[toola]

الجازي: مليت حبيبتي من الأنتظار ابي اعرف كيف كان ينتظر كل هذا الوقت
العنود : الجازي وش فيك الزواج مو لعبة ولا القرار يجي من يوم وليلة يعني خليني افكر وراح ارد عليك بس صبري مثل ما صبر اخوك على قلتك
الجازي: يكفي انك بتفكرين فيه والحين يله نزلي بنزل لهم صيفت عليهم مع السلامة اشوفك تحت
العنود : مع السلامة
اطلعت الجازي والعنود جالسه على سريرها لازالت اتفكر
العنود : هذا ما يستحي يرسل اخته يبي يسوي مسرحية عشان يقرب لي لا والف لا, لو ما بقى في الدنيا غيره ماراح اخذه ,كذاب وانا ما احب الكذب ابد............ شوف هذي اطلعت من دون ما ادري وش فيها هين يالجازي بدل ما اعرف وش فيك جالسة تحلين مشكلتنا ...قلت انك طيبة وطيبتك لغيرك مو لك
في بيت الجوهرة كان الكل متجمع هناك كعادتهم
البنات جالسين مع بعض عائشة ونورة وهيبة وغادة
والحريم مع بعض ملتمات قمر وسارة ومنيرة الي كانت طول الوقت اطالع الجوهرة الي كانت اتكلم بنتها
الجوهرة اتكلم ليلى على التليفون : يمه تعالوا ما فيه حد
ليلى : امي دام هذي موجودة بينكم مستحيل اجي امي هذي اهانتني واهانت زوجي وش تيبن بعد كلكم ما تقدرون عليها كلكم اتجارونها ليش وش امسويه فيكم هذي امي خلاص كافي تعبت وانا اتكلم مع السلامة خليني بين اعيالي اقلها كرامتي ماهي في الأرض
الجوهرو : يمه مين قال ان كرامتك عندنا في الأرض...........
ليلى : ............
الجوهرة : يمه وينك
طوط طوط طوط
الجوهرة : حسبي الله على من كان السبب
منيرة : وش فيك عمتي
الجوهرة : ما فيني شي جهزوا العشاء نبي نحطه
قمر : راح انشبه انا مين بيساعدني منكم يا بنات
البنات يطالعون قمر وكلهم في نفس الوقت : لا لا لا
عائشة : لا الا انا بقوم وياك خلاص ما بقى شي لازم اتعلم كيف ينشبون العيش
نورة : ههههههههههه المهم الملاس لا تنسينه اهم شي تدرين غرت منك بقوم معك
هيبة : اما انا ما راح اغار ماني ناشبة العيش بجلس هنا مع غادة ولا بتروحين معهم
غادة : لا بتم هون كرمال هالعيون السود
هيبة : هيه انتي انتي بنت مو ولد تتغزلين فيني
غادة : ولو بدي اتغزل فيك شو فيها
هيبة : ما فيها شي تغزلي اقلها فيه حد يلاحظ جمالي الساحر
نورة من بعييد تعك(تكع) بوجها : هاش كفوش أي جمال ساحر أي بطيخ
هيبة : يممه شوفي بنتك الناس يتغزلون فيني وهي تعك بوجهي
منيرة : ما عليك منها
هيبة : اقول نورة القافلة تسير والكلاب تنبح هو هو هو
نورة : اوريك ان رجعت لك يا سحيلة يا ام الخلاقين
هيبة : ان خاطبك السفهاء فقل لهما سلاما نورة سلاما
نورة: هين هين انا سلاما بس خليني انشب واجيك
الكل يشاهد مسرحية متكررة بين نورة وهيبة اختها
منيرة : عادي هذا حالنا يوميا سلاما وشلب ينبح يقول هاو هاو
اثناء ما كانوا البنات يعدون الأكل كان جوال عائشة يرن
سارة : يمه عائشة تعالي جوالك يرن
عائشة : كاني جييت وين الجوال
تاخذ عائشة الجوال وتشوف اسم المتصل (( بديع الزمان ((
عائشة بخاطرها : فديتك بعمري كله
سارة : مين متصل
عائشة : هذا نواف يمه
سارة : اجل قومي كلميه في الغرفة هناك
عائشة : بخاطرها اشوا ريحتيني يمه ولا ما كنت بكلمه
راحت عائشة للغرفة واول ما صكت الباب ردت على نواف
عائشة : بعد كل هذا تتصل من جديد
نواف تحطم : منوا اتكلمين
عائشة : اكلمك انت ,بعد لك عين اتكلم
نواف : عيوشة عيوني ودنيتي وناسي وش تتوقعين مني لما اسمع هالصوت اسكت ولا اوقف عن ذكر محاسنك
عائشة : بدينا ترا بقفل
نواف: لا طالبك لا تقفلين انا لي اسبوع ما سمعت هالصوت امحاربتني حضرتك كل يوم ادق كل ساعة كل ثانية افكر فيك رحميني اشوي بربع ساعة ولا نص لا ان صرتي كريمة ساعة
عائشة : نواف تدري عاد انت اخرتني عن النشاب للعشاء ابي اتعلم كيف انشب واعدل السفرة
نواف : ممكن سؤال ؟
