[toola]

يوم الخميس الساعة الحادية عشر قبل الظهر في شقة وليد والجازي
في المطبخ كانت تغسل الصحون المتبقية من ليلة امس كانت تغسلها وهي لا تشعر فقلبها يفكر بشيء وهي تعمل شيء أخر . كانت اشعة الشمس تزعجها وكانت العصافير تغرد من دون توقف وكان صوت الماء يشعر بحياء جديدة متجددة كل يوم .
الجازي : افففففففففففففففففففففففف انتوا ما تفهمون خلاص عارفين كيف خلاص خلاص يعني ما فيه امل في الحياة خلاص يعني عيشتي هنا مالها لازمة خلاص يعني ماني زايدة شي على هالأرض خلاص يعني انا زايدة على الأرض خلاص يعني بصير حقيرة وأمعة مالها شخصية مع الريح اسير وين ماهي تسير خلاص يعني مافي زوج يحبني ولا يتودد لي خلاص يعني مافي صوت يزعجنا عند نومنا وزوج يعاتبني على صوت الياهل خلاص مافيه اعيال خلاص مافيه اعيال سمعتوا ما فيه اعيال انا عقيمة ما استاهل اكون زوجة انا لو صح زوجة جيدة كان قلت لزوجي تزوج علي روح خذ لك وحدة ثانية لكن انا توسلت له يبقيني على ذمته مع اني ما شفت يوم حلو وانا زوجته كنت في بيت اهلي معززة امكرمة ورحت لواحد حتى الحيوان ينفر منه زهقتيني انتي ليه تجين على عيني ما فيه امل لا تحاولون وانتي يالعصافير اكرهك اكرهك لا تغردين اتعورين قلبي زيادة كل يوم يهل علي كأنه يوم يقول لي خلاص النهاية قربت والعالم كله لا اليوم الجديد يقول له اليوم يوم جديد وأماني جديدة شفتوا اني مو من عالمكم خلاص الجازي خلاص ........حتى الي في امريكا خلاص كنت عايشة على امل اني اكون له رغم اني على ذمة رجال ثاني لكن كنت اشعر بأني بكون له اليوم ولا بكرة ولا بعد سنة بس خلاص ما احد راح يقرب لي انا مو ام انا بنت بظل طول عمري بنت من دون اعيال ليه انا اعور قلبي بهالكلام خل اغسل وبعدها اشوف التلفزيون يمكن فيه برنامج حلو .
صحت من النوم على نغمة الجوال وجلست تقرا
) الليلة ليلة انتظرناها من سنين الليلة راح تجمع احلى قلبين اللليلة راح اخلدها للعاشقين الليلة الشيخ راح يعقد على احى قلبين الليلة ليلة الوليد وحنين (
ابتسمت وكلها امل في حياة جديدة حياة انتظرتها من زمن حياة كانت تتوقع انها المفروض تبتدي من زمن لكن ربي قدر غير هذا تتمنى في يومها هذا كل امنية لعروس انها تعيش حياة زوجية تعمها السعادة وتحضنها الشوق للمحبوب تتمنى حياة قرتها في كل قصة حب بين عاشق ومعشق تتمنى حياة تسطرها كل كتب الكون تتمنى حياة مع وليد احلموا فيها من ايام امريكا الي كانت مولد لحبهم وهنا راح يكون موعد زواجهم والليلة راح يكون .
