الدراسة وناسة !! --- هه اي صح مادري شصار بالدنيا

[~.StRuBaRy PriNsaS .~]

[IMG]file:///C:/Documents%20and%20Settings/Bader/Desktop/مكتبة%20صوري/الدراسة%20وناسة%20!!%20-%20هه%20اي%20صح%20مادري%20شصار%20بالدنيا%20-%20منتديات%20بنات%20دوت%20كوم_files/962ceaf86c.gif[/IMG]

في كل مرة نقول اننا بنشد حيلنا بالدراسة هالكورس صح ؟؟ بس بعدين ننسا او نتكاسل او نتجاهل و بعدين تطلع النتايج وطبعا تكون مثل ويه ابليس من حلاتها !!

شرايج هالمرة نسويها صج ؟ ؟ ونشد حيلنا ؟؟

بدون تكاسل

بدون تجاهل

بدون اهمال

بس انتي بتقتنعين بالفكرة الحين و تقولين اي صح يلا نسويها مو ؟؟

بس

اول يومين انسوي جذي ---- و بعدين ؟؟؟؟؟!!!

نرجع الى ماكنا عليه من كسل ملل تجاهل

كالعادة الخطة تفشل !!

و نرجع لمستوانا المتردي .......

مع ان بعض الناس هذي الخطة تنجح معاهم لان ارادتهم قوية ...

لاكن ويانا بس اول يومين بعدين انسي شي اسمة دراسة

مع انج من صج تبين تدرسين بس !!

الشيطان شاطر

اوووووووه ملل دراسة دراسة دراسة !!

ماكو شغل اقعد ادرس وين قاعدين خخخخ

بس بوقت الصجية يوم الامتحان تتمنين لو درستي و تتحسرين على عمرج و تقطعين شعر راسج من المنهج شلون بخلصة بيوم واحد ؟؟؟

جان زيني دارسة يوم كانت ايامي طويلة و فاضية بدل اللعب

مانفعني !!

و بعد الامتحان تيين مكتئبة وصاكة فيج الدنيا

ليش عسا ما شر ؟؟

الامتحان الامتحان وماادراك الامتحان !!

ها شسويتي ؟؟

وتسالني بعد اشسويت ؟؟

سواد ويه سود الله ويه الضالم كلة بويهي

لو كان درست من اول يوم ماكان عندي شغلة كان انا الحين من الاوائل

بس يا خسارة اللي صار صار واللي تم تم و عسى الله يستر من النتايج !!!

وعسى الله يراف قلب المعلمة علي و تنجحني حتى لو بالحفة

ليش ليش كل هاذي الماسي ؟؟

ليش تخلوون الدراسة وتتعاملون معاها كانها مرض وبائي يهدد الانسانية ؟؟

ليش تكرهون الدراسة ؟؟

ل لحضة !!

ليش تكرهون الدراسة ؟؟؟

تكفي قوليلي ؟؟؟؟

يحب الدراسة هاذا اكيد فيه شي هاذا مو صاحي وين قاعدين نحب الدراسة

بالضيط !!

هذي اهيا مشاعر الكثيرين واولهم انا نعم انا

اكره الدراسة - مضيعة للوقت

بدال ما استانس اتنكد كاني حمار مجابل الكتب ؟؟؟

وجان زين المواد سهله وحلوه لاكن لاااااااااا والف لاااااا المدرسة تيي منها مواد سهلة وحلوة ؟؟ مستحيييل ولا حتى بالمريخ

روحي حلمي انتي قال مواد حلوة قال

كل مادة اصعب من الثانية مانها صممت لتعقد الطالب من حياته و كل مدرسة تطالب بدراسة مادتتها و الاهتمام بها بشكل جنوني كانها اهي المادة الوحيدة اللي تدرسينها في المدرسة

شنو هالضلم ؟؟

ليش التعذيب؟؟

كل قصيدة اطول من الثانية

و الكتاب عرض الدرج

اف بس مليت طقت جبدي انا -- اصلا ليش ادرس يبا اللي يصير يصير ما همني اسقط ولا اعيد السنة

المهم مادرس

المهم افتك من الدراسة


هاذا كلامي شخصيا وكلام الاغلبية

هناك معادلة دراسية انحلها غلط وتسبب كل ما سبق الا وهي :

اهمال + عدم المحاولة بعد الفشل + فقدان قوة العزيمة والاصرار =

كواك كوواك كوااك الشيطان لعب بعقلج و رحتي فيها ماكو نجاح ولا هم يحزنوون ولاشي روحي تحلمي بالمستقبل

بتصيرين زبالة مدرسة حكومية قذرة

لالالالالالالالالالالالالالالالالا شالكلام وين قاعدين اشتغل بمدرسة حكومية قذرة ؟؟ ولا وزبالة بعد؟؟

وحتى لو سقطت بلاقي شغلة بالمستقبل وكل شي راح يتغير بالمستقبل

هههه حلوة حلوة بتلاقين شغلة بالمستقبل ها ؟؟؟

حتى لو تنقزين من مكانج ما راح تحصلين حبيبتي الناس هالايام مو لاقين شغلة محترمة و تبين انتي تحصلين شغلة ؟؟ من وين انشالله ولا عندج المارد السحري ؟؟


اللي بيطالع ملفج الاسود بتييه سكتهقلبية انج تجراتي و طلبتي شغلة بعد

هااه شكلج اخترعتي من كلامي ..

شوي شوي شوي هدي يا بت الناس ما صار شي ليلحين كل هاذا بيصير بالمستقبل انشالله

لالالالالالالا ما تبينة يصير ؟؟ ها ؟؟ شلون ؟؟ تبين تغيرين مصيرج المشؤووم؟؟؟


اقتنعتي بفكرة الدراسة ؟؟

تبين تدرسين بس ماكو فايدة بس تدورين بالحلقة المفرغة ؟؟

شنو الطريقة للخلاص ؟؟

تبين تبدين من يديد صفحة بيضة ؟؟كلها انجازات و تميز ؟؟

بس انتي خايفة ؟؟

تطمني

الحل بين ايدج والمستقبل جدامج

الحل بيدي شلون ؟؟

اي بيدج انتي اللي بتصيرين متفوقة ولا ساقطة

بس

بس شنو

يبيلج

- ثقة بالنفس

- اصرار

اجتهاد

وعشان ما تطيحين بمتاه الشيطان

الامر بسيط وفي غايه من السهولة

اولا :توكلي على الله

2 - اعتبري كل شي صعب بمثابة تحدي واثبتي لنفسج انج قادرة على فعل المستحيل

فلا صعب مع الاصرار

3- اجعلي الدراسة شي جميل بالنسبة لكي فلا تتشائمي كل ما اتيت تدرسين

3- اربطي اشياء الدراسة باشيائكي المفضلة

4-وهذي النقطة في غاية بالاهمية

اخرجي ابداعكي في الدراسة

نعم ابداعك في الدراسة كيف ؟؟

مسئلة رياضيات معقدة لم تعرفي لها حلا ولا سبيلا بدل الاستسلام اقترحي حلولا ولا تخافي ان تخطئي فكل خطئ يتبعة نجاح!

اجعلي الدراسة لعبة مسلية و جميلة تستمتعين بها و تحاولين ان تحليها بكل الطرق لا تدعيها تفلت من يديك مهما كانت صعبة

كل هاذا كان سهلا قوله

صعبا فعلة

وان جربته فهو في قمة المتعة

لما الاستغراب جربي وستفهمين ما اقصدة

و بالنهاية ستضهر النتائج مثل العسل


و بهاذا اصبحت

الدراسة وناسة !



ارجو ان تستفيدوا من هاذا الموضوع

لاني امر بهذة المشكلة حاليا فقررت التوقف ووضع حلول ومشاركتكم فيها

ارجوا اني قد افدتكم !!

وجربي الخطوات نصيحة

انا حاليا اجربها و بقولكم عن النتائج

...

وانتضر حلولكم وارائكم الخاصة ...

