التفاح الأخضر .. مرحبا حبيتى
صراحة " جيتى على الجرح " زى ما بيقولو عندنا فى مصر
أنا فى كلية طب برضه والموضوع ده من أهم المواضيع اللى بتشغلنا خصوصا فى طب
يمكن لأنها فعلا أطول كليه فى مدة الدراسة وبعد الدراسة بتاخدى وقت علشان تثبتى نفسك كدكتورة
بس أنا رأييى إن ده مش عائق للزواج هو يمكن الزواج بيتأخر شوية لكن ده ممكن يحصل لأى بنت بتدرس تخصص تانى
وأعتقد أفضل شئ والسائد فى محيط مجتمعى إنك تسمحى بالخطوبة على الأقل فى أخر سنتين دراسة والزواج بعض ما تخلصي
ومعظم الأمثلة اللى شوفتها كانت كده والحمد لله عايشين حياتهم وبيقدروا يوفقوا بين متطلبات البيت والعمل
اما صعوبات الحياة والمشاكل الزوجية اللى ممكن تحصل بسبب الشغل موجودة فى كل التخصصات ولابد منها فى بداية أى زواج
وفى النهاية أنا متيقنة من شئ .. إن وقت الزواج مقدر لكل بنت فى الوقت المناسب ليها حسب استعدادها
وربنا يرزق كل بنت بالزوج الصالح إن شاء الله
أشكرك حبيبتى على النقاش الممتع