رواية ( أصدقاء للأبد لو يطول الأمد ) روووعة

[المسلمةالمسالمة]

الجزء الخامس

يوم الاربعاء في الصباح ...
وبالتحديد بالمدرسة الحصة الاخيرة ...
كانت ايام المراجعه...
ربى : ليوونه
لين : هلا وغلا
ربى : استعديتي للأختبارات
ربى : وععع ما لي خلق للاختبارات
لين : عاد شدي حيلك نبي درجه ترفع الراس
لين : ان شاء الله
صفرت الحصه وكل واحد راح لبيته .......
%%%%%%%%%%%%%%%%%%%%%%
وبسرعة مرت الايام .. وانتهت ايام الاختبارت
وكل واحد اخذ شهادته ........ وابشركم الكل نجح

رواية اصد قاء للأبد .......تكمله..

راحت لين لغرفتها ونامــت....

يوم الاربعاء في الصباح ..في المدرسة الحصة الاخيره كانت ايام مراجعة.
ربى: ليونه
لين: هلا وغلا
ربى: استعدتي للإختبارات
لين: وع ع ع مالي خلق للإختبارات..
ربى: عاد شدي حيلك نبي درجة ترفع الراس.
لين: ان شاء الله
رن جرس المدرسة وخلصت الحصة وكل وحدة راحت لبيتها..
&&&&&&&&&&&&&&&&&&&&&&&
وبسرعة مرت الايام وانتهت أيام الكرف أيام الاختبارات والكل اخذ شهادته وابشركم الكل نجح..

في بيت ابو حسام..
ربى: يبه.
ابوحسام: هلا
ربى: وش نسوي بالعطلة.
أبوحسام: كولوا وناموا.
ربى: يبه لا عاد وش نسوي؟
أبو حسام: وش تبون نسوي
حسام: نسافر.
ام حسام: ايه نسافر.
أبو حسام: وين ان شاء الله؟
ريما: ماليزيا
ابوحسام: لا ماليزيا خلي زوجك يسافربك بشهر العسل
ام حسام: ان شاء الله
ربى: احلى احلى
ريما تحمر وجهها : اسكتي بس..
رحاب: يبه نبي نروح لجده
ام حسام : لا نروح الشرقية علشان امك فيه وأهلك كلهم هناك
أبو حسام: زين خلاص يصير خير
ربى: يعين نروح للشرقية
أبوحسام: ان شاء الله
رحاب: متى
ابوحسام: ما ادري نشوف ........... وين سعد
ريما: نايم.
حسام هالولد بس ينام
ام حسام: غرت رح نم
حسام لا ما غرت
رن التلفون..
ربى: أنا أنا بأرد
ريما: استغفر الله كأنك طفله
ربى: يمكنها لين
ربى: الوو.
لين: هااي
ربى: اهلين سبحان الله قبل شوي أقول لريما أن بالتلفون لين.
لين: ايه القلوب شهود
ربى: لين دقيقة بروح الغرفة الثانية.
أخذت التلفون وراحت لغرفتها..
ربى: ايوه
لين: وش عندك شكلك عندك شئ.
ربى: ايه
لين: وشو
ربى: خمني.
لين: امممم.... بتسافرون.
ربى: صح .. باسم الله وشلون دريتي؟؟
لين: قولي ما شاء الله ترى أنا التخمين عندي 100%
ربى: ما شاء الله.
لين: وين تسافرون؟
ربى: الشرقية.. وأنتم ما تبون تسافرون وتغيرون جو
لين: إلا أكيد بس ما بعد قررنا.
ربى: تعالوا معنا.
لين: ياليت..
ربى: قولي لأبوك نبي نروح الشرقية..
لين: بأي مكان بالشرقية بالضبط.
ربى: اممم أظن انه الدمام.
لين: خلاص اشوف عن ابوي واعلمك.
ربى: وانا بقول لأبوي.
لين: وشوله.
ربى: علشان جدي عنده عمارة فيها شقق وبخلي ابوي يحجز لكم.
لين : طيب لو ابوي ما وافق
ربى: لا بيوافق ان شاء الله
لين: ان شاء الله مع السلامة.
لين راحت لأبوها: يبه
أبو سامي : هلا
لين : نبي نسافر للشرقية
ابوسامي: الشرقية ليش الشرقية عاد
لين: ربى وأهلها بيروحون لها وتقول ربى ان ابوي بيحجز لكم شقة من عماره جدها
ابوسامي: ما شاء الله خططتوا قبل ما تقولون لي
لين: هاه وش رايك.

ابو سامي: خلاص بس شوفي عن امك.
لين : طيب ...... وراحت تركض علشان تعلم امها.
وهي تطلع من الغرفة.. جاء قدامها سامي وصدمت فيه
سامي: آآآآه هيه هيه ما عندك عيون .
لين: لا...... وراحت..
سامي: يبه وش فيها هالمرجوجة.
ابوسامي: تبي تروح للشرقية . وانا وافقت.. وقلت لها قولي لأمك..
سامي: ليش الشرقية عاد.. انا اللي اعرفه أنها ما تحب الشرقية.
ابوسامي: صديقتها وأهلها بيروحون لها.
سامي: وأنا اقول وش فيها.. الحمد لله
لين: يبه يبه.
ابوسامي: هاااه
لين: امي وافقت..
ابوسامي: زين بس متى هم يمشون
لين: ما ادري اسالهم وأعلمك.
سامي: يبه وش اسوي انا هناك ما فيه احد كبري.
ابوسامي: فيه انا وابوحسام.
سامي : عادي اقول لبندر..
ابوسامي: لا اصبر خلني اشوف عن ابو حسام
لين: يبه يعني ما أكلم ربى
أبوسامي: لا . انا بكلم ابوها..
%%%%%%%%%%%%%%%%%%%%%%%%%
أبوسامي: الوو
أبوحسام: هلا
ابوسامي: وش لونكم.
أبوحسام: الحمد لله بخير .. هااه وش قلت عن الشرقية
أبوسامي: موافق بس أي مكان بالضبط
ابو حسام: الدمام.
ابوسامي: خلاص يصير خير بس متى تمشون.
ابوحسام: بعد بكرا
ابوسامي: زين
ابوحسام: عندك رقم ابو بندر
ابوسامي: ايه
ابوحسام: ارسل لي رقمة وترى الشقق حجزتها وتراها نظيفة وكبيره.. وكلنا بدور واحد
ابو سامي: الدور فيه 2شقق
ابوحسام: لا فيه 4 شقق
ابوسامي : وشوله 4
ابوحسام: انا بسكن معكم ما احب اسكن ببيت امي كلهم فيه ولا آخذ راحتي لأن فيه حريم أخواتي .. وصعبة
ابو سامي: ما تزعل امك..
ابوحسام: لا أصلا انا بعمري ما سكنت عندها ازورها بس
ابوسامي: خلاص يله مع السلامة
ابوحسام : مع السلامة
ابو سامي ارسل رقم ابو بندر لابوحسام وابو بندر وافق

