لـِ ( بنات الــكـــويـــت) عاجل !

**همس السَحر** · #1 15-04-2009, 07:20 PM

بسم الله الرحمن الرحيم

تعلن جمعية التراث الإسلامي بدولة الكويت غداً الخميس ..

عن محاضرة للدكتورة / أسماء الرويشد ، من الساعة الخامسة عصراً بعنوان :

( مشروع الحياة من جديد) ،sm.1.

وبعد المغرب محاضرة خاصة بالفتيات بعنوان : ( أعلني انتصاركِ).:sm.33:

مقر المحاضرة : مفاز النسائي صباحية ق4 ش 16 م 842

للاستفسار:

23617444

تحويلة:109-110

ج:94432992

يا بنات ترى هذي أشهر داعية عندنا..يجنن أسلوبها...لا تفوتونها

علمي صديقاتك...قريباتك...

ولك الأجرsm.1.

المصدر: منتديات بنات دوت كوم

gJA ( fkhj hgJJ;JJJ,dJJJj) uh[g !

الموضوع الأصلي : لـِ ( بنات الــكـــويـــت) عاجل ! || القسم : "الأرشيف" مغلق || المصدر : منتديات بنات دوت كوم || كاتبة الموضوع : همس السَحر

**Ms.KuwaiT** · منذ /15-04-2009, 10:38 PM

السلام عليكم ..

حمستيني لها ..

سامعة عنها .. بس ما قدر حضرت لها شي ..

معنها يت الكويت كذا مره ..

بحاول أروح لكن المشكلة المكان حييل حيييل بعييييد ..

بشوف لو أحد رايح أروح وياه ..

إن شاء الله أقدر ..

يزاج الله خيير sm.1.

**~ أشـواقـ اللـقـا ~** · منذ /15-04-2009, 11:30 PM

الله يجزااااااج خييييييييييير

على مشاااعرج الطيبه ..........

عآد باجر ان شالله في درس للعريفي .. بنفس الوقت :sm.31:

والله العنواوين جذاابه . .

ان شالله أحاااول احضر .


بحاول أروح لكن المشكلة المكان حييل حيييل بعييييد

مي تـــو :sm.55:

جزاااج الله خير مره 2 على التذكيير

**همس السَحر** · منذ /16-04-2009, 12:46 AM

مس ،

فعلاً يا شين المكان لا صار بعييد:sm.68:

بس تستاهل الروحة

الله يسعدك ع الكلام الحلو

:

شواااقي

آآآآمين يارب وإياكِ..

مشكلة إذا صار فيه تعارض..
بس العريفي تقدرين تلقين له تسجيل...

ويطلع بقنوات ....وكذا..

بس هذي لا !

رووووعة...رووووعة من قلب...

بس أهم شي روحي لمحاضرة الفتيات...تراها عسلللل

**بنت العفاف** · منذ /16-04-2009, 01:36 AM

بسم الله الرحمن الرحيم

جميل !! :)

سأذهب بإذن المولى << مع انني كنت مقرره أذهب للعريفي ولكن صدقتِ له تسجيلات كثيره

\
/

غاليتي .. بارك المولى بكِ

وجوزيتي الفردوس الأعلى

\
/

أسأل الله ان ييسر لنا الحضور والإستفاده

دمتِ كما يحب المولى ويرضى

:)

**Ms.KuwaiT** · منذ /16-04-2009, 11:37 PM

بــاك ..

الحمدلله قدررت أروووووووح :sm.33:

صج ضيعت :sm.68:

و اخترعت من المكان مو متعوده على المنطقة :sm.31:

بس الحمدلله لحقت عليها و كانت توها بادية ..

ما شاء الله عليها أسلوبها رووعه ..

طريقتها بسيطة و عفوية ..

بسرعه تتفاعلين معاها و تندمجين بكلامها ..

و فتحت مواضيع حساسه و مهمة ..

جد يحتاجون يسمعونها البنات خاصة بنات المدارسة ..

طلعت من المحاضرة بشحنات إيجابية ..

و رغبة التغيير

و شريت كتاب من كتبها بعد .. :sm.55:

يزاج الله خييير همووسه ..

يارب يجعله بميزان حسنااتج ..

و الله سويتي فينا خير

**همس السَحر** · منذ /17-04-2009, 06:39 AM

بنت العفاف..

إن شاء الله حصلت لك الروحة ؟

الله يكتب لك مافيه خير،

وتسلمين ع الدعوات الطيبة

ميسو،

الحمدلله اللي حصلت لك الروحة....

جد الواحد يطلع وهو ملياااان بالشحنات الإيجابية...

فرحتيني واللهsm.1.

***غالية الأثمان*** · منذ /17-04-2009, 09:21 AM

اهئ اهئ للاسف ماقدرت ارووح ,,

بس رحت درس العريفي ...

ميوووس قوليلنا شنوو قاالت ؟؟
شنو المواضيع اللي طرحتها ..
؟ ؟

جزاج الله خير هموووس والله يجعله في ميزان حسناتج ..