في امريكا الساعة الرابعة عند الفجر
روز مستلقية على ظهرها وتنظر للسقف الي مليان نجوم اصطناعية تشوف خلفية سودة لكن النجوم تشع وتعبر عن امل مهما كان الزمن يرسم بالسواد
روز : معاذ يا اغلى مخلوق بالكون
انت الوحيد الي دخل هالفؤاد المكنون
دخلت من دون ادنى تصريح
دخلت وتسلطت عليه
حتى انك وضعت تاج الحب على راسك
وكأنك تعلنها للملئ
انا الملك انا من احتل هذا القلب
وغيري ماراح يلقى مثل هالروح
وانا ما اخذت رايي
ما قلت لي قرار في حبك
نفحت كل عطرك وطيبك حولي
حتى اني ما انساك لو يوم
كيف انسى من خلا العيون سهرانة طول الليالي
كيف انسى من خلاني اصاحب الليل
واشكي له جفى المحبوب
مافي غيره معاذ اغلى ما في الكون
عصر اليوم راح يجمع بين قلبين
عصر اليوم راح يعلنها بيت جديد وحياة جديدة
عصر اليوم انتظرته لي سنين عديدة
عصر اليوم ربي بيبارك فيه
انتظر متلهفة ولظى حنيني إليك مشتعلة
خليل: بس بابه اغغغغغغغغغغغغغغغغغغغغغااه يا ربي سلمهم
عبدالعزيز: اموووووووووووووووواااااااااه امووووووووووووووووواااااااه
خليل : وش فيك الليلة احد طقك قلي بس انت جدي ولا ارضى حد يجيسك
عبدالوهاب يطلع من غرفته متضايق : خليل ازعجناك
خليل : افا يا عمي لا ازعجتوني ولا شي الا ونستوني من زمان ابي اسمع حس ياهل تدري انا الي ازعجتكم اعذرني تعرف معاذ العصر زواجه ولازم يرتب الغرفة زين وانا مالي غيركم اسكن عنده بس اليوم وبكرة بأجر لي غرفة
عبدالوهاب : شتقول انت احنا الي ساكنين عندكم وانتوا الي تتكفلون بكل شي عيب علينا ,انت بتجلس اهني معنا واحنا خلاص ما بقى شي وبنسافر
خليل : مليتوا من هنا
عبدالوهاب : لا والله بس تعرف الشوق للديار
خليل : تقولي انا عن الشوق لو كان باختياري كان هديت هالديرة مليت منها وارجع للسعودية اطهر البقاع واشوف اهلي هناك ااااااااااااااه كم اشتقت لبيتنا اشتقت لعبدالرحمن والمناجر معه والمطارح اشتقت للعنود وفلسفتها في الحياة اشتقت لحس البيت ودلعه جمانة اشتقت لأمي وابوي هذولا يكفوني.((خليل يشوف عمه يبكي )) وش فيك عمي عسى ماشر
عبدالوهاب يمسح دموعه : لا يا خليل بس جالس اتخيل الغربة كيف والفراق
خليل : لا الله لا يوقلها لك عساك ما تذوقها ان كنت كذا ما جربتها وبكيت كيف بتصبر لو هي حق وحقيقة
عبدالوهاب بخاطره : الله يصبرك يا خليل على الي انت فيه والي ناطرك لمى ترجع
خليل : المهم ترا خلاص رتبنا كل شي العرس حيكون على مركب شراعي بنطوف بالبحر احنا الثلاثة
عبدالوهاب: منوا
خليل: انت وحرمتك ومعاذ ورز وانا وحرمتي
عبدالوهاب: انت من صجك متى تزوجت
خليل : امس
عبدالوهاب : تكلم مين هي ؟؟؟
خليل : أسيل بنتك
عبدالوهاب: هههههههههههههههههههه
خليل : ليه تضحك هي الي اعرضت الزواج علي وانا وافقت وين بلقى مثلها بنت وين بلقى ابو مثل ابوها وام مثل امها هالأيام صعبة تلقى عيلة مثل هذي
عبدالوهاب ميت ضحك :ههههههههههههههههههههه
خليل : خلاص بضحك وياك اسكت .............. يا ربي سلمهم شوف بو سعود يضحك
عبدالوهاب : ما عليك منه طالع علي دايم يضحك بس بنتي اعرضت عليك الزواج جد
خليل: أي والله اسألها
عبدالوهاب : لا بس شكلك صعبت عليها
خليل : يمكن
عند المغرب كان الوليد للتو خارج من الحمام
يغني الأخ وليد : والليلة الللية الليلة الليلة الليلة الليلة الليلة قلبي معاها الليلة قلبي معاها
الجازي : ربي يسعدك زيادة وش عندك فرحان وتضحك
عبس وجهه الوليد : انتِ كذا وبتظلين كذا تحقدين على الي يفرحون انت حقودة تكرهين الكل وش دخلك فرحان ولا لا المفروض تفرحين معي مو تغبطيني وتتمنين زوال الفرح من قلبي لكن وش اقول انغشيت لو انك حرمة سنعة كان تعدلتي ولبستي شي زين مو ريحة البصل على ملابسك عيشة اتجيب الهم طلعي برا الغرفة يلا طلعي
