الجزء الـــــــــــــعـــــــــــــاشر
ما قلت ما حبك ولا أبغيك تحزن ولا قلت أحبك وألتزم في وعودي
ابغيك تتفهم ظروفي وتذهن أنا احترم شخصك بلتزم في حدودي
علي:ميرة ميرة أنا آسف انتي استفزتيني
ميرة:............................ (تصيح )
علي:ميرة خلاص قتلج آسف
علي راح عندها ولوا على كتفها
بس ما حس الى بواحد واقف وراه يطالعه بعصبيه
خليفة: علوووووووووووووووو تخبلت
علي: اوف زيغتني يا ريال تحريت حد واقف عند الباب....... اذا حد يا قولي
ورد يصد على ميرة
خليفة: فتح عينه: علووووووووووووو
بس علي ما حس الا بميرة توقف وتظهر من المطبخ
علي: استانست الحييييييييييييييييييين علو وعلو جنك الحين عاد مووووووووول
خليفة: علي الي تسويه غلط
علي: فكنا يا رياااااااااااال هذا كله عسبك وأنت مب مقدر
خليفة: فج عينه با ستهزاء:شووووووووووووووو أخوية انا شو يخصني انا قتلك غازل
علي: كنت بخليها ترمس وديمة عنك يا الاهبل بس عاد الحييييييييييين خلا أنا أرمسها بالأول
خليفة :وانا تحريتك تحبها وما تبغيها تزعل تصدق ميرة ما تستاهلك
ظهر خليفة من المطبخ
علي( الحين أنا ما أحبها منو قال هالرمسة بس انا كنت أحاتيه هالثور صدق الي قال جزاء الاحسان رفسة حصان )
.................................................. ...............
بيت بو سعيد
في الصالة عند اليدة
الكل كان يالس سلطان وخليفة ومنصور وسعيد واليدة والريم
دخلت عليهم ميرة وكانت متغشية :يلا سلطان بنروح
سلطان:يلا
اليدة: مثل ما وصيتك ابوية
سلطان: ولا يهمج يدو
اليدة:هي جي اباك
سلطان:ههههههههههه
طلعوا وظهر في ويهم علي
علي: بتروحون
سلطان:هي وانت
علي: انا بعد بروح شو يلسني
كل واحد ركب سيارته وعلي كان مركز على ميرة
الي من ركبت السيارة لين الحين ساكتة
سلطان صد صوبها مستغرب :بلاج ميرو ليش ساكتة
ميرة :لاء نعسانة
سلطان: هي انزين
ميرة سكتت بس لاحظت عيون سلطان الي كل ساعة تطالعها بتشكك
.................................................. .................................................. .
ليه احرق اعصابي ... وافتح للتعب بابي
انا ادري ومتاكد .. حضوري يشبه غيابي
بيت بو سعيد
غرفة شمة
دخلت الغرفة وصكرت الباب بالقو
شمة نقزت من مكانها :بسم الله بلاج
الريم:اخوووووووووووووووووووووووووووج هذا يابلي الضغط والسكر
شمة:بلاج شو استوى
الريم كنا يالسين في الصالة بعد ما راحوا الكل ما تم غيري انا ومنصور وماماتي
اليدة: الريم قومي صبيلي قهوة أماية
الريم صبت حق اليدة وعطتها
منصور: من الذوق تسأليني جان أبا ولا ما تعرفين
الريم: صبتله وعطته
منصور:تنهد ما أبغي
الريم: وهي معصبة تتطالعة
منصور:يبتسم باستهزاء : انا قتلج من الذوق تسأليني ما قتلج ابغي بس ما بردج
الريم وهي تعوي بوزها (يالة عاد ما أروم انا على الجنتل ) :بلاك تطالع الفنيان خذه
منصور: برد هذا صبيلي واحد ثاني
الريم: صبتله وعطته
منصور: عيل يدوه الريم ما تقصر وياكم في البيت شكلها خبيرة في سوالف الطبخ
الريم يستهبل هذا ولا شوه )
اليدة: الريم بيضة ما تعرف تسوي تباها تطبخ
منصور:هههههههه تدرين يدوه يبالها كورس هني
الريم باستهزاء: لا مشكور ما أحب الطبخ
اليدة: صدقه بتنفعين عمرج ...... بعدين باجر اذا عرستي شو بتسوين
الريم: ما يحتاي شي طباخين
منصور: مشكلة تصدقين اذا عرسنا ما أبغي أكل الا من أيدج
الريم قامت من مكانها معصبة وهي تسمع ضحكة منصور واليدة ترن في اذنها
شمة:والله منصور ههههههههههههههه
الريم: اضحكي أنتي شعليج
شمة:انا برقد أحسلي
الريم:أووووووووووووف
( اوني بخليه يحبني يولي خسي والله انا أحب هذا بموت وبيرتفع عندي الضغط وما بيحبني نذل ادريبه انا كل الي بسويه بتجنبه لين ما نرجع الشارجة)
.................................................. .................................................. .......
