|
وعليكم السلام والرحمه .. الله يتقبل منك ان شاء الله .. انا ولله الحمد حجيت العام الماضي .. والله من جد شي يجنن .. مره مره مره يهبل .. زحمه .. عند الجمرات مووووووت .. بس الكشافه "العساكر" جزاهم الله خير اذا شافوا عوايل .. يبعدون الناس عنهم لين مايرمون الجمرات ... حلو اذا رحتي عرفه الصبااح وتنامين بمزدلفه وتروحين الحرم .. يعني من جد شي حلوو .. الله يكتبها للي ماحجوا .. :) |
وعليكمْ السلااام .. سنوّد .. قد إيش فرحت يووم قلتي بترووحي الحجّ ,, الله يتقبّل منّك ومنّا .. وكمان مس كويت ..ماشاء الله ماشاء الله ..:) أنا كمان راايحة بإذن الموْلى .. طبعاً رايحة أنا ودادي بس .. فأيه خاايفة على نفسي <- بسافر من غير مامتي ..لأوّل مررة .. و لكنْ تناحتي تتعدى كلّ شيء .. "إستعدادي وإحساسي "".. بعد شوّيه برووح أتطعم عشان ما أدري إيه ..؟!! و أمّا عن ملا بسي وهادي الأشياء ما فكررت فيها لسّه ..<- دماغي كلها ماث وفيزيكل .. وطبعا..إحساسيً ..متشوّقة جدّا .. والفرحة تغمرني .. ليس فقط تغمرني .. فعلاً حاسة إنّي رايحة لشيء عظيم ..عظيــــم .. الله يتممها على خير ..على قولتك سنوّد .. فعلاً .. أنا حاسة بشيء ما أقدر أكتبه .. فعلاً ..فعلاً ..ياربْ نوصل هناك بالسلاامة .. اقتباس:
قالو تاخدو ملاابس كثيرة ..خخخ :pleasantr أمّا عنّي أنا فأنا لي نظرتي الخاصة :.. أولاً .. بلبس عبايتي وطرحتي والباقي أيّ شيء مو موهم .. ثانياً : ماي نوت بوك وقلم رصاص "لازم رصاص" .. ثالثاً : أحب أكون خفيفة ومامعاي أشياء كثيرة بس الضروريات ولوْ أحتجت شيء أشتريه من هناك .. اقتباس:
صديقتي حجّت العام تقولي مكّة برررد .. ومنى كمان تكون برد بليل .. يلّا .. نعمة والحمد لله .. الله يااربْ نرووح بالسلامة ونوصل بالسلامة .. ويتقبل رب الأرباب منّا .. |
السلام عليكم الله يتقبل منا ومنكم إن شاء الله اني ما سافرت الحج ولكن سافرت مع امي الى العمرة ،خبرات أمي المتكررة للحج علمتني ويش احمل وياي للسفر وويش ما احمل وياي خواتي وامي واخواني بيكونون وياش في الحج واني بصير من القطة اعاوي في البيت احملي وياش ما يأتي : حقيبة كبيرة وحقيبة متوسطة الحجم الحقيبة المتوسطة ، احنا نسميها بالبحريني (( شنطة الطريق )) هذه الشنطة يكون فيها ملابس الأحرام و مخدة ولحاف و أكل وماي المخدة علشان اذا غفت عيونش ما يتعبش كرسي الباص فتستخدمين المخدة علشان ترتاحين إما للحاف فهو لتغطية أقدامش عن البرد ، والأكل عشان اذا جعتين والماي والكؤؤس عشان اذا عطشتين ،وبعد علشان ما تحسين بالجوع والعطش وانتين في الباص . ولازم الشنطة هذي تكون وياش في الباص . الحقيبة الكبيرة : فهي للملابس وللصابون والشامبو والمقص وبعض الاشياء الخاصة فيش ولكن لا تنسين الكاميرا للتصوير بعد الانتهاء من الأحرام ، انصحش بلبس الملابس المعتدلة ، وااايد .يعني الملابس ما تكون مال شتاء ولا تكون مال صيف المقص استخدميه في مكه بعد الانتهاء من السعي بين الصفا والمروة ( قص شويه شعر من رأسش ) بالنسبة للجمار فهو واااايد زحمه .. اذا اي شخص بروح وياش ، سواء امش او اختش فلا تتركينهم وامسكيهم من ايديهم علشان ما تضيعون او يصير فيكم اي شي عرفة ، مزدلفة و منى : راح يقعدونكم في خيام والجو بكون بارد هناك ،لان المكان عبارة عن صحراء ما فيها بيوت ولا شي فطبيعي بانش بتحسين بالبرد . احملي وياش حبوب بندول و حبوب وجع البطن و مقدوش والصاقات مالت الجروح لتفادي اي شي يصير لش هناك .. و الحذر واجب تروحين وترجعين بالسلامة وعذرا على الاطالة |
يـــــــــــــــــــــــــــــــــــــــــــاه ..