&&&&&&&&&&&&&&&&&&&&&&

جاء يوم السفر والكل يجهز نفسه..
وكل عائله بسيارتها وكانوا طول الطريق ((طابور)) هههه
يعني ورى بعض.
وأخيرا وصلوا بالسلامة.
نزلوا من السيارة..
جمانه بالسياره وتنادي لين لين
لين: هلا والله وش لونكم
جمانه الحمد لله..
لين: وع وش تسوين لحالك طول الطريق
ربى: اتهاوش مع الخبل بندر
لين: خخخخخخخخ الله يعينك
جمانه: طفش في طفش صح
لين : شويه ... وراحت عند ربى
لين: هاااي ربى..
ربى: هاي كيفك
لين: الحمد لله
جمانه: بنات بنات
ريما: اص اص تراك انتي بالشارع
جمانة: ايه عادي هاي رحاب
رحاب: هلا والله
ريما: وحنا ليه ما تسلمين علينا
وصاروا يسلمون على بعض
ابوحسام: يله روحوا الدور الثاني ليش واقفين.
راحوا الدور الثاني وكل عائلة بشقتها
ناموا إلى صلاة العصر..

الشقة الواحده فيها 3 غرف وصالة ومطبخ ومجلس وحمامين..كبيره وواسعة ونظيفة..
وأبو حسام اخذ 4 شقق علشان الشقة الرابعة. تصير مجلسهم كلهم البنات بغرفه والحريم بغرفة والرجال
بالمجلس والشقق الباقية للي بينام ويرتاح يعني خاصة...
%%%%%%%%%%%%%%%%%%%%%%%%%%%%

اجتمعوا البنات بالغرفة والحريم بغرفة والرجال بغرفة..

عند البنات..
كانوا يتقهوون.
ربى: بنات عندي لكم خبر
لين: خير ان شاء الله
ربى: اكيد خير..
جمانة: وشو
ربى: خمنوا
جوري: يا حبك للتخمين
ربى: ريما اقول..
ريما مستحية: ايه قولي
ربى: ريما انخطبت
لين: قولي قسم بالله .. مبروك كلللللللللللوووووووووووش
ريما: اص اص. الله يبارك فيك..
الكل صار يبارك لها
جوري: ومين تعيس الحظ اقصد من سعيد الحظ؟
ربى: واحد اسمه رامي.
لين : المهم مزيون ؟
ربى: اسأليها هي اللي شافته.
لين: يعيني شافك وشفتيه؟؟
ريما: اكيد..
جمانة: وع ع ع وشلون دخلتي على رجال غريب؟
ريما: لا توعوعين بيجي يوم وتدخلين على رجال غريب
لين: طيب وش شعورك؟
ريما: خايفة..
جوري: سلمتي عليه؟
ريما: خيييير وين حنا فيه اسلم عليه تخيلي بس
لين: جوري بلا غباء
جوري: اشوى
لين: طيب ما جاوبتي مزيون؟؟
ريما: ايه ما عليه..
جمانه: شبكتوا.؟
ريما: ايه
جوري: تملكتوا؟
ريما: لا بعدين..
لين: حللتي..؟
ريما : يوووه وش هالأسئلة أعوذ بالله تحقيق حنا ولا وين. اكيد حللت يعين وش تبين اسوي
ربى: عديت الاسئلة . 10 اسئلة
الكل: هههههههههههههههههههه
لين: توي ادري اننا ملاقيف...
جمانه : وما ننعطى وجه بعد
ربى: رحاب صبي لي قهوة
رحاب: خلصت
ربى: من جد
لين: أنا ما شربت يا د بيه
ريما: ربى روحي سوي قهوه
ربى : اقول روحي انتي بس
ريما: لا انا مخطوبة دلعوني شوي قبل ما اروح
ربى: يا ربي علشان انك بتروحين عني بس اروح اسوي..
وراحت تسوي قهوة في المطبخ
والبنات صاروا يكملون التحقيق

عند الرجال..
ابوسامي ما شاء الله ... الله يوفقهم ان شاء الله
ابو حسام: آآمين
ابوبندر: هي وش كبرها..
ابوحسام: بالجامعة..


