و حلاوتنا بشقاوتنا {مسآحتي}

[نعنوعة]

كَم أشتَآآق لجَمعة الاصحَآآب و مَرح الاحباب و جدية المُعلمَآآت كم أشتآآق لصفنآآ البسيط الذي نقضي فيه أوقآآت فيها الفرح و المرح المر و الحزين الملل و السعيد كم أشتآآق لسآآحة امتلأت بالطَلِبَآآت كم أشتآآق للجد و العمل و الكرف و الدراسه و كم أشتآآق لتذمراتي منها كم أشتاق للعوده للمداارس هذي راح تكون مساحتي الخاصه تظم ثرثراتي و مواقفي و أحلامي و آمالي و اعتراضاتي و تأييداتي المدرسيه الاسم:نعنوعة أوم نونه العمر:١٧ سنه المرحله:ثالث ثانوي

المصدر: منتديات بنات دوت كوم

---

, pgh,jkh farh,jkh VlsNpjdC

الموضوع الأصلي : و حلاوتنا بشقاوتنا {مسآحتي} || القسم : مـدرسـة بـنـات دوت كـوم || المصدر : منتديات بنات دوت كوم || كاتبة الموضوع : نعنوعة

[نعنوعة]

{صفر} أممممممم أحنا راح نبتدي دراسه يوم الاحد تاريخ ١١-٩ و هذي آخر سنه لي بالثانويه بخصوص تجهيزاتي// شريت الدفاتر و الاقلام فصلت الملابس شريت شنطه عندي جواتي (اللله يعزكم) واحد عادي واحد رياضه عندي قميص رياضه بس باقي بنطلون أما عن الكتب فبعض الكتب نفسها مالت العام بس في حق هالسنه بعد غير يعني الي غير مال العربي و الشرعيه و الاجتماعيات أسلوب مدارسنا// أحنا مدارسنا يسمونها المدارس المستقله و هي تابعه للمجلس الاعلى للتعليم و تكون المواد العلميه بالانجلش أما بالنسبه للثانويه ما عندنا أدبي و علمي لا غيروه سار انه اول سنه ندرس فيزيا و كيمياو احياء و رياضيات و انجلش و عربي و حاسوب و شرعيه و اجتماعيات و رياضه بس لما نروح ثاني سنه لازم نختار مسارات في ثلاث مسارات و توهم أظافوا الرابع البزنس و الي هو اسهل مسار و هو مساري طبعا فيه مواد متقدم و تاسيسي يعني مثلا الماث تاسيسي و العربي متقدر و مافيه مادة احياء و لكن في ماده اسمها ادارة أعمال او بزنس ندرسها بالانجلش امو في مسار الانجنيرنج بس مافيه مادة البزنس و في مسار الطب و في مسار الاي بي او الدبلوما الدوليه هاي صعب و مال شطار اما للدخول للجامعه و التخرج من الثانويه فمطلوب منا ١٥٠ ساعه نروح نتطوع انا خلصت ١٠٠ و باقيلي خمسين و طبعا في امتحانا للجامعات نفس التوفل و السات و غيرها يعني على حسب الجامعه انا ابي ادرس في جامعة فرجينيا فاحتاج يا توقل يا الايلز و انا قدمت للايلز ثلاث مرات بس ليحين ما نجحت و بس احس طولت عليكم انتظروني مع الجاي

[نعنوعة]

بدينا دوااام
بصراااحه احس عذاب صح لاوضع هادي بس
احس ان بننكرف عدل هالسنه و مافي رحمه
اول شي احنا ثوالث منفصلييين عن العالم
لان احنا بالمبنى الخارجي وصفوفنا صغيره و يادوب تكفينا يعني عذااب
بس الزين ان هالسنه المدرساات كلهم اوكي و الحمدالله

[نعنوعة]

اخ بس اخ من وين ابتدي لكم
الوضع حددده ممل و هادي ما في اي جديد
بس بدينا الدراسه و العذاب
بس اهم شي ان نقدر نشوف ربعنا كل صفوف ثالث جمب بعض
. . . . . . . . . . . . . . . . . . . . . . . . . . . . . . . . . . . . . . . . . . . . . . .
اليوم:الاحد
كان علينا الحصه الاولى ماث طبعا تاخرنا الصبح
فكان علينا الاولى ماث و عاد ابلة الماث هاذي مادري شلون المهم جبنا لها ورقه انا و بنت عشان تدخلنا ما رضت و ان كان ويهي جذي
هييييي مافي ماث فكككككه و عاد ردينا عند الاداريات قعدو يقنعنون في الابله لين ما رضت علينا و دخلتنا و قعدت تهدد

هاي الي سار اليوم و بس

[نعنوعة]

سوري تاخرت عليكم بتكلم عن اليوم و أمس
. . . . . . . . . . . . . . . . . . . . . . . . . . . . . . . . . . . . . . . . . . . . . .