الجازي تسمع وهي منصدمة :خلاص فعلا مثل ماقلت خلاص
وليد : خلاص ايه خلاص انتي شي من الماضي والي اشوفها الحين الشبح مالها
الجازي : والله لتندم طول عمرك على الي سويته فيني وراح اخذ حقي منك باذن الله
وليد يسحبها لخارج الغرفة ويطيحها على الأرض : ولا عشرة من امثالك يهزوني
بعد ساعتين كان يعقوب مع الشيخ الي بيملك على حنين على الوليد وهو مو داري انه راح يشهد في زواج وليد
يعقوب : يا شيخ تأخرنا كثير
الشيخ : في العجلة الندامة وفي التأني السلامة ما احد يدري وش الصالح فيه واحنا ما تأخرنا بس ما ادر يوش فيك مستعجل
يعقوب : يا شيخ ما تدري وش كثر أعز هالبنت هي أختي ولازم استر عليها
الشيخ : الله يخليكم لبعض
في امريكا
خليل : معاذ اسرع
معاذ : لا
خليل : بسرعة الكل ينتظرنا هناك
معاذ : لا
خليل : خواف , ما تبي تموت
معاذ : ايه ما ابي اموت ابي اعيش ابي ليلة بس ليلة تكفيني
خليل : الله يخليكم لبعض ويفرحكم ..............
معاذ : وش فيك سكت تكلم ابي حد يتكلم ماني امصدق اني بتزوجها
خليل : وش اقول لك غير الله يوفقكم
معاذ : لا لا تكذب علي انت بخاطرك شي
خليل : أحس اني خنتها من زمان ما ذكرتها يمكن لأني شفت عمي عبدالوهاب نسيتها ما ادري انا خاين ولما صرنا بالواقع الحين وبتتزوج خلاص روز تذكرتها تدري انا نذل وطماع ما اتذكرها الا لما احتاجها وهي مو مثلي انسانة هي مو يمكن محتاجتني مويمكن تبي امساعدة صدق انا نذل ما افكر الا بروحي وين الحب يكون سامي وانا افكر بنفسي معاذ ابي اعرف حالها ابي اعرف هي فرحانة ولا لا معاذ شور علي ابي الجازي معاذ ابيها ابي الي ما اقدر ارجع للسعودية بسببها ابي ارجع والاقيها تنتظرني معاذ انا طماع قابل بس ابيها معاذ تكلم تراني انسان والشوق كاويني هي متزوجة متزوجة حبيبتي متزوجة معاذ حبيبتي متزوجة (خليل جلس يبكي ومعاذ ينظر له (
معاذ : خليل مو انت تحبها مو تهمك راحتها مو انت تركت البلد عشانها هي بس مو انت تغربت عشان تفرح كل هذا نسيته خليل ادعي لها هذا الي تبيه منك بس ادعي ان ربي يسعدها مع وليد
خليل : لا تقول اسمه لا تقوله قدامي هذا سلب مني حياتي وفرحتي هذا الرجل ماراح اسامحه عمري كله ولو الود ودي اذبحه اذبحه هو ذبحني الف مرة ابي اذبحه انا بس مرة وحدة بس مرة خله يذوق النار الي بصدري معاذ وليد طعني ولا طعني الا بأغلى مافي الكون عندي (كمل بكائه) تدري راح احرق قلبه اللهم اني اسألك خير ما تعلم لها وأعوذ بك من شر ما تعلم لها الله م ان كان طلاقها منه خيرا فطلقها منه وان كان خير وان كان خير وان كان خير
معاذ : وان كان خير فأبقها معه لازم ترضى بالواقع
خليل : لا انا الي اصنع الواقع ربي اعطانا عقل وراح اصنع الواقع الي ابيه والحين يالنذل ليه اتذكرني فيما مضى هذا يومك انت وروز والمفروض ما ترضى لحد يزعلكم
معاذ : اسكت لولا الله ثم انت ماعرفت روز ان كان حد يستاهل اشكره فو انت كافي تأجير الانش تدري صرنا غرب
خليل : مو جلسنا عندهم اكثر من اربعين ليلة خلاص صرنا منهم ولازم انحاكيهم وهذي هدية زواجكم مني ولسه باقي هدية عمي وزوجته
معاذ: وين بروح عن كرمكم يا عيلة عبدالعزيز
كملوا الشباب طريقهم للبحر
يعقوب : هذا احنا وصلنا للبيت اخيرا
الشيخ : مو قلت لك في التأني السلامة وفي العجلة الندامة
يعقوب : صدقت يا شيخ والحين يله خلنا ننزل
نزل يعقوب مع الشيخ واتجهوا لبيت حنين
الشيخ : يعقوب
يعقوب : ..................
