قصة حقيقيه بمستشفى راشد في دبي...

[.:محـبة الجنـان:.]

[IMG]file:///C:/Documents%20and%20Settings/User/My%20Documents/قصه%20حقيقيه%20بمستشفى%20راشد%20في%20دبي%20محزنه%2 0تدل%20على%20عضمة%20الله%20سبحااااااانه%20-%20منتديات%20بيت%20حـــــواء_files/275_1194180281.gif[/IMG]قصه حقيقيه بمستشفى راشد في دبي محزنه تدل ع عضمة الله سبحانهـ
>|[ قصة حقيقية حصلت في مستشفى راشد [دبي] ~>

يوم : الاثنين
الموافق : 7 / 1 / 1986م
الساعه: 7:15 الصبح
المكان : مستشفى راشد في دبي
طلعت الممرضة من غرفة الولادة و شافت علي يالس على الكرسي

ويدعي ربه أن الولادة تتم على خير

يت الممرضة عداله

الممرضه "..sir.. mabrook .. you got aboy .:~> [ مبروك ياك ولد ]

علي من الفرحه شوي و بيطير من مكانه

اخيرا ربي رزقني بالولد

الحمد لله و الشكر

شاف علي ولده و استانس و فرح و سماه محمد

في الغرفة

علي : " الحمد لله على السلامة يا أم محمد"

ام محمد : "الله يسلمك .. أخيرا تحقق الحلم ويا محمد "

وتموا يرمسون عن احلامهم في المستقبل

محمد من يوم هو صغير

كان يجنن والممرضات متخبلات عليه

اليوم الثاني

الصبح الساعه 9

دخلت الممرضة تنظف الحجرة

محمد كان في المنز عدال امه

والام شبه راقده

الياهل مثل ما كل اليهال وهم صغر

توه راضع و زاع

الممرضه يوم زاع

شلته و حطت بطنه على ايدها و قامت تضربه على ضهره

ام محمد فزت من النوم و فتنت عليها و شلت الولد

ما مرت دقيقتين الا محمد يزوع مره ثانيه

بس هالمره الزواع لونه وردي

مش طبيعي

زقرت ام محمد الدكتور و خبرته

شلو عنها محمد و راحوا

و عقب شوي ياها الدكتور و قاللها تطمني

بس قلب الام

ام محمد على طول اتصلت في علي وقالتله تعال المستشفى

علي كان رايح العين

لانه يداوم هناك

و كان على اساس ان ام حرمته بتسير تيلس عندها

قالتله ام محمد

الحين ترد

ما تسير

رجع علي باسرع ما يمكن

و حصلله رادار في الطريق صورة

من وصل المستشفى خبرته ام محمد بالسالفه

سار يدور الياهل

ما لقاه في الحضانه

طلب الدكتور و يوم يا قالله وين ولدي

الدكتور : " ابنك موقود ..كا تخفش.. مافيش اي حاجه "

بو محمد رد الحجره و يلس ويا حرمته يتريا اييبون الاهل

عقب شوي دخلت ممرضه تصيح

هالممرضه كانت الوحيده المسلمه في هالقسم

علي: " .. خير شو فيج "

الممرضه : " بابا... مال انته بجا واجد تعبان... ممكن موت .. كلش دم يجي من هلج مال هو .."

ام محمد من سمعة هالرمسه اضلمت الدنيا في عينها

و يتعافدن الممرضات ينعشنها

بومحمد سار عند الدكتور و قبضه من رقبته

وقالله الحين ابا اشوف ولدي و لا تراني باجتلك

و عقب بو محمد عرف السالفه كلها

و الصدمه

محمد عنده نزيف داخلي--- ثقب في الحجاب الحاجز للقلب

علي : " ... دكتور .. ولدي بيموت وانتو مخبين علي.. شو ممكن نسويله الحين.."

