العودة   منتديات بنات دوت كوم > ♦ لغَۃ ، أدبٌ و فنَ .. > الـقـصـص و الـروايـات
◊ - الـقـوانـيـن - مواضيع لم يرد عليها ◊ مركز تحميل بنات ~ قالوا عنّا ~ سجل الزوار ~ أعلني معنا !

الـقـصـص و الـروايـات [ ﺂحداث ، شخصيات ، مغامراتَ ، ۊ غيرهِآ | بَ قلمکِ ﺂنتِ ♥ ]

يمنع منعا باتا رفع المواضيع القديمة .. و يمكن معرفة المواضيع القديمه من خلال ظهور التنبيه اسفل صندوق الرد


إضافة رد
 
أدوات الموضوع
  #1  
قديم 05-02-2011, 12:56 AM
الصورة الرمزية فارسة القلوب
فارسة القلوب فارسة القلوب غير متصلة
بنوتة مبتدئة
صاحبة الموضوع
 
تاريخ التسجيل: Jan 2011
المشاركات: 95
قوة التقييم: 17
فارسة القلوب has a spectacular aura aboutفارسة القلوب has a spectacular aura about

   صورة اللقب الإضافي
L9

المشاهدات: 42248 | التعليقات: 317 روايتي الاولى ( عهد على ذكرى الالم والمهانه لآخذ بثار دموعنا ياخفوقي)



بسم الله الرحمن الرحيم

هذي اول روايه اكتبها وانشاء الله تحوز على رضاكم

(الجزء الاول )

اسيقظت بجانب ذكرى قديمة , حلوة مرة ... كأنها حلم جميل بلا صور لآنسان او مكان ... نور عميق ... بعيد ... بضياء خافت ... كمسافر من وطن ... اوكغريب في وطن .. وأوراق الشجر الخضراء ... تهطل كقطرات ثلج بيضاء ... وتشتعل في الرأس كنيران بيضاء ... وقلب حزيين مثقل بدموع مكبوتة ... والعيون ناعسة , كغريق في بحار من الغربة ... وكل غربة بداخلها غربة أكبر منها ... للعيون الحزينة جمال بالآلام ... كورقة زيتون بالندى مغموسة ... والقلب كشاطئ موجوع , والعتب فيه مرفوع وممنوع ... والفكر غريق على حبات رمال حارقة وأخرى باردة ... وقفت الكلمات حائرة , كأنها كبرياء وحياء ... وتمنت السعادة , ببسمة خانتها الدمعة ... وسبحت في سماء بلا نجوم ... لعل بالصمت أهات أصدق من الكلمات ... وأصبح القلب للحزن عنوان ... لن أقاوم الصمت ... ولن انتزع الكلمات ... ووقف الفكر حائرا ... قلب من ... ومن قلب من ... وروح من ... ومن روح من ... القلب اختلط بالقلب ... والروح انصهرت بالروح ... ولكنها لعلها كانت ذكرى ... او حلم ... لعلها ذكرى ... وذكراي وحدي ... ولعله قلبي وحدي ... ولعلها روحي ... ولعل قلبها معلق بذكرى ... ولكني كنت ذكرى عاشت على ذكرى ... عجبا لك يا قلبي ... عشت على أغانيها ... وعشت على حطام قلبها ... بذكرى بثنايا ذكرى ... وعجبا لك يا روحي ... تحدثت عن : الحب السامي , وحب أكبر من أي حب ... وأصبح الداني والقاسي يتغنى ... بالروح ... وعجبا لك يا قلمي رسمت أجمل اللوحات ... لروح ... وعشقت وطن يباع ويشترى ... لعله زمن ... غير زمني ... ولعلي ما زلت أحلم ... ولعل نافذة الآمل ... هي نافذة لنور غير نوري ... صعقت الروح بما سمعت , وانتفض القلب قبل القلم لما كتبت ... وساد سكون الآحزان ... بالقلب والروح والفكر .

(للامانه الخاطره منقوله )

في واحد من شوارع مدينة لندن كان واقف يناظر الناس اللي معه زوجته واللي معه صديقه واللي معه عايلته
وهو وحيد مامعه احد مشى وهو يناظر طفل يصيح وابوه شايله ويرميه في الهوا ويلعبه عشان يسكت
تنهد وهو صدق حاس بالوحده : الله يعين هذا حظي دايم كذا الله يفرجها
اخذ اغراضه اللي يبي من السوبر ماركت ورجع للبيت

(جواد عمره 28 سنه طالب في جامعة ....... في لندن دايم وحيد وغاااااااامض بقوه من 11 سنه عايش في لندن جماله غريب ابيض مرررره وعدسات عيونه سودا وفيها لمعه قويه فيه وسامه رهيبه يجذب اللي حواليه بقوه بس مايحب يبين جماله للناس دايم يخفيه بكبوس او نظارات شمسيه كبيره مايحب الصداقات ويكره البنات كره مو طبيعي ولايحتك فيهم مع ان البنات معجبات فيه بس مايعطيهم وجه ماله احد في بريطانيا وعايش لوحده في شقه مستأجرها من عايله بريطانيه يدرس بالنهار في الجامعه وفي الليل يشتغل في مطعم عشان يصرف على نفسه ومايحتاج لاحد <<< والباقي تعرفونه من خلال الروايه )