الشيخ : يعقوب تسمعني
يعقوب : ها وش قلت
الشيخ : لا انت مو وياي وين راح بالك
يعقوب : لا يا شيخ هذا انا وياك
الشيخ : كنت ابي اسألك وش تقرب لك البنت
يعقوب بخاطره : مو كأنه سيارة وليد وش جيبه هنا لازم يعرف حد هنا معارفك كثير يا ولد عمي لو ما اعرف انك تحب اتخاوي الناس ولا قلت انك هنا ببيت حنين هههههههههه وش فيني انا استجنيت خلنا ندخل احسن
كان باب البيت مفتوح وفيه اصوات في المجلس
يعقوب : اكيد كلهم هنا حياك الله يا شيخ تفضل
فتح يعقوب الباب للشيخ والشيخ دخل وسلم على الجماعة لكن يعقوب وينه كان جالس في الخارج يكلم تليفون
يعقوب : الجازي وش فيك تكلمي
الجازي : خلاص يا اخوي ما اقدر الحق علي يعقوب ان كنت تحبني تعال لي الحين
يعقوب :الحين انا في ملكة الحين
الجازي : هدهم وتعال يعقوب اسألك بأغلى ما في الكون أسألك بربي تعالي مو قادرة بنتحر يعقوب خلاص مو قادرة ((بأعلى صوتها )) يعقوب الحق علي
قفلت الخط وصوتها لازال يتردد في أذن يعقوب
يعقوب : اختي وش فيها الجازي وش فيها
طلع يعقوب ولادخل للجماعة يسلم عليهم حتى او يستأذن من الشيخ
في الطريق
يعقوب : الووووو
الشيخ : السلام عليكم
يعقوب : وعليكم السلام يا شيخ اعذرني واستسمح من الجماعة حصل لي ظرف طارئ ولازم اروح اسف يا شيخ وانت فيك البركة اعقد عليهم كنت اتمنى اكون شاهد لكن سبحان الله ربك مو امقدر هالشي
الشيخ : الله يستر عليك وما قصرت رايتك بيضاء مع السلامة تركد في لخط لا تسرع
يعقوب : ان شاء الله مع السلامة
ابو حنين : ها يا شيخ وين يعقوب
الشيخ : يعقوب يتعذر منكم حصل له ظرف طارئ ومشى
ابو حنين : ان شاء الله خير
الشيخ : خير ان شاء الله هو يبارك للمعرس ويبارك للمعرسة والحين وين الشهود
في امريكا على المركب
عقد قران معاذ وروز على ظهر المركب المأذون نزل من المركب والبقية تحركوا بالمركب
معاذ : ياهووووووووووووووووو مو مصدق فيه حد يضربني كف ممكن
كان الكل متجمع حول معاذ وروز
خليل : انا بضربك كف
طررررررررررررررررررررررراخ
معاذ اييييييييي
روز عصبت وقامت : خليل !!!!
