|
المخالفات [ ≈ ڪُل مَ هو مخآلفَ لِ قوآنين بنآت . ڪوم ، ينقلَ لِ هناِ ! ] |
|
أدوات الموضوع |
#1
|
||||
|
||||
المشاهدات: 540 | التعليقات: 3
قصه رحلتي إلا اليمن
بسم الله الرحمن الرحيم كيفكم ! اليوم ابحكيلكم قصتي في اليمن !! لااكن الكاتبه اختي وهي حصه وانا العنود .............. يالله بسم الله أبدأ اليوم الجمعه وبنسافر لليمن يوووه والله ياهي قويه 12 شهر بدون السعوديه يعني 360 يوم بدون اهلها يااااربي صبر قلوبنا جهزنا العفش وجا خالي ملوك ( عبد الملك) وقال : هااه اختي جااهزه قالت امي: ايه يالله يابنات مشينا انا هنا خنقتني العبره وانا ضر كل زاويه ببيتنا واودعها من المجلس الي انام فيه ايام الاختبارت ولا البقاله الي كل شوي داقه عليها ولا طاولتنا الي نا در ناكل عليها بس محطوطه زينه خخخخخخ والمقلط الي فيه التلفزيون ولا الدريشه الي نتقابل فيها انا وبنت خالي حنا بالدور الثاني وهم بالاول والدريشه تطل ع الحوش وحاطين حبل فيه كيسه لحاله الطوارئ اذا امي معصبه وخلتنا بالبيت وقفلت الباب تروح تطلب لنا من البقاله اسكريم وليز حار وميرندا فراوله وتهريب اندومي ااااااه ياربيه رحت طيراان ع التلفون واتصلت انا: رؤؤؤؤؤؤؤؤى>>صديقت حصه الروح بروح رؤى: بتروحون الحين ياحصه انا: ايه يارؤى خلااااص محنب شايفين السعوديه الا بعد سنه بنشتااااق لكم حييييييل رؤى:استودعتكم الله والله حتى حنا بنشتاقلكم مدري كيف بصير بعد ما تروحين انا هنا خلااص انا : يالله رؤى بااي اهلي يحتروني بالسياره رؤى: مع السلااامه نزلت وانا بالدرج تذكرت دفتر اشعاري ورحت طيراان للمجلس وطلعته من تحت الكنب لن جدتي قالت اذا رحتو بنشيل الكنب وبنحط جديد وطيرااان ع غرفتنا اخذت السله الخوص وحطيت الدفتر بين الكتب الي ما احتاجها واخذت دفتر جديد لونه سماوي وفيه نجوم بس مو دفتر مدرسه لا دفتر خااص المهم وانزل مدرعمه مع الدرج وخايفه من المصير الي بيلاقينا ويوم نزلت والحمد لله كانو يربطون العفش وكانو ابوي وخالي ملوك وخالي فيصل وكل الاثنين يدرسون بالجامعه لا كن خالي ملوك متزوج وعنده ثلاث اولاد يدرس محاماه وخالي فصول يدرس هندسه اكثر ضني عاد خالي فيصل رومنصي بشكل باقي ما تزوج وغرفته اثاثها كلها من ايكيا ومدلع والغرفه اشكال وانواع الشموع>> مدري وش يحس فيه خخخخ ركبت السياره وكان الفي اكس ار حق جدي جاي وكان فيه خالي خلود وجدو وخالي فهد وعيالهم ريان وعزوز عيال خالي خالد وعزوز والبراء عيال خالي فهد نزلت من السياره ورحت لجد يااااحياتي عليه سلمت عليه وودعته قال: خلاص بتروحون ودمعت عيونه انا ضاق صدري: ايه والمكتوب اقوى من الي يبي الانسان عاد قمت اتفلسف عليه ورحت ودعت خوالي وعيالهم عزوز خمني وقعد يصيح يالبى قلبه>> لا يروح بالكم بعيد تراه بثالث ابتدائي عزوز: حصه والله بشتاقلك من الي بنتضارب مع والي يفوز يطلب لثاني طبعن هاذي لها سالفه انا كل الي بعمري اولاد فكنت كثيره الاختلاط بهم خالاتي يسموني دحيم( عبد الرحمن) وكنا دايم نلعب مصارعه حره والي يخسر يطلب للي فااز وكنت دايم افوز عليهم ( من عاشر قوماً صار منهم) خخخ عاد احيانن يهزموني قلت انا: خلااص ياعزوز عندك عزوز الفهد قال: لا ذاك نذل مو زيك هو يصفقني لا سدحني انتي لا بس يعدون 1 