و عليكم السلام ورحمة الله و بركاته يا منولة....
و الله فكرتيني بأيام زماان... كنت شايفة نفسي حبتين... لو قعدت جنبي بنت سمرا مثلا أو لو كان حتى شكلها وحش_من وجهة نظري الغريبة ساعتها_...أكنك جبتي الشيطان و قعدتيه جنبي ما كنتش اهدا و لا يرتحلي بال غير لما تتنقل من جنبي أو أنا اتنقل من جنبها و مش ح نسى ابدا لما كنت في إعدادي نقلوني جنب بنت...كنت باخد الكرسي و المكتب بتاعي بعيد عنها مع إن المفروض إنه طبيعة الفصل إنه يبقوا كل كرسيين و مكتبين جنب بعض...كانت بالنسبة لي حاجة مقرفة لازم أبعد عنها....
لما كبرت شوية بدأت أفهم إنه في أحلى مني...هل ح ارضى إنه يتعمل في كده؟؟؟؟؟ كنت دايما أهرب من إجابة السؤال ده....
بعد كده بقيت بادعي ربنا في سري و في صلاتي و في صيامي إنهم يسامحوني و يغفرولي غبائي ..آه كنت غبية آه كنت مغفلة... و إنهم ينسوا....لأني أدركت إنه ورقة التوت مش عيب فيها إنها قبيحة....
موضوع جميييل منولتي..