رحله ايمانيه مفعمه بحب الله وحب الطاعه .. احساس خيـــــــــــــــــــــالي بنات .. انا حجيت العام الماضي .. ابتعدي عن السوالف ولاتكثرين من الحديث اللي ماله لزمه .. اخذي معك كتيبات دينيه تتكلم عن فضل ذي الحجه . وخوذي نشرات اللي ييكون فيها ادعية من الكتاب والسنه . ولما تروحين عرفه .. لاتفوتين ولالحظه ادعــــــــــــــــــــــي لاتكلي ولاتملي وآخر ساعه من العصر في يوم عرفه الوقوف والناس تبتهل .. جموع غفيره تطلب الباري الجبار .. احساس مختلف .. رمي الجمرات ابتعدي عن الزحام وجموع الحملات الاجنبيه ابتعدي عنها لانها هي سبب المشاكل . البسي جزم رياضه واطي وماتكون ربط . ونســــــــــأل المولى عزوجل القبول لنا ولكم باذن الله .. لاتنسوننا من دعواتكن .. سندي & مس كويت .. دعواتكن لي بالتوفيق في الدنيا والاخره . |
وعليكم السلام ورحمه الله وبركاته ماشاءالله تبارك الله الله يتقبل من الجميع انا حجيت العام الماضي الحمد لله :) والله تحسين بروحانية وسعادة لاتوصف ممكن تحسين بخوف في اول الامر لكن تضل من اروع ايام العمر :):) بالنسبة للي بيحجون السنة هذي قريت بالجريدة ان الجو هالسنة باااارد والجمرات ماتخوف بالعكس تجننننننن بس تجنبوا الزحام والحملات اللي يمشون مع بعض ولاهمهم باللي قدامهم ... وانصحكم دورات المياة اللي في منى لاتقربون منها -استفغر الله قمة (......) - اقصد دورات المياة العامة المقابلة للجمرات .. ولاتضيعـــــــــــــون الحج ... بالسواليف خاصة في الحملات يصيرون على شكل شلل او حلقات ويسولفون :mad0256: والله يتقبل منكم يااااااااااارب ....:) لاتنسونا من دعواتكم تكفوووون .. . |
ما شاء الله تبارك الله
الله يتقبل منكم ومبرووك للي بيروح الحج الله يسهل عليكم يا رب انا ما اعتقد بحج هالمره لو نستقر بالسعوديه قبل بيكون اريح صحيح رايحة اجازة الأسبوع الجاي عمره اكيـد..الحج ان شاء الله المرات الجايه اذا في العمره واحساسك ما ينوصف فسبحان الله كيف الحج!؟ الله يسهل عليك يا سندي ولا تنسيني في دعائك :) |
،’ يآربي .. قمة الونآسة .. حمستوني .. ،’ أنا كمان باذن الله هالسنة راح أحج .. إن شاء الله حجة مقبولة .. << تحاتي من الحين .. ،’ بالنسبة لاستعداداتي ,, مرة مرة مرة مرة مستانسة ومتحمسة .. أحسها مغامرة .. جهاد .. شيء رائع .. أنا دايم أشوف الحجاج في التلفزيون كثير .. ويدعووون وأتأثر .. هالمرة بكون معهم .. بيصير شيء مختلف أكيد ,, ،’ أمس رحنا وطعمنا عن الحمى الشوكية .. وبدأنا نحرص نشوف أحكام الحج .. ومن نشوف جا شيء بالتلفزيون عن الحج قعدنا نشوفه .. وناوين بكرة نروح نشتري من السوق شوية أغراض نحتاجها معنا .. ،’ وعقبال مانرجع وينادوننا : ( الحاجة قودي ) .. ( والحاجة سندي ) .. وكل البنات كمان .. ،’ على فكرة : فوق الوصف بعد بتحج .. :) ،’ |
الله يتقبل منا ومنكم ومن المسلمين جميعا
انا ودي اروح للحج فريضة ومتعة بصراحة ^_^ عاد الي بتروح لا تنساني من صالح الدعاء يــلا ان شاء الله تروحين و نناديكِ الحاجة سندي محبتي |
الله يتقبل منكم صالح الاعمال.. انا قد حجيت من قبل بس الله لا يوريك... احس اني حجتي مو مضبوطة وودي احج مرة ثانية لوحدي والسبب اني حجيت مع شلة من الاولاد والبنات اللي تقريبا بعمري.. يعني كلهم اخواني وخالي ولد عمي وبنات عمي وفي الطريق قابلنا سيارة جمس فيها 16 نفر 9 بنات و7 رجال.. وهم من جماعتنا اللي بعييد مرة مرة بس ابوي وقفهم وذبحنا لهم في الطريق وغديناهم تخيلوا كل هذا واحنا مسافرين للحج.. يعني صرنا مجموعة كبيرة مرة.. وكل ايام الحج راحت سواليف وتعليقات وتعارف.. رغم اني كنت احاول اني ما اعطي احد وجه.. ولا اضحك معهم بس غصب خاصة الاولاد يسوووون حركات تخلي الواحد يضحك من قلب..حتى في الحج يسووون مقالب..وانا في ذاك الوقت كنت صغيييرة كان عمري 14 سنه..>> طلعت عن الموضوع.. امم امممم اما بالنسبة لاغراض الحج ما وصيك تكثرين ملابس لانه رغم الجو البارد لكن مع الزحمة بتحسين بالحر...وتظطرين انك تتحممين كل ما رجعتي للمقر.. وانتبهي للاكل لانه انا جاتني نزله معوية من الاكل اللي قدموه لنا.. والمشي آآآه مشينا لان ما حطمنا الرقم القياسي بالمشي..>> يعني استعدي للمشي بعد وانتبهي على نفسك بالطواف يعني مو مع الزحمة تتأففين لانه والله رغم الزحمة إلا انه شعور جميل..حاولي تشغلين نفسك بالدعاء وانتي تطوفين وما بتحسين الا وخلصتي السبع اشواط كلها.. واذا ضيعتي حملتك عااااادي ترى ما راح تخافين لانه عن جد الناس هناك بأمان واخرتها الكشافة بوصلونك لييين حملتك.. الله يوفق الكل |
اقتباس:
تشرفت بمرورك:love0072: اقتباس:
وآمين ربي يسمع منك يالغالية،، و العقبى لك ان شالله:angel: اقتباس:
|
| الساعة الآن 12:09 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.