2 3 وتقومين عني قلت: خلاااص ادعولنا تطيح الطياره ونرجع خخخخخخخخخخخخخ هو ياحياتي صدق وقم يدعي من قلب جا لمي عزوز العربجي ولد فهد سلم علي بدفاشه انا متعوده عليها: واخييراً بنفتك منكم منتب مزعجينا قلت: ماااااااااااالت عليك بس انا اعرف ليش انت مستانس لن مافي احد بيهزمك هع هع وودعته جا ريان ولد خالي خالد وهو الولد الوحيد الي نتغطى عنه عاد مسويلي فيها رزه: يالله حصه العنود مع السلااامه جا عزوز الخالد وعطاني مكعب من قطن كبير زي حق السلم والداب وقال: خليها ذكرياات عندك قلت : من عنوني كم عزوز عندي >> الولد خققققققق ههههههههههه رحت لباب الي خلااص بيصير فتره ما راح اطقه حطيت رجلي ع الباب وصرت ارجفه بقوه طبعا يطلع صووت اثير جت طااايره وفتحت الباب تحسبه اخوها عزوز انا دخلت وحسيت اني بنحرم من الوجه البريئ كانت اثير لا بسه قميص موف وفيه اصفر ونقش وخرابيط ورافعه شعرها ذيل حصان وحاطه بوف ولابسه النظارات حقتها انا حضنتها وقلت لها : يالله اثييير باااااي هي ما صدقت اني اقولها كذا خلااص اليوم لحضه الصفر بكت بشكل فضييع ياحياتي عليها طبعا اهلي كانو يودعون جدي وخوالي وجدي ينصح امي سكت اثير وقلت لها يالله بااي انا لو اقعد دقيه بمووت قالت : حصه لا تنسين هديتي انا ضحكت لنها كنت تريقه يوم قلنالهم اننا بنسافر قالت المهم لا رجعتو جيبولي هديه وعيت تصدق عاد يوم صار الصدق ماااتت صيااااح هي وحيده واختي العنوود بعمرها وتعدنا خواتها ماعندها خواات طلعت واناضر شاارعنا كانو يسمون الحاره بسمنا لن كل بيوتها بيوت خوالي سمعت خالي فيصل يقول لبوي خلاااص عبدالله قضينا ابوي:الله يجزاكم خير وما قصرتو سلمو ع بعض وخالي ملوك ركب السياره رحت حضنت خالي فيصل ودمعت عيوني بفقد هبالي معه والله انا: خالي فيصل سامحني فيصل: مسامحك ما سويتي شي انا: الا مسويه بلااوي انا نجود الي تكلمك بالمسن فيصل: انا: هههههههههههههههههههههه سامحني اسفه واذا تبي رقم جوالي خذه من امي ههههههههههه وصورتي اعتقد حافظ وجهي صم فيصل: ههههههههههههههههههههههه رحت ركبت السياره امي: وين طسيتي هاااه انا: والله رحت اودع العالم امي: الي يبينا يجينا اناا: خلاااص ما صار شي وين شنطتي عطتني اياه اختي ريم قعدنا بالسياره والجو الحارق بالريااض مسافه الطريق لين وصلنا المطار حسيت قلبي بيطلع من محلله خلاااص دخلنا المطاار وخلصنا اوراقنا وختمنا الجوازات ابوي ودع خالي ملوك وبعدين امي وخواتي اخذهم بالأحضان رحت انا لمه وحضنته وبكيت انا: سلملي ع بدريه>> زوجته وزياد وعزوز وهشوووم بووسه لي الدب اذا رجعت بينساني بعدين بذبحه ملوك:هههههههههههه الحين راح للقصيم اسبوعين ونساكم اجل سنه اكيد بيتبرى منكم انا:هههههههههههه ابوي يأشر لي يعني اخلصي انا: سلملي ع خوالي وخالتي كلهم ملوك:ابشري ما طلبتي شي دخلنا صااله الانتظاار بعدين جاء ابوي وجاب لنا كرسون وموكا دافيه ومويه وخرابيط لخوااني شوي مكبرات الصوت الرجاء من الساده الركاب التوجه لبوابه رقم 20 المتجه الى صنعاء بأذن الله قمنا والام يعصر قلوبنا خلاااااااااااااااااااااص رجلي مي واطيه تراب السعوديه الا بعد سنه كااامله يااالقههر ركبنا الطياره كا العاده انا واختي العنود تهاوشنا ع الدريشه وبحكم قوتي شوتها وقعت عند الدريشه طلعت mp3 من الشنطه وحطيت السماعات بذني وشغلت انشوده بدايه هم بدايه هم تجي وتضم وتجر حني وتتعبني غريبه اوطان اعيش احزان فقدت اشياء تسعدني غريبه ان صاح بعد ما راح محد يدري ويسمعني النا ياليل اعيش الويل ندى الخلااان ييتعبني فراق الرياض يجيب الهم وذكراها تجالسني الا يالشرقيه وشوف الخبر لهم مشتاق ومتعني فقد خوال وذكر عمان بلاد الغرب تشغلني تركت اصحاب وطن وتراب طلبت الله يصبرني طــلـبـت الله يــصــبــرنـــي وطن ما انساك تجي ذكراك ودمعاتي تونسني ورد الا ااااااااااااه تلو الا ااااااااااااااه صدى الا ااااااهات يـــتـــبـــعــنــي غريب ان صااح بعد ما راح محد يدري ويسمعني انا ياليل اعيش الويل ندى الخلااني يتبعني انا بديت اصيح طبعا وهو يقول الانشوده انا كنت ارد مع بس اعدل بعض الاشياء وهي الي كتبتها فووق هذا تعديل مو الانشوده الاصليه بس الانشووده تصيح الرجاء من سادتي الركاب ربط احزمه الامان الله اكبر الله اكبر الله اكبر سبحان الذي سخر لنا هذا وما كنا له مقرنين وإن الى ربنا لمنقلبون الخ.... طارت الطيار وانا جسد بدون روح مخ بس بدون عقل عيون بس بدون متعه نظر خلااص ودعت السعوديه نا ظرت تراب السعوديه وقلت له ترى روحي عندك امانه لا رجعت ابيها وتر عقلي هاجسه معاكم لا رجعت تراني ابيه عنود نغزتني وقالت فكي السماعات فكيتهم قلت : خير وش تبين عنود: والله احس اني بحلم انا: لا عاد انا الي مصدقه طنشتها وجلست انا ظر برمالها وخطوط الشوارعها والسيارات الي كنها نمل يااااااااااااا الله معقول بعيش بلاياك واتنفس غير هواك اااااااااااااااه ياالمملكة ودعتك الله اذن المغرب الكابتن: الرجاء من سادة الركاب التوجه لمقاعد وربط احزمة الامان وقعت الطيار في مكان مو المكان الي طارت منه دخلت حدود غير الحدو الي طلعت منها نزلنا من الطياره وكان دررررررررررررج انا وشلون بنزل ما قد رقيت او نزلت من درج اكيد بطيح توكلت ع الله ونزلت الدرجه الوحده عن ثنتين طع طرخ طع طرخ طبعا هذا صوت جزماتي وانا انزل وصلت اخر درجه وبغيت اطيح هههههههههههه ركبنا الباص ووصلنا المطار المطاار كان عكسسس مطار الملك خاااالد رزان اختي: بابا وين المطار ابوي: وهذا وشو حنا :>> متعودين ع مطار الملك خالد حتى يوم رحنا لأيران وباكستان ما كانو زي كذا اخذ ابووي الشناط وركبنا سياره خوي ابوي وكانت جمس متعود ع قرابيع مرته ههههههههههههه يووه تعبت وانا اكتب انتضروني المصدر: منتديات بنات دوت كوم rwi vpgjd Ygh hgdlk الموضوع الأصلي : قصه رحلتي إلا اليمن || القسم : المخالفات || المصدر : منتديات بنات دوت كوم || كاتبة الموضوع : لك تؤبري سبدي
|
منذ /08-06-2010, 03:29 AM | #2 | ||||||||||||||||||||
بنوتة محلقة
مـغــتربه عن بلدي
|
بنوتاااااااااااات انتضروووني انا مشغوله يوم واحد وراح اكمل ان شاءالله
|
||||||||||||||||||||
منذ /08-06-2010, 04:20 AM | #3 | ||||||||||||||||||||
بنوتة مبتدئة
|
؛
|
||||||||||||||||||||
منذ /08-06-2010, 09:12 PM | #4 | ||||||||||||||||||||||
ملكة التنسيق مبدعة الردود
|
^
|
||||||||||||||||||||||
الكلمات الدلالية (Tags) |
الحلو, رحلتي |
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
|
|