[الغلا]

مشكووووووووووووووووووووووووووووووره
لمروركن بنات
احين بكمل البارت (20)
7
7
7
7
7
7
7
7
7

زايد: بسم لله هذيل وحوش
خليفه: لله يعينك يافهد

طلع فهد من المول ساير صوب سيارته ووقفه ناااصر ..
ناصر: فهد صبر عاااد تربع جنك خيل
فهد: اسمحلى و لله ماكنت اعرف انك وراى
ناصر: فهد انته شوفيك بالظبط
فهد: و لله ما اعرف احس ان البنيه كانها تقولى انا محتاجتنك
ناصر: كيف و البنت مارمست
فهد: يكفى عيونها و لله ياناصر تعبان من الخاطر (يحط ايده على راسه)
ناصر: فهد ما احيد ان ضعيف جذا
فهد: اول مره اضغف جذا انته لو شفت الضرب الى على ويها و لله حرااام الى يسونه فيها
ناصر: قم خلنا نتمشى و الا اقولك انسير يبل حفيت
فهد: يالله انزين

ساروا صوب يبل حفيت ...اما فى بيت المرحوم سعيد (ابو مها ))

ام جاسم: هااااا اشفيج ما تتحركين
مها: انشا لله خالتى
جاسم: اقول مهووووه رتبتى حجرتي
مها: هيه رتبتها