مسموح ابعد عن هواي مقدر اجامل وأخدعك
واسمحلي لو تلقى سواي غيري ترى ما ينفعك
بيت بو هزاع
غرفة هزاع
:اوووووووووف شو تبين انتي الحين
:هزاع بلاك أقولك خاطبني وأخوية يقولي وافقي
هزاع: وافقي ليش ما توافقين الريال زين
اليازية: هزاع أنت ما تحس
هزاع:أنتي تراج ما تحبيني وتبين تقطعين علاقتي بج
اليازية: كنت عايشة في وهم أنتي بقدر انساك بس ما قدرت(وهي تصيح)ما قدرت هزاع حرام عليك والله أحبك
هزاع: والمطلوب
اليازية:وهي تصيح بصوت اعلى
هزاع دمعت عينه: اليازية تتذكرين يوم كنت اقولج بخطبج شو سويتي هديتيني وقلتي كل شي ينبني على غلط ينتهي غلظ والحين بعد ما تعودت على فراقج تقولين جي
اليازية: لا تكابر انا أدري انك تحبني
هزاع: باستهزاء: كنت صدقيني ياليازية كنت ....... والحين عندج شي بتقولينه تراني تعبان وابغي ارقد
اليازية: حرام عليك انت يالس تعذبني
هزاع: وانتي مب حرام عليج يوم عذبتيني خلاص يا اليازية قلبي عافج
اليازية:هزاع
هزاع:ربي يحفظج
صكر هزاع التلفون وما يدري الي سواه صح ولا غلط كل الي يعرفه انه ارتاح لما ردلها الطعنه والالم والعذاب الي عيشته به وخلاها تعيش هالالم والعذاب
.................................................. ................................................
عذرك اعرفه كل يوم تقوله
اسف حبيبي قلتها بالملايين
افهم ترى ود كل شي اصوله
والحب له ناس على العهد وافين
اول ما دخلت الغرفة عقت عمرها على الشبرية وتمت تصيييييييييييح لين ما حست بالمبايل يرن بس ما ردت تعرف انه هو الي يتصل
انقطع الاتصال بس ما مرت دقيقتين الا وهو يرد يتصل مرة ثانية وثالثة ورابعة
بس بعدين خافت حد ينتبه على المبايل وردت عليه:الوووووو
علي: ألووووو
ميرة بصوت مبحوح :شو تبا
علي: خليني ارمس لين الآخر
ميرة:ارمس بشوف شو بتقول
علي: ميرة انا احبج والله احبج وادري انج تحبيني لا تضيعين حبنا عسب شي ما يسوى
ميرة: ما يسوى تكلم غيري وتقول ما يسوى
علي: لحظة ضعف غلطة بعدين ميرة انا مثل كل ريال احب الي يهتم بيه
ميرة:شو يعني تباني أرمسك لو اختك جان رضيت
علي: قتلج بنعرس ما رضيتي
ميرة: هاي حجتج (وهي تصيح) حراااااااااااام عليك انت ذبحتني
علي: ميرة فديتج لا تصيحين والله احبج واموت فيج
ميرة: علي ما ابغي أرمس صكر
علي: ما بصكر لين ما تقولين مسامحتني واوعدج ما أكررها
ميرة: علي ما ابغي أرمس
علي: ميرة بخطبج من ابوج باجر
ميرة: علي صكر
علي: انزين بس قوليلي تحبيني
ميرة: حسافة يا علي ما قدرت حبي لك مع السلامة
صكرت ميرة التلفون في ويهه
اما علي فر المبايل على اليدار وتكسر :أوووووووووووووووووووووووف
.................................................. ....................................
