- احنَا قدّها [حمْلة لـ طلابْ المدارسْ] !

[M A H O O Y]

كلنَا نطمحْ للأفضل ، كلنَا نبغى نوصَل لـ هدفْ مُعينْ ، كلنَا نبغى نتميز عن الباقيِن ! ومَا راح نحقق كلْ هذا . . إلا إذا كانْ عندنا إرادة للـ " تغيير " ! ، مشهدْ - تخيلِي معِي - : جالسَة تشتغلِين على النتْ بكلْ إنهماك . . فجأة نادتكْ أمك ! - فلاااانة ، تعالِي رتبي الصالة ! سكرتِي الجهاز وأنتِي تسبين شغالتكم [خدامتكم] إلي انحاشتْ مع سواق الجيران أمسْ ! لمَّا رحتِي الصَالة هالكْ المنظر ! زبايلْ مكبكبة - غبَار - بقايَا أكلْ - أثاث محوسْ . . . إلخْ ويلَا بسمِ الله ، بعدْ ساعة الصَالة زي الفُل توسِع الصدر رحتِي لغرفتك نمتي ، بعد ساعتين قمتِي من إزعاجْ أخوانكْ . . طلعتِي للصَالة تطلبين منهم يهدون ، وانصدمتِي لما شفتِي المشهد !!!! الصَالة رجعتْ وصخة أضعافْ أولْ في أقل من ساعتين !!!! كلْ ترتيبك وتنظيفك وجهدك رااااح . . بالله وش موقفكْ وقتها ؟ يمكنْ تسألين نفسكْ ليش أخوانِي سووا كذا ؟ الجَوابْ إنهم للأسف متعودين و متأكدين إن في أحد من وراهم بيشيلْ ! فَ خلاصْ صارْ الموضوع جدًا عادِي ب النسبَة لهم !!!! وأنتِ تاكلينها إلى ما تجي شغالَة جديدة تاكلها عوضًا عنك ، أغلبيَّة الطُلابْ يعشقون وقتْ الفُسحة . . بـ عكسْ عاملات المدرسَة تمامًا ! وأنا جالسَة مع صديقاتِي في السَاحة . . تمر بنتْ مع صديقتها ، بينهم وبين الزبالة متر ونص ! وربي بكلْ بجاحة العالم وحدة منهم رمت قرطاس الشوكليت ع الأرض حتّى ما استحت يعنِي تخبيها !!!! قدام كل الناس وفي وسط السَاحة ! أنَا ما أعرف البنت ، ما أعرف اسمها ولا أعرف عنها شيء ، بس من هـ الموقفْ الي شفته منها طااااحت من عينِي لأسفل سافلين !!!! لها الدرجة يعنِي انعدم الحيَاء ؟ ، جمعتْ لكم عدة ظواهر منتشرة في المدارس للأسف الشديد ! النادرين النادرين الي مدارسهم كويسة أرجوكم لا تنزلون عشان ما تنصدمون . . طاولات الطُلاب البنتْ طفشانَة ، وراس مالها قلمها ! وهات يا شخابيط وخواطر وحفريَات . . الي يشوف الطاولة يحسبها ملك إنسَان مريض نفسيًا ! ومن كثر الكتابات الإدارة تفقد الأمل إنها تمسحها أيام الاختبَارات ويغطون الطاولات ب ورق حرام والله العظيم ، ونقولْ ليش نكره المدرسة ؟ لأننا ما احترمنَا مرافقها !!!! وش لون بتنفتح نفسِي وأصير مبسوطة وقدامي قذاره ؟ تبغينْ تشخبطين أكثر ما كثر ربي الأوراق الحمد لله والشكر . . فيك طاقات لا تسوين عمليات جراحيَّة ع الطاولات إلا روحي صقعي راسك بالجدران عشان تفرغين الحرش الي براسك ! جدران المدارس حدثْ ولا حرج ! صحْ إنها أقل من الطاولات بس لها حقها بعدْ . . من إنعدام الحيَاء ذاك اليُوم ألقى آثار (روج) على الجدار وتطوروا ما صارت بوسات وشخبطات ، صارت مستنقع علوك ! الظاهر فيها التهاب مفاصل ومو قادرة تقوم وتحس إنه عيب ترمي العلك في الأرض ! فأقرب شيء الجدار !!!! وتعالي شوفِي كل الأشكال والألوان ، متحف ! ، كلنَا مُسلمين ، وكلنا رددنا هذا الحديث واحنا صغار في المدرسة : قال الرسول صلى الله عليه وسلمْ : "إماطَة الأذى عنْ الطريقِ صدقَة" ! طيب ليش ما نطبق الحديث ؟ ولا نقومْ ونتعب ونتعلم وكل الجهد الي نبذله في المدرسة على الفاضي !!! معظم الدول العربية والإسلاميَّة للأسف [مزبلة] ، ويسألون ليش التلوث وليش الأمراض ؟ وإذا سافروا لبلدان غربيَّة أولْ شيء يخطر على بالهم "ياي وش هالبلد النظِيفة الي تفتح النفس" يعنِي ناس غير مسلمينْ ولا عندهم أحاديث ولا شرع وأنظف مننا ، والله الواحد يحس بالعار ، طلابْ اليابَان والحفاظْ على نظافة المدرسَة ! كلْ يوم عندهم حصة نهايَة الدوام ! صغار - كبار - بنات - أولاد ما يفرق . . كلهم يساعدون بعض ويتعاونونْ ، والنتيجة الفصل مخلص في أقل من 10 دقايق ! أطفال في صفْ أولى ابتدائِي بكلْ حماسَة ينظفُون الفصلْ ! الكلْ يشارك ما فيه أحدْ منهم جالسْ يتفرجْ على البقيَّة ! نقولْ ليش ينظفون طيب ؟ من الإيجابيَات إنهم إذا عرفُوا إنهم راح ينظفون في الأخير ما راح يرمون شيء ع الأرض ! والنتيجة ؟ ناسْ نظيفة في المدرسة وخارجْ المدرسة . . ومتكبرين ما فيه ، كلهم متواضعين ، كلهم متعاونين ! والتنظيف من أساليب التربيَة الصحيحة . . وبرأيي إنه مُتعة ، لأنِي أشاركه مع أصدقائِي ، وفي نفس الوقتْ الحركة بركة ، ولا عاجبتكم الجلسة في الحصص 7 ساعاتْ ؟ معلومة : بعضْ رحلات الطلاب اليابانيين تكونْ لـ جداول الميَاه والشوارع والحدايق ليش ؟ للتنظيف ! طبعًا ما قصر الأستاذ [أحمد الشقيري] وتكلم عنهم في برنامجه (خواطر5) بما فيه الكفايَة ، وسمعنَا خبر حلو في (خواطر6) إن النظام هذا بدوا يطبقونه في أكثر من 50 مدرسة في مدينة جدَّة بأمر من وزير التعليم ، طالب في مدرسَة ابتدائيّة يقوم بتعقيم يديه حفاظًا على النظافة ! وعقبَال بقيَّة المناطق إن شاء الله ، طيب تسألونْ الحين . . وش الفايدَة من الحملة وإيش دورنَا ؟ أقلْ أقلْ شيء حافظي على نظافة مدرستك ، حاولي بقدر الإماكن المكان الي تكونين فيه يصير نظيف () ابدي بنفسك أول ، بعدين ابدي في الي حولك . . وعّي صديقاتِك وزميلَاتك وانقدِي عليهم إذا شفتِيهم يرمونْ أو يشخبطون . . إلخ مو لازم تهزئين وتهاوشينْ ب الطيبْ كلْ الأمور تمشي () أفكار للمحَافظة على نظافَة الفصُول ، مرة لفت نظري واحد من الفصُول ، البنَات كانوا (متقاطين) وشارين هذيك الزبايل الصغيرة مرة - وأنتو بكرامة - حاطين عند كل درجين وحدة ! ومو متكلفين فيعا