رن تلفون البيت اشرلها جاسم عشان ترد عليه ...
مها: الوووو
....: مرحبا
مها: نعم منو بغيت
.......: ابغاج انتى (يسحب جاسم التلفون من اذنها)
جاسم: عنلاتك يالسبال (بند التلفون)
,,
بند التلفون و مسك مها و ضربها ضرب و هيه تصرخ و يسحبها من شعرها ويرفسها فى بطنها و يمسك راسها ويضربه بالدعنه و هيه تصيح مر فهد بسيارته صوب بيتهم وحس بقلبه يعوره شى فيها اكيد ..اما مها جسمها ما تحمل الضرب من اخوها بالابو وكفخها اطراااقات على ويها و هيه تصيح و اطالعه بدون صوت و عقها على امه الى كملت الضرب بالعصا ..اغمى عليها و طاحت فى نص الصاله وساروا حجرهم ...مها من الضرب مارامت تتحرك ويلست اتصيح وتذكر ابوها و امها ودموعها الى تحرق خدودها نزلت بالقو الا و اشوى حست بايد على كتفها يوم التفت شافت بشكاره حرمه ابوها
ميسى: انتى فى تمام مها
مها:............................(اتصيح)
ميسى: مافى صيح بعدين بابا جاسم فى يضرب مره تانى
مها: لا خلاص انا اريد امووت
ميسى: لا مافى قول جذا حرام انتى بنت واجد حلو
مها: انا اريد اروح عند ابووويه اريد امااايه (تصيح)
ميسى: لا مافى صيح مها انتى واجد بنت تمام
مها: اريد ابوويه ميسى و لله
,,,
وقفت مها و هيه فاقده توازنها و تتحرك صوب حجرتها الى كانت عدال حجره البشكاره فى الطابق الى فوق من الفيلا لان ام جاسم ماتريد حجره البشكاره تحت ..سارت مها صوب الدريشه جافت سياره اكس فايف سوده فيها اثنين يلست اطالعهم انتبه لها فهد شغل ليت السياره عشان يجوف عدل يوم جافته نزلت دمعتها و تقول فخاطرها هذا الى شفته فى العين معقول عرف بيتنا ..ليش يطالعنى جذا اكيد يشفق على حطت ايدها على حلجها وفهد حس ان فيها شى سكرت الدريشه وعقت عمرها على الشبريه وهيه تصيح ..ورقدت مها و الدموع فى عيونها ..
,,,
فهد وناصر بعد مادخلت مها حركوا سيارتهم وردوا خذوا سياره ناصر لان باقى الشباب ردوا البيت ..اول ماوصل فهد جاف ان زايد وسويره وعبوود قاعدين يجوفون التلفزيون ...
فهد: السلام عليكم (سار صوب الدرى)
الكل: وعليكم السلام
زايد: فهد اريد ارمسك
فهد: زايد و لله انا تعبان
ساروه: سلامتك ماتشوف شر
عبدالله: شوفيك فهد ؟؟!! حاس ان فيك شى
فهد: مافينى شى خلاص برااايك
زايد: على ما اظن قلت اريد ارمسك
فهد: ازين يالله
,,,
فهد كان يمشى ورى زايد وتفكيره فى مها اول مادخلوا حجره زايد ...زايد بدى يرمس فهد انه الى يسويه غلط و انه يمكن يحط البنت المسكينه فى مشاكل هيه فى غنا عنها ..
فهد: انا ما اريد اسويلها مشاكل و لله يا زايد
زايد: شو تبا فيها
فهد: انته ماشفت الى شفته عشان جيه انته ترمس
زايد: امممم ما اعرف شو اقولك
فهد: قولى شو اسووى
زايد: لا تسووى شى و انشا لله نقدر نساعدها هالمسكينه
فهد: لله يعينها
زايد: سير اتمسح وصل ركعتين وارقد
فهد: انشا لله
زايد: يالله برااايك
,,,
ضهر فهد من حجره زايد وسار حجرته اما فى الصاله عبدالله محتشر يريد ييلس على النت الى فى الصاله وساروه اطالع التلفزيون ..
عبدالله: سيرى شوفى فوق
ساروه: ليش انزين ؟؟!!
عبدالله: بس تراج اتصدعينى و لله
ساروه: احسن عن الجات و سوالف الخرابيط هذى
عبدالله: ازين ازين
ساروه: بسالك شو بتستفيد من الجات ؟؟!!
عبدلله: بس سوالف
ساروه: سكره بالله عليك
عبدالله: ما اريد يالله سيرى فوق سارووه
ساروه: انزين (تبند التلفزيون وترد ترمس عبدالله) اشبع فيه ازين
عبدالله: ازين
,,,
ساروه وهيه سايره صوب حجرتها تغنى و هيه مستانسه تذكرت خليفه وحركاته ..دخلت حجرتها و عقت بعمرها على الشبريه و هيه تفكر فيه و تبتسم ياربى كم احب هالانسان صدق انه مااااصخ مرات بس مصاخته على قلبى عسل احلى شى عيونه و شعره الى يخبل فديتك خليفه ..واستسلمت ونامت ...
عبدالله يالس على الجات ما خلى ولد ولا بنيه الا وسوالهم اضافه عنده فى الماسنجر ...شى غريب فى الماسنجر بنيه تطلب من عبدالله انها تجوفه ..
عبدالله: شو تبين فينى تجوفينى
البنت: بس فخاطرى اجوفك
عبدالله: ما ادرى كم عمرج
البنت : 25
عبدالله: انا 27 (جذااااااااااااب)
البنت: شورايك نتلاقا
عبدالله: امممممممممممم بجووف
البنت(تستهزء فيه): شو ماعندك كلمه لازم تستاءذن من الماما
عبدالله: عندى كلمتى بجوف وبرد عليج انا بسير ارقد الحين برااايج
البنت: شو اسمك
عبدالله: بقولج باجر
البنت: لا الحين
عبدالله: اسمى عبدالله ونتى
البنت: اسمى ناديه
عبدالله: حياج الحين بسير يالله برااايج
ناديه: فمان لله
,,,
فالصوب الثاني
7
الصبح الساعه 10:00 فى بيت المرحوم سعيد مها كانت ترتب لهم الريوق الى بيسير الجامعه و الى بيسير الدوام ..وطبعا ام جاسم بتسير مع ربيعاتها
ام جاسم: مهاااااااااااااااااااااااا
مها: نعم خالتى
ام جاسم: تعالى عساج ماتردين
مها: نعم خالتى
ام جاسم: سيرى وعى جاسم
مها: انشا لله
,,
سارت مها و هيه متردده حجره جاسم دقت الباب مارد عليها مره ثانيه دقت الباب الا واشوى انفتح الباب .ويد جاسم كانت اسرع وقبض رقبتها وهو اشوى بيذبحها
جاسم: كم مره قلتلج لا ادقين الباب
مها(تحط ايدها على ويها): خالتى قالتلى
جاسم: لله ياخذج انشا لله (يفرها على الارض)

وقفت مها و جافت خواتها من ابوها واقفات يطالعنها ...
لمياء: ها وين امى
مها: تحت
جواهر: مها شو فيه جاسم
مها: ماشى بس وعيته من النوووم
جواهر: لله يعينج سيرى داخل حجرتي خذي ملابسى كويهم
مها: انشا لله