كل ليلة تمر يكبر غلاك
ماسكن قلبي من الدنيا سواك
احبك حب يسمونة هلاك
روضة كانت يالسة ترقد عيالها واندق الباب استغربت منو ياينها الحين قامت تفتح استغربت
روضة:سالم
سالم: ممكن أدخل
روضة: تنور حبيبي
سالم: شحالج
روضة: بخير انت علومك ها شو العرس
سالم:زين خلينا من العرس الحين أنا ياينج بموضوع ثاني
روضة نزلت راسها لأنها عرفت الموضوع
سالم:سمعت أنج بتردين ويا ريلج باجر
روضة:هي
سالم:روضة أنا ادري أنج ما تبين تردين قوليلي وصدقيني بوقف وياج.............. محد بيروح يغصبج...........
روضة:سالم انا الي أبغي ارد
سالم: جذابة مب انتي يا روضة لو وديمة بصدق بس انتي ما أظن تهون عليج نفسج
بس أبغي اعرف شو سووبج.....................
روضة:منو هم
سالم:أماية وخالد
روضة: ما سوولي شي
سالم: روضة انتي كنتي مصرة على رايج فجأة غيرتيه لييييييييييييش قوليلي وصدقيني بوقف فياج
روضة: فكرت في عيالي
سالم:يعني ما بتقولين
روضة:ما عندي شي اقوله
سالم:عيل أنا بسير بس اذا يوم من الايام غيرتي رايج صدقيني ما يردج الا لسانج وأنا أول واحد بوقف وياج
روضة:أدريبك ما تقصر يا بوغنيم
سالم ابتسم باسى على اخته وقام بيظهر
روضة :سالم
صد عليها
روضة:زعلان مني
سالم ابتسم:لاء بس ان شاء الله ما تكونين انتي زعلانة من نفسج
ظهر سالم من عند روضة
روضة وافقت ترد مب لأنها خايفة او زايغة ولا لأنها اقتنعت بكلام خالد روضة ردت لأنها خايفة على اخونها يضاربون وتصير بينهم مشاكل بسببها وخايفة من كلمة مطلقة وخاصة وهي تدري بتأثيرها على المجتمع
يوم الخميس
الساعة 
30 الصبح
الكل مرتبش عسب اليوم عرس سلطان
حتى هزاع نسى اليازية ووقف ويا ولد عمه في هاليوم
هزاع:شو المعنويات سلطوووون
سلطان:تدري كلهم لما سالوني قلتلهم عادي الا انت زايغ تصدق
هزاع: عاد شو بنسوي الحين من اليوم ورايح ماشي ظهرات مثل قبل تتحاسب على كل ظهره ههههههههههه
سلطان: تهبي مسود الويه ما باقي الا حرمة تتحكم بيه
هزاع: بنشوووووووووووووووووووف .......... الا ما قلتلي
سلطان: هلا
هزاع:حد يدري انك منقول دبي
سلطان:لاء
هزاع:ما يصير جي سلطان
سلطان:ما علي عادي
هزاع:الله يهديك
.................................................. .................................................. .....
