منتديات بنات دوت كوم

منتديات بنات دوت كوم (http://www.vb.banaat.com/index.php)
-   المخالفات (http://www.vb.banaat.com/forumdisplay.php?f=147)
-   -   ابليس يصف وضع وحاله العالم العربي (http://www.vb.banaat.com/showthread.php?t=114832)

ღLove Storyღ 24-04-2008 06:19 PM

ابليس يصف وضع وحاله العالم العربي
 
كان في ‏غرفته، يلملم ملابسه في حقيبة إلى جانبه وباقي متعلّقاته على المنضدة القريبة. كانت ‏استقالته موقّعة ومختومة حسب الأصول، وبجوارها تيكت ون-واي إلى أوروبا.



‏كانت ملامح وجهه في تلك اللحظات تنطق بالحزن و‏الكآبة والإحباط واليأس وقلّة الحيلة... مع دهشة مزمنة ارتسمت عليه منذ فترة ليست ‏بالقريبة مع الاعتراف بالعجز والفشل....
‏إبليس راحلٌ عن الوطن العربي إلى غير ‏رجعة... فليفرح المؤمنون...

- ‏وين يامهون؟ ليش عم بتضب ‏اغراضك؟
- ‏يازلمة ما ضلّلي قعدة عندكن، إلي سنين عاطل عن العمل وقرّبت أموت من ‏الجوع.. ما بلاقي معك سيجارة يا أخوي ؟ مو مأثر فيكن لا وسواس ولا خنّاس!!!

كنت ‏زمان بوسوس للوحدة تترك ابنا يبكي وهي بتحكي مع جاراتها، هلأ صاروا لحالهم يرموا ‏اولادهم في الحاوية أوّل مايجوا!
‏كنت أوسوس للواحد أنو ينسى يسمّي بالله قبل ‏ماياكل، هلأ بطّل حدا يلاقي شي ياكلو !!!! يازلمة إذا أنا إبليس وتسمّمت ‏بالشاورما!!!
‏كنت كمان بوسوس للشب يرميلو كلمة ع البنت وهي ماشية ‏بالشارع، صاروا البنات يعاكسو الشباب بكلام أنا نفسي بخجل ‏أحكيه!‏ إنتو بدكن إبليس ‏إنتو؟! خلوني أبعد عنكن وارتاح!!!
‏صار عندكم فائض في الفساد بكفّي 30 سنة لقدّام، صرت أخاف على حالي ‏منكم!!!!


‏يازلمة مرّات بضطرّ أوسوس بالمقلوب وأقول للمسؤول إرحم، وللحرامي ‏بكفّي خلّي شويّ للحراميّة يلي رح ييجوا من ‏بعدك!
‏يعني إذا إنتو لحالكون بتعملوا كل هالبلاوي، أنا إبليس شو بدي ‏أعمل؟؟؟؟ أشتغل شوفير تكسي يعني ولاّ أفتح صالون حلاقة؟؟؟؟

ماضلّ عليً غير أقدّم للأوقاف ‏يعيّنوني واعظ أو إمام جامع!

‏ثمّ فتح إبليس الباب وانطلق خارجاً إلى غير ‏رجعة!!!!

هيرو 24-04-2008 08:57 PM

الموضوع روعة
بس كله صحيح الله يحفظنه ويحفظ جميع المسلمين


الساعة الآن 09:18 PM

Powered by vBulletin® Version 3.8.11
Copyright ©2000 - 2025, vBulletin Solutions, Inc.

Adsense Management by Losha

جميع الحقوق محفوظة لـ شبكة بنات دوت كوم © 2014 - 1999 BANAAT.COM