الدكتور : " الصراحه ما اعرف شو اقوللك... نحنا ممكن نسويله عمليه نلحم فيها الحجاب الحاجز.. بس نسبة النجاخ فيها 3% "

علي :" لا حول ولا قوة الا بالله العلي العظيم .. حسبي الله و نعم الوكيل "

مرت الايام

و علي مب عارف شو يسوي

شهر مر و محمد عايش على الاجهزه

ابو علي قالله خلنا نسفره برع

بس المشكله ان حالته ما تسمح بالسفر

الدكتور طلب يقابل علي

علي :" دكتور طلبتني ..."

الدكتور : " هي نعم ... يا علي حالة ولدك صعبه و نسبة نجاح العمليه تكاد تكون معدومه .... شو رايك تتبرع بولدك لخدمة الانسانيه و نحن عندنا خبير الاماني يبا يجرب علاج جديد للقلب.. فشو رايك تتبرعلنا بولدك"

علي شو وكان بيقتل الدكتور

بس الدكاتره الباقين قبظوه

اليوم الثاني سائت حالت محمد

الساعه 2 في الليل اتصلوا المستشفى و قالوا ان النزيف اشتد و لازم تتسوى العمليه خلال 6 ساعات ولا الولد بيموت

بو محمد يالس على نار

اتصلبه ابوه و قالله لا تسوي العمليه

بنحجز طياره طبيه خاصه و بنطرشه برع يعالج

علي قاله لا

انا بستخير و بشوف

بو محمد استخار ربه و قرر يسوي العمليه

الساعه 6:15 الصبح محمد داخل غرفت العمليات

و امه يالسه عند الباب تصيح و تذكر ربها

الساعه 7 ..... ماشي خبر

الساعه 8 ... ماشي خبر

الساعه 9 ... طلع الدكتور و قال الحمد لله لحمنا الحجاب الحاجز و القلب بعده يدق بس باقي نسكر مكان العمليه

ام محمد الله سجدت لربها شكر في الممر و تمت تصيح

رجع الدكتور غرفت العمليات

الساعه 12:30 طلع و ويهه كله عرق

و نظراته حزينه

قال حق بومحمد : " للاسف اخ علي ... من عقب ما سكرنا الجرح و قف القلب..."

بو محمد : " لاحول ولا قوة الا بالله .. اللهم اجرني في مصيبتي و اخلفلي خيرا منها..انا لله وانا اليه راجعون "

الدكتور تعجب من ردت فعل علي و توقع انه يصيح و يولول

ام محمد : " لا حول ولا قوة الا بالله.. بس لا ... ولدي ما مات.. انا متأكده "

الدكتور : " انا اقوللج قلبه و قف تقوليلي ما مات "

ام محمد : " انت ما تعرف شي.. انا في داخلي شعور يقوللي و لدج حي .. و انا مؤمنه بربي و متأكده انه ما بيخذلني"

ما لحقت ام محمد تخلص كلامها الا النيرس طالعه تصارخ

"his heart is beating again... i cant believe it" ~> [ ما اقدر اصدق ... قلب الولد رجع يدق ]

الدكتور ما عرف شو يقول

تم يطالع ام محمد اللي كانت متغطيه من راسها لين ريلها

و يقول في خاطره : " من وين لها كل هالقوه و الصبر"

[ عقب بتعرفون كيف عرفت اللي في خاطره ]

رجع الدكتور غرفة العمليات

و تم فيها 3 ساعات

قلب محمد يدق و عقب يرجه يوقف

عقب ما خلصت العمليه و استقر قلب محمد

نقلوه غرفة العنايه المركزه

الحين عمر محمد شهر و نص

بعد 3 ايام فتح محمد عينه

طبعا من عقب العمليه كان ممنوع حد يدخل عنده

حتى امه

يوم فتح محمد عينه فرحت امه

و بطلت شنطتها و ما خلت فيها شي

فلوس و ذهب

كل شي وزعته

و تمت تشكر ربها على ان ولدها فتح عينه من اول و يديد

بس الفرحه ما تكتمل

اليوم الثاني ياها الخبر

و الله محمد عنده تسمم بكتيري في الدم

بسب تلوث شي من المعدات اللي استخدمت في العمليه

بس تمت صامده

وكان محمد كل يوم يغيروله دم 3 مرات

ذبل و شحب

و امه صابره

بعد 3 اسابيع شفي من المرض

وبعد ما طلعوه من العنايه المركزه

ام محمد يالسه في الحجره تطالعه و تقرا عليه

و تطالع آثار العمليه اللي في بطنه

دخل الدكتور الماني

يلس الدكتور وقال حق ام محمد ممكن اكلمج في موضوع خارج شغلي

ام محمد تمت ساكته

قاللها : " انا ابا اعرف انتي شو اللي كان مثبتنج و مخلنج تصبرين كل هالمده "