خليل : والله انا عبد المأمور
معاذ : خلاص سويت احلى امنية عندي روز ادافع عني الله من زمان عن هذا
خليل : اقول تراني اغار بقوم عنكم
عبدالوهاب : أي والله الجو جو شاعري ولا يا مها
مها : أنت ابخص وين الهدية
عبدالوهاب : صح ذكرتيني ........((مد عبدالوهاب شيك لمعاذ )) تفضل معاذ هذي هدية زواجكم واعذرني ان ما شريت لك شي لأني ما اعرف البلد
معاذ : ايش هذا من جدك انت 20000 ريال كثير والله
عبدالوهاب : لا تزعلن منك هذي عشرة مني لك وعشرة من مها لروز وانتوا ما قصرتوا اهتمييتوا بولدنا في الغربة ولازم نرد شي من الدين
خليل : الله ليتني ارجع لأهلي ولا اقول لك خلاص بتم هنا تعالوا لي على طول وكل واحد يقول لي هالكلام الحلو لا تنسون بس حظه بعض الناس بيكسب فلوس كثيرة
الكل : ههههههههههههههههههه
كلن تفرق معاذ وروز مع بعض
مها وعبدالوهاب مع بعض
اسيل وعبدالعزيز مع بعض
لكن بقى هو لوحده في اخر المركب يشاهد البحر بقى لوحده يشكي للبحر همه وشوقه لمحبوبه
خليل والراحة امبينه على وجهه:
انقطع فكري وبنات فكري الا بك
ما ادري ليه انتي الوحيدة الي بوجهي
ما جيتي لا في الشروق ولا في الغروب
جيتي لما قلبي نشد عن شوقي وحنيني
اعذريني يا الغلا على الهجرو الجفا
اعذريني اني نسيتك دقايق او ثواني
اعذري قلبي لما نسى من بعرشه حوى
عاتبي روحي انقطع مرسالها بالوصالي
انقطع عني شوقي وحنيني وذكراك والهوا
من بعدها عشت في أدنى دنية بالدنيا
انشغلت بالمادة والتراب والمال الزوالي
ونسيت كم كنت اعاني الظمأ ولوعة القلبي
منيتي ابقى طول عمري وصورتك بعيني
تتبارك عيوني بحلاياك في اول اليومي
واغمض العين وتكونين اخرختام مسكي
منيتي اضمك وارتحل عن العالم برحالتي
اطوف الدنيا واتبهى باجمل نساء الكوني
كيف اضمك ترتعش يدي وينتفض جسمي
ما اصدق انك بقربي ما اصدق حتى لوقبلتي
اعذريني كنت جاهل بالي امتلكه بالحشا
عندي ريانة العود وصفها باهي الجمالي
غارت العواذل وتمنت حبي لها كالجازي
لا تهجريني حتى لو كان مني الهجروالجفا
ارسمك بريشة فنان الحب في لوحت سنيني
واجعل الواني هي حروف شوقي وحنيني
اكبرذنوبي اني سمحت لك دخول قلبي
شكلتي غرفه بألوان الحب وعطرتيها بطيبك
ذنبي اني ما كنت حجر صدك وردك عني
ذنبي اني كنت انتظرك تدقين باب فؤادي
دنيتي هي حروف عشقي اثقلتني اتعبتني
وريشة حبرها والوانها من دون كذب انتي
ظل خليل على حاله إلى ان رجع المركب للساحل من جديد . كفاه انه تذكر مهجة القلب الجازي.
