[بشائرالخير]

حبيباتي توكلوا على الله وابذلوا اقصى جهودكم
وخلوا املكم بالله اولا واخيرا وحتى لو لاقدر الله ماجبنا درجات زينة بالاختبار فماله داعي الندم وضيقة الصدر!!
احنا سوينا اللي علينا بس ربي ماكتب يعني هذا مو تقصير منك عشان تندمين ويضيق صدرك..
انا صرت اطبق هالشي ع نفسي لمن اطلع من اختبار كان صعب ولا أسمع ان درجتي مو كويسة اقول انا شديت حيلي وماقصرت بس الاختبار جا صعب او اقول ربي اراد هالشي يصير وكل شي يكتبه ربي فيه الخيرة باذن الله..

أتذكر صديقتي جابت باختبار 10 من 25 وضاق صدرها وبكت حتى مابغت تكمل الجامعه.. اليوم اللي بعده قالت الدكتورة اللي جايبين درجة اقل من 12 باعيد لهم الاختبار وكان من حظها بتعيده لان درجتها 10 وعادته والحمدلله جابت 23 من 25 يعني لو انها جابت اعلى من 12 كان ماستفادت واثرت الدرجة ع معدلها .
لكن ربنا كريم ومايكتب شي الا وفيه خيرة للانسان وصدقوني ترى حتى ايماننا بالقضاء والقدر لنا اجر عليه يكفيك هالاجر وبس من رب العالمين..
يعني خلاص حبيباتي بلاش الزعل والضيق وقت الاختبارات مالومكم شي يضيق الصدر لما الوحدة تجيب معدل قليل او درجة مرة قليله لكن مو معناته تستمرين ضايق صدرك وياثر هالشي ع نفسيتك ولا تقدرين تشدين حيلك بباقي الاختبارات!!
خلي نفسيتك مرتاحة وانسي الاختبار اللي راح عشان تقدرين تعوضين بالجاي..
وانسي المعدل والسمستر راح عشان تقدرين تعوضين بالسمستر الجاي وتجيبين معدل اعلى ..



الله يوفقنا كلنا يارب وان شالله كلكم تلقون اللي يريحكم واللي فيه خير لكم ..