاً أستاذة الرياضيات اللي علمتنا كيف نفكر ! واللي لولاها ما كنت بهالمستوى في المواد العلمية . . وخلتني أحب جانب التدريس :$ . . وأخلي الرياضيات شي أساسي بحياتي وأستاذة الكيمياء اللي من 12 سنة دراسية ما شفت وحدة بطيبتها ومراعاتها وشرحها واخلاصها وأستاذة العربي اللي لو انها ما درستنا هالعام كنت رح اتخرج منا لمدرسة ونظرتي للعربي مثل ما هي . . لغة عظيمة ولكن مادة مملة لدرجة مزعجة بس نجحت تغير هذا المفهوم 180 درجة وغيرهم كثار =( الله يجمعنا معهم بالدنيا والآخرة في جنات النعيم رح أشتاق لموجة الطفولة اللي صابتنا هالعام . . نتضارب مين يحصل على نجوم أكثر في الرياضيات ( بما انه الاستاذة ما تعطي النجوم كذا اي كلام انما بطلاع الروح :P ) ونزعج المعلمة أستاذة شمعنى فلانة نجمتها كبيرة وأنا نجمتي صغيرة فقررت تعطينا هدية ولأول مرة تكتب لنا تعليقات بالامتحان القصير بعد ما قالت شفتكم أطفال و تريدون حد يفرحكم رح أشتاق للأيام اللي لعبنا فيها (شمس وقمر) بحصة الانجليزي . . والأستاذة تقول كنت دايم أقول عقولكم عقول صف أول بس اليوم اتأكدت وأشتاق للأيام اللي نقرأ فيها أناشيد سبيستون بالحصص واحنا نحل التمارين . . أحلى شي لا قرينا نشيد الضاحكون : " هاقد حان حان الوقت . . لتشاهدونا فقط . . انا جداً مضحكون ياليتكم تعلمون . . فنحن الكهكه دوما كهكه . . نحن الضاحكووون . . نضحك بجنون " واكتشفنا ان الاستاذة تشوفنا وتسمعنا وهي مذهولة وفاتحة عيونها وتقول معليه تصير تصير خصوصاً لا كان الواحد بثاني عشر يووه جاتني موجة ذكريات قوية =( بروح أكمل مذاكرة هالأسبوع زحمة امتحانات عملي ونظري ؛) تصدقون رح أشتاق للامتحانات اللي من اعداد معلماتنا . . رح أشتاق للكاريكاتير اللي أستاذة الرياضيات تحطه في ورقة الامتحانات القصيرة حتى تخلينا نفرفرش وما نتوتر . . ~> ورجعنا لسالفة اشتاق . . الله يوفقكم جميعاً * تتوقعون بصيح في حفل تخرجنا ؟ * تتوقعون وحدة مو قادرة تفارق صديقاتها وناسها تقدر تروح بعثة وتتحمل الغربة ؟ . .
مُشتَاقة لي يا جميلَة . . ؟