توقف السيارة بشكل غير طبيعي ينم على ان صاحبها خايف وجاي بسرعة نزل يعقوب من السيارة متوجه للعمارة الي تقطنها الجازي
يعقوب : الله يستر اول مرة اشوف اختي بهذي الحالة وش بقول لحنين ......حنين لا خلاص ان شاء الله بتنساني بينسيها زوجها كل شي يكفي انهم متحابين
دخل يعقوب العمارة وركب المصعد الي بدوره وصله إلى شقة الجازي
الجازي كانت بغرفتها مستلقية عل السرير تصيح على حالها
اخترق سكون الصمت جرس الباب من اسمعته حست بأن فيه امل فيه امل انها تعيش من جديد حتى لو ما كان امل حتى لو كان وهم لازم تتعلق فيه من دون امل ووهم وش بيبقى لها اجل
تفتح الباب واول ما شافت الزاير احضنته ما خلته يدخل لا احضنته وهو برا الشقة
يعقوب : حبيبتي وش فيك ليه اتسوين في روحك كذا
الجازي : يعقبوب اذا تحبني لا تخليني هنا خذني معك رجعني بيتنا
يعقوب : جازي وليد سوى فيك شي
الجازي يمر شريط حياتها مع وليد بسرعة الطيف
الجازي بخاطرها : متى شفت منه خير متى حبني هو اساسا ولا عاملني على اني انسانة ضرب واهانات مالها اول ولا اخر وفي الأخير ربي يمنعني من احلى امل بحياتي بعيش له اني اكون ام استغفر الله العظيم وش اقول انا حسبي الله عليك يا وليد الي خليتني ما اعي أي شي يا رب خلني اشوف فيه يوم يارب .......... وش بقول ليعقوب اقول له ان وليد طقني او يسبني عشان انه ساتر علي اقول له اني عقيمة مين بيدافع عني بعدين من وليد بيقولون زين هو ساتر عليك لا خلاص ماني قايلة لأخوي شي وش اقول له
يعقوب يخترق الصمت الي بينهم : الجازي سمعتي وش قلت لك وليد سوى فيك شي
الجازي والدمعه على الخد تعلن ان ما فيه امل ولا وهم تعيش له لكن يبقى حلم بقظة يمكن تتعلق فيه : لا ماســـــــــــوى فيني شي بس ان مزعجته خايفة هنا لوحدي ما اتعودت على الوحدة ووليد عارفه واحد ما يحب يجلس كثير في مكان واحد طلعاته كثيرة وانا لوحدي ابقى
يعقوب يمسح دمعة الجازي : حبيبتي ماني امصدقك باي تقولينه الي يسمع اتصالك يقول ان فيه شي ومستعجل بعد قولي لي انا اخوك سندك وظهرك
الجازي بخاطرها : خوفي ظهري ينكسر خليكم كذا عايشين على اني سعيدة اقلها اعرف انكم معي اما انكم تعرفون اني اني اني لا لا ماراح اقول خلكم كذا ما احب هالكلمة اكرها اكرها
يعقوب : حبيبتي فكي عني اشوي وقلطيني داخل ولا ما عندكم عصير اتضيفوني فيه
الجاز ي: اسفه كنت مشتاقة لك ونسيت كل شي تفضل يا اخوي البيت بيتك واحنا الخدم عندك وش تبي عصير توت فراولة رمان مانجا أي شي طب وتخير ولا اقول لك وش رايك نطلع نتعشى من زمان ما طلعت
يعقوب : تدرين صادقة خليني انسيك شي من الي فيك
الجازي : اتنسيني ماراح تقدر الي فيني ما يقدر حد يشفيه غير انسان المهم يله بروح اغير ملابسي وانت خذ جولة بالشقة اول مرة تدخلها حتى هدية الشقة ما عطيتنا
يعقوب : انا اعطيكم هدية انا طالب يعني زين اتكفيني المكافئة بس عشانك بجيب لكم احلى هدية بشري والحين عجلي لبسي ملابسك
راحت الجازي اتغير ملابسها ويعقوب جالس يشوف الشقة
ام حنين : لولولولولولوشششششششششششششششششش اللهم لك الحمد يا رب ان ابنيتي تزوجت اللهم لك الحمد
حنين والعبرة بعينها : فرحانة لي يمه جد فرحانة