ام محمد : " و هي ماسكه المصحف في ايدها .. ربي و هذا.. وانا كنت واثقه ان ربي ما بيخذلني و قرتله الآيه اللي تقول : "وقال ربكم ادعوني استجب لك " و قالتله ان اللي يتوكل على الله خلاص ما يهمه شي"

الدكتور ما علق و طلع من الحجره

اول ما وصل علي يا الدكتور وقاله ابا ارمسك في شي خصوصي شوي

علي طلع وياه الممر و قاله تفضل

الدكتور : " ممكن اعرف ليش حرمتك جيه متغطيه ... حتى شو لونها ما يبين "

بو محمد : " انا بقوللك ليش ... نحن عدنا الحرمه مثل الجوهره الثمينه .. لازم نغطيها و نحفضها من عيون الناس و تكون حق صاحبها و بس "

الدكتور : " والله ان هذا هو اكرام الحرمه ... بو عبدالله انا قررت شي .. و ابا اقوللك اياه"

بو محمد : "قول"

الدكتور : " أشهد ان لا اله الا الله و ان محمد رسول الله "

بو محمد : " الله اكبر .. الله اكبر"

و اسلم الدكتور من ورا قصة عبدالله و امه



هذه قصة حقيقيه

محمد الحين عمره بين 22، 23 سنه

و هو طالب في جامعة الامارات°ˆ~*¤®§(*§[IMG]file:///C:/Documents%20and%20Settings/User/My%20Documents/قصه%20حقيقيه%20بمستشفى%20راشد%20في%20دبي%20محزنه%2 0تدل%20على%20عضمة%20الله%20سبحااااااانه%20-%20منتديات%20بيت%20حـــــواء_files/275_1194180281.gif[/IMG]§®¤*~ˆ°][®][^][®][
منقـــــــــــــ ـ ــ ــ ــ ــ ــــــــــــــــــــووول...

المصدر: منتديات بنات دوت كوم

---

rwm prdrdi flsjatn vha] td ]fd>>>

الموضوع الأصلي : قصة حقيقيه بمستشفى راشد في دبي... || القسم : "الأرشيف" مغلق || المصدر : منتديات بنات دوت كوم || كاتبة الموضوع : .:محـبة الجنـان:.

[.:محـبة الجنـان:.]

أسفه أخواتــي نقلت الموضوع بالطريقه الخطأ..
عالعمــوم أرجو أن تستفيدوا....

[صمت الشوق]

سبحاان الله

بصراحه قصه مؤثره وحلوه ومفيده وفيها عظه وعبره ..

الله يثبتهم ويثبتنااا...

جزاج الله خير ع النقل صح مخربطه اشوي في الاخيره بس عادي فهمت لهاا ^^

[دانة السعودية]

قصه روعـــــــــــــــــــه
مشكوووورره اختي محبة الجنان

[.:محـبة الجنـان:.]

مشكــــــــــــورات خواتي عالمــرور...
ومره ثانيه اسفه على طريقة النقل الخاطئه..

[ملكة اللؤلؤ]

مشكوره

لكن وش اخبار محمد

[غرام الإمارات]

سبحان الله

[hidayamina]

قصهـ جناآآآآآآآآنـ ......
شكراآآآآآ كتيـــــــر ......
سلمتـ يمناكـ ......
لا حرمنا جديدكـ ......
و شكرا
-hidaya-

[قمررر]

قصه مؤثره وحزينه


يسلموووو ع الموووضوووع خيتووو

[همزة وصل]

سبحان الله ...
تسلمين على النقل