منتديات بنات دوت كوم - عرض مشاركة واحدة - ~*¤®§(*§ قصة (الغلاكله) من تأليفي روعه §*)§®¤*~ˆ°

منذ /24-10-2006, 06:50 PM

السلام عليكم و رحمة الله و بركاته

آسفه على التأخير تفضلوا
غلا : قولي لنا عادي نحن أخوات
فتون : اممممم إنزين بقول بس امانه ما تخبرون احد اوكي
ملاك + غلا : اوكي ^_^
فتون : إسمعوا انا ...... انا ..........أأ .... انا الصراحه وقعت في حب
ملاك و غلا تلخبصوا : في من ؟؟
فتون تستحي تقول : ما أعرف عنه شيء
ملاك و غلا : و هو يحبك ؟؟؟
فتون : لا مع الأسف و ما يبغي يكلمني حتى
غلا : يا فتون إتقي الله عن هذي الأشياء خلاص إذا هو ما يحبك خلاص
فتون : ادري ادري لكن قدروني قلبي يحبه شو أسوي !!!!
و انا ما أحبه حب مثل المصلحه انا احبه حب من القلب قلبي يدفعني صوبه !!!
غلا : لا حول و لا قوة إلا بالله
ملاك : خلاص فتون ما عليك منه إذا حباك بيخطبك
فتون : ياااااارييييييييت
غلا تشوف الساعه : إنزين أعذرينا احين بنسير الفندق
فتون : حتى انا عيل يلا خلنا نسير مع بعض
و ساروا و وصلوا الفندق

فـي الـــيـــوم الــثـــانـــي
غلا : حمممممد يااا حمممد
حمد : هلا هلا
غلا : بتي وياي اسير سوبر ماركت آخذ أكل ما عندنا شيء !!!!
حمد : إنزين يلا نسير
ساروا السوبر ماركت و شروا أكل و كل شيء و جو الفندق
كانت غلا و ملاك عازمين فتون عشان تاكل وياهم و جذي
دق الجرس
خالد : إنزيييين إنزيين لحظـه
فتح خالد الباب
شافته فتون و غنصدمت لجماله
خالد يعرف بأنه وحده من الي عازمتنها غلا و ملاك
خالد : تفضلي داخل
فتون : شكراً
دخلت داخل و جت ملاك و إستقبلتها و جت غلا معاها
جلست في الصاله ما عندهم غرفة طعام خخخ
و حطت الأكل و كل شيء و رتبت و قاموا ياكلون

تدرون منو دخل عليهم ؟؟؟
منوو ؟؟ فكرووا ؟؟

^
^
^
^
^
^
^
^
^
^
^
^
^
^
^
^
ههههههه لا تخافون مافي بارت يديد
دخل عليهم !!!! عمر
بالغلط هو ما يدري
و صدمه غريبه !!!
عمر (هذي البنت مب غريبه علي !!! منوو اممم فكر فكر يا عمر ايوه تذكرت
هذي الي سألتني كم مره عن إسمي يوم كنت ساير الدكان و المره الثانيه يوم كنت طالع مع خالد و حمد ايوه بس شو جابها هني ؟؟)
فتون : (وييييه ؟؟ ما أصدق هذا هو شو يابه ؟؟)
و تموا يطالعون بعض
غلا : عمر !!! سير داخل هني بنات
عمر : هااا ؟؟؟ حاضر حاضر
تعجبت فتون لأن غلا كانت ما لابسه شيله و هو دخل
فتون (اهاااا عيل هذا اخوها !!! يا حظي !!! احين اقدر اناقشها بالموضوع !! إسمه عمر بس اممم ملاك ليش لبست الشيله ؟؟؟ عيل عمر مب أخوها عيل شو يصير لها عمر ؟؟)
فتون : غلا
غلا : هــلا
فتون : ملاك شو تقرب لك ؟؟
غلا تعجبت من السؤال !! : تقرب لي أخت ريلي
فتون : اهااااا
ملاك : هااا تتكلمون عني ؟؟
فتون : ههههه لا سلامتك الغاليه
بعد ما خلصوا و سوالف مع بعض سارت فتون البيت
و هي نص فرحانه و نص مب فرحانه
فرحانه لأنها عرفت إسم عمر و بأنه اخو غلا الي تعرفها و مب فرحانه لأنها خايفه إذا تكلمت فتون عن عمر و سالفتها معاه تخاف تعصب منها غلا ....

بعد ما طلعت فتون سار عمر عند غلا
عمر : غــــــلا
غلا : هــــــلا
عمر : من هذي ؟؟؟
غلا : هذي فتون
عمر : شو تسوي هني ؟؟
غلا : انا عزمتها بأن تاكل ويانا و نسولف مع بعض
عمر : و تعرفينها ؟؟
غلا (؟؟؟) : ايوه ليش الأسئله ؟؟
عمر : لا و لا شيء سلامتك
غلا : إذا عندك شيء قوول
عمر : لا سلامتك ما فيني شيء
غلا : عااااد عمر نحن اخوان و نخش على بعض ؟؟
عمر : خلاص خلاص بقول
بس تعالي الغرفه ابغيك في سالفـــه
قالها عمر عن كل شيء عن فتون و يوم سألته عن إسمه و يوم سار الدكان و كان في المحل عند الملابس و عن ربيعتها ....
غلا سكتت : اهاااا عيل جذي السالفه
عمر : ايوه
غلا : إنزين شو المطلوب ؟؟
عمر : احسها وايد تلاحقني
غلا : يا عمر انا كلمتها و قالت عنك
عنر إنصدم : شوو ؟؟ شو قالت ؟؟ و كيف تعرفني ؟
غلا : قالت بإني احبه من قلبي
عمر : حبتها الجراده
غلا : عمر حرام عليك لا تقول جذي
عمر : عيل بالله عليك بنت بـو 16 سنه و جذي حركاتها ؟؟؟
غلا : و الله اقولك انا معاك !!! بس الي أعرفه الإنسان إذا حب من القلب هذا ما يعني حب من المصلحه
عمر : افففف غلا كوني معاي لا ترابعينها
غلا : لو تدرين عمر اول ما شفتها انا مع ملاك باين عليها حزينه و متضايقـه قلنا خلنا نواسيهاو كانت طيبه و لا كان عندها هذي الحركات البايخه.
عمر : عيل ليش عندي ويهها قوي ؟؟
غلا : مثل ما قلت لك تحب من القلب
عمر : اففففف خلاص غلا (و سار)

تتوقعون شو بيصير ؟؟
عمر بيحب فتون و شو عن شجون
ما تعرف السالفه
تاااابعووووونـــا

دمتم في حفظ الرحمن