منتديات بنات دوت كوم - ضميني حيــــــــــل .. يمه .. !

يمه .. ملّيت ..

يمه .. ما للسقف بيت

يمه .. بنتك جوها بارد .. !!

سكوتها في الملا حارق

ضميني يمه .. لا تضربيني

يمه .. ابتليت ..

فجأة / من صغري وعيت .. !!

يمه .. بنتك بالها شارد

دمعها غصب لفراحها سارق

ضميني يمه .. لا تضربيني

يمه .. سجيّت ..

عن تقاليدك وعرفك البعيد

يمه .. ما للهوى صايد .. !!

يمه .. بنتك قلبها لصوابها عاند

ضميني يمه .. لا تضربيني

يمه .. انتهيت ..

للهوى في صدري سقف وبيت

يمه بنتك عنادها جاحد

ضميني يمه .. لا تضربيني

يمه .. اعتميت

وكل شعوري لعيونه رميت

يمه بنتك غصب شوقها زايد

يمه .. استحيت ..

أقولها لك وأنتي للجفا قايد

يمه .. أنا العشرين تعديت

ولعمري الهوى سنيت .. !!

ايه يايمه

حبيت .. حبيت .. حبيت

يمه بنتك ضعفها كايد

بحور هواها حروف وقصايد

ضميني يمه .. لا تضربيني

يمه .. ما بغيت ..

لكن سيف الهوى أقوى من غروري وان عليت

ضميني يمه .. لا تضربيني

لك وصاتي .. وللهوى .. ولجرحي اللي قتلني ..

ولحق عمري اللي ما وفيت .. !!

رضاك .. وغيره يا يمه .. ما رجيت

ضميني حيــــــــــل .. يمه

وان قدرتِ اذبحيني .. .. .. .. !!

http://www.moq3.com/pics/up/f_13_09_06/959267e831.jpg

آه / وداعة الله يايمه.. بنتك ..

اليوم اختارها الخالق .. !