[وردهـ {ح} ـمرآ]

و عليكم السلام و رحمة الله و بركاته ~


موضوع مهم . . يستاهل النقاش ^^


بالنسبة لنا . .
بعد ما يتقدم الشاب للفتاة عن طريق الأهل ؛
أول شي يتم السؤال عن الأشياء الأساسية ؛
مثلاً يُسأل الشاب عن عمره - وظيفته - حالته المادية - الخ
و الفتاة تُسأل عن دراستها - طبيعة العمل اللي راح تعمله - لبسها - الخ
و طبعاً السؤال عن الأمراض اللي تفركش الزواج مثل فقر الدم المنجلي "السكلر"
اذا كانت كل هالأمور تمام . .
تصير زيارة الأهل . . يجون أهل الشاب و يتعرفون على البنت أكثر ؛
يشوفونها -إذا ما كانوا يعرفونها من قبل- يشوفون طريقة تفكيرها . . هل تناسب ولدهم أو لا ؛
و بالنسبة للبنت بعد تشوف هل هي ارتاحت لأهل الشاب و كلامهم عنه و هيك ؛
في حالة تمت الموافقة المبدئية . .
تصير مقابلة بين الشاب و الفتاة ؛
يشوفون فيها بعض و يتكلمون مع بعض ؛
يستفسرون من بعض عن الأشياء اللي يهمهم يعرفونها عن شريك حياتهم ؛
يوضح كل من الشاب و الفتاة شروطه و طلباته ؛
كل واحد يحاول يفهم الثاني و يشوف تفكيره و طريقته تناسبه أو لا ؛
يحطون النقاط على الحروف . . !
في حالة ارتاح الطرفين لبعض . . تمت الخطبة و من ثم الزواج ؛
ما حدث ارتياح . . يتم الرفض و كلن راح في حال سبيله "ما فيها شي"

أني ما أشوف فيها أي احراج ؛
يتم الرفض من البداية قبل ما يصير شي رسمي "حتى لو كان لسبب تافه"
و لا بعدين عقب الزواج تحدث المشاكل بين الزوجين و يعيشون حياة تعيسة !

الزواج مو لعبة ؛
لازم اللي مقبلين عليه يكونون واعين و فاهمين بعض ؛
يحسون باندماج و تآلف و مودة بينهم . . عشان يقدرون يواصلون حياتهم بحلوها و مرها ~



شكراً على الطرح الجميل ؛
يعطيج العافية ~

[]