ربى خلصت من القهوة دخلت على البنات .. البنات ما زالوا يحققون..
لين: متى الزواج..
ريما: رابطه رأسها بطرحة.. ما حددنا..
ربى: هيه ..هيه أنتم دوختوا راس اختي حسبي الله عليكم..
ربى صبت لها فنجال قهوة..
ربى: امسكي اشربي علشان يروح الصداع.. وانتم أول مرة تشوفون وحده بتتزوج.. وانتي يا غبيه
وشوله تجاوبين عليهم..
لين: وش فيها عادي نسألها بس..
جوري: يمكن سألناها أكثر من 24 سؤال..
ربى: هـهههه الله يقلع بليسكم..
رحاب: بنات الحين حنا جايين هنا علشان نجلس بالشقة.
جمانة: ايه والله لازم ندبر لنا طلعة..
ربى: امشوا نروح عند الحريم ونسألهم وين نروح. وراحو عندهم..
ام سامي: مبروك يا ريما..
ريما: الله يبارك فيك..
ام بندر : مبروك تستاهلين والله ..
جمانة: عقبالي..
ام بندر: عيب استحي على وجهك توك صغيره (( رمت عليها علبة المناديل))
ام حسام: وش فيك رابطه راسك..
ريما: ازعجوني البنات من كثر اسئلتهم..
لين : اسكتي لا تفضحينا..
ربى: يمه نبي نطلع لأي مكان..
ام حسام: قبل شوي نفكر وين نطلع..
ام بندر: منتزه..
جمانة: لا الحين جايين للدمام علشان منتزه الرياض كله منتزهات خلونا نروح البحر ازين
لين: لا وع مو زين
ام سامي : لا خلاص نروح البحر من زمان عنه ..
لين: نبي نروح السوق
جوري: يا حبك للسوق وع
رحاب: نروح شاليه
ريما: لا موزين
جوري: نروح ملاهي.
ربى: اقول ما لقيتي إلا ملاهي ..
ام حسام: خلينا نشوف عن ابو حسام.. واتصلت عليه
أم حسام: يقول انهم متفقين على البحر.
ام بندر: لا تجادلون روحوا تجهزوا بسرعة
ونزلوا للشارع..
ابوسامي: لحظة يا جماعة..
ابوبندر: عسى ماشر وش فيك
ابوسامي:تعطلت السياره..
ابوحسام: هااه وش فيك يا ابو سامي
ابوسامي : السياره تعطلت
ابو حسام:عادي تعالوا اركبوا معي السياره جيب وتكفي
ابوسامي: يله انزلوا ورحوا اركبوا بسيارة ابو حسام.
ام سامي وابو سامي وجوري ركبوا بسيارة ابو حسام..
سامي بسيارة ابو بندر...... ولين تدّور شنطتها بسيارتهم
ابوسامي: هاه لقيتيها.
لين: ايه أخيراً
ابوسامي: يله بسرعة روحي اركبي بسيارة ابو حسام.... وراحت
لين: السلام عليكم فيه مكان؟
ام سامي: لا روحي بسياره عمك..
لين: لا ماأبي..جوري انتي روحي
جوري: لا مأبي خلاص ركبت.
ربى : جوري يله روحي..
ابوسامي : هااه فيه مكان
ام سامي : لا.
ابوسامي: خلاص روحي بسيارة عمك..
لين: ما أبي..
ابوسامي: فاضين لك حنا بعد روحي بس بسرعة..
لين راحت تسحب رجلينها ما تبي تركب بسيارة عمها.. من بعد موقف الماء اللي رشت على عمها ههههههه
لين: فيه مكان عندكم.
جمانة: ايه اكيد لو مافيه مكان اجلسك فوقي
لين ركبت: هههه شكرا
ام بندر: وش تسوين تو بسيارتكم
لين: ادور شنطتي
جمانة : لقيتيها؟
لين: ايه لقيتها؟
ام بندر: وشوله الشنطة.
لين: فيها اسرار.
جمانة: عطيني اشوف...سحبتها
ام بندر: جمانة عيب استأذني..
جمانة: عادي اصلا هي حليلة ما تقول شئ عادي صح؟
لين: ايه عادي.
وصارت جمانة تفتش <<<<< ملقوووفة
خليني اقول لكم ترتيب السيارة..
قدام فيه سامي وأبو حسام..
وراء فيه ربى بعدين ام حسام بعدين جمانة بعدين بندر.
لين: خلاص يكفي عطيني شنطتي.
جمانة: اصبري
لين: يالقفك عطيني والله ما تنعطين وجه
ابوحسام: لين
لين: هلا.
ابوحسام: وش لون النتايج؟
لين: الحمد لله..
أبو بندر: وش تقديرك..
لين: جيد جيداً
أبو بندر: مبروك..
لين: الله يبارك فيك.
سامي: سودتي وجيهنا.
ابوبندر: حرام عليك لا تحطم اختك

%%%%%%%%%%%%%%%%%%%%%%%%%%

وأخيرا وصلوا....

البنات فرشوا لهم فرشة والحريم لهم فرشه والرجال لهم فرشة...

عند الرجال...
سامي: بندر امش نجلس لحالنا.
بندر: يله..
ابوحسام: وين تروحون
سامي: بنروح نجلس بجنب البحر
وراحوا جلسوا بجنب البحر
وجلسوا يسولفون

عند البنات..........

ربى: لين امشي نتمشى طفش.
لين: يله..
وصاروا يتمشون على البحر..
لين: ربى ما تحسين ان هبالنا خف
ربى: ايه والله ليش
لين : من بعد العصابة حسبي الله عليهم .
ربى: يوووه يا قدمهم هالعصابة ذكريات.
لين: امحق من ذكريات.
ربى: طيب يله خلينا نستهبل..
لين: وش نسوي..
ربى: شوفي العيال اللي يسبحون هناك امشي نهبل فيهم
لين: الله وناسة يله امشي.
كان فيه 3 بنات و4 عيال يسبحون طبعاً صغار.
ربى: هيه انتم عيب تسبحون مع بعض
العيال: وش دخلكم.
لين: من جد انتي تبين تتكلمين معهم
ربى: اجل .
لين: امسكي طين وارمي عليهم.
وصاروا يرمون عليهم طين.
والنتيجة. 3 منهم صاحوا و3 هجوا و1 دخل عينه طين. وجلس يصرخ صراااااااااااخ
صوت رجال من بعيد : وش بك الحين اجي.. ولبس نعاله
لين: امشي جاء رجال
ربى: يله يله.
وصاروا يركضون ركض ركض
ربى: طاحت وهي تركض ميته من الضحك
لين: قومي قبل لا يشوفنا
ربى تضحك: ههههههههه
راحوا رجعوا وجلسوا يضحكون.
جوري وجمانه ورحاب : منقهرين يبغون يعرفون وش ضحّكهم بس ما قالوا..
جلسوا شوي وبعدين تعشوا مشاوي ورجعوا للبيت وناموا...
لكن ربى ولين ماجاهم النوم ..
ربى اتصلت على لين : الووو
لين : هلا والله وش لونكم
ربى : الحمد لله قبل شوي شايفتي..
لين : هههههه ... ليش مانمتي ؟
ربى : ما جاني النوم .. وانتي ؟
لين : لا. وش رايك نروح نتمشى بالاسواق الي تحت العمارة
ربى : لا اخااف يجون عصابه
لين : اقول بس .. يالخوافه بلا سخافه
ربى : لا لا ما اقدر
لين : ربى تكفين شوفي انا بنزل ... تروحين معي ولا لا ؟
ربى : اممممم الا خلاص بروح
ونزلوا وصاروا يتمشون
%%%%%%%%%%%%%%%%%%%%%%%%%%
ولين وربى وهم يتمشون بالاسواق اللي قبال العمارة يعني بينهم شارع
سريع ... سيارات رايحة وسيارات جايه
ربى : يله نرجع
لين : يله مشينا
وقطعوا الشارع ................ وفجأة !!!!!