في الرياض وتحديدا في قصر ابو ليان
الجده حصه : ليان وصمخ طفي هالعله وروحي نامي ترى تعبت معك
ليان بدلع : بليز جدتي بس اكمل هالرقصه واطفيه
جدتها بعصبيه : ليااااااااااااااااااااااااااان
ليان : جدتي طفشانه وش اسوي ماعندي احد العب معه وبعدين الدنيا ماتسوى كل هالتعصيبه ريلاكس هدي اعصابك
جدتها بنرفزه : بتقومين ولا شلون
ليان : اوووووووووووف خلاص بقوم
طفت التلفزيون وراحت لغرفتها وهي تكمل الاغنيه وترقص
(ليان عمرها 12 سنه شقيه بقوووووه ومهبله بجدتها امهامطلقه وهي وحيدة ابوها ومدلعها عمره ماضربها او زعلها الا في حاله وحده اذا جابت طاري امها تحسه يتنرفز ويعصب عمرها ماشافت امها ولا تعرف حتى وش اسمها
ذكيه بقوه واللي تبيه تحصل عليه حتى لو بالحيله تحب تنرفز اللي حواليها وتحب تسوي مشاكل
شكلها كيوت ومو باين عليها انها مجرمه شعرها طويل لين خصرها ولونه بني وبيضا مره عيونها فيها براءه مو طبيعيه قصيره مو طويله بس تحب ترز نفسها وتبين انها كبيره)
طبعا هذولا هم ابطال روايتي والباقين تعرفونهم مع احداث الروايه
في بريطانيا
رمى نفسه على السرير وهو هلكان من بعد مارجع من السوبر نزل الاغراض في المطبخ وبدل ملابسه ورتب البيت وجمع ملابسه الوسخه وحطها في السله بالحمام بيغسلها بس الحين هلكان ويبي ينام تأفف : اففففف ياربي وراي غسيل ملابس وغسيل الصحون بعد حتى بالعطله لازم شغل
تنهد : لازم اخلص شغلي قبل العصر عشان اقابل هالاحمد ياربي متى بيفكني هالرجال يعني عارف اني ماأحب الصداقات وشوله ينشب صحيح انه رجال والنعم فيه بس هذا طبعي وماحب احد يحتك فيني
(احمد صديق جواد وهو يشتغل معه بالمطعم طبعا احمد تاجر مره ومن عايله غنيه وهو سعودي و يدرس في بريطانيا على حسابه صحيح انه مو محتاج بس هو رجال محترم ومايحب حركات (النص كم ) وعشان كيذا اشتغل بالمطعم لانه مايبي يجي عنده وقت يكون فاضي عشان مايطيح بالحرام وماينجرف ورى اصدقاء السوء
طبعا احمد متزوج وهو فرفوشي والله يعين اللي بيحطه براسه بيقعد وراه لين ياخذ اللي يبي منه ومالقى هنا الا جواد وحطه براسه <<<< الله يعينك عليه ياجواد
يعجبه جواد يحس انه رجال لانه عمره ماشافه مع بنات او شافه في موقع مشبوه بالعكس دايم ماشي بطريقه ومايحتك بأحد بس يحس وراه لغز و يحسه غامض واللي يستغربه اكثر انه بعد مايحب يحتك بالرجال يعني بالعربي يكره الجنسين البنات والاولاد بس يحاول انه يطلعه من قوقعته يحاول انه يختلط مع الناس <<<<< وبنشوف انت يا أحمد قد هالمهمه ولا لا)
عموما احمد له دور كبير بروايتي وطبعا كل الشخصيات اللي بذكرهم مهمين وهم ابطال بهالروايه بس الاهم ليان وجواد
قام جواد من السرير : ماعندي وقت يالله انظف هالملابس واروح اغسل الصحون واتغدى واذا بقى لي وقت نمت لي شوي عشان ماخربها عند الرجال وانام عنده مالت علي مالقيت اسهر الا يوم جا عندي موعد مع الرجال يقال عندي عطله وابي افلها واستانس نسيت اني شمال والفله جنوب اخخخخخخخخخخ ياراسي احسه بينفجر
شد على شعره وصرخ : أبي اناااااااااااااااااااااااااااااااااااااااااااااااا اام
راح بكسل للحمام ولما شاف الملابس وش كثرها بالسله جلس على البانيو بيأس : اهئ اهئ والله ابي انام حشى كل هالملابس يمكن اكثر ما بالشقه هالملابس ياربي صارلي اسبوع ماغسلت الملابس مستحيل اجلها للاسبوع الجاي ولا ماعاد لقيت لي ملابس البسها
قام وراح يسحب رجوله للمطبخ وهو مسكر عين ومفتح عين : يمكن المطبخ اهون على الاقل يحفزني انظفه والملابس لارجعت بالليل
لما دخل المطبخ جلس على الارض في الوسط وهو يتفحص المطبخ من التعب ماراح يشوف وش اللي يبي تنظيف قال اشوف كل شي وانا جالس يمديني على التعب ابتسم باستهزاء : اساسا مايحتاج افر واتعب نفسي المطبخ كله 2متر *2متر
يعني بشوف كل شي وانا جالس لا وبعد بالراحه
تنهد وقام اخذ الاشياء اللي جابها من السوبر ورتبها في الثلاجه الصغيره اللي بزاوية المطبخ ولم اكياس المطعم اللي ماليه المطبخ ورماها بالزباله : احسن شي في هالمطعم وشغلته ان وجبة العشاء يوميا عليهم على الاقل طاح مني شي من التكاليف
رتب الصحون بالمغسله وفتح المويه الحاره عليها وهو مبتسم بكسل : اسرع طريقه للغسيل
خلاها دقايق تحت المويه الحاره وبعدين فتح المويه البارده عشان تبرد ويقدر يمسكها ويمسحها وينظف اللي مانظف منها <<<<<<<<< جربوا هالطريقه تراهم يمدحونها ( ^_ ^ ) بس لاخربت صحونكم تراني مو مسؤوله هذي فكرة جواد مو فكرتي
لما رتب الصحون وخلص منها كنس ارضية المطبخ وشال سلة الزباله وطلعها في الصاله بعدين راح ولبس كبوسه ناظر في ملابسه بنطلون جنز مصفطه لين تحت الركبه وبلوزه بيضا كت وشحاطيات ابتسم : ونعم الملابس والله لوك جديد بصراحه
زين البنطلون وراح ولبس البالطو حقه وشال سلة الزباله وطلع برا يكبها
بعد ماكب الزباله وجا بيدخل سمع تصفير من وراه
التفت وشاف فرانز بريطاني مسيحي يكره العرب بقوووووووووه دايم يحاول يستفز جواد بس ياجبل مايهزك ريح دايم يسفه به ولايلتفت له طبعا فرانز ساكن بجنب شقة جواد ويغار من جواد من قبل مايعرف انه عربي لانه يشوف انه واثق من نفسه وناجح في حياته ويفرض احترامه على كل واحد يقابله اما هو لا دراسه ولا وضيفه ومضيع حياته بنفسه ولا احد يحترمه ومن بعد ماعرف انه عربي زاد كرهه له
فرانز بصوت عالي وهو يصفق و يناظر جواد بحقد : برافو برافو لا اظن ان هناك وضيفه اخرى تناسبك غير هذه
ناظر جواد سلة الزباله اللي بيده ثم ناظر فرانز باحتقار ولف ودخل البيت وسكر الباب دخل ونزل السله بالمطبخ
جلس على الارض وهو متضايق : الحين ابي اعرف هذا وش قصته علي وش هالكره الله لايبلانا الله يستر بس
ناظر حوله وهو يتنفس براحه الحين مايبقى الا اغسل الارضيه بس
قام وهو متحمس نزل البالطو وعلقه على مقبض الباب ماعنده وقت يوديه لمكانه رمى الكبوس بالصاله وفصخ الشحاطيات عند باب المطبخ ورجع يسفط البنطلون مره ثانيه وخذا سطل كبير وعباه مويه وكبه على الارض عباه مره ثانيه وكبه بعدين حط صابون وصار يفرك بالسراميك ويلعب بالمويه ويتزحلق ويستهبل مسلي نفسه بنفسه الاخ المهم اعجبه الجو وخذا مويه وكبه على الدولاب من برا وصار ينظفه لما حس ان المطبخ صار يلمع ونظف راح وخذا (لي_هوز) عنده بالحمام وشبكه بالحنفيه في المطبخ وصار يغسله من الصابون وينظفه لما خلص القى نظره اخيره على المطبخ وابتسم : ايووووه هذا المطبخ اللي يفتح النفس
تمغط وهو يتثاوب : الحين احس فيني نشاط بنسبه لابأس بها غديني رايح انظف الملابس- ابتسم – من زمان عن هاللهجه اييييه الله يعين
مشى على اصابع رجوله عشان مايزلق بالمويه لان المطبخ سيراميك : اخيـ.... طراااااااااااااااااااااااخ
ماوعى الا براسه على الارض
:آآآآآآآآآآآآآه حسبي الله ونعم الوكيل آآآآآآآآآآآي الله ياخذك يافرانز انت واحمد جعلتس ياهالشقه الحريق يارب حسبي عليك من مطبخ <<<<< طار ماتبقى به من مخيخ
جلس وجسمه كله متكسر وكل ملابسه مويه وحالته حاله زحف لين طلع من المطبخ خاف لايوقف وتنعاد الكرّه راح وانسدح على سريره وهو ماسك يده اللي متورمه
: آآآآآآآآآآخ الله يلعن بليس لابارك الله فيه من نشاط