<< عاد امس العريفي تكلم عن هالنقطه يقول خلو لكم انجاز ..
ولو برساله ترسلونها للناس عن محاضره ..

وانتي سويتي انجآز :)

**Ms.KuwaiT** · منذ /18-04-2009, 02:34 AM

إن شاء الله من عيوني

هو الكلام أثر فيني و وصلني ..

لكن شلون أنقله لكم مثل ما قالته مادري ..

بحاول أقول قبل لا يتبخر .. >> الكلام مو الأثر p:P

اسلوبها حلووو من أولها قالت ابيكم تشاركون و تتفاعلون و قولوا اللي تبونه لا تستحون حتى لو غلط ..

هي المحاضرة عن الانتصار على الشهوات و على النفس و التغلب عليها ..

و ضربت أمثلة عديده ..

و بدت بقصة قائد الجيش يقولهم بما معناه لو انتصرنا على نفسنا راح نقدر ننتصر
لو ما انتصرنا عليها فعدونا هو المنتصر

و سألت الحضور شنو تفهمون ..
و قالت انه يقصد الانتصار على النفس أصعب من الانتصار على العدو ..

و بالنسبة للمعاصي و الذنوب

فرقت بين اللي يغلط و يحس بتأنيب
و اللي قلبهم بارد
و ضربت مثل لما الوحده تشوف فلم أو تسمع أغنية و بعدين تحاسب نفسها
و يأنبها ضميرها ..
و وحده عادي عندها
و قالت حلو الواحد يحس بتأنيب و قالت حديث :
من ساءتهسيئته وسرته حسنته فهو مؤمن

و قالت مشكلة لما تكون المعصية أو الغلطة فكرة ثم تتحول لقناعة إلى أن تصير لإرادة

مادري عاد شلون أشرحها
بس مثل لو بنت سمعت اغنيه ..
و لما خلصت تمت مده حاسه انها مسوية شي غلط
و انها مو مرتاحه ..
مع الوقت صارت تسمع و تبرر لنفسها و ما تمنع نفسها .. و توصل لقناعة انه عادي

و بعدين توصل لمرحلة الارادة و انها تبي تسمع و انه شي عادي مافيها شي و تصر على السماع

و قالت قصة واحد كان رايح يسوي معصية
و هو بالطريج قاعد يحاسب نفسه و مو قادر يمنع نفسه
و سوا حادث ، بدال ما يعصب فررح
و نزل حب راس السايق و يشكره
و كان فرحان انه صاره حادث منعه عن معصية
و قاله تصليح السيارة علي
فاتصل كفيل السايق و قاله منته أكرم مني تصيلح سيارتي و سيارتك علي ..

و قالت انه واحد يسأل شيخ شلون أوقف عن المعصية
و اني أشوف معاصي ؟
قاله تذكر انك قبل لا تشوف المعاصي
إنه الله يطالعك أسرع منك و قبل لاتشوف المعصية

و من خلال كلامها عن المعاصي و التهاون فيها
تكلمت عن الاعجاب بين البنات ..
و انه شلون بنات يبررون لنفسهم و منهم يقول حب في الله
و منهم يقول عادي هذي بنت مو ولد
و منهم يقول مافيها شي ..
انه في بنات يكتبون رسايل توصل للشرك و السجود و من هالكلام

و تكلمت شلون الوحده ممكن تكون ايجابية
و تغير أي حوار و جمعه عائلية لقعده ممتعه بعيده عن السوالف السطحية
و قالت ممكن نكلم الشغلات عن الاسلام ..
نسولف عن الاشياء قريناها و تعلمناها بالمدرسه و بالجامعة او الكتب
و انه احنا مثقفات المفروض ما نستانس بجمعات النساء السطحية

و تكلمت عن التأثر بالغرب ..
و إنه ليش نغير لبسنا عشانهم ..
و من هم عشان نقلدهم ..
و إنه الله موجود بكل مكان ..
و انه الزي الاسلامي ملبوس لله مو للناس ..
و انه الله موجود بدريتنا و بأوروبا ..
مو بالطيارة خلاص كل شي يتغير .. و القيم تتغير و الاعتزاز بالدين كله يروح

وقالت عن كتبها
للمتزوجات و المخطوبات
و كتب الاستفادة من الاجازة
وكتاب عن الايجابية شريته و قريت منه بالسيارة ..

و الله تمنيت تطول أكثر و تتكلم عن كل موضوع بالتفصيل
كان كل شي على السريع .. أو مادري من كثر ما الوقت ممتع و حلو مر بسرعه

sm.1.

**همس السَحر** · منذ /18-04-2009, 06:44 AM

جزاك الله خير...

والله ينفع بك....

sm.1.

مرررة استفدت....

خليتيني أتخيل عن إيش تكلمت !

( أعلني انتصارك) ،كان عنواناً جذاباً بالنسبة لي....

الله يسعدك يامس...

ويكتب لك بكل حرف حسنة :)

الذين يشاهدون محتوى الموضوع الآن : 1 ( الأعضاء 0 والزوار 1)