عادي جايبينها من أبو ريالين والمحلات الرخيصة ! وبكذا بوسط الحصّة معاك أي شيء بريتي قلم معاك منديل خلاص الزبالة موجودة =) ما فيه أسلوب الدعس في الأدراج والتهريب بين الكراسي -_-" وبين كل فترة والثانيَة يفضونها في وحدة من الحاويات الكبيرة في المدرسة ، أو ممكن كيس بلاستيك ينربط على الدرج من الجنبْ ! والأفكار لا تعد ولا تحصى () بخاخات الريحة ، سواءًا اليدوية أو الأوتوماتيكية ! رخيصَة سعرها حول الـ 15 ريال في السوق وفيه أرخص بعد () خلوهَا دائمًا تكون موجودة ، لها دور كبييير في تعطير الجو وتحسين النفسيَّة لأن من جد الروائح الكريهة تضعف التركيز 100% ! خصوصًا أيّام الصيف لا تعليق !!!! من تجربتِي الشخصيَّة ! الأسيتون (مزيل طلاء الأظافر) دواء فعال لكل بلاء . . جيبُوا علبة مناديل وعلبة أسيتون ، وفي 5 دقايق كل وحدة تاخذ كتلة مناديل وتغطسها بالأسيتون $_$ واشتغلوا فرك بالطاولة والأدراج من جوا مهمة جدًا ، دقيقتين وهي تمام ولا راح تعانون بعد من أطراف الأكمام المبقعة حبر $_$ وما أتوقع وحدة نظفت طاولتها ودعكتها بترجع توصخها من جديد =) طبعًا الحفريَات والعمليات الي تجرى على الطاولات للأسف لم يكتشف لها حل حتى الآن >< ممكن تقترحين فكرة ع الإدارة أو المساعدة ، يقيمون مسابقة في المدرسة لأنظف فصل لمدة ترم أو الي هو ! ووحدة تصير مسؤولة تدور على الفصول فجأة وتشوف كيف الوضع =) ويتم إذاعه نقاط الفصول كل يوم سبت ؛) آخر الترم يتم تكريم الفصل الفائز ويكافؤونه الإدارة باللي يناسبهم ! البَنات البطلاتْ هم الي راح ينظفونْ الفصل نهايَة الدوام . . أنتِي ابدي وحاولي تجذبين زميلاتك معاكْ بدال الجلسة بدون فايدة وأنتم تنتظرون سياراتكم =/ إذا شفتِي فيه تفاعل كلمي الإدارة يخلون لكم 10 دقايق مثلًا نهايَة الدوام وبإذن الله راح يوافقون () لحد يقول صعبْ ! العاملة وحدة وتنظيف 20 فصل في اليوم =( أنتم أكثر من 10 . . وتنظفون فصل واحد في اليوم ! حاجة ما راح تاخذ منكم ولا شيء () لا تقولون احنا ما رحنا للمدرسة عشان نشتغل وننظف !!! الشغل مو عيب ولا حرام ! بالعكس . . وأنا قلت بعض فوائد العمل هذا فوق =) وإذا احتسبتوا الأجر بإذن الله راح يثيبكم ربي على كل جهد بذلتوه ، صممت كم توقيع ورمزيَّة بسيطَات جدًا جدًا ، فقطْ لـ دعم الحملة () وأشكر من أعماق قلبي كل من ساعد على نشرها + ، أخيرًا . . أعتذر على أسلوبي الفظ ! وأتمنى من الله تعالى أن تعم فائدة الحملة على الجميعْ () مو نقرا في الانترنت ونشوف في التلفزيون ولا حيَاة لمن تنادي . . نبغى ناس تتحرك ، نبغى نتطور ! أرجوكمْ ، التعبْ هذا كله نبغاه ينتج ثماره () جزاكمْ ربي الجنَّة ، وشكرًا لكم حقوق النشر غير محفوظة ()