العصر الساعه 4 في الرياض وفي فله مرتبه باين ان اهلها من الطبقه المتوسطه
ساره : اقول فهد
فهد وهو يقرا الجريده : همممم
ساره : ترى هالعطله نبي نسافر لأي دوله
فهد وهو رافع حاجبه : أي دوله امري انتي بس
ساره : فهد تتمسخر فيني
فهد باستهزاء : ابد مين قال
ساره برجاء : فهد تكفى والله صاحباتي كل سنه يسافرون وكل صيفيه بدوله وحنا لنا الله مانطلع من هالبيت طلعنا الله يخليك حتى لو هنا بالمملكه
فهد : اها قولي من قبل ان صاحباتك بالسالفه وانتي كل شي عند صاحباتك تبينه اقول ترى مانيب فاضي لك انتي وياهن
ساره بعصبيه : ترى موب حاله هذي من يوم ما أخذتك وانا عايشه بهم لاطلعات نفس العالم ولاسفرات وش هالبخل ياخي اذا ماتبي تدفع انا اللي بدفع بس طلعنا نشم هوا
فهد بعصبيه : سااااااااااااره
ساره وهي تبكي : فهد والله تعبت معك شتبيني اسوي أكثر من اللي سويته حتى أهلي بعتهم عشانك
فهد بعدم مبالاه : ماحد طقك على يدينك وقالك بيعيهم
ساره بحزن : صحيح ماحد طقني علي ايدي عشان ابيعهم بس للاسف غبائي هو اللي خلاني افضل شخص اناني على اقرب الناس لي وهذا حصاد افعالي قاعده اجنيه اليوم
فهد ببرود : اقول بلا فلسفه زايده ترى أذيتيني
ساره بيأس : هذا انت يافهد عمرك ماراح تتغير وش أرجي منك – بحزن – انا عادي كل شي عندي استوى بس نوف وطارق يافهد تراهم عيالك ولهم حق عليك اذا كنت ناسي
فهد : اوهوووووووووووو وبعدين معك انتي
قامت ورمت الريموت بعصبيه وصعدت لغرفتها
فهد يناظرها وهي رايحه وفي نفسه : على الاقل ما اجرمتي ولا فقدتي حبيب ولا تبروا منك اهلك زعل بسيط ويروح مع الايام الموت اللي فقد كل شي

( فهد صالح الـ .... شريك ناصر في الشركه طبعا بفلوسه ويداوم
يوم وعشره لا دايم سارح في أفكاره انسان مزاجي ومتقلب
طويل جسمه رياضي يجنن فيه جمال غريب وخصوصا
عيونه اللي كبار ولونها بلون العسل الصافي ورموشه كثيفه مررره واللي
محلي عيونه بزياده لمعة الحزن اللي فيها
الحزن على غلطه من 12 سنه لازال يدفع ثمنها للان )

في نفس الوقت في قصر ناصر ابو ليان
في الحوش فارشه الجده زوليه وحاطه دلالها تنتظر عجز الحاره يجن يتقهون عندها
اما ليان ماخلت شي الا وسوته حاست غرفتها قلبتها فوق تحت ونادت الشغاله ترتبها كيذا تحب المشاكل طلعت ولما ماحصلت جدتها خذت حريتها راحت وشغلت التلفزيون اللي في الصاله فوق وحطت على روتانا وطولت على اخر شي ثم نزلت وشغلت اللي تحت وحطت على قناة 2 MBC وطولت عليه لاخر شي وطفت انوار الصاله تحت وزعت شموع بالصاله واشعلتها وراحت ولبست شورت اصفر وتيشيرت ابيض سيور ورفعت شعرها ذيل حصان وخلت الطباخه تسويلها عصير وخذت لابتوبها ونزلت تحت وجمعت كل الخداديات ونزلتها على الارض صفتها بجنب بعض وجلست عليها سحبت سلك التليفون وشبكت عالنت وجلست تقلب بالنت
الشغاله وهي جايبه العصير : ايس هادا ليان انتي مشكل كتير بعدين مين نضف هادا <<<<< طبعا الشغالات يكرهون ليان بقوه لانها شقيه مايتحملونها
ليان وهي تطقطق بالاب توب : اقول نزلي العصير ولا يكثر
الشغاله بعصبيه : ايس كلام انتي انتي مافي كويس انا الحين روح كلام ماما كبير انتي ايس سوي<<<<< لا احد يشره مافيني عرق شغالات وبكيذا للاسف ماعرف كلامهم كيف
ليان : ماتشوفين شر وسلميني عليها
الخدامه عصبت وراحت تشكي على الخدامات الثانيات وهذا حال ليان دايم مع الخدامات لدرجة ان ابوها وجدتها صاروا يخافون عليها من هالشغالات بس مو قادرين يوقفونها عن هبالها
ملت من النت ما لقت فيه شي صاحي قالت مالي الا جدتي اروح اطفشها طلعت وهي ناويه على جدتها ولا اهتمت للحوسه اللي وراها ولا الخدامه اللي حاقده عليها بقوه وهي ترتب الصاله وتشيل الشموع وتطفي التلفزيونات اللي صوتها يصم الاذان<<<<< الله يستر عليك ياليان
ليان : هاي جدتي what doing here
جدتها : وش ذالهرج اقول عدلي لسانتس لابهالدله على راستس
ليان : ooh my gooooood
جدتها : ليان لاترفعين ضغطي
ليان بدلع : اوكي جدتو شقاعده تسوين هينا
جدتها : شوفت عينتس قاعده احتري ام احمد وام سالم
ليان : اها طيب ياجده خلي منك خرابيط هالعجز خليني اعلمك بقصة بنت عندنا
الجده : عجزت ركبتس قوولي امين ياللي ماتستحين على وجهتس
ليان بدلع : يؤيؤيؤيؤيؤيؤ جدتي حبيبتي ليش الحين انا وش قلت انا ماقصدتك ترى
جدتها : اقول تراني خابزتتس وعاجنتتس لا تلفين وتدورين ترى راسي يوجعني
ليان : شدعوى يالغاليه صرت خبز تخبزيني وتعجنيني وبعدين يخسى الوجع وآبو آبو الوجع
جدتها بحلم : طيب خلاص انتي روحي وخليني ارتاح
ليان : طيب بس قبل ابي اقول قصة البنت هذي
جدتها بنفاذ صبر : يالله قولي وخلصيني
ليان بصوت قصير : طيب لاتدفين
جدتها : وشووو
ليان بابتسامه : لا بس اقول تخيلي ياجده البنت هذي يتيمه امها ميته – بحزن – مثلي وتـ....
جدتها تقاطعها : من قال ان امك ميته
ليان بعدم مبالاه: ماحد قال بس حتى لو انها حيه هي عندي كأنها ميته
جدتها بعصبيه : اقول قومي توكلي على الله قومي لغرفتتس جننتيني حسبي الله على بليستتس
ليان : ااااجده طيب والقصه
جدتها : ليان وبعدين معك الى متى
ليان : احسن انتي الخسرانه بتفوتك قصه ولا احلى
جدتها وهي تاخذ البياله اللي قدامها وتخوفها : انا الخسرانه هاااا
اما ليان حطت رجلها مانشوف الا غبرتها

