SMS : على قدرِ طمُوحنا نحصدْ !
. . سُومويْ بشري كيف كان ؟ زارا ، البكا يتعب نفسيَة الواحد من دون فايدَة :( انتِ بس عاهدي نفسج انج ما تجيبين مثل هالدرجة مرة ثانية ومن بعدها ذاكري وشدي حيلج وحضري وسوي أي شي بس المهم ما تتخلين عن عهدج بالمناسبَة المطويات سهل وخفيفَة وممتعة ! كل ما كان فيه عمل ومن ضمن الاختيارات مطوية على طول سويت مطوية ما تحتاج إلا ساعَة بالكثييرْ ! إلا اذا كنت ابيه يكون شكل غيرْ ومميز بجلس عليه وقت أطولْ سيرينْ . . أحس ضروري تتأقلمين على الأقل معَ بناتْ صفج لأنهم في النهايَة صفج وتقضين معهم على الأقل سنة من عمرج آنسة ن نحن نطلع قبلكمْ نطلع الساعة 2 إلا ربع الله يعينكم جميعاً وتحققون أحلامكم وتتخرجون بمعدلات عالية وتدخلون للتخصصات اللي تبونها . . أخباري : سووا اليوم مشغل فوتو وكنت متحمسَة جبت لابي وحملت فيه CS3 عشان أطبق مع الأستاذ اللي جايبينه لأن حسب الكلام كل البنات اللي من ضمن الدورة يعرفون للفوتو فالمشغل ما رح يكون للمبتدئين ولأول مرة وبصراحَة ! مشاغل المبتدئين أحلى الأستاذ تايه ، ما يعرف ايش يسوي ينسى خطوات واحنا نذكره بيها ! يشرح خطأ واحنا نصحح له أو احنا نمسك زمام الأمور ونشرح للبقية ! حالة تعييييييييسَة بكرا بعد رح تكون تكملة ورح أروح ما عشان شي الا اني اضيع English elective + فجأة تعبت من الرياضيات مالي نفس أحل مسألة ملييتْ بروح بكرا عند الأستاذة بقول لها أستاذة بديت أمل من الرياضياتْ ومالي نفس له أبد خليها تدبر لي شي يحمسني لأني أكره نفسي لما أكره الرياضيات ريتنا ندرس شي عن المثلثات والنسب المثلثية والاثباتات أو هندسة الفضاء الحين كل الكتاب من اوله لآخره متصل فيسهل عند المذاكرة لان الدروس اللي من اول درسناها لا نزال نستخدمها لكن في الوقت نفسه طفرت خلاصْ >< الفيزيا والكيميا الوحدة الثانية مالها ولا ربع علاقة بالوحدة الأولى فيه نوع من التجديد والتغيير وصارت أخف وأحلى + أستاذة العربي قالت بتنتقل الفصل الجايْ ما ندري صح أو خطأ لأننا كنا ندرس درس عن الشك واليقينْ وأنا طول 12 سنة ما قد حسيت انه العربي ممكن يكون ممتع الا معها الحصة كلها وناسَة ومرح ونتعلم اشياء تنفعنا كثيير في الامتحانات يعني تركز على البلاغة والنقد والنحو بحيث نكتسب ثقافة عامة تفيدنا في الامتحان بشكل كبيرْ غير كذا نظام محاضرات هي تتكلم واحنا نكتبْ يعني ممكن نقول اكبر فائدة احققها من العربي . . ما أتخيل أبد انها تنتقل خل تصبر هالسنة بسْ . .
مُشتَاقة لي يا جميلَة . . ؟