بيت بو سعيد
الساعة 9:30 الصبح
غرفة منصور
كان راقد ومب حاس بشي لين ما سمع صوت باب يتبطل بالقو نقز من مكانه
أم منصور دخلت : بسك قووووووووووووووووم
منصور:أوف أماية برقد انا
راحت فتحت الستارة وبندت المكيف لانها تدري ما يروم يرقد من دونه وسحبت اللحاف وعقته على الأرض وظهرت وخلت الباب مفتوح
منصور:أووووووووووووووووووووووووووووووووووف
قام من مكانه وراح الحمام يتسبح
يوم خلص ظهر من غرفته وهو لابس كندورته وشعره مبلل بالماي
شاف الريم توها بتنزل لما سمعت صوت الباب صدت بس بعدين لما شافته كملت طريجها
منصور:صباح الخير
الريم:صباح النور
نزلوا مع بعض منصور أول ما شاف أمه ربع عندها ويلس في حظنها
أم منصور:وابوية منصور كسرت ريولي
قام منصور :تبني أهمزهم لج
ام منصور :بتكسرهم زيادة
منصور:وهو يبتسم :افا عليج انا أكسر ريول الغالية اعطيج ريولي جان تبين
ام منصور:الا رمسة
منصور:ههههههههههههه وشو في الحين غير الرمسة
أم منصور: قوم اتريق أبويه
منصور: ما أشتهي ما أحب اتريق روحي
أم منصور: هكي بنت عمتك ما تريقت لين الحين بتروح تتريق وياك
الريم:ارتبكت :لاء عمو ما اشتهي انا
منصور:شو هالرمسة بعد قومي تريقي
الريم (فجت عينها شلك أنت الحين )
منصور:قومي يلا ........... هي اماية أنا اليوم ما برد البيت
ام منصور: ليش وين بتسير
منصور: بسير المزرعة ويا ربعي
أم منصور:انزين أبوية دير بالك على عمرك
منصور :ان شاء الله وراح ويا الريم يتريقون
.................................................. .......
لو أكتب إحساسي بالأشعار وأبديه،،
فيك المشاعر كيف بس أختصرها...؟؟؟
قدرك كبير ويعجز هالشعر يوفيه،،
كل القصايد فــيــــك ينضب بحرها...!!
أرفع يديني وأسأل الله و أرجيه،،
(((يـنـجـيـك مـن شــر الـحـيـاة وكــدرها)))
منصور:صبيلي حليب
الريم:ما عندك ايد
منصورابتسم:من ايدج احلا يا حلو (وغمز لها )
سعيد:احم
منصور:ههههههههههههه
الريم بلاه هذا يتحنحن شو علباله...... هذا منصور ما ايي من وراه الا عوار الراس)
سعيد:دخل وهو مبتسم يطالع منصور :صباح الخير
منصور:ههه صباح النور
سعيد: يلس معاهم
منصور يطالع الريم الي تتمنى الأرض تنشق وتبلعها
منصور:شو الريم ما بتصبيلي حليب
سعيد رفع حياته يطالع منصور ويبتسم
الريم صبت الحليب له وعطته الكوب ومنصور بالعماله شله بحيث أنه ايدها تلامس ايده
الريم ارتجفت ومنصور لاحظ
الريم قامت
منصور بحب وحنان :وين ما كلتي
الريم:فجت عينها:لاء شبعت
وراحت فوق جنه حد يربع وراها
منصور :ههههههههههههههههههههههههههههههههههههههههههههههه حليلها
سعيد: استح على ويهك بنت عمتك هاي
منصور: طالعوا منو يرمس انتو
شمة دخلت عليهم واطروا يسكتون ويكملون ريوقهم وهم ساكتين
.................................................. ...............................................