,,,نهاية الجزء الاول,,,


وانتظروني بالاجزاء القادمه
اتمنى احصل ردود تشجعني على اني اكمل الروايه



v,hdjd hgh,gn ( ui] ugn `;vn hghgl ,hglihki gNo` fehv ]l,ukh dhot,rd)

الموضوع الأصلي : روايتي الاولى ( عهد على ذكرى الالم والمهانه لآخذ بثار دموعنا ياخفوقي) || القسم : الـقـصـص و الـروايـات || المصدر : منتديات بنات دوت كوم || كاتبة الموضوع : فارسة القلوب


عدد زوار مواضيعى Website counter


التعديل الأخير تم بواسطة فارسة القلوب ; 05-02-2011 الساعة 01:21 AM
رد مع اقتباس

  #ADS
:: إعلانات ::
Circuit advertisement
 
 
 
تاريخ التسجيل: Always
الدولة: Advertising world
العمر: 2010
المشاركات: Many
 

:: إعلانات :: is online  

قديم منذ /05-02-2011, 03:18 AM   #2

ج‘ـوْلي ♥
ملكة التنسيق
أُحٍبُّكً { ربّي } ! `

L43
    حالة الإتصال : ج‘ـوْلي ♥ غير متصلة
    رقم العضوية : 64620
    تاريخ التسجيل : Jul 2010
    العمر : 32
    المشاركات : 820
    بمعدل : 0.16 (مشاركة/اليوم)
    النقاط : ج‘ـوْلي ♥ is a splendid one to beholdج‘ـوْلي ♥ is a splendid one to beholdج‘ـوْلي ♥ is a splendid one to beholdج‘ـوْلي ♥ is a splendid one to beholdج‘ـوْلي ♥ is a splendid one to beholdج‘ـوْلي ♥ is a splendid one to beholdج‘ـوْلي ♥ is a splendid one to behold
    التقييم : 762
    تقييم المستوى : 29
    الأسهم : 0 (أسهم/سهم)
    الجواهر : (جواهر/جوهرة)
    عدد الدعوات : 0
    زيارات ملفي : 17413

     SMS : ربآهـٍ / أمآت الحُب عشآقاً . . و حُبك أنتَ أحيآنيْ ! ^^

مزاجي :
    استعرضي : عرض البوم صور ج‘ـوْلي ♥ عرض مواضيع ج‘ـوْلي ♥ عرض ردود ج‘ـوْلي ♥
    تجديني هنا :
     MMS :

MMS

افتراضي

وآآآآآآآآآآآآآو

بجد قصة روعة

أنسجمت معهااا مرررة

الشخصيات على الآحداث على اللهجة مرة روعة

مم

خل أتوقع بعض الاشيا

بالنسبة لـ ليان , أحس بيصير لها شي من الخدامات

و بالنسبة للجدة أحسها طيبة مرة

و جواد بيصير له شي مو حلو

<< توقعات بسسس

يعطيك العافية كملي القصة





 

  رد مع اقتباس
قديم منذ /05-02-2011, 06:55 PM   #3

أسِيفْ
ملكة التنسيق
مبدعة الردود
شُو بدك ؟

    حالة الإتصال : أسِيفْ غير متصلة
    رقم العضوية : 58474
    تاريخ التسجيل : Apr 2009
    العمر : 29
    المشاركات : 3,602
    بمعدل : 0.66 (مشاركة/اليوم)
    النقاط : أسِيفْ has a reputation beyond reputeأسِيفْ has a reputation beyond reputeأسِيفْ has a reputation beyond reputeأسِيفْ has a reputation beyond reputeأسِيفْ has a reputation beyond reputeأسِيفْ has a reputation beyond reputeأسِيفْ has a reputation beyond reputeأسِيفْ has a reputation beyond reputeأسِيفْ has a reputation beyond reputeأسِيفْ has a reputation beyond reputeأسِيفْ has a reputation beyond repute
    التقييم : 4406
    تقييم المستوى : 106
    الأسهم : 0 (أسهم/سهم)
    الجواهر : (جواهر/جوهرة)
    عدد الدعوات : 2
    زيارات ملفي : 23910

     SMS : . . . طَعناتِي غادِرَة وسكّيني حاد !

    استعرضي : عرض البوم صور أسِيفْ عرض مواضيع أسِيفْ عرض ردود أسِيفْ
    أوسمتي :         هنا
    تجديني هنا :
     MMS :

MMS

افتراضي


فارسة ،
أهنيكِ والله على هالرواية والأسلوب،
من زمااان ما قرأت روايات رائعة
حبيت المقدمة وحبيت الشخصيات،
عجبتني شخصية جواد بس بنفس الوقت قاهرني
وصديقه حاسّه إنه راح يخرّجه من حالته!
أما ليان والله ما ادري، حسيت الشغالات طيّبات


معك يالغالية،
بإنتظارك




 

  رد مع اقتباس
قديم منذ /05-02-2011, 09:51 PM   #4

فارسة القلوب
بنوتة مبتدئة
White Angel

L9
 
    حالة الإتصال : فارسة القلوب غير متصلة
    رقم العضوية : 66156
    تاريخ التسجيل : Jan 2011
    المشاركات : 95
    بمعدل : 0.02 (مشاركة/اليوم)
    النقاط : فارسة القلوب has a spectacular aura aboutفارسة القلوب has a spectacular aura about
    التقييم : 176
    تقييم المستوى : 17
    الأسهم : 0 (أسهم/سهم)
    الجواهر : (جواهر/جوهرة)
    عدد الدعوات : 1
    زيارات ملفي : 2416