ام حنين : أي يمه فرحانة ليتني دوم اشوف هالأبتسامة على وجهك ان ما فرحت لك بفرح لمين
حنين : اول مرة احس بجو العيلة اللهم لك الحمد يمه خلاص بجلس جنبكم
ام حنين : وشو لا لا ما ابيك خلك عند زوجك
حنين : مو توك فرحانة لي هههههههههههههههههه
ام حنين : تختبريني انتي لو وحدة مكانك كان الحين متلهفه لزوجها وينه عنك هو
ابو حنين : ها يا بنات
ام حنين : سم يا ابو حنين
ابوحنين : بو خالد يبي يشوف مرته ولا عندكم راي ثاني
ام حنين : لا حياه الله خله يتفضل مافيه حد غريب يا بنات الي تتغشى خل تتغشى واللي تبي تطلع تطلع وليد بيدخل زوج بنتي بيدخل
دخل وليد وجلس جنب حنين الفرحة مو سايعه الأثنين كل واحد فيهم فرحان اميته تحققت الحلم الي كانوا يحلمونه وتأملوا فيه خير تحقق وش يبون اكثر من كذا
وليد : حنين
حنين : لبيه يا عيون حنين
وليد : فرحانة
حنين : لا
وليد : كيف مو فرحانة وانا فرحان لأني جنبك اخيرا تحقق حلمي انك تكونين زوجتي
حنين : انا بموت من الفرحة مو امصدقه وليد حبيبي صار زوجي تذكر معي ايام الجامعة كيف كنا كيف كان حلمنا بالزواج الحمدلله ربي حقق حلمنا ااااااااااه انتظرت هاليوم من زمان يا وليد .....وليد اوعدني
وليد : اوعدك بايش
حنين : انك ما تتخلى عني ابد وتحبني كثر حبي لك
وليد :تعالي عطيني مقدار حبك
حنين : شفت هالكرة الأرضية لو وزعت عليهم حبي يكفيهم يعمرون فيه طول عمرهم
وليد : ليتني مثلك احب او احب بمقدار حبك انا اناني ما احب غيرك يعني ما اقدر اوزع حبي لأحد
حنين : اكييييييييييييد حبك لي وحدي
وليد : حنين مانتي زعلانة ان ما فيه حد من اهلي هنا حضر زواجنا
حنين : انا شريتك انت مو اهلك واهلك لاحقين عليهم بنتعرف عليهم وراح اصبر لي انانتعرف على كل فرد من عليتكم ....تعال قول لي شفت يعقوب
وليد : أي يعقوب
حنين : أي جاب الشيخ
وليد : ما جاء حد مع الشيخ بس هو لوحده
حنين : وش فيك يعقوب
وليد : صبري تذكرت فيه واحد كلم الشيخ واعتذر منه قال جا له امر طائ ولا قدر يدخل اعتقد جا هنا بس توه بيدخل مشى ...بس تعالي من هذا يعقوب
حنين : يعقوب هذا شاب اصغر مني سوى لي خير كثير عند بعادك هو الي خلصني من الي يهددني
وليد : تدرين ودي اشكره لأنه هو السبب في تجمعنا هنا وينه بس
حنين : اعطيك رقم تليفونه بعدين بس والله خايفة وش فيه ان شاء الله بخير هو
وليد : ان شاء الله اقول مو كثرتي مدح فيه وخذتي قسط من قلبك له
حنين : انت تغار منه هو سبب سعادتي معك كيف تغار منه
وليد : انا اغار من ظلك الي دايم جنبك مو من يعقوب بس
حنين اخجلت هنا ونزلت راسها
وليد : الله وش كثر منتظر هاللحظة حنين
حنين : سم
وليد : احبك احبك احبك
حنين : وليد شوف العالم اطالعنا
وليد : ما يهمني حد الا انتي وحبك لي
حنين : انا مو هنا بقول لك بعدين بقول لك شعوري اتجاهك
وليد : اجل يالله خلينا نمشي ابي اسمع منك
حنين تمسك وليد الي كان من جده بيقوم : وليد اجلس لا تفشلنا خلنا نجلس اقلها ساعة شوف العالم اطلع
وليد : ما عليك منهم تخيلي ان ما فيه حد هنا
حنين : اجل انا اعشقك مو احبك
وليد : الله يخليك لي
حنين : امين
كملوا حنين ووليد ليلتهم ومن بعدها راحوا لشقتهم الي استأجرها وليد له ولحنين
يعقوب والجازي يتمشون على البحر بعد وجبة دسمة من مطعم هندي اسمه غازي
يعقوب : الجازي وش اخبار عمتي شيماء
الجازي : عمتي شيماء امممممممممممممم عمتي ولا بنت عمتي
يعقوب : الجازي دامك تفهميني ليه ما تسمعيني وتقولين لي اقول لك الي بقلبي
الجازي : متى انا شفتك عشان تقول لي كذا الحين خلاص بسمعك يكفي ارسم البسمة على شفاتك
يعقوب : اااااااااااااه من زمان ودي حد يسمعني والحين لقيته لقيتك الجازي اجل سمعي
الجازي : انا كلي لك بس تكلم
يعقوب : تعبت منها الجازي ما ادري وش فيها تدرين احس تكرهني احس انها ما تطيق تشوفني
الجازي : صبر صبر كيف عرفت
يعقوب : اكثر من موقف بين لي هالشي انه تكرهني او ما كانت تكرهني بس الحين تكرهني الجازي انا احبها ابي اتزوجها بس ما اقدر ارتبط بوحدة ما تحبني اخر مرة في المزرعة شفتها وشفت عينها مليانة كراهية علي تدرين كرهت نفسي ذاك اليوم كرهت اني موجود هناك بسببها
الجازي :حسبي الله عليك عنودوه خليتي اخوي يكره نفسه
يعقوب : لا الجازي الا العنود لا تقولين عليها شي ما ارضى عليها
الجازي : بعد كل هذا تحبها
يعقوب: ما كنت أأمن بمعنى الحب لكن ما ادر يوش جاني بسببها تدرين تدودهت لما شفتها احس بشي غريب اتجاه احس لة تطلب مني الكون كله راح اسعى لها اني اجيبه بس ابيها تطب وراح تشوف وش بسوي لها ما تدرين انتي وش معنى الحب الي بقلبي لها
الجازي : انا ما اعرف معنى الحب لو تسأل أي حد في الوجود ماراح يعطيك معنى الحب الحقيقي تدري وش معنى انك تحب انسان
يعقوب : ما ادري الي احس فيه شي غريب ومتأكد انه حب
الجازي: يعقوب تدري وش اعظم معاني الحب .................. انك تضحي بحبيك ان كانت مصلحته مع غيرك ان كانت سعادته مع غيرك هذي اعظم معاني الحب بنظري اهم شي حبيبي يكون سعيد وفرحان اما انا مو مهم كثر ما هو مهم
يعقوب : لا ما اقدر اضحي فيها مستحيل انا طماع اناني قولي الي تبين ما اني اهدها مستحيل مستحيل
الجازي : لا ان شاء الله ما تتفرقون وابشر بالمساعدات مني راح اخلي قلبها يحن عليك بس ها مو اتفشلني لازم تتزوجها وتخطبها خلك سبع مثل ادحيم مارضى ان حبيبته تطير من يده وخذ نورة
يعقوب : عبدالرحمن هذا شي ثاني تدرين من بعد العزى ما شفته وان شفته يتصصد عني ما يبييكلمني سعيت له بس هو مو راضي حتى استسمح منه
الجازي: يعقوب تحس انك خطيت عليه
يعقوب : مو الفكرة اني خطيت عليه ولا لا لو انا مكان عبدالرحمن وش بسوي غيران يبسوي نفس فعله وزيادة الي صار لبيت عمي مو سهل وخاصة عمتي وامي شيماء جاها شي ماهو بسيط تخيلي احد يطعن في شرفك وش بتسوين وش بيسوي ولدك للي يقول كذا لو حطينا روحنا مكان الغير قبل لا نحكم على أي شي كان انحلت كثير من القضايا
الجازي : لا تخاف يعقوب راح تتصالحون اضمن لك دام انت بهذا القلب بتتصالحون بس خل عبدالرحمن لوده هذي الأيام لا تقرب له هو يبي ينفرد بحاله يبي يكون قريب كثير لأهله
يعقوب : الجازي تظنين كل شي بيرجع زي ماكان واحسن
الجازي اتقرب للبحر اكثر وتوقف امقابله : راح نرجع مثل قبل واحسن بس لازم فيه تضحيات ولازم نكون احنا كلنا هنا مو واحد في غربة والثاني ما نشوفه لازم نكون هنا كلنا .....يعقوب اطلب منك طلب