سارت مها حجره خواتها الى كانت الحجره احلى مايكون وجافت الملابس الى من كل ماركه حوالى ثلاث اربع ملابس وهيه مب محصله غير جلابيه خذت الملابس ونزلت تحت كوتهم ورجعتهم حجره اختها وهيه بتنزل شافت جاسم كانت بتنزل بسرع بس زقرها ..
جاسم: تعالى اقولج
مها: نعم
جاسم: اريد ريوق
مها: سويت الريوق تحت اذا تبا تاكل
جاسم: تنقمينى بعد
مها: مانقمتك
,,
كف على ويه مها المسكينه بالصدفه فهد كان عند حمد وطلعوا صوب الحوش عشان يراويه السايره ..سمعوا صوت صراااخ بنيه كانت مها الى يسحبها جاسم من شعرها .لين ماوصل عند دجه الباب الى برع وفرها بريوله وطاحت من على الدرى ..ومسكها وفرها عند الهوش ..(حتى الحيوان يعاملونه احسن عن جيهه) ..ام جاسم طلعت وراه
ام جاسم: شو تبا فيها
جاسم: لله يلعنها طول حسها على
لمياء: خلاص نرجع نتريق
جواهر: حرااام ازين حاطينها اهناك
جاسم: وين احطها
ام جاسم: انسير
,,
دخلوا يتريقون و المسكينه مها طايحه فى الزريبه مغمى عليها بين الاوساخ وفهد يطالع حمد الى ماعرف شو يقوله ..
فهد: شو يسون فيها هذيل وحوش انا لازم ارمس امى تاى اتزورهم
حمد: بقول حق امى بس خلهم يطلعون من بيتهم ..
فهد: شو بتسوى يعنى
حمد: امايه بطرش اختى عندها و الا هيه بترمسها
فهد: شو تتريا سير رمسها
حمد: ازين ادخل الميلس اتريانى
فهد: بترياك اهنيه
حمد: شو مب زين سير داخل يالله
فهد: ازين
سار فهد صوب الميلس و دخل حمد ورمس امه انها تسير اتشوف مها ووافقت امه الى قلبها يكفي حنان الكون كله طلعت مع ولدها حمد صوب فهد وسلمت عليه واتريوهم يطلعون ...تاكدوا انهم طلعوا و سكروا باب الحوش وسارت ام حمد صوب البيت ودقت الباب و فتحت ميسى ودخلت ..
ام حمد: وين مها
ميسى:................(منزله رسها)
ام حمد: اقولج وين مها يا ميسى
ميسى: هذى بنت فى موت مدام
ام حمد(خايفه): وينها
ميسى : شوف وين حطى بقر اهناااااااااااااااك
شهقت ام حمد من سمعه رمست الخدامه وسارت صوب الزريبه شافت مها .غصبا عنها نزلت دمعتها و تقربت من الشبج ..
ام حمد: مها حبيبتى قومى
مها(تقوم بالغصب): خالتى ام حمد (تصيح)
ام حمد(فتحت باب الزريبه): تعالى يابنتى
سارت مها صوب خالتها و طاحت فى حضنها و هيه تصيح بصوت مسموع : خالتى بموووت و لله بمووت
ام حمد: يابنتى و لله حاسه فيج
مها: خالووو تعبت و لله اريد ابوووويه اريد امى و لله احتاجهم
ام حمد(تصيح): ادعيلهم بالرحمه
مها: خالتى ولله عذبونى و لله (تصيح فى حضن خالتها)
ام حمد: يابنتى تعالى سكنى عندى
مها: اريد اموووت و لله خلاص (تصيح)
ميسى: مدام الحين فى يجى مدام ام جاسم بعدين فى مشكله
ام حمد: خلاص الحين برووح
مها: لالالالا تروحين دخيلج (تصيح بصوت مسموع) خالتى لا تروحين لله يخليج ابوس ريولج ما اريد اقعد اهنيه خالوه ( تصيح و تقبض خالتها)
ام حمد: انتى انتبهى على عمرج يابنتى و انا باى ازورج
مها: لالا تروحين انا مالى حد و لله مالى حد اشكيله
ام حمد: انااهنيه يابنتى
مها: خالووو براويج جسمى شوفى الضرب حتى الحيوان ما انضرب جذا و لله انى انسانه
ام حمد: ما عليه يابنتى
ميسى: يالله مدام روحى الجين هذا فى يجى بيسوى مشكله حق

....................................
خلص هذا البارت
قولولي رايكن
وتوقعاتكن
الغلا