حب يغيب وصاحبه ما بعد غاب
وحب يدوم وصاحبه في غيابه
وحب يذوب خافقً ما بعد ذاب
وحب يداوي صاحبه من عذابه
وحب حياته كلها لوم وعتاب
وحب حقيقي ما يضرك عتابه
وحب بلا معنى وحب بلاأسباب
يبدأ غريب وينتهي في غرابه
الساعة 10:30
بيت بو هزاع
غرفة علي
علي:خليفة متضايج من الخاطر تصدق
خليفة:تنهد :انت الي يبته لعمرك
علي:شو اسوي الحين
خليفة:ابعد لين ما تهدى البنية شوي
علي:تقول جي
خليفة:هي ما لك الا هالحل
علي: عيل شو رايك نسير دبي كم يوم
خليفة:اوكي متى بنظهر
علي:اليوم اتصل بنهيان خلا ايي ويانا بدل هالحبسة الي حابس عمره بها
خليفة: خلاص تم بنظهر بعد صلاة العصر
علي:اوكي يلا بتصل بخلفان بعد
خليفة:أوكي يلا مع السلامة
.................................................. ...............................................
بيت بو سعيد
غرفة شمة
شمة:ادخل
منصور:شمو شو تسوين
شمة:يالسة ليش
منصور:أنزين أبغي ارمسج بسالفة
شمة:شو
منصور:شمة في واحد طالب ايدج
شمة اتغير لونها ونزلت راسها:بس أنا ما أبغي اعرس
منصور: اسمعيني انتي بالاول الريال زين وما يعيبه شي ثانياَ هو ربيعي وما ابغي أرده فكري زين وردي عليه
شمة: منو هو
منصور:ربيعي مطر
شمة فجت عيونها وابتسمت :مطر
بس بسرعة تلاحقت على عمرها وردت مثل ما كانت بس بعد ما منصور لاحظ التغير الي صار:هي مطر بلاج
شمة: لاء ولا شي
قام منصور:أنزين انتي فكري و ردي عليه
..
.................................................. .................................................. ....................
ترى ماهو بجديد انام ودمعتي على خدي
ولا هو بجديد ألاقي الناس ضدي
ولا هو بجديد أفقد حبايب يعزوني
ولا هو بجديد أنطعن ويجرحوني
ولا هو بجديد أتعلق في ناس ويتركوني
الساعة 7:00
بيت بو سعيد
غرفة شمة
البنات كلهم خلصوا مكياج وميرة كان الحزن مبين عليها ولما البنات سألوها
قالت لأن سلطان بيفارقهم أما ميثة الي كان خاطرها تجتل الريم وخاصة أنها ظاهرة احلى وحدة
أما شمة الي كانت دقيقة وياهم وعشره لاء كانت تفكر بكلام منصور لها اليوم وتفكر بمطر
الريم كان لابسة فستان وردي القميص قطعة عليها نقش والتنورة شيفون فيها قصات وكانت فاتحة شعرها الي يوصل لين نص ظهرها وقاصتنه من جدام مدرج
أما شمة كانت لابسة فستان بيج فيج مثل خرزعلى شكل ورود بنية ومسوية تسريحة ومظهره شعرها منه
ميثة كانت لابسة اخضر عشبي كان ظاهر حلو عليها وخاصة طريقة القصة من جدام بس هي ما كانت واثقة من نفسها عسب جي هذا قلل من جمالها
ميرة كانت لابسة فستان أحمر ومسوية مديل اسباني يعني من تحت كله طبقات وكانت يايبة شعرها كله على صوب ومثبتتنه بوردة حمرا طبيعية والشعر الي نازل كله كيرلي
وظاهرة حلوة وخاصة ان الحركة ظهرت ويها طفولي
.................................................. .................................................. ......
الحب اكبر من كلام نقوله
واكبر من اللي ينكتب بالدوايين
توك صغير تعيش سن الطفوله
وين المحبه وانت يامعذبي وين
خلفان بهمس :خليفة بلاه علو ساكت وسرحان
خليفة :يبتسم عاشق
نهيان نط من ورى :يا ريال
خليفة:هههههههههههههههه من وين ناط أنته
نهيان: تجرب من علي الي ما كان وياهم ويفكر كيف بيراضي ميرة
لصق به علي عقد حياته واطالعه...... نهيان لوا على أيده :أحبك لو بعيد الدار عنك فداك يحن قلبي للرجوع ولو عني الليالي يبعدنك غلاك...............