%%%%%%%%%%%%%%%%%%%%%%%%
ايش رح يصير للين وربى

كل هذا واكثر في الجزء السادس من رواية
( ((اصدقاء للابد لو يطول الامد للكاتبة المسلمة المسالمة )))

[مس جوري]

يوووووه حراااام ترى انقهر اذا احد يقطع علي قصة
تحياتي (مس جوري )

[المسلمةالمسالمة]

يا بنات حرام عليك
اكتب لكم الرواية واتعب واخر شيء
وحدة بس هي اللي ترد
اشكرك اختي مس جوري
الله يجزاك خير ..

[مس جوري]

ولو العفووو ...
ما عليك منهم كملي انا ردي عنهم كلهم <<<واثقة الاخت
تحياتي (مس جوري )..

[المسلمةالمسالمة]

الجزء السادس

لين وربى وهم يتمشون بالاسواق اللي قبال العمارة يعني بينهم شارع
سريع ... سيارات رايحة وسيارات جايه
ربى : يله نرجع
لين : يله مشينا
وقطعوا الشارع ................ وفجأة !!!!
جت سيارة مسررعة مررة
ربى : لين شوفي سيارة
لين : يمااااه يله بسسررررعة
وصاروا يركضون واشكاالهم تحفة ..... والحمدلله .. الله ستر واخيرا وصلوا
عند الرصيف ..
لكن كان فيه حفرة صغيرة دخلت رجل ربى فيها وطاحت طيحة قوية
ربى : آآآآآآآآآه
لين تمشي ولا تدري وش السالفة لم الفتت وراء تبي تكلم ربى مالقتها راحت ورجعت
لين : وش فيك بسم الله عليك قومي
ربى : ماا اقدر رجلي دخلت بهالحفرة .. حسبي الله .. أي أي ما اقدر اطلعها
لين صارت تحاول وتحاول ولا قدرت
ربى : يله بسرعة احس اني بموت من الالم
لين : اصبري شوفي بامسك ساقك واسحب بس لا تصارخين ..
ربى : طيب ... بس طلعيني .. شوفي الناس صاروا يناظروني
لين : هههههههههههههههههههه ههههاااي
ربى : ايه اضحكي ... ياااارب تطيحين مثلي وتتفشلين
لين : استغفر الله ... هههههه
ربى : يله اسحبي بس بقوووووووة خليني اطلع شكلي يفشششل
لين سحبت باقوى ما عندها ......... واخيرا طلعت رجل ربى من الحفرة
لين : وه اخيرا .. حشى صارت ولادة
ربى : آآآآه توبه ما عاد اطلع معك اللي يطلع معك تجيه المصاااايب
لين : وش دخلني
ربى : مو انتي اللي تبين تطلعين
لين : ايه ... امشي بس نرجع البيت ..
ورجعوا البيت وناموا ...
ومن بكرا قاموا كلهم بالظهر ..
ام سامي : بنات وين ودكم تروحون اليوم؟؟
لين : نبي شي فيه حركة وفللله
جوري : انا من زمااااااان قايله لكم نبي نروح الملاهي بس مااحد عطاني وجه
ربى : ايه خلونا نروح الملاهي فله
ام حسام : خلاص بكيفكم
%%%%%%%%%%%%%%%%%%%%%%%%%%%
بعد صلاة العصر راحوا للملاهي
دخلوا وطول الوقت يلعبون
لين وربى مع بعض طبعا وجوري وجمانه مع بعض
ربى: لين وش رايك نركب قطار الموت؟
لين: ربى انهبلتي هاذي ثالث مرة نلعبها.
ربى: ايه وناسة.
لين: ياالله بكيفك.
%%%%%%%%%%%%%%%%%%%%%%%%