     SMS : ليس الانجاز ان تصنع الف صديق في السنه ولكن الانجاز ان تصنع صديق لالف سنه

مزاجي :
    استعرضي : عرض البوم صور فارسة القلوب عرض مواضيع فارسة القلوب عرض ردود فارسة القلوب
    تجديني هنا :
     MMS :

MMS

افتراضي


 

المشاركة الأصلية كتبت بواسطة ج‘ـوْلي ♥ مشاهدة المشاركة
وآآآآآآآآآآآآآو

بجد قصة روعة

أنسجمت معهااا مرررة

الشخصيات على الآحداث على اللهجة مرة روعة

مم

خل أتوقع بعض الاشيا

بالنسبة لـ ليان , أحس بيصير لها شي من الخدامات

و بالنسبة للجدة أحسها طيبة مرة

و جواد بيصير له شي مو حلو

<< توقعات بسسس

يعطيك العافية كملي القصة

 

 

 

 


اشكرك جولي على مرورك الرائع
ماراح اقولك اذا توقعاتك صح ولا لا انتم بتكتشفونها مع الاحداث
بالنسبه للروايه بنزل ان شاءالله كل يومين جزء
واتمنى اكون موفقه في سرد احداثها لاني اول مره اكتب روايه




 

  رد مع اقتباس
قديم منذ /05-02-2011, 09:57 PM   #5

فارسة القلوب
بنوتة مبتدئة
White Angel

L9
 
    حالة الإتصال : فارسة القلوب غير متصلة
    رقم العضوية : 66156
    تاريخ التسجيل : Jan 2011
    المشاركات : 95
    بمعدل : 0.02 (مشاركة/اليوم)
    النقاط : فارسة القلوب has a spectacular aura aboutفارسة القلوب has a spectacular aura about
    التقييم : 176
    تقييم المستوى : 17
    الأسهم : 0 (أسهم/سهم)
    الجواهر : (جواهر/جوهرة)
    عدد الدعوات : 1
    زيارات ملفي : 2416

     SMS : ليس الانجاز ان تصنع الف صديق في السنه ولكن الانجاز ان تصنع صديق لالف سنه

مزاجي :
    استعرضي : عرض البوم صور فارسة القلوب عرض مواضيع فارسة القلوب عرض ردود فارسة القلوب
    تجديني هنا :
     MMS :

MMS

افتراضي


 

المشاركة الأصلية كتبت بواسطة فُستان السَماء مشاهدة المشاركة
فارسة ،
أهنيكِ والله على هالرواية والأسلوب،
من زمااان ما قرأت روايات رائعة
حبيت المقدمة وحبيت الشخصيات،
عجبتني شخصية جواد بس بنفس الوقت قاهرني
وصديقه حاسّه إنه راح يخرّجه من حالته!
أما ليان والله ما ادري، حسيت الشغالات طيّبات


معك يالغالية،
بإنتظارك

 

 

 

 


غاليتي فستان السماء اسعدني مرورك ويسعدني ان الروايه اعجبتك

انتظروني بكره ان شاءالله انزل الجزء الثاني




 

  رد مع اقتباس
قديم منذ /07-02-2011, 01:27 PM   #6

فارسة القلوب
بنوتة مبتدئة
White Angel

L9
 
    حالة الإتصال : فارسة القلوب غير متصلة
    رقم العضوية : 66156
    تاريخ التسجيل : Jan 2011
    المشاركات : 95
    بمعدل : 0.02 (مشاركة/اليوم)
    النقاط : فارسة القلوب has a spectacular aura aboutفارسة القلوب has a spectacular aura about
    التقييم : 176
    تقييم المستوى : 17
    الأسهم : 0 (أسهم/سهم)
    الجواهر : (جواهر/جوهرة)
    عدد الدعوات : 1
    زيارات ملفي : 2416

     SMS : ليس الانجاز ان تصنع الف صديق في السنه ولكن الانجاز ان تصنع صديق لالف سنه

مزاجي :
    استعرضي : عرض البوم صور فارسة القلوب عرض مواضيع فارسة القلوب عرض ردود فارسة القلوب
    تجديني هنا :
     MMS :

MMS

افتراضي

اعذروني حبايبي لاني ماقدرت انزل الجزء الثاني امس


(الجزء الثاني )





لآ جيت أسولف عن الذكـرى بـماضينـا
يضـيـق فيـنـي الـكـلام بـسـبـة الـعـبـره

ولآ جيـت اسولـف عـن أولـنـا لـتاليـنـا
يضيـق فينـي المكـان اللـي علـى كبـره

يــا فـرحـة العـمـر يـــا ذكـــراه نـاديـنـا
من خلق ذيك السنين الموحشه الغبره

الـلــي علـيـهـا رمـيـنــا كــــل امـانـيـنـا
حـتـى فـقـدنـا الأمـانــي بـقـلـة الـخـبـره




في لندن
في شقة جواد الجوال يرن ومتقطع قلبه ولا احد يمه شوي الا الجرس يضرب
فز جواد وهو مو مستوعب هو وين ولا منو هاللي يضرب الباب راح يركض يبي
يفتح الباب ولما وصل الصاله ناظر لملابسه اللي عليه وانفجع رجع يركض وبدل
ملابسه عالسريع وطلع ولبس كبوسه وبالطوه وفتح الباب
احمد بخوف : جواد عسى ماشر لي ساعه وانا ادق الباب ولافتحت وقبله قطعت الجوال ولا رديت – ناظر يد جواد وهو ماسكها – عسى ماشر شفيها يدك – مسكها يبي يشوف التورم اللي فيها
ارتبك جواد وقال : لا عادي طيحه بسيطه
احمد : افا لا الدعوى مو هينه وصوتك شفيه بعد شكلك مزكم وتعبان
ضحك جواد : لا يمكن عشاني نمت وفي ملابسي مويه تفضل داخل
احمد : يعني ماراح تطلع معي
جواد بصوت مبحوح : شوفت عينك والله تعبان ولا كان ودي
احمد : يالله نعوضها مره ثانيه ان شاء الله
جواد : ان شاء الله تفضل حياك
احمد : تسلم مابي اتعبك بس انت ماراح تروح المستشفى
جواد : لا مايحتاج تعب بسيط وبيزول
احمد : ويدك تعب بسيط بعد
جواد : عادي الفها وخلاص
احمد : عنيد من عرفتك
ابتسم جواد : ..........
احمد : اجل يالله انا طالع توصي على شي
جواد : وين تفضل
احمد : لا انت تعبان وتحتاج للراحه رح نام وانا بطلع اتمشى لي شوي تعرف عطله ولازم نستغلها
جواد : الله معاك
احمد وهو رايح : يالله عن اذنك
جواد : ماتشوف شر
دخل وهو يحس بدوخه ويحس بخمول : آآآآآآآآه ياراسي اخخ وراي بعد غساله ياربي رحمتك
فز وهو يتذكر انه ماصلى العصر راح وتوضى وصلى ثم طلع وشغل الغساله ورمى ملابسه فيها
وراح وكمل نومه والغساله تشتغل
ماصحى الا عالمنبه الساعه 7 الصباح فز وهو يستغفر : ياربي ماصليت لا المغرب ولا العشا ولا الفجر
صلى صلواته اللي فاتته وطلع الملابس من الغساله ثم اخذ له شاور لبس بنطلون
اسود وقميص اسود فتح الثلاث ازره اللي فوق ولبس عليه جاكيت رسمي اسود
وجزمات سودا ونظارات سودا كبيره ورجع شعره البني على ورى طبعا شعره
كثيف ونازل على رقبته شوي شال لابتوبه وطلع