الشباب كانوا يضحكون على حركات نهيان وهو يغني اونه هايم ويحب
علي يدزه:ههههههه عنلات صداك يوز عني
نهيان: خلفان بلاك يا ريال من ساعة مب ويانا
خلفان :ما أدري يقولون أحب ههههههههههههههههههههههههههه
علي: خلفااااااااااااااااان
خلفان:ههههههههههههه أنا شلي الحين هذا نهيان
نهيان:انا وحليلي
علي:ههههههههههههههههههههه انزين غيروا السالفة
نهيان:تامر أمر
.................................................. .........................................
الساعة 10:30
قاعة العرس
دخلت العروس على اغنية راشد الماجد البدر وكانت فعلاَ بدر حصة كانت بيضة وكل شي فيها صغير وهذا الي محلنها ومخلنها تظهر رقيقة دخلت وهي تحس عمرها الملكة اليوم تمشي وتبتسم للكل مع أن عيونها كانت فيها دمعة لأنها بتفارق اهلها وكانت مبينة في الشاشة وخاصة أن الشاشة تكون الصورة فيها مركزة على الويه عسب الكل يشوف العروس واضحة
ما صدقت حصة وصلت لين الكوشة ويلست بعدين يو عندها البنات وسلموا عليها
.................................................. .................................................. ............
الساعة 10:30
سيارة هزاع
عند بيت سلطان
هزاع:يلا أنزل
سلطان:ما أصدق اليوم عرسي وانا المعرس
هزاع:هي والله اول مرة أشوف معرس يدور في المول
سلطان:انزل وياي
هزاع:وين انزل أنت بتنزل تتسبح وتتلبس وبعدين بتسير ويا ابوك وين ارز بويهي انا
سلطان: أووووووف أنزين يلا بنزل أنا
هزاع:ربي يحفظك موفق ان شاء الله
سلطان: ابتسم يلا عقبالك
هزاع: ابتسم بحزن :الا متى السفر
سلطان:باجر الصبح
هزاع: تروحون وتردون بالسلامة
سلطان: نزل وراح فتح باب هزاع
هزاع:بلاك
سلطان:بسلم عليك ما بشوفك لين ما أرد من السفر
هزاع:هههههههه أنزين نزل ووايهه وبعدين سلطان راح
.................................................. .................................................. .................
سيارة مطر
مطر: بلاك
منصور: مصدع يا ريال
مطر: خذ بندول
منصور:خذت ما في فايدة
مطر:أردك البيت
منصور :لاء بتروح وترد تعب عليك
مطر: لا تعب ولا شي تونا في أول الطريج
.................................................. ..................................
الساعة 11:55
قاعة العرس
واقف عند الباب هو وأبوه وعمه بو منصور وعمه بو هزاع وأبوها وواقفين معاهم ثلاث من عمامها
سلطان ( اووووووووف اشو ها ما عندي أخو يوقف وياي ويحس بيه ولا هي عندها أخوان احس عمري غلط ويا هالشواب شو هالمنكر بعد لازم أدخل اووووووووووف )
بعد دقايق دخلوا سلطان ويا الشواب ......... سلطان طول الوقف ساكت ومنزل راسه وصلوا لين الكوشة وقفوا شوي بعدين ظهر أبو سلطان وابو حصة وعمامها وعمام سلطان ما حبوا يتمون وخاصة القاعة متروسة حريم
صد سلطان صوبها اول ما يت عينه عليها تم مبحلق عينه لين ما نبهته أمه وباس حصة على راسها
يلس عندها وهمس باذنها مبروك بس هي ما تحركت من مكانها كانت مستحية وايد وخاصة انها أول مرة تشوفه
سلطان: احم .... عمو .....عمو
أم حصة : هلا أبوية
سلطان: متى بنسير
ام حصة: وابوية بلاك مستعيل جي تو الناس
مر الوقت وهم ساكتين محد يرمس وبعدين قاموا عسب يقصون الكيك سلطان لاحظ الرجفة الي صارت بيد حصة لما مسك ايدها بس سلطان طنش
.................................................. .................................................. .