اليوم:الثلاثاء

كان امس و كانت حالتي حاله ما راقده و صايدني ارق قمت الصبح راسي
يعورني عاد رحت المدرسه جوفوا حالتي في الحصص خلاص عيوني تتسكر
و انا اكتب الصفحات تلخبطت و تعفست لان فيني نوم خخخخخخخخخخ

اليوم:الاربعاء

اليوم كان عادي لاني نايمه عدل طافت حصة الفيزيا(حبتين)
جاتنا المرشده الاكادميه و قعدت تكلمنا عن الجامعات و امتحانات
المطلوبه حق الجامعات احس جدامي شغل واايد ابي اسوي امتحان توفل
و امتحان سات او ايسيتي ليحين ما استقريت ابي اروح اتطوع باقيلي خمسين ساعه
و ابي ابتدي ارسم حق متطلبات جامعة الاحلام خخخخخخخخخ
و عاد قالت لنا المرشده ان ما راح ندخل اي جامعه باستثناء جامعة قطر
من غير شهادات اول ثاني فرحت عند نائبة المديره و طلبتهم وبس
عاد الحين جدامي اشكثرررررر درااااسه حدي مشغوله الاني اجلت شغل امس
كله لليوم خخخخ جني مب سامعه بمثل : لا تؤجل عمل اليوم الى الغذ
خخخخخخخخ سي يو

[نعنوعة]

هآآآي
سوري على التأخير بس وايد انشغلت الفتره الاخيره
أوك راح اتكلم عن يوم الخميس و الاحد و اليوم
- - - - - - - - - - - - - - - -
اليوم: الخَميس
كَآآن يُوم مُمِل و هآآدي كِنت طوووول اليُوم أنتظر و بفَآآرغ
الصَبُر مِتَى ارد البيت لانه ، عَآآد أخَس حِصه اهي المَآآث
الابلَه الله يَهديهآآ تكَتبنآآ شكثر لين ما تطيح ايَادينا
و كَآآن الجَدول خَآآآيس كان ماآث و كمستري و فيزيا
وَرآآ بَعض يَعْنِي عَذآآب مب طَبيعي

اليُوم: الاحد
رِحت ذَآآك اليُوم و أنَآآ مَآآلي بَآآرِض ارُوح
رَاسي يعورني مِن الصُبح لا و وصلت وهل
امس لان مافي بِنت عمتي مع العِلم بِنت عمتي
اصْغر مني بسنَه و اهي معاَاي بنَفس المدرسه
فنرجع و نروح مَع بعض عَآآد كَانت غايبه الشغاله و
خَوآآتي مستانسين هييي اليُوم مافي آحد يأخرناآآ
خخخخخخخخخ

و انتظروني برجعلكم مع الي سار اليوم بعد ماآ أخص درآآسه سي يوو

[نعنوعة]

اليوم: الاثنين
قمت الصبح بعد نوووم طويييل لبست و نزلت و بعدين ركبنا السياره انا و خواتي و رحنا ناخذ بنت عمتي
المهم وصلنا المدرسه و انا من اول اليوم قاعده اقول اليوم نهااااية العالم لووول هاي الله يسلمكم في هالم قايل ان اليوم بيجي مذنب و مادري بيسير كسوف و مادري ايش بيسير المهم اول حصه كان علينا ماث اوف كتبتنا اشكثر و تقول انا شوي مكتبتكم و الثانيه بزنس الابله وايد تكلمت وعورت راسي والثاله انجلش ما كان في شي جديد و تم اليوم على هالملل لين الخيره كان علينا شرعيه أبلتنا تونسيه و لكنها فللله قعدنا معاها شوي درس شوي سوالف و عاد دخلنا بالسياسه و بتونس و ليبيا و القذافي و عاد رن الجرس و ردينا البيت قعدت عالمنتدى و بعدين قعدت ادرس

اممم صورتلكم كتبي و اغراضي:

هاذي مساحتي الدراسيه لوول السرير و شنطتي


كتاب الماث لحد يتخرع


كتاب البزنس نفس كتاب العام ترى مو أنا الي مآكله الكتاب هاذي الي قبلي


كتاب الفيزيا نفسه مال العام


هاي اثقل كتاب هاي كتاب الريدينج انجلش بس ما نقراه كله بس يختارون منه


اجندتنا الي يوعونها المدرسه لحد يغتر تراها شصغر


كتاب الشرعيه


و هاي كتاب الشرعيه من داخل

كتاب الاجتماعيا جغرافيا لسه ما عطونا التاريخ


هاي كتاب الاجتماعيات من داخل


كنت ادرس بزنس او ادارة اعمال هاي البور بوينت مال الدرس الاول


هاي الكمستري كنت قاعده ادرسه


هاي دفتر الماث

هاي من داخل شوفو شكثر مخليتنا انحل و تقول شوي في صفحه بعد وراهم


دفتر الفيزيا احلى دفتر عندي


هاي من داخل كنت ادرس

و بس و انتظروني بكره

أحبككم