في الجامعه
كانت هند جالسه تسولف هي وصديقتها نورا (هند بنت سعوديه من عايله غنيه هي
وحيدة اهلها مالها الا اخ واحد اكبر منها بسنتين اسمه اسامه يدرس بامريكا امها
متوفيه وابوها مشغول بتجارته يعني باختصار هم عايله متفككه بقوووه ومع هذا
محافظه على نفسها مع انها عايشه بحريه ولا احد يدري عنها الا انها مارضت
تترك حجابها ___ اما نورا بنت كويتيه هي اكبر خواتها لها اربع خوات ابوهم
متوفي ومربيتهم امهم تعرفت على هند في الجامعه وتصادقو نورا بعد محافظه على
حجابها وماترضى تتركه )
على الرغم من قصر الوقت اللي مضى على صداقتهم الا انهم كانهم يعرفون بعض
من كانو صغار كل وحده تحب الثانيه كانها اختها وكل وحده اسرارها عند الثانيه
هند : اخخخ ياقلبي شوفي شوفي نوير مين اللي جا
نورا : مايحتاي اشوف من يوم قلتي ياقلبي وانا داريه انو فارس الاحلام الشيخ جواد جا
هند بشهقه : نوير شوفي يده عليها لفه ياقلبي عليه فيني ولافيه
نورا وهي تضحك : اعصابج لايطق لج عرج
هند : اقول بلا هذره قومي تعالي معي بتحمد له عالسلامه
نورا : من جدج انتي تدرين وش صاير له عشان تحمدين له عالسلامه
هند ببراءه : لا مادري بس باسأله
نورا : اسفه قلبي وايد قلتلج ماينفع جذي لازم تثقلين ترى الشباب مايحبون اللي تقط نفسها عليهم
هند بعصبيه وهي تسحبها : خلي نصايحك لك وامشي معي بس
راحت هند الين قربت منه
هند ونورا : السلام عليكم
جواد وهو منزل راسه باحترام : وعليكم السلام
هند : ااااصباح الخير
جواد بابتسامه : صباح النور
هند تشجعت لما شافت ابتسامته : سلامات عسى ماشر
جواد بفهاوه : هاا
هند وهي ماسكه ضحكتها تشر على يديه : اقول الحمدلله عالسلامه عسى ماشر
جواد بفشله : ايه الله يسلمك لاعادي طيحه بسيطه
نورا وهي ماسكه ضحكتها : اخخخخخخخ طيحه ياكبرها عند ربي
جواد ناظرها برفعة حاجب وهو مبتسم :...............
نورا اختبصت بعد نظرته : آآآاقول هنود ماكن الوقت تاخر محاظرتنا بتفوت علينا
هند : مسرع وطار الوقت __ ناظرت بساعتها ثم ناظرت نورا __ لاتو محاظرتنا مو الحين
نورا : اأأيه صج بس بس آآالريال اخرناه على محاظرته
هند برفعة حاجب : تراه معنا بنفس المحاظره
نورا : اقول هنود انا ابي دورة المياه يالله تعالي
جواد كان منزل راسه طول ماكانو يتكلمون وماسك ضحكته لانه عارف ان نورا
تصرف تبي تروح لانها مرتبكه
لما قالت ابي دورة المياه ماتحمل وانفجر يضحك بصوت عالي : هههههههههههههههههههههه
نورا بعصبيه : سخييييييييييييييييييف
ولفت على هند بعصبيه : وانتي اسخف منه
وراحت عنهم اما هند مادرت عن نورا ولا جابت خبرها كانت مبهته في ضحكت
جواد وغميزاته وهو يضحك وخصوصا لما يجي بيمسك ضحكته تبان الغميزات
بقوه – اما جواد كل ماجا بيمسك ضحكته ماقدر وانفجر يضحك مره ثانيه
نورا لما شافته انفجر يضحك مره ثانيه عصبت عليه ورجعت بسرعه :الشرهه مو
عليك عاللي ياي يتحمد لك عالسلامه بس مانتب كفو ياعلها تنكسر مره ثانيه يارب
_ سحبت هنود اللي مبهته فيه وراحت هي وياها
اما جواد كل ماتذكر اسلوبها وهي تصارخ عليه ومعصبه انفجر يضحك

هند بصدمه : وش اللي سويتيه يالهبلا
نورا بعصبيه : الله ياخذج انتي وياه ماشفتي كيف ضحك علي
هند : طيب خلاص هدي ترى انتي اللي شرشحتيه وبعدين ترى انتي اللي بديتي
نورا : ...........................................
هند : نوير ترى مايسوى عاد كل هالعصبيه
نورا: ................................................
هند : اوووووووووووف وبعدين معك والله مو حاله ترى
نورا : ...........................................
هند : طيب خلاص بليز النوري كل هذا عشانه ضحك عليك اذا تبيني اشرشحه انا بعد ولا يهمك لاجلك تهون العين
نورا :......ههههههههههههههههههههههههههههههههههههههههههه ههههههههههههه
هند : بسم الله الرحمن الرحيم انتي وش صار لك يابنت
نورا : هههههههههههههههههههههههههههههه
هند بزعل : نورا والله مالك داعي مره مبوزه ومره ميته ضحك ممكن افهم على ايش قاعده تضحكين
نورا وهي تضحك : ابد بس تذكرت شكلي هههههههههههههههههه والله اني توووووووووحفه بصراحه
هند بنظره : احلفي بس
نورا : قسم بالله ههههههههههههه العن شيطانه طير قلبي بنظرته
هند : اخخخخ وكأنك عاد شفتي نظرته من ورى هالنظاره
نورا بربكه : تبين الصراحه ابتسامته هي اللي لخبطتني وضيعت علومي
هند : هيه هيه كأني اشم ريحة خيانه
نورا بلا مبالاه : لا ابد ماشميتي الا ريحة الغيره
هند : لا احلفي عاد
نورا : وانتي كل شي احلفي احلفي اقول بس شوفي اليوم مافيه نوم نروح نتمشى
هند : لاقلبي اسفه انا وحده تعبانه وابي انام
نورا بنرفزه : اقول يالوحده ترى عطلتنا ماخربها الا انتي كله نوم بنوم يالله ياقلبي
الحين جزاء لج مافيه نوم
هند : لا بليز نوير خلي هبالك لبعدين خلينا لين نكون كلنا مروقين
نورا : لا عمري طفشانه ابي افلها وبعدين انا اعرف اروقج انتي امشي بس
هند بيأس : يالله امري لله بس لاجاني النوم نرجع على طول
نورا : امشي انتي بس ولاياج النوم ذيج الساعه يصير خير
هند : اوك لاخلصت محاظرتنا ناخذ لنا فرتين بهالشوارع وندشر واذا سمحنا رحنا للبيت
نورا بتفكير : اقول هنود عندي فكره ماتخرش الميه
هند وهي تقلب جوالها : يالله اطربينا
نورا التفتت عليها بحماس : وش راااااااااااااايج
هند وعيونها على جوالها : ايوووه
نورا بصراخ : ناظريني انا متحمسه وانتي تستهبلين
هند وهي تنط وتجلس مقابله نورا وتفتح عيونها بايديها: يالله ياقلبي قولي
نورا : خير وش هالشفاحه طيب اركدي ولا تقطعين عيونج ترى مو ناقصه تنعمين علي بعد
هند وهي ترجع على وضعها الاول وتقلب بجوالها : انا ادري عنك قلت احسسك
اني متحمسه عشان مااكسر بخاطرك
نورا بنرفزه خذت شنطتها وعلى وجه هند اللي ماستوعبت الا ونورا مختفيه من قدامها
هند : الحمااااااااااااااااااااااااااااره طيب اوريك