مطر: انزين طمني عليك
منصور: ان شاء الله
مطر: منصور
منصور (بضيجة ):هاااااااااااااااااااااااااا
مطر: تبا شي
منصور:لاء سلامتك
روح مطر عن منصور الي ما صدق دخل البيت وراح علطول حجرته عق سفرته وعقاله على الشبرية ورقد عندهم وهو مب حاس بعمره
.................................................. .......................................
اوعدينـي
لوشخ نظري في يوم تكوني نظر عيني
لوعجزت اكتب في ايدي تكوني يميني
لوكسر ظهري الزمن لا تتركيني
لوجرحتك مره بكلمه تسامحينـي
تـوعدينـي ؟
الساعة 12:30
في الفندق
سلطان دخل الغرفة بعد ما تاكد ان كل اهل حصة ظهروا من الغرفة
شافها يالسة على الشبرية تجدم منها ويلس عدالها
سلطان: ااحم ...... ( اووووووووف بلاني كلمتين ما اعرف أقولهم )
سلطان :شحالج
حصة بصوت هامس : بخير
سلطان: ابتسم :ما تبين تشوفيني
حصة رفعت راسها وهي عاقدة حياته:شو
سلطان: لاء بس اشوفج طول الوقف منزلة راسج شو رايج أنا بنزل راسي وأنتي اطالعيني
حصة رفعت راسها تتطالعة فعلاَ كان حلو شكله طيب وبيسعدها بس مرة وحدة نزلت راسها وصاحت
سلطان: رفع راسه مستغرب :بلاج
حصة: ..........................
سلطان تجرب منا وحطا أيده على جتفها والايد الثانية مسك بها أيدها : شو بلاج
حصة: اشتقــ .... ــت
سلطان: ابتسم : اشتقتي حق أهلج
حصة:هي
سلطان ( لاء هاي شكلها بزية على الآخر لو تعرف أنا بنسكن في دبي شو بتسوي ) : انزين أهلج موجودين متى ما تبينهم بتشوفينهم
حصة رفعت راسها تتطالعة بس فجأة حست انه وايد جريب منها فنزلت راسها واحمرت
سلطان:أنزين ما قلتيلي رايج فيه
حصة: ابتسم
سلطان: هالقد أنا خسف
حصة:بتهور :بالعكس
سلطان:هههههههههههههه لاء عادي قولي
حصة : بقولك شي
سلطان:شو
حصة : ما أدري ليش أحس اني شايفتنك من قبل
سلطان: (هي لازم ناسية الأخت وين شايفتني ناسية الرمسة الي عقتها عليه ):هذا يمكن الي يسمونه الحب من أول نظرة
حصة استحت من الخاطر وقامت من مكانها بس أيده سبقتها:وين شاردة
حصة منزلة راسها :مب شاردة رايحة أفتح شعري وأفصخ هالعقد
سلطان: انزين عيل غيري ثيابج بالمرة لين ما أخلص أنا سباحة
قام سلطان وتسبح عالسريع ظهر وهو لابس وزار وفانيلة حصة كانت منزلة راسها تحط الطقم في الشنطة لما رفعت راسها قفطت
سلطان ابتسم: بلاج
حصة : ولا شي
سلطان:تدرين لما تفجين شعرج أحلى
حصة نزلت راسها
سلطان: وأنا كل ما بقولج شي بتنزلين راسج
حصة تتطالعه بستغراب (صدق دفش )
سلطان تنهد : بتروحين تتسبحين
حصة:هي
سلطان ابتسم : أنزين يلا بسرعة
حصة : ان شاء الله
.................................................. .................................................. ...