لين وربى ركبوا وجو قدامهم جمانة وجوري. وكانوا لابسين شالات وأطراف الشالات على ورا
ربى: لين لين.
لين: هاه وش تبين.
ربى: وش رايك نهبل بجوري وجمانه
لين: وش نسوي؟
ربى: امممممممممممممم
لين : ياالله وش نسوي؟
ربى: إذا بدت اللعبة. أبي اربط شالاتهم مع بعض
لين: هههههههههه خلاص
ربى: وبدأت اللعبة
جوري وجمانة خايفين ومتمسكين بقوة . ربى بدأت تربط شال جوري بشال جمانة
ربطتها ربط بقوووووووة.
لين: ربى يا مجنونة تمسكي لا تطيحين.
ربى: لا إن شاء الله مو طايحة.
لين: الله يخلف عليك انهبلتي
ربى: يوه يا العاقلة.
وقفت اللعبة. وأول من نزل لين وربى وقفوا يتفرجون عليهم بس من بعييييد
جوري وجمانة داخوا وتأخروا ما قاموا. أخيرا قامت جوري وسحبت شال جمانة
وكان لاف على حلق جمانة .
جمانة: أي آآآآآآآآآآآآه خير ليش سحبتي شالي.
جوري: مو أنا .
جمانة: اجل مين؟
جوري: فيه أحد رابط شالاتنا.
جمانة: مين الي كان ورانا؟
جوري: ما أدري كنت دايخة.
جمانة: حسبي الله كنت بأموت
جوري: نزلي الشال ياالله بسرعة
ومشغلة اللعبة تنتظرهم جالسة.... وربى ولين فاااااااااااطسين من الضحك عليهم.
جوري وجمانة. راحوا جلسوا على الطاولات يحاولون يفكون العقدة.
ربى: امش نأكل لنا شي
لين: ياالله .
وراحوا اشتروا لهم آيس كريم وتمشوا شوي.وبعدين رجعوا للطاولات.
ربى: هههههههههههههههههههههههااااي
لين: اسكتي فضحتينا كل الناس يناظرونك
ربى : هههههههههههههههه
لين : وش فيك
ربى: شوفيهم إلى الآن يفكون العقدة.
لين وربى : هههههههههههههههههااااي
مرت من عندهم حرمة: الحمد لله اللهم عافهم ولا تبلانا..
والناس مستغربين كلهم يناظرونهم.
لين: حشا أعوذ بالله وش رابطتها فيه
ربى: هههه مساكين رحمتهم اروح افكها لهم.
لين: لا لا اسكتي.
ربى: امشي نروح نجلس قدامهم.
وراحوا جلسوا بالطاولة قدامهم.
ربى: مساكين
لين : مين ؟
ربى: شوفي أشكالهم تحفة.
لين: هههه
ربى: ضربت ظهر لين اسكتي فضحتينا ..
لين: احسن من قال لجوري تأخذ شالي بس علشان تطقم مع جمانة
ربى: امشي قومي بس احس انهم شكوا فينا شوفي يناظرونا.
لين: يمااااه .. يلا قومي
وراحوا.
%%%%%%%%%%%%%%%%%%%%%%%%%%%%%
عند جوري وجمانة.
جوري: شوفي لين وربى يناظرونا ويضحكون شكلهم هم اللي رابطينا
جمانة: هم ركبوا معنا.
جوري: ما أدري ما انبهت بس خايفة
جمانة : أح عورتني اصابعي امسكي فكي عني
جوري: اعوذ بالله حشا ربط عجوز
جمانة: هههههههه ليه عجوز عاد حرام عليك
جوري: ما أدري كذا جدتي تربط بقوة ولا احد يقدر يفكها بعدها
جمانة: ههههههههه
جوري : اخيرا فكيتها
جمانة: اوف اخيرا
جوري: امش نروح للين وربى.
جمانة : يا الله وراحو عندهم
جمانة: ربى ربى.
ربى: هاه
جمانة: انتم رابطين شالاتنا يوم كنا بقطار الموت
ربى: لا أصلا انا ما ركبت قطار الموت
لين: ركبتوا يا المهبل.
جوري: أيه ركبناه
ربى: وش سالفة الشال من الي رابطة
جمانة: ما أدري احنا نبي نعرف... جوري بغت تموتني سحبت الشال والشال ملفوف على حلقي
ربى: ههههه
جوري : ايه اضحكي وجع
لين: قهر يا ليتني شفتكم.
( لين وربى أنواااااااااع البراءة)
جوري : امشي بس ما غير يضحكون علينا
جمانة: زين أنا أوريكم.
بعد ما لعبوا وتعشوا وطفشوا رجعوا للبيت وناموا.
%%%%%%%%%%%%%%%%%%%%%%%%%
بعد صلاة الفجر
ام حسام : يا الله بنات بنرجع للرياض
لين : لااااا
ام سامي : يا الله تجهزوا بس
جوري: طيب وش السبب
ام بندر: علشان ملكة ريما قربت ولازم يستعدون
لين تناظر ريما وتغمز لها : يا كشخة
جمانه : ياويييييلك
جوري: ياحليلك تخيلت شكلك
ريما تشققت من الحياء ومبتسمة
ام سامي: بنات عيب استحوا على وجيهكم البنت استحت
ام حسام: يله بسرعة الرجال يقولون الساعة 9 بنمشي
افطروا وتجهزوا ونزلوا علشان يركبون السيارة
لين : ربى ربى
ربى : هلا
لين : تعالي معنا
ربى : لا استحي من ابوك واخوك
لين : ياربي جتنا ريما الثانية تعالي بس عادي
ربى : طيب استأذنتي منهم اول ..
لين : قلت لهم يقولون عادي
ربى : طيب انا بسال امي........ يمه يمه
ام حسام : يله اركبي وش تبين بعد
ربى : يمه لين تبيني اركب بسيارتهم
ام حسام : لالا عيب
لين : وشو عيب عادي وانا استأذنت منهم يقولون عادي خليها تجي
ابو حسام : يله بسرعة .. ربى سعاااد
ام حسام : ربى تبي تركب مع لين
ابو حسام بكيفها بس تعالي اركبي انتي >>>> ما عنده وقت!!!
لين : فللللله يله تعالي ...
وراحوا للسيارة
جوري : يوووووه جت لين
لين : ايه جيت .. تبيني ما اجي بعد انتي ووجهك
ابو حسام : يله بسرعة خلصونا
لين : جوري قربي شوي علشان تجي ربى
جوري: ما فيه مكان .. يبه عادي اروح عند رحاب
ابو سامي : بكيفك
جوري : شكرا ... يله سلاااااااام
لين : اف فكة ... يله ربى حياك اركبي
ربى : شكرا
واخيرا ركبوا ومشوا
%%%%%%%%%%%%%%%%%%%%%%%%%%%
في سيارة ابو حسام
ريما نايمة وجوري ورحاب سواليف طوووول الطريق وام حسام تناظر جوالها وابوحسام وابو حسام يسوق وهو ساكت وحسام وسعد نايمين
%%%%%%%%%%%%%%%%%%%%%%%%%%
في سيارة ابو سامي
ابو سامي يسولف ويشرب قهوه وام سامي تتقهوى وتسولف مع ابو سامي سامي جالس قدام وانواااااااع الطفش لين وربى سواليف وقهوة وشاي كأنهم في مقهى
%%%%%%%%%%%%%%%%%%%%%%%%
في سيارة ابو بندر
بندر يتهاوش مع جمانه وابوبندر يسوق وام بندر تسكت بندر وجمانه..
%%%%%%%%%%%%%%%%%%%
اخيرا وصلوا وابو سامي وقف علشان ربى وجوري .. تبادلوا وكملوا الطريق وكل عائلة على بيتها
%%%%%%%%%%%%%%%%%%%%
بعد شهرين
مجتمعين عند ابو بندر
ام حسام : ان شاء الله زواج ريما يوم الخميس بقصر (..............)
ام سامي : مبروك
ام حسام : الله يبارك فيك
ام بندر : ما شاء الله الله يوفقها .... بس القصر صغير
ام حسام : الزواج مختصر يعني انتم واقاربها
ام سامي : ايه احسن
ام بندر : ايه والله صادقة
ام حسام : لازم تحظرون الزواج
ام بندر وام سامي : ان شاء الله
%%%%%%%%%%%%%%%%%%%%%%%%%
يوم الخميس ( يوم زواج ريما )
ريما في غرفة القصر عندها كوافيره جلست على وجهها ساعة مكياجها رووووعة وفستانها ابيض وحلو على جسمها ومسويه بشعرها تسريحة نااعمة
اخيرا وصلوا اهل العريس
كانوا حوالي 20 الام والجدة والاخوات والعمات والخالات وبنات العمات وبنات الخالات ...
واهل العروسة كانوا اكثر من 30 العائلات الثلاثة المعروفة وجدات ريما وخالاتها وعماتها وبنات الخالات وبنات العمات
كان الزواج روووووووووعة زفو ريما وكانت زفتها هادية وحلوة جلست شوي بعدين راحت مع زوجها
ولا اخفيكم سرا ان ربى ماتت من الصياح وخرب مكياجها من الدموع بس الحمدلله صارت بنت خالتها تعرف للمكياج وعدلته لها
اما رحاب دمعت عيونها بس وجوري تقول لها صيحي ياقاسية ...
المهم تعشوا والساعة 3 رجعوا لبيوتهم... وربى كملت صياحها هههههه
بعد 4 سنوات
%%%%%%%%%%%%%%%%%%
وش رح يصير للعائلات الثالثه؟؟
ووش يتغير فيهم؟؟
وتتوقعون تستمر صداقة لين وربى ولا لا!!!!!!!
كل هذا واكثر في الجزء السابع 7 من روايه
)))اصدقاء للابد لو يطول الامد للكاتبة المسلمة المسالمة (((

[مس جوري]

حلوووو
الى مزيد من الابدااع
تحياتي (مس جوري )..

[tottoro]

كمليييييييي
الصراحة ان هذي احلى قصة

[مس جوري]

استنى منك الجزء التالي
تحياتي (مس جوري )~

[المسلمةالمسالمة]

الجزء السابع 7
بعد 4 سنوات
ريما جابت بنت سمتها لجين وعمرها الان 3 سنوات ونص ولين وربى مازالوا صديقات وصاروا بثاني جامعة ودخلوا بنفس الجامعة وبنفس القسم.
رحاب صارت باولى ثانوي وجوري وجمانة بثاني ثانوي
>>> ما شاء الله كبروا
%%%%%%%%%%%%%%%%%%%%%%%
يوم الثلاثاء في بيت ابو سامي .. بعد صلاة المغرب
لين دخلت على اهلها اللي كانوا متجمعين في الصالة ويشربون القهوة والشاي
دخلت وصاروا كلللللللللهم يناظرونها ومبتسمين
لين : بسم الله على قلبي وش فيكم تناظروني
سامي : هههههه ما شاء الله كبرتي
لين : خير وش فيكم ...
ابو سامي : اتصل علي اليوم واحد وخطبك ..
لين : انا
جوري : لا انا ... اجل مين ابوي من يكلم له ساعة يا غبيه
لين : انا ما سالتك
ابو سامي : بس انتي وياها .. اذا اكلم اختك ولا احد يتلقف ويتكلم .. ايه انتي يالين
جوري خافت وسكتت
لين : طيب مين المحظوظ >>> ما فيه حياء
ابو سامي : بندر
لين : اييييييييييييييش !؟
ابو سامي : اللي سمعتي ...
لين : بندر هذا ما غيره
ابو سامي : ايه بندر ولد عمك
لين : احلف بالله
ابو سامي : يعني اكذب عليك انا .. هذا الشي مافيه لعب .. انتي ماتفهمين
لين : طيب ليش انا بالذات
ابو سامي خلااااص ما قدر يتحمل عصب مرررة وحط ايده على راسة : يوووووووه هذي تبي تجنني .. وش فيك انتي ما تفهمين ولا خبلة . اف اعوذ بالله
سامي : لا تلومها مسكينه من يحصل لها بندر يخطبها.
لين : اقوووووول اسكت بس .. قال ايش قال من يحصل لها
سامي : حدك عاد لا تسبين اغلى صديق عندي وولد عمي لا اتوطا ببطنك
لين : مالت عليك انت وياه
ابو سامي : خلااااااااااص عيب استحوا على وجيهكم .. انا الغلطان اكلمها عندكم
ام سامي : لين لا تسبين الرجال استحي على وجهك ...
لين : آسفه
ام سامي : فكري زين ولا تستعجلين بارد واستخيري
لين : اممممممممم طيب
وجلست تفكر ........ بعدين قامت وراحت اتصلت على مستشارتها ربى
%%%%%%%%%%%%%%%%%%%%
لين : الو
ربى : هلا .. وش لونك
لين : الحمدلله .. عندي لك خبر بس يمكن ما تصدقين
ربى : وشو
لين : بندر
ربى : مين بندر
لين : بندر ولد عمي
ربى : امممممممم مين ؟
لين : اخو جمانة
ربى : ايييييييييه هذاك الطويل والابيض والمزيون..اللي سميناه ثلاجه انا وياك
لين : ايه هههههههههههههههههه استغفر الله العظيم ما خلينا احد بحاله
ربى : ايه والله استغفر الله ... وش فيه؟
لين : خطبني
ربى : احلفي .
لين : ايه .. وش رايك
ربى : انا وش دخلني .. انتي صاحبة القرار ..
لين : اممممممم اوافق ولا لا
ربى : تبين الصراحة
لين : ايه ابيها من زمان
ربى : احسن لك تاخذين ولد عمك ابوك يصير يعرفة وما يحتاج تسألون عنه
لين : امممممممم
ربى : ايه .. عاد انتي فكري واستخيري
لين : ان شاء الله ..
ربى : مع السلامة
لين : مع السلامة
%%%%%%%%%%%%%%%%%%%
بعد يومين ...
ام سامي : هااه يالين وش قررتي
لين : اممممممم
ابو سامي : ام سامي خوذي لين وروحي اسأليها لحالها لا تسألينها عندنا يمكن تستحي
لين : لا وش دعوى عادي
ام سامي : طيب وش قررتي
لين : موافقة
جوري : كللللللللللللوووش
لين : وجع فقعتي اذني
جوري : واخيرا يا اختي بتروحين عن وجهي
لين : وجع ..
جوري : يوجعك
سامي : اتمنى لك حياة سعيدة يملؤها البزران اللي يزعجونك
لين : ههههههههه الحمدلله على نعمة العقل . توي ادري اني عندي اخوان مهبل
جوري : الله اكبر .. اللي يشوفك يقوول هذي انواااااااع العقل فيها ..
لين : ايه الحمدلله انا عاقلة
سامي : اسكتي بس لا اطلع الفضايح ... اللي انتي مسويتها .. ياالعااااقلة
لين : لا واللي يرحم والديك اسكت
جوري : وشو الفضايح وش مسوية اعترفي
سامي : وش ما سوت يوم كانت كبرك
جوري : ايه اعرفهن .. العصابة يوم تروح معهم .. ويوم تسبح عمي بالموية .. وامممممممم
لين : اسكتي بس لا تذكريني بالعصابة ..
سامي : عاد من اللي انقذك مو بندر وانتي قبل امس تسبينه
جوري : علشان كذا وافقتي
لين : يبه قل لهم يسكتون
ابو سامي : خلااص اسكتوا ازعجتونا
ام سامي قامت ..
لين : وين تروحين يمه ...؟
ام سامي : بروح اكلم ام بندر واقول لها انك موافقة ....
وراحت تكلمها
%%%%%%%%%%%%%%%%%%%%%%%%
ام سامي : الو . هلا من معي
بندر : انا بندر
ام سامي : وش لونك
بندر : الحمدلله
ام سامي : امك وينها
بندر: لحظه شوي
وجت ام بندر
ام بندر: الو
ام سامي : هلا وش لونك
ام بندر: بخير يامآآل الخير .. هاه وش قلتوا
ام سامي : موافقين
ام بندر: زين . طيب متى نجي ونخطبها رسمي ويشوفها
ام سامي : بعد بكرا .. يعني يوم الخميس
ام بندر : خلاص ... يله مع السلامة
ام سامي : مع السلامة
%%%%%%%%%%%%%%%%%%%%%%%%%%
بندر : هاه يمه بشري
ام بندر: موافقين
بندر : متشقق من الوناسة رفع يده : يس
ام بندر : وش فيك بسم الله عليك
جمانة : ياشخفك الله يعين لين عليك
بندر: اقول اسكتي انتي بس
ام بندر: اسكتوا لا تتهاوشون
بندر : يمه متى اشوفها
جمانة : عيب
بندر : من قالك انه عيب عادي نظرة شرعية
جمانة : مو لازم تشوفها اصلا هي قمر بسم الله عليها
ام بندر : قولي ما شاء الله
جمانة : ما شاء الله
بندر: يمة ما جاوبتي علي متى اشوفها
جمانة : يا ابن الحلال قلت لك مو لاوم تشوفها .. وبعدين اكيييييد انت شايفها من قبل
بندر : انتي اسكتي ما احد كلمك ... واصلا ما اتذكرها ولا عمري شفتها
ام سامي : ان شاء الله يوم الخميس تخطبون رسمي وتشوفها