في الرياض الساعه 6 الصباح
سونا وهي تصحي ليان : ليان يالله بابا كلام سرعه قوم
ليان نايمه : ............................
سونا : لياااااان يالله بابا عصب بعدين جنجال
ليان : ................................
سونا تسحب اللحاف بعصبيه : يالله قووووووووووم
ليان بنرفزه وهي ترمي المخده عليها : اطلعي الله ياخذك ماني قايمه براااااااااااااااااااااا
سونا وهي طالعه بعصبيه : انتي مافي كويس انا كلام الحين بابا وماما كبير انتي مافي قوم
ليان وهي تحاول تنام : الله ياخذك يالحيوانه طيرتي النوم مني بس والله ماقوم عناد لك
دقايق الا ابوها داخل عليها : ليونه يالله بابا قومي بتفوتك المدرسه
ليان بدلع : بابا تكفى ابي انام لازم كل يوم مدرسه
ابوها بحنان : ليان حبيبتي لاتزعليني ابيك تجيبين الاوله على زميلاتك عشان اسفرك لأي دوله تبين
ليان وهي تنط وتبوس راس ابوها : امممممممممم ابي فرنسا وابي ايطاليا وابي كندا وابي بريطانيا
ابوها وهو يضحك : الله الله كل هذي تبينها
ليان : ايوه بابا تكفى وابي ازور احمد بعد
ابوها بابتسامه : ياهالاحمد اللي ذبحتينا فيه
ليان : باااااباااا
ابوها بحنان : ابشري ياقلبي اوديك للي تبين واخليك بعد تزورين احمد بس ابيك
تجيبين الاول على صفك اوكـ
ليان بحماس : اوكـ
ابوها وهو يقوم : يالله انا بطلع وانتي البسي مريولك وتعالي افطري عشان اوديك لمدرستك
ليان : يالله طياااااااااااااااااااااااااره
طلع ابوها وهي لبست مريولها لونه اسود شيال قصير الى نص الساق وتحته قميص ابيض صفطت كمومه ولبست اكسسوارات ولبست جزمه سبورت سودا وشراب ابيض قصير ورفعت شعرها ذيل حصان طبعا خلته مبهدل مارتبته مررره وفتحت اول ازرارين في القميص ولبست سلسال اسود ناعم عليه حرف ( L ) وخذت شنطتها ونزلت
(ليان على الرغم من صغر سنها الا انها تعرف كيف تتكشخ وكيف تختار ملابسها واللي ساعدها ان جدتها ماتتدخل في لبسها او زينتها مخليتها على كيفها فهي تشوف البنات وخصوصا بنات الثانوي وتسوي نفسهم في لبسها واكسسواراتها طبعا هي في اول متوسط لانها درست وعمرها 6 سنوات تدرس في مدرسه اهليه فيها المتوسطه والثانويه مع بعض)

ليان : هاي جدتي good morning
جدتها : يالله صباح خير يالله انتي متى بتعدلين ذاللسان
ليان وهي ماده بوزها : جدتي بلييز كل ماقلت شي لازم تعيبين عليه
جدتها : قومتس يابنتي يوم ان كلامتس يسد النفس
ليان مبققه عيونها وهي تأشر على نفسها : اناااااااااااا
جدتها : اجل انا
ليان بزعل : بابا انا كلامي يسد النفس
ابوها : افا يمه ليونه كلامها يسد النفس
الجده : لا ابد الا يفتحها اقول قومي يابنتي افطري وتكلمي كلام الناس الصاحين
ليان بزعل : مابي افطر
الجده : يابنتي تبين تدوخين بالمدرسه ماتعشيتي امس عشى صاحي واليوم مانتي مفطره
ابوها بحنان : افا ليش ماتعشيتي امس
ليان : مالي نفس
ابوها : طيب ياقلبي قومي الحين وافطري عشان اوديك لمدرستك تراك تأخرتي
ليان : ان شاء الله


في قصر آخر من قصور الرياض
على الفطور
أم احمد : اقول خوله ماقومتي العنود
خوله : الا ياخاله قومتها بس هي الله يهداها مارضت تقوم
أم احمد : لاحوووول مايقدر يقوم هالبنت الا سلطان بس من يقومه هو الثاني
خوله : لا ياخاله سلطان قام سمعته يتكلم بالجوال يوم مريت من عند غرفته
أم احمد : هاروحي يابنتي وقوليله يقوم هالعله
سلطان وهو نازل من الدرج : من تبيني اقوم يالغاليه
امه : قوم ياولدي العنود تراها للحين ماقامت
سلطان وهو يبوس راس امه ويجلس : صبحكم الله بالخير
خوله وامه : صبحك الله بالنور
التفت لامه : ليه يمه تبين تقومين عنيد خليها ترقد مانامت الا الفجر
امه : ليه اجل انت مسهرها كم مره قلت لك لاتسهرها
سلطان بكذب : افا عليك يايمه من قالك اساسا اني كنت سهران بس انا يوم قمت
اصلي الفجر شفتها عند التلفزيون عاد حرام تقومونها وهي تو نامت
امه : ياولدي وراها مدرسه قم قومها ولا قمت انا
سلطان : لا لا ابد تعرفين الشيخ سلطان ومواهبه بذي السالفه مايحتاج تقومين فديتك
امه : ها يالله ورنا مواهبك يالشيخ سلطان
سلطان : ابشري والله بسعدك بس لاجيت ابي الفطور جاهز
خوله : ابشر كل شي جاهز بس قومها
سلطان : اجل يالله بروح لها وادعولي ماتجيني منها رفسه ولا كف
امه وهي تضحك : رح رح ماهوب جايك شي
سلطان : قومك والله يوم ماتدرين عن سواياها فيني
خوله وهي تضحك : سم بالله واقرا المعوذات
سلطان : أي والله زين انك ذكرتيني
امه : اسم الله على بنتي لوهي عاد جني
سلطان : تبين الصراحه يمه بنتك ماهيب جني بنتك تهجج الجن كلهم
امه : اقول توكل على الله وقم قومها وخل مني الهرج الزايد
سلطان : ابشري طال عمرتس