ودمتم سالمين

جميع الحقوق محفوضة ل :

~.StRuBaRy PriNsaS .~

[IMG]file:///C:/Documents%20and%20Settings/Bader/Desktop/مكتبة%20صوري/الدراسة%20وناسة%20!!%20-%20هه%20اي%20صح%20مادري%20شصار%20بالدنيا%20-%20منتديات%20بنات%20دوت%20كوم_files/8_1.gif[/IMG] لوووول

[IMG]file:///C:/Documents%20and%20Settings/Bader/Desktop/مكتبة%20صوري/الدراسة%20وناسة%20!!%20-%20هه%20اي%20صح%20مادري%20شصار%20بالدنيا%20-%20منتديات%20بنات%20دوت%20كوم_files/962ceaf86c.gif[/IMG]

المصدر: منتديات بنات دوت كوم

---

hg]vhsm ,khsm !! --- ii hd wp lh]vd awhv fhg]kdh

الموضوع الأصلي : الدراسة وناسة !! --- هه اي صح مادري شصار بالدنيا || القسم : "الأرشيف" مغلق || المصدر : منتديات بنات دوت كوم || كاتبة الموضوع : ~.StRuBaRy PriNsaS .~

[فنونه المزيونه]

انا الصراحه عن نفسي احب المدرسه بس ما ادرس وايد

و مع العلم اني بالمستقبل بصير مدرسه علـــــــــــوم

[عروب ksa]

يـ ع ـطيـكـ الـ ع ـافيـهـ حبيبتـي . !
كفيـت ِ ووفيـتـ ِ . !
واللـي تـحس بفتور شوي في
الدراسـهـ ومحتـاجهـ للنصيـحهـ والتشجيـع . .

،‘

أقترح عليها تقرأ هالكتـابيـن . . ( نصيـحـة مجربـ ) . .

مهارات دراسيـة . .
و
تـجارب النـجاح الدراسـي . .

و

تسـمع شريـط ( كـاسـيتـ ) . .
أستـاهل الإمتيـاز . .

كل ماسبـق للدكتور .. نجيب عبدالله الرفاعي . .

،‘

بالتـوفيـق . . ^^

[*نجود*]

مشكــــــ على الموضوع الرائع ــــووورة

وأتمنى تتقبلي

[~.StRuBaRy PriNsaS .~]

العفو وشكرا لمروركن

[لمست دلع]

صدقتي حبيبتي في الكلام الي قلتيه
وطرحك حلو ونتي أحلى

....وتسلمي ع الموضوع المفيد ....

[*ماريه*]

بالنسبه لي أكره شيء اسمه دراسه و لا بعمري بحبها
بس لازم أذاكر علشان جذي الحمدلله مستواي ممتاز فالمدرسه

تسلمين اختي ع الموضوع الحلو

[دفء الشتاء]

رائعة غاليتي

من ::الدراسة مملة::

إلى

::الدراسة وناسة::

أنا من يومي أحب المدرسة لاني حبيت زميلاتي فيها

ومعلماتي الله يحفظهم رائعات وحببوني في المدرسة والتعليم

ودائماً يشجعوا ويوقفوا معاك ..

بس للأسف ما كنت أذاكر كل شي بيومه

يعني عندي واجب اعمله لو في شي مطلوب اسويه

لكن من نفسي اروح اذاكر لا ..

وهذا تعبني الإختبارات النهائية

لكني ما كنت أفكر بإني اجيب علامات موب زينة

حتى بس مجرد افكر اشيلها من بالي لاني ما قدرت احط نفسي في ذاك الموقف

فـ بس بالعزيمة وقوة إرادتي درست وجبت علامات ترفع الراس

ولو اني بس ركزت شوي كان جبت الأولى

هذي مشكلتي اجيب الممتاز لكن في الأحسن من الممتاز

اقدر اوصله واجيبها لكن الله ياخذ الشيطان والكسل واذا طفشت

زي آخر شهادة لي جبت A ممتاز في اغلب المواد وA* الا هو ممتاز جداً

في بعض المواد لو بجهد شوي اكثر كان جبت الممتاز جداً في الكل

بس الحمد لله

الله يهدينا ويصلحنا جميعاً ويوفقنا

كيف سويتي انتي وعلاماتك كيف؟ بشري=)

[sona the moon]

الله موضوعك مرررررررررره حلو تشكري في الحقيقه عليه
بصراحه بصراحه انا اموت في شي اسمه دراسه حتى الاجازه لمن تبدا تعجبني في البدايه
بعدين يجيني شوووووووق غير طبيعي للدراسه للمدرسه للطاولات للكتب لكل شي يربطني في المدرسه << ما شاء الله ما شاء الله عن الحسد يالله خخخخ
ما انكر انو احيانا يجيني ملل وطفش منها لكن اتغلب عليه على طول لان ورايا هدف اطمح ليه وحاطته قدام عيوني
بعدين انا بقول لك شي واحد بس هوا اللي خلاني استمر في الدراسه وبتفوق
اني لمن مثلا يكون عندي اختبار والماده صعبه او يكون فيها حفظ مررره كثير
تعرفي ايش كنت اسوي ؟؟؟؟
كنت لو وصلت عند شعر مثلا مو راضي ينحفظ
اقعد اتكلم مع الكتاب كانه انسان قدامي واقول
انت سهل ليه ما تحن عليا وتدخل دماغي انا متاكده اني حاحفظك وحتسير زي المويه ومره سهل وانت كريم وانا استاهل << زي المجانين ههههه لكن عاااادي كل شي لاجل النجاح يهون

والله ثم والله ثم والله من غير كذب في دقايق تلاقيني حفظت الشعر كامل وصار مره سهل
وانا اللي قاعده افحط لي ساعه مو راضي يدخل
تعرفي ليش انحفظ ؟؟؟؟
انا اقولك
لانو يقولك كل شي في الدنيا هذي يحس بيكي حتى لو كان جماد
انتي بس سوي صداقه وشوية تفاهم وتالف مع اللي قدامك ايا كان يعني احاسيس غير مرئيه حتلاقي نفسك مرتااااحه على الاخر ومبسوطه وكل شي يعدي بسلام
وكمان له تفسير ثاني انو كل انسان له عقلين باطني والعقل العادي اللي احنا نعرفه
فيقولك انك لمن تتكلمي الكلام دا اللي كله تشجيع لنفسك وانتي مقتنعه بي يتلقاه العقل الباطن ويترجمه العقل العادي فتسير الدنيا سهله عندك مرررررررررره
يمكن تحسي الكلام دا مو منطقي لكن اثبتوا علماء النفس وانا مجربته
وتعرفي عمري في يوم من الايام ماكنت اتوقع اني اطلع الاولى على دفعتي لكن بعد ما سويت الطرق دي وحطيت هدف في بالي جبت الاولى وانا فرحاااااااااااانه لانه كان انجاز بالنسبه لي
عالعموم حبيبتي انا ابغى اخرج بشي واحد من الكلام دا كله
انك انتي لو حطيتي هدف قدامك تبغي توصليله لازم تسعي بكل الطرق مهما كانت عشان توصلي ليه
غيري المكان لو طفشتي ادرسي قدام المرايا واتكلمي كانو في طالبات قدامهم وقاعده تشرحيلهم قومي غيري جو سوي فاصل اعلاني وارجعي كملي مذاكره لصقي اوراق في الغرفه واكتبي فيها كلام يدعمك ويشحنك ويشجعك كل ما حسيتي بفتور من الدراسه فرفشي لا تخلي وقت المذاكره كله جد في جد وصدقيني حتطلعي في النهايه من المتفوقات وبعدين قولي سونا ما قالت
اهم شي ياقلبي في النهايه توصلي للي تتمني
اااااااااام سوري حبيبتي طولت عليكي بس حبيت احط لك واقعي مو مدحا في نفسي لكن عشان تستفيدي منه انتي والبنات
وان شاء الله في يوم من الايام اسمع عنك كل خير وانك طلعتي من الاوائل على مملكتك مو بس على المدرسه او على الفصل وانا واثقه انك قدها وقدود
وتقبلي مروري بود
سونا