بندر : طيب بروح الحلاق مع السلامة ...
وراح
%%%%%%%%%%%%%%%%%%%%%%%%%%
يوم الخميس بالمغرب ..
لين : جالسة بغرفتها تتجهز علشان بندر يشوفها
جاء بندر وابوه وجلسوا بالمجلس
ام سامي : لين يله بسرعة
لين : ليش يبغوني اجي عندهم
ام سامي : لا بس خليك جاهزة
لين : اصلا خلصت حلو شكلي
ام سامي : ايه ما شاء الله .. الله يحفظك بس خففي المكياج شوي
لين : طيب ... كذا حلو
ام سامي : ايه
جاء ابو سامي : يله وين لين
لين خااااااااايفة : وشو
ابو سامي : بندر يبي يشوفك
لين : طيب
ابو سامي : انتظرك
لين : ان شاء الله
وراح ابو سامي
لين : يمه اخااااااااف
جوري : ياويلك اذا دخلتي الحين بتطيحين ويقعد يضحك عليك ههههههههه
لين : لااااا يمه شوفي بنتك تخوفني
ام سامي : بسم الله عليها
لين : يمه ما ابي ادخل عليهم استحي
ام سامي : اقول بس بلا دلع روحي بسرعة
لين : طيب
نزلت تحت ودخلت عليهم وقلبها يضرب ضرب مو طبيعي
لين بصوت واطي : السلام عليكم
بندر وابوه وابو سامي : وعليكم السلام
لين جلست شوي وبعدين قامت : عن اذنكم
%%%%%%%%%%%%%%%%%%%%%%
لين دخلت غرفتها : اوووووووووووه حرية
جوري : هاه بشري
لين : وش ابشر فيه شافوني وطلعت .. ولا المشكلة ابوي وابوبندر كأنهم اول مرة يشوفوني ... وسااااكتين والله انوااااااااع الارتباك
جوري : وانتي تناظرينهم
لين : انا اناظرهم هههههههه تخيلي
جوري : لو بمكانك اناظرهم الى ان ينزلون عيونهم
لين : ايه انتي يمكن تسوينها لانك عربجية ولا يهمك احد اما انا استحي وخجووووووووله
جوري : يوووووووووه لا تفلسفين علينا بس
جت ام سامي : هااه وش صار
لين : ناظروني وطلعت
ام سامي : يوووه اختصااااااار
%%%%%%%%%%%%%%%%%%%%%%%%%%
عند الرجال
ابو بندر : يله اجل نشوفكم على خير
ابو سامي : يله فمان الله
ابو بندر : مع السلامة
بندر : مع السلامة ياعم
ابو سامي : الله يسلمكم ... اتصلوا علينا وعلمونا وش يصير معكم
ابو بندر : ان شاء الله
بندر يهمس لابوه : يبه انا موافق
ابو بندر : اص
وطلعوا وركبوا السيارة
ابو بندر معصب : بندر والله حركاتك حركات اطفال
بندر : أفآآآآآآ ليش ؟
ابو بندر : اذا صرت بمجل رجال لا تهمس لي مثل الاطفال
بندر : ايه والله انا صادق ... انا موافق
ابو بندر : وش مستعجل عليه طيب اصبر الى ان نركب السيارة على الاقل
وبعدين لا تقرر كذا بسرعة وبس فكر واستخير وبعدين قرر
بندر : ان شاء الله
%%%%%%%%%%%%%%%%%%%%%%%%%%%%
بعد يومين ...
رن التليفون ... ردت لين
%%%%%%%%%%%%%%%%
ام بندر : هلا
لين : اهلين وش اخباركم
ام بندر : الحمدلله وش لونك انتي
لين : بخير
ام بندر : وين الوالدة
لين : ما عندنا احد والد اليوم
ام بندر : لييييين تستهبلين ؟
لين : ههههههههههههههههههه لحظه
جت ام سامي : هلا ........... وراحت للغرفة الثانية
%%%%%%%%%%%%%%%%%%%%%%%%
جوري : ياويلك وافق
لين : ليش ياويلي
ابو سامي : ايه هو موافق
لين : وشلون دريت
ابو سامي : يوم كانوا عندنا قلت لهم اتصلوا علينا وعلومونا وش يصيرمعكم وقال لابوه بصوت واطي يبه انا موافق ابوه شكله تفشل
لين وجوري : هههههههههههههههههههههه
جت عندهم ام سامي : وافقوا
جوري : ايه درينا
ام سامي : وشلون عرفتوا؟!!!!!
جوري قالت لها السالفة
ام سامي : هههههههههههه
ابو سامي : خلاص ان شاء الله بعدين نحدد الشبكة
جوري: شبكة بعدين ملكة بعدين زواج وبعدين افتك منك ومن وجهك هههه
لين : مالت عليك من زينك
جوري: لا لا امزح
ام سامي : شكل جوري بتموت من الصياح اذا تزوجتي
لين : اكيد
سامي ينادي على لين من الدور الاول : لييييييييييييييين جوالك يرن
لين : طيب الحين اجي
%%%%%%%%%%%%%%%%%%%
لين : الو
ربى : هلا .. هاه بشري وافق
لين : ايه
ربى : ما شاء الله مبرووووك الف الف مبروك
لين : الله يبارك فيك .. عقبالك
سامي : لين .. لين .. ليييييييييين
لين : هاااه وش تبي يا مزعج
سامي : قولي لها ا نيبي يجيها خطيب مملوح
لين : مين
سامي : وش دخلك .. قولي لها وبس
ربى : وش السالفة
لين : هذا سامي يقول انك يبي يجيلك خطيب مملوح
ربى : مين
لين : سامي .. تقول لك مين
سامي : واحد من هالشباب ويبي يخطبها يوم الخميس مو الجاي اللي بعدة وانا اعرفه زيييييييييين
لين : ربى ... سمعتي
ربى : ايه سمعت شكله يكذب .. معليش ليوونه امي تناديني من زمان بروح اشوف وش تبي ... مع السلامة
لين : مع السلامة
%%%%%%%%%%%%%%%%%%%%%%%
لين : سامي ... مين اللي يبي يخطبها
سامي : واحد
لين : ايييييه عرفته
سامي : مين
لين : مالك شغل عرفته وبس
سامي : ايه كذابة ما عرفتيه ...
لين : بروح عند ابوي سلااااااااام
وراحت عند ابوها
ابو سامي : لين ترى حددنا الشبكة
لين : متى
ابو سامي : يوم الاحد الجاي
لين : يبه ليه بسرعة
ابو سامي : لان بندر يبي يسافر عنده شغل
لين : وين يسافر
ابو سامي : ما ادري ... ايه صح نسيت اقولك بندر حلل اليوم
لين : وانا متى احلل
ابو سامي : بكرا الصبح ان شاء الله
%%%%%%%%%%%%%%%%%%%%%%%
يوم الاحد شبكوا .......
يوم الخميس في الظهر..
ربى اتصلت على لين
%%%%%%%%%%%%%%%%%%%
لين : الوو اهلين
ربى : هلا لييييين عرفت من يقصد اخوك
لين : مين ؟!!! ....................

%%%%%%%%%%%%
تتوقعون مين اللي خطب ربى
وتتوقعون رح توافق و لا لا
كل هذا وأكثر في الجزء الثامن من رواية
)))أصدقاء للأبد لو يطول الأمد للكاتبة المسلمة المسالمة (((

[سكرية وردية]

تتوقعون مين اللي خطب ربى؟ اعتقد انه سامي. وتتوقعون رح توافق و لا لا؟ اي رح توافق. و الاجزاء مررة حلوة و انتظرها على احر من الجمر.