عائشة : بس سؤال
نواف: هذا سؤال ولا
عائشة : هذا قولك مو تبي سؤال تسأل
نواف : والله فكرتك تقويلن امر تدلل انت اطلب وانا انفذ
عائشة : تبيني اقول لك هالكلام
نواف : مناي وطموحي هالفترة هذا الكلام
عائشة : اجل في امان الله راح اكلمك الليلة الساعة 12 ينفع ولا لا
نواف : لا ما ينفع انا عندي مواعيد الساعة 12
عائشة : مع منوا احسن لك تكلم
نواف : مع حبيبتي ونور هالعين ودواء الفؤاد ليما انه انقبض ما اقدر اتركها واكلم حد ثاني
عائشة : اجل طلعت على حقيقتك الحين تكلم منو هذي
نواف فرحان انه خلاها تغار: حبيبتي عيوشة هي الي معها الموعد
عائشة اقفطت من الحيا وصكت السماعة
نواف : يا بعد هلي الحمدلله اني خليتك تغارين احبك احبك احبك وبعد هم احبك
عائشة راحت للمطبخ اتكمل شغلها وتعلمها للنشاب
))مصيبة بناتنا ما يعرفون حتى انهم ينشبون الأكل ((
نورة : اهواك واتمنى لو انساك وانسى روحي وياك ولو ضاعت تبأ افداك عيوش وش فيك مستحية جاية وخدودك حمراء عيوش احسن لك اعترفي عيوش المستحيا
عائشة : نوير عقلي مو ناقصة
نورة : اكييد نواف كلمك منو غيره يسوي في عيوش كذا؟؟
عائشة : انوير عاااااد لا تخليني اكلم بو إبراهيم
نورة : منو هذا
عائشة : بنات الي يقول ما تعرفه عمتي قمر ما تعرف منوا بو ابراهيم
قمر: ولا ك هاي عبدالرحمن عرفتيه نورة
نورة : فديته دحومي يالتيه هنا يدلعني مو انتوا ولا هذي من يدلعه زوجها تستحي
عائشة : جد انك ما تستحين لو دلعك ما تستحين او تخجلين
نورة : ساعات وساعات بس في الغالب استحي بس تعالي كيف يكلمني هو هو ما ملك علي لسه انتظر هاليوم بس حاجزيني ميت من هالحجز كأني سلعة بس تدرين عادي انتظر دام انه دحومي اللي امحيرة له
كملوا البنات مع عمتهم قمر اعداد الطعام
في بيت ليلى
كانت ليلى مع اعيالها في الصالة الا ريم في غرفتها الي ما تطلع منها الا بس للكلية وبعدها ترجع لها كأنها سجن مؤبد بس للدراسة تطلع منها
وهالقرار منها هي مو من أي حد
ليلى : يمه منال شوفي اختك قولي لها تنزل جنبنا هنا
منال : انا مو رايحة يا يمه اخاف تزفني مثل كل مرة روحي لها انتي يمه
ليلى بخاطرها : انا اروح لها وانا سبب شقاها لا ما اقدر
حمدان: يمه قولي لي وش صاير لا تخلوني حيطة في هالبيت ما اعرف وش صاير فيه
ليلى : ما صار شي وهذا موضوع بيني وبين اختك والحين تعال قول لي متى اخر مرة رحتوا لعمكم بو راشد
سلطان : تدرين يمه جد قاطعين حنا المفروض نروح له رغم انه ما يقصر يجي هنا ويكلم تليفون ...خلاص حمدان عزمت على امر كل يوم خميس نروح له او يوم جمعة اختار واحد منهم
حمدان : الخميس لا هذا لأهلي والجمعة اخرالليل صعبة يعني خلنا نروح له بعد الصلاة مباشرة وكلنا بعد نروح مو بس انا وانت نتغدى عنده كل جمعة وهو راح ييرحب بهالشي
ليلى: عاشوا اعيالي كذا اتذكر ابوكم فيكم لأنه كان يحب الوصل ولا يحب قطعه
منال تهمس لأمها : يمه بروح وياك بس خلينا نقوم لريم مو عدله هنا احنا فرحانين وهي جالسة لوحدها اتكلم الجدران
ليلى : قومي معي بس لا تتكلمين خليني انا الي اكلمها
قامت ليلى مع منال والحقوهم سلطان وحمدان ليلى التفتت: وين رايحين خلكم هنا
حمدان : ماشاء الله عليك كيف حسيتي خلاص بنجلس هنا عسى الأمور تمشي مثل ما نتمناها
ليلى : ادعوا لنا
سلطان : الي يقول خاشين حرب
ليلى بخاطرها : والله اقوى من الحرب المشاعر صعبة تلعب فيها وصعبة اترجعها مثل ما كانت
راحت ليلى مع بنتها لغرفة ريم
تطق الباب منال ولا فيه حد يجيب
منال : يمه لا تدخلي انا بدخل وانتي بعدين ادخلي لما اناديك
ليلى : الله يعين عجلي ترا بمل لوحدي هنا
ادخلت منال وشافت ريم نايمة في سريرها
اجلست منال جنب ريم ورفعت خصلة كانت اتغطي وجه ريم
منال : ماشاء الله بدر بدر اختي في نص الشهر .....
منال تمسح على شعر اختها
ريم حست ان حد يلمس راسها وشعرها ))بخاطرها )) : اكييد انا مو في حلم لكن مين الي جايني هنا وحس فيني
ما افتحت ريم عينها ودها تتأكد بأحساس يدها
ارفعت يدها وامسكت يد منال
منال : صحيتي حبيبتي
ريم تفتح نص عينها تبي تتأكد اكثر
منال تمسح على شعرها من جديد : ها حبيبتي انا منال قومي بلا كسل
ريم تفتح عينها كاملة لكن افتحتها على دموعها الي انهمرت من شافت اختها
ريم : منال ليه كذا سويتوا فيني ليه خليتوني لوحدي صح انا اصارخ عليكم بس كان جلستوا جنبي منال انا تعبانة كثير
منال : حبيبتي ان اهنامعك وحتى امي معك بروحها وقلبها
ريم استعدلت وجلست : امي وينها امي بعد الي صار في بيت جدتي جرحتها وجرحت ابوي منال انا اسأت لأبوي بسبتي انا منال كيف اكفر عن الي سويته مو قادرة انام مو قادرة اركز بدراستي وكل هذا لني ما اقدر اواجه امي واعتذر لها
منال : مين قال لك امي زعلانة منك امي تحبك وهي اكييد تسمع كلامك هذا
ريم : وين امي منال ابي اشوفها مو لازم اتكلمني مو لازم اتسوي لي شي لا اطالعني حتى بس ابي اشوفها حرام ما اقدر على البعد والهجر انا انسانة احس بأمي امي ودها تذبحين بسبب الي سويته لها منال وين امي ابي اشوفها رحميني منال ابي اشوف امي
ريم ارتمت بحضن منال وانغمرت عيونها بالدموع بزيادة وارتفع صوت بكاها
ريم : يمـــــــــه وينك عن ابنيتك يمه رحمي حالي تعبت من العتب
ليلى : كانت تسمع صوت بنتها بس مو قادرة تستحمل الوقوف اجلست على الأرض عسى الأرض تستحمل همها وبخاطرها : يا رب بنتي تتعب بسبتي يا رب ارحمها هي صغيرة على الهموم تو بدري انها اتعاني وش اسوي لها الحين ودي احضنها بس مو قادرة سامي وش اسوي بنتي خلت ال يما تستاهل تتكلم عليك يا رب ابنيتي تصيح وانا مو قادرة احضنها
منال تسحب ريم من يدها تبي اطلعها برا
ريم : وين بنروح خليني هنا ما ني طالعة
منال : ماني اموديتك مكان بس بنطلع عند الباب قومي
قامت ريم مع منال وعند الباب من برا الغرفة
العيون تلاقت من جديد
وكان في خاطر ليلى هالكلام :
الزعل الا الزعل يا قلبنا
خوفي بكرة يندفع في عقلنا
حنا ما صدقنا نرجع من جديد
نلتقي عقب القطع ما ردنا
ودارت الدنيا وردينا لبعض
وما يصح الا انصفي اقلوبنا
كم قسينا والليالي كم قست
وكم حرمنا بدرنا من وردنا
والمثل يردد للملئ
لا حياة لمن ينادي بيننا
ما وعينا للحسايف وللندم
وما حسبنا نلتوي بذي العناء
ودارت الدنيا وردينا لبعض
وما يصح الا انصفي اقلوبنا
كلنا اهل وقرابة يا بشر
واحفظوا ماي الحياة في وجهنا
يا جماعة بس يكفينا صدود
وافهموا معنى العفوفي ديننا
ارجعوا يا اهل العقل لعقولكم
وارحموا جيل يجي من بعدنا
ريم : يمه سامحيني يمه ما اقدر على صدك وهجرانك لي
ليلى تتفح يدينها لبنيتها عشان تلمها
ريم تلم امها باقوى قوة عندها
ريم : اخيرا يمه رضيتي عني يمه انا من دونك ما اسوى شي يمه قولي انك سامحتيني خليني ارتاح
ليلى تمسح ادموعها واطالع منال : يمه حبيبتي ان اما ازعل منك ابد وانا امسامحتك عن أي شي صار
حمدان وسلطان كانوا موجودين يشوفون المشهد
حمدان : لا يمه حتى انا من زمان ما لميتيني
راح حمدان يلم امه
ومن بعده راحت منال وسلطان التموا حول بعض من جديد كلهم عيلة وحدة
ليلى : حبايبي خلاص مافي زعل بيننا
وان جا يوم زعلنا اجلسوا كلكم كذا وصفوا اقلوبكم بين بعض
حمدان : يمه لي شكوى على ريم
ريم تلتفت على اخوها : ...............
حمدان : ايه انتي من متى وانتي هاجرتنا عشان كذا قررنا ان حنا نطلع اليوم كلنا للظهران ونروح بيت خالي ابراهيم ولا وش رايكمdrawGradient()