في غرفة العنود
البنت في سابع نومه ولا تدري بالخطط الجهنميه اللي قاعدين يعدونها تحت
دخل سلطان غرفتها شغل النور وطفى المكيف وقف على سريرها وشغل جواله
وقعد يغني معه
لاتسافر قبل ماشوفك لو دقايق قبل الوداعي
لو دقايق قبل الوداعي
في البعد ماتكمل وصوفك راعني مادمت لي راعي
راعني مادمت لي راعي

وقاعد يرقص اماراتي ويناظر نفسه في مراية التسريحه وداخل جو
اما العنود اللي صحت من الازعاج وهي مو مستوعبه صراخ سلطان وصوته
الشجي ورقصه فوق سريرها
جلست تناظره مفهيه وهو كان داخل جو من جده مع الاغنيه والرقص قاعد يطلع
مواهبه ونسى العنود
العنود لما استوعبت الوضع ودرت انه جاي يزعجها عصبت عليه خصوصا ان هو
اللي مسهرها وطاق لها الصدر في انه يقنع امها تغيب والحين جاي يقومها
من العصبيه سحبت الفراش من تحته وبما انه كان داخل جو ومو يمها وقاعد
يرقص لما سحبت الفراش طاح على وجهه من فوق السرير
العنود كانت معصبه بس يوم شافت طيحته ماتت ضحك
سلطان وهو على وجهه : آآآآآآآآآآآآآآي خشمي انكسر الله ياخذك
العنود : هههههههههههههههههههههههههههههههههه
سلطان جلس ومسك خشمه : عنيد تكفين شوفي خشمي بالله لايكون تسطح اطلع على اخر عمري اندنوسي
العنود : هههههههههههههههههههههههههههههههههههههه
سلطان وهو يقوم ويقفل الباب : تضحكين والله لاذوقك اللي ذقته والله لاكسر خشمك
العنود وهي تفز من السرير : تكفى سلوط والله تووووووووووووووووووووبه
سلطان وهو يلحقها وهي تدور في الغرفه مره على السرير ومره على الكنب وهو
وراها :تووبه هاه لا خلي توبتك الين آخذ حقي
العنود وهي تصارخ وترمي عليه كل شي يطيح في يدها : تكفى ياخوي طلبتك ماطلبت رخمه
سلطان وهو وراها : وقفففففففففففففففففففففففففففففففففففي طلعتي روحي ترى والله ازيد العقاب
العنود وهي تركض : سلوووووووووووط والكاضمين الغيظ ياخوي اكضم غيظك ماوراك الا الاجر
سلطان : ماااااااااااااااااااااااااااافيه ماسكك ماسكك
العنود : اهئ اهئ اهئ سلطان بلييييييييييييز والله ماعيدهاااااااا
سلطان وهو واقف عند الباب ويتنفس بقوه : حسبي على بليسك طيب وقفي عشان ما أظربك قوه
العنود واقفه على السرير : لا وش يضمن لي انك ماتكسر خشمي
سلطان : مافيه ضمان بس انتي وقفي قبل لا أكسره صدق
العنود : لا مابي – وتصارخ باعلى صوتها – يماااااااااااااااااااااااااااااااااااااااااااااااا اااااااااه ماااااااااااااااااااااااااااااااااااااااماااااااا ماااااااااااااااااااااااااااااااااااااامي
سلطان : ياااااااااااااااااااااااااامي
العنود : كاك كاك كاك ماتضحك
سلطان وهو يمثل العصبيه : بععععععععععععععد تمسخرين علي انا اوريك
العنود تركض وهي ماسكه خشمها وهو وراها : لاااا خلااااااااااااص اللي تبي يامي
ويمامه وكل البقاله بس تكفى لاتكسر خشمي
سلطان وهو فاطس ضحك : ههههههههههههههههههههههههههههههههههههههههههههه

اما تحت
ام احمد : يالله صباح خير يالله وش هالصراخ
خوله : يعني ياخاله ماتعرفين العنود وسلطان لا اجتمعوا
ام احمد : والله اني احيانا احس انها ولد ماهيب بنت
خوله وهي تضحك :الله يهديك ياخاله بيهديها ربي ان شاء الله وبعدين والله ان
حلاتها بحركاتها هذي ولاتنسين ياخاله انها متربيه مع اولاد وهي البنت الوحيده
شوي الا والعنود جايه تركض وسلطان وراها
العنود مع الدرج : ماماااااا مامي موووووووووووم ماي ماذر بليز هلبنننننننننننق
امها : وصمخ ان شاء الله وش ذا الصراخ على هالصبح
العنود وهي تتخبى ورى امها : يمه تكفين بيكسر خشمي داخله على الله ثم عليك
تكفين يابنت حامد
خوله وسلطان : ههههههههههههههههههههههههههههههههههههههه
امها : انهبلتي انتي من زين ذا الخشم الحين عشان يكسره
العنود : هوني ادري يبيني اعنس الله لايهينه الخشم ماهوب لاهناك بس عاد احمي ماتبقى لي منه
سلطان وهو فاطس ضحك : ههههههههههههههههههههههههههههههههه
خوله وهي تضحك : اكيد انك مسويه له شي ولا ماهوب متسلط على خشمك كيذا
العنود وهي تقوم من ورى ضهر امها وتجلس جنبها وتحط رجل على رجل : والله
يازوجة اخي العزيز وابنة خالي العزيز اخي العزيز هذا – تأشر على سلطان
باصبعها – قومني من نومتي مسويلي حفله في غرفتي وهو اللي مسهرني امس
وطاقلي الصدر في انه يقنع امي العزيزه اني اغيب فردة فعل طبيعيه سحبت
مفرشي العزيز من تحته فسقط على خشته ولكي يعيد الي الحركه يريد ان يكسر
خشمي
نط سلطان ومسكها مع شعرها : يا اختي العزيزه اليوم باسمح لك ماراح اكسر لك
خشمك عشان ماتعنسين وتقعدين بحلقي بس مره ثانيه باكسر لك وجهك كله ماهوب خشمك بس
العنود :.......................................
العنود وهي تمسك خشمها بعد ماراح سلطان يفطر : آآآآآآآه الحمدلله يارب الى الان
مافيه اصابات وفرصة الزواج سانحه
خوله : هههههههههههههههههههههههههههههههههههه
امها : ماضنتي يابنتي انها سانحه
العنود : افا ياميمتي ليه ناقصني شي
امها : الا والله زايد بتس الرجه والهبال
العنود بابتسامