[goody]

. . . اليوم 11- 9 ، أنا بدأت التصوير من بعد الفجر , إلى الفجر الثاني .. . بعد الأذان و الإمساك .. كنت فاضية فطلعت خيوطي وسويت إسوارة حق بنت أختي الصغنونة .. . . عجززززززت وأنا أحاول أصور الإسوارة بيدها .. حطمتتتني كل مالبستها إياها شالتها .. . . وبعدها صعدت لغرفتي وجلست أراجع سورة آل عمرآن , لأني مسجلة بمسابقة لحفظ هذي السورة .. . لما انتهيت من المراجعة ، جلست أقرأ في كتابي [ تسبيح ومناجاة وثناء على ملك الأرض والسماء / د.محمد موسى الشريف ] الكتاب واضح من عنوانه ، يعلمك كيف تثنين على ربك وتتأدبين معه قبل الدعاء , وفيه أدعية جميلة ، اخترت لكم منها هذي : قال شيذلة - رحمه الله - : " إلهي أذنبت في بعض الأوقات وآمنت في كل الأوقات .. فكيف يغلب بعض عمري مذنباً جميع عمري مؤمناً ؟ إلهي لو سألتني حسناتي لجعلتها لك .. مع شدة حاجتي إليها ، وأنا عبد فكيف لا أرجو أن تهب لي سيئاتي مع غناك عنها وأنت ربي ؟ إلهي كيف أمتنع بالذنب من الدعاء ، ولا أراك تمنع مع الذنب من العطاء .. فإن غفرت فخير راحم أنت , وإن عذبت فغير ظالم أنت .. إلهي أسألك تذللاً فأعطني تفضلاً " . وبعدين دخلت على الفيس بوك وتركت رسالة لصديقتي , . وعموماً جلست على الجهاز .. أتصفح النت وأطالع فيديوهات , . الساعة 7 الصباح بتوقيت كمبيوتري , . يعني جا وقت النوووووم , وقبل لا أنام .. ضبطت المنبه في جوالي على الساعة 2 الظهر , . إلى الفرآآآآآآآآآآآآآآآآآآآش , . طبعاً نمت والحمد لله .. لكن ماحتجت المنبه .. السآعة 12 الظهر أنا ناقزة من الفراااش ؟!! جلست أحوووووووووس في البيت .. مافي أكشن مافي نشااااط .. فرجعت فراشي .. وتقلبت تقلبت .. الساعة 2 الظهر دق المنبه .. لما سمعته جاني النووووم , ورحت نمت ساعتين إلى الساعة 4 العصر , . . . لما صحيت من النوووم , رجعت أراجع سورة آل عمران , . وبعدها جا البرنامج اللي أموت فيه , [ علمتني الحياة 2 ] . ^^ مرررررررررررة مرررررررة أحب الدكتور طارق السويدان وأحسه إنسان رآآآقي , أسلوبه جداً يحمسني , وبرنامجه رآآآآآئع , . وشارة البرنامج برضو رائعة , نصيحة للكل يسمعها , . طبعاً للأسف ماقدرت أكمل البرنامج لأن أمي نادتني أسوي معها دونات , الحمد لله أمي سوت العجينة الله يجزاها الجنة .. وأنا باقي لي فرد العجين وتقطيعه ، . تجنن دونااااتي , . وأنا أسوي , جا أخوي الصغير زياد وقال أبي أساعدك , فقلت له ماشي , نشوف وش بتسوي , ؟ طبعاً الذكي من الإجتهاد رآح غسل يدينه ولا نشفها ، وقعد يفرد العجين بيده , فتحول إلى مآآآآي بالعجين !! . الآن عملية الفرد ,, لاحظو العجين مليآآآآن موية ,, ! . ييييييي ، شوفوا كيف تلصقت ؟؟ ههههههههههههههههه .. بإختصار حآآآآس الدنيا حوس ,, ! طبعاً هزأته وطردته وقطيت العجينة , . وبعدها جلست على التلفزيون مع أخوي نطالع قناة برآعم ... << الشكوى لله , وكان فيه هذا البرنامج السخيف ,, اللي بموووووت أبي أفهم إيش قصته ؟؟!! فديتكم, اللي يفهم وش يبي هالبرنامج يجي يقول لي ؟ لأن تعبني نفسياً .. استهبال بشكل ؟ . وبعدها جلست على اللاب .. ودخلت على حبيب قلبي اللي إخترب الآيزو هنت , وجلست أدور لعبة للـ PSP .. . قرب آذان المغرب , وهذي صورة السفرة , .. الفطور يتألف من .. فطاير جبن ولحم , و دونات .. والطبق الرئيسي فوتوشيني , بس مالحقت أصورها , لأن كنا مررررة متأخرين لما أذن .. . وطبعاً تلاحظون في الصورة إن الدونات شيء جاه سكر وشيء ماجاه ,, وهذا يدل على إتقاني لشغلي ماشاء الله علي .. خخخخخخخ ,, << والله من العجلة مو عارفة أصور ولا أساعد أمي ولا آآكل ؟ . وهذي صورة مقرربة للفطاير , . بعد الأذان , ماكان في أكشن معين , جلسنا في غرفة المعيشة مع عيلتي , وجلست شوية على اللاب , بس جاني زياد ووراني هذي البلونة العجيبة ,, ! بدون نفخ .. فقط داخله شيء تظغطين عليه وبعدين تتنفخ بلحالها .. ! << أدري الشرح زي وجهي , . وهذي صورة للحلى , كريم كآرميل , مررررررررة أحبه , [ الورد اللي على جنب هذا أدري ماله داعي , بس حسيت اللون جاي ويا الطاولة , ] . المهم بعدها انطلقت إلى غرفتي وبدلت ملابسي لأني رآيحة للندوة العالمية للشباب الإسلامي , مشاركة ببرنامج هناك [ بالإيمان نحيا ] ولبست هذا التيشيرت .. [ لوّن حياتك ] مرررررررررة حابته لأن فيه كتابة بالعربي , ياليت البلايز زي كذا تكثر , . لبست عبايتي .. وبما أن الندوة قريبة من بيتنا نوعاً ما , قررت أروح مشي عشان أصور لكم , مع إن الجووو حرررررر هذي الصورة وأنا طالعة من البيت .. . وهذي الصورة صورتها وأنا أمشي في الشارع , أحس نفسي خبلة وأنا أصور رجلي بالشارع .. !! وطبعاً واااضح من الصورة نظافة الشارع من تحتي ,, . للأسف , ما قدرت أصور صور أكثر , لأن بالحساد صار الشارع مليان , وحسيت شكلي مثير للريبة وأن أصور .. . لما وصلت الندوة .. تعطرت بعطري المفضل Juicy ، العطر مرة ريحته هااادية , . هذي صورة للنادي بتاعنا , . . جلست أقرأ في كتابي إلى أن يتجمعوا البنات ,, << مررررة جاية بدري .. . بعد ماخللصت من النادي الساعة 12 تقريباً , رحت مع أمي وأخواتي إلى السوق , هذي الصورة الوحيدة اللي التقطتها عند دخلتنا للمجمع ، . رجعنا البيت الساعة 2 ونص تقريباً .. لبست بيجامتي اللي أحبها ولونها بدأ يبهت مع الغسيل ,, ! . سحوري كان برجر من الكافتريا اللي جنب بيتنا ,, خخخخ بعد ما أكلته وخلصته .. اكتشفت إن الصورة بآيخة .. << الجوع ومايسوي .. ! . وطبعاً حبيبي ,, بيبسي , . جلسنا بعدها على التلفزيون , نشوف برنامج الشيخ محمد العوضي , [ بيني وبينكم ] . برضووو هذا الإنسان راقي جداً وأسلوبه يعجبني , الله يكثر من أمثالهم ، يآرب .. . رآح أوريكم شغلتين شريتهم من السوق , وأخيراً .. اشتريت تنورة للجامعة , :1wq04: . وبمناسبة اليوم الوطني للـ سعودية اللي باقي عليه أكثر من شهر ونص .. اشتريت هذي الجزمة ( الله يكرمكم ) المشكلة البيجامة مخرببة ,, . وبكذا أكون خلصت اليوم .. وخلللصت الموضوع .. أتمنى ما أكون ثقلت عليكم .. وأحب أشكر وهوجة على إتاحة الفرصة لي .. أيضاً اعتذر على التأخير في طرح الموضوع ,. جداً جداً اتعبني ترتيبه .. !! . . .