السلآم عليكُم ورحمَة الله وبركآتُه 
أنآ رحتْ مكَّة , يوم الأحَد : 5 / رمضَآن
أحرمنآ وطلعنَآ من البيت بعد أذآن العصر , (=
وصلنآ لمكَّة المكرمَة , وسبحان الله شعور مختلف هناك
لما تشوفين لوحَة " من هُنا تبدأ حدود الحرَم " يجيك احساسس رائع!
, وقفنآ السيآرَة بمواقف " كدي " ,
وبعدهآ ركبنآ باص " النقل الجماعي " اللي وصّلنَا للحرَم ,
طبعًا الباص يمشي داخل نفق ,
بعد ما طلعنآ من الباص مشينآ بممر , وبعدهآ صعدنآ درج , ووصلنآ للحرم
بالفععل كان شعوور راااائع , كان زززحمَة مررَة
والناس حولك رايحَة جاية
اللي يوزع تمر , واللي يوزع قهوةَ , وماي زمزم ...إلخ
والأمن ينظمون السير ويرشدون الناس ,
دخلنا من احدى البوابات ,
وطلعنآ فوق للدور الثاني , لأن الدور الأرضي كان مرررة زحمَة ,
طلعنآ فوق , وظلَّت دقايق ع الأذان ,
رحت للسور , وقعدت أطالع منظر الناس وهي تطوف وتدعي ,
والناس اللي قاعدة بالسفرة وتنتظر الأذان ,
وأحللَى شي ساعة مكَّة , " أعلى ساعة بالعالم " , مكتوب عليهآ اسم الله
كان منظر رائع ما بنسَآه بحياتي! ,
تمنيت لو كانت كاميرتي معاي والتقطت بعد الصور الجميلة لكُم =(
الحمدلله أذَّن المغرب , وصلينآ مع الإمام " السديس " ,
كنت فرحآنة مرة لأنه كان هو , يعجبني صوتَه ما شاا الله تبارك الرحمن ,
بعد ما صلينآ المغرب , رحنآ نطوف حول الكعبَة ,
كان زحمَة مرة , الجو حرر موت , والريحَة تخنق ,
لكن تحملنآ , في سبيل العمرة كل شي يهو ؤ ن
الحمدلله خلصنآ الطواف قبل أذان العشآ , رحنآ للمسعى
وسعينآ 5 أشواط وكان باقي لنآ 2 ,
أذن العشا , وصلينآ مع إمام تمنيت لو أعرف اسمَه لكن كان رائع ما شاا لله
بعد الصلاة , كملنا الشوطين ,
وبعدهآ قصَّرنآ , . .
وبعدين صلينآ التراويح أو القيامْ مع إمامين , أولهم ما اعرف اسمه , والثاني كان المعيقلي
جججدًا رائعين الله يحفظهُم , والدعاء كان مؤثر ,
بعدهآ ,,
رجعنآ لموقف الباصات , ورجعنآ لمواقف كدَي
رجعنآ لسيارتنآ , ورجعنآ لجدَة , بعد جو و و لَة روحانية رائعة , مليئَة بالإيمآن
رغمَ التعب اللي تعبنآه , والجو الحار اللي عشنآه
إلا إني ما بنسسَى هـ العمرة اللي قضيتهآ بـ هالجو الرمضضآني
{ اللهمّ تقّبل مني إنّك أنت السميع العليم }
الله يرزقكُم زيآرَة ,
لكم ودّي وعذرًا ع الإطآلة =$ < متفشلة خخخ