المصدر: منتديات بنات دوت كوم

---

- hpkQh r]~ih FplXgm gJ 'ghfX hgl]hvsXD !

الموضوع الأصلي : - احنَا قدّها [حمْلة لـ طلابْ المدارسْ] ! || القسم : مـدرسـة بـنـات دوت كـوم || المصدر : منتديات بنات دوت كوم || كاتبة الموضوع : M A H O O Y

[البروفسورة]

السلام عليكم ورحمة الله وبركاته
صحيح شئ يضايق لما تشوفين
الطاولات وسخة ):
يعني إلى متى بنصير نكره المدرسه
احسه ضعف شخصيه اروح للمدرسه وانا اكرهها
لا وكل يوم بعد
أنا اقول لو يخلون طاولات المدرسه زجاج كان احسن
وتكون شفافه والدرج أسيام يعني إذا رميتي بري يطيح
ويكون واضح للكل
كذا كل وحده بتستحي على وجه وبتبطل قلة أدب
نظافه نظافه نظافه بس من الإدارة كذا
ولا نشوف شي
المفروض فيه قرارات صارمه **:
ماعندك أحد )): مو باليابان


البروفسورة

* معاكم بالحملة

[دُنْيا]

وعليكُم السلآم ورحمة اللهً’ وبركآتِه ,

مآشاء الله عليكِ يَ’ مهـآإ
موضوعً’ ججداً جمييلٍ ومُهم , والحمله جداً هدفهآإ رآئِع
تدُوم هالآفكـآإرَ’ المُبدعِه يالغلآ ,

فعلاً , كلٍ كلمه قلتيِهآ كآنتْ بـِ محلهآإ . . !
محدْ مكرهنَـآإ بـِ المدرسه إلآ ذيْ الآوسآخٍ والزبآيلْ ><
ججدْ قرفْ واللهً’ . . !

ربيْ يهدِي الكُل , معكُمْ بـِ إذن آللهَ’ !


بـِ التوفيقْ =")

[βɛʀȍ ≈]

m y p l a c e | b r b

باڪ . .

المششهد ، ببجد أحيانا ڪذا يصيير لي وأعصصصصصصب = @

الطاولات الجدران | حسيتڪ تتڪلمين عن مدرستنا ! ، بالذات الطاولات الجدران مو ڪثير !
أنا عن نفسي اتقرف وع اسستغفرالله : | ، ما أصدق ان فيه بشر يعيشون بڪذا قذاره = /

اليابان | يَ رب أهلي يعطونني وججه ونعيش هناڪ ! ، أحسسهم بششر من جد ونظيفين ومهتمين بالنظافه على انهم مو مسلمين ! = |

الشقيري | أحس بالنقص اذا شفت برنامجه ، إحنا مسلمين وعندنا القدرة نسوي زي اليابان وأحسن ! ، بس محد معطينا وجه = /

شڪراً مهّوي ع الحملة الراائعةة ،
لڪ تقييمي = )

[m0on girl]

فعلا ظواهر منتشرة

الي يقهر كمان الي يطيحون اللوكرات عالارض فعل همجي جداً

يعني افرضي وحدة طاح عليها؟وهو مصنوع من المعدن وثقيل

وايضا الي ترمي مخلفات الطعام في صندوق تدوير الورق !!

اتذكر السنة الي راحت قلت بجيب فرشة اسناني زي اليابانين بس ماجبت :\


احنا قدها ، معاكم

[(حيااااتي الدجه)]

والله خططططططططططططيره الحمله ذي


والله الكلاام خططير والصوور بعد

خوووووش حمله

جاات بوقتهاا


>> ذكرتيني بخوااطر

انشششششششااء الله يسمع منك
وتتظبط مداارسنااا

تششششكراات ع المووضووع الحلوو

ودي

[أنامل الخير]

السلام عليكم ورحمة الله و بركـآته ..

موضوع في غآية الأهميه

المشكله فينا نحن العرب المسلمين أننا نعرف ان اللي نسويه غلط ..
ونعرف ان النظافه من الإيمان ..

نعرف ان الأوساخ غير مقبوله في ديننا لكن مافيه أفعال بس كلام عالفاضي
يعني هه وإذا وسخنا المكان عادي ورانا شغالات و خدم ينظفون ..

أو ياخذون الأمر بتكبر .. أنا بنت فلان أنظف < لا بس يرحم امك

لازم نعزم الأمر ونشيل التكبر والغرور .. بسنا تكبر بسنا تخلف

كلنا من طين و أبونا آدم وكلنا ميتين
ماراح ينفعنا الغرور ولا راح تنفعنا عدم النظافه

ينفعنا التواضع وينفعنا إماطة الأذي

لمتى يعني بنصير كذآ ؟!


..

مهـآوي

موضوع جميل جداً
تستحقين التقييم إن استطعت
وأرشح أن يكون للموضوع بنر
جزآكِ الله خير

[SaRah-HeBa]

الْسًلآمْ عليُڪِمً ۈ رحُمِہ الِلّه ۈ بْرُڪآِتہْ ()
.
.
.
.

حَمْلَةْ رَآآئِعَةْ جِدَآ وَ هَدَفَهَـآآ وَ آآآضِحْ

صَرَآآحَةْ كُلْ الِلِي قُلْتِيِهْ صَحِيْحْ وِمَـَآآ عَلِيَه كَلآم وِزَيْ مَـآ قُلْتِيْ " أحْمَدْ الشِقَيٍرِيْ " مَـآآ قَصَر

تمر بنتْ مع صديقتها ، بينهم وبين الزبالة متر ونص ! وربي بكلْ بجاحة العالم وحدة منهم رمت قرطاس الشوكليت ع الأرض حتّى ما استحت يعنِي تخبيها !!!! قدام كل الناس وفي وسط السَاحة !

 

 

موقف صرآآحه غبي والبنت زي مـآآ قلتي مـآآ عندهـآآ ذرة حيـآآء

وذي الموآقف صـآآرت كثيرة في هذآ الزمن وبالدول العربية خـآآصة . . .

طاولات الطُلاب

 

 

مو بس كذآ لآ وبكل بجـآحة وقلة أدب تجي المعلمة تسـآلهـآ عن السبب اللي خربت الطآولة

عشـآآنه تجـآوبهـآ وتقلهـآآ بدون سبب بس كذآ " طفش "

وبالنسبة لمدآرس اليـآآبـآآن . . . لآزم يسوون كذآ الأطفـآآل لانهم مـآ يشوفون إلآ

النظـآآفة فـآكيد مـآ تعودوآ على غيرهـآآ

.
.
.
.

شكرآ لك مهـآإ على الطرح + الحملة

معكـن

لكِ أحى تقييم . . .

ありがとう < ARIGATOU

[T u k i]

وعليكُم السلآم ...

صراحة من جد استمتعت وانا اقرى الموضوع

ولا صراحة اسلوبك روعهـ , والفكرة اروع وإن شاء الله تطبق

أو ممكن كيس بلاستيك ينربط على الدرج من الجنبْ !

 

 

هاذي احياناً نسويها ... تكون انظف واسهل واسرع بدال المشورة << برى

اكثر شي يقهرونك ذولا الي احنا ما جينا ننظف ! طيب لا تنظفين حبيبتي بس لا توسخين !

وان شاء الله نلقى ثمار هالحملة السنة هاذي ^.^

وما اتوقع 10 دقائق تنظيف راح تضر




قدها وقدود ,, قامبتي ميننآآ

مهاوي أبدعتي

[мɑнɑ -]

مهو و و و ي

وقسسم موضوعك ف َ الصمييييم ~

لو مداني أصور لك المدرسة كان صورتها

الـأرض فيها بقع سودآ / علك من زماااان ومع الوقت سووود ><

وقسم مرة كنا راجعين من الفسحة ونلقى عالسبورة علك مزلقة عليها مسطرة ومزلقة عالسبورة

والعام كنا قاعدين وانا وصديقاتي سوا في السآحة وفجأه أمطار من اللبآن فوق رووسنا ~

بس ربي لطف ولـآ تعلكنا

هذا قطرة من بحوور القرف اللي توآجهه كل البنت في كل يوم مدرسي

وأكيد كلنا قدها وقدوود

نمنع المزبلة [ وعذرا عاللفظ ] اللي بالمدرسة

أما الكتآبه عالجدرآن فَ حدث ولـآ حرج ><

عيني عينك وربي مآ يستحوون أبد ولـآ كاننا مسلمين ونظااف ><

والشقيري ووزير التربيه والتعليم مآقصر أبدد جزآه الله خير

لي عودة بـ التقييم + 5 ستآرز +