أكبر قهر لاضاع عمرك ورا انسان
تبي غلاه وهو يبي انسان ثاني
.
الساعة 12:15
بيت بو خالد
دخلت روضة هية وامها ووديمة وفطيم حرمة خالد الصالة بس الي فاجأ روضة أن سعيد يالس مع خالد في الصالة
خالد: ما بغيتوا تون الريال نقع هني
سالم: تنهد: شو استوى به يعني اذا يلس شوي
سعيد طنش سالم: يلا روضة جاهزة
روضة: هي دقايق بس
سالم :أتريوا لين باجر الحين ليل وين بتسيرون
سعيد :لاء باجر عندي شغل
سالم :أنزين تعب على روضة أنا بيبها باجر اذا أنت مشغول
روضة: لا عادي
بعد ما سلمت عليهم كلهم ركبت السيارة جدام وشافته من الجامة هو وخالد يايين خالد شال فيصل وهو شال احمد الي راقدين حطوهم ورا سلم خالد على سعيد وراح داخل
ركب سعيد وصد على روضة بنظرة خاطفة بعدين شغل السيارة وعلطول شغل الاف أم
روضة: اليهال راقدين بنده
سعيد : أطالعها بنظرة تامرين أمر
سعيد: الا بتخبرج ليش متغشية
روضة:انا مرتاحة جي
سعيد:انزين أفصخيها أبا اشوفج
روضة: ما ابغي
سعيد بركن على طرف الشارع : واذا قتلج ما بتحرك لين ما تفصخينها
روضة:أنت شو تتحرى عمرك
سعيد: أتحرى عمري ريلج يلا افصخيها
روضة فصختها بقهر وطالعته
سعيد كان يطالعها بنظرات اعجاب وبعدين حط أيده على ويها : مب حرام تحرميني مب شوفت هالويه الحلو
دزت أيده عن ويها :ليكون تتحرى اني برجعلك مثل قبل لاء عيل أنت فاهم غلط
سعيد: ابتسم: ههههههههه
روضة:شو يضحك
سعيد اكتفى ببتسامه وأطالع جدام وكمل طريجة
.................................................. ...............
بيت بو سعيد
غرفة شمة
الساعة: 1:20
شمة والريم كانوا يالسين يسولفون
الريم:شمة بلاج
شمة:شو بلاني
الريم: لاء بس أحسج مب وياي
شمة:لاء وياج
الريم :أطالعتها بتشككك
شمة:تدرين اليوم منصور رمسني برمسة لين الحين أفكر فيها
الريم : وشو هي السالفة هاي
شمة: في واحد تقدملي اليوم
الريم: والله
شمة:هي
الريم ابتسمت بخبث : وأنتي شو رايج
شمة : ما أدري
الريم أطالعها
شمة:هههههههههههه والله ما أدري
شمة:أنا بروح اتسبح
الريم :أنزين يلا بترياج بسرعة
شمة: انزين روحي تسبحي في الحمام الي برى محد في البيت خليفة في دبي ومنصور في المزرعة
الريم: لاء لاء بترياج
شمة: على راحتج
الريم لما شافت شمة طولت نزلت تحت عشان تشرب ماي
وما لبست شي يغطي الفستان ولا شيلة لأن محد في البيت راحت المطبخ ولما كانت تشرب ماي ما حست بالي واقف وراها ويالس يطالعها
منصور كان قايم من النوم دهمان ومصدع نزل يشرب ماي وتفاجأ بالريم وخاصة وهي بكامل اناقتها وكل شي فيها مغري
الريم كانت متصنمة في مكانها وتطالعه وفجأة منصور صرخ بصوت عالي
ظنكم ليش منصور صرخ ؟
علي وميرة شو بصير بينهم ؟
اليازية بتوافق على الي خطبها ؟
وسعيد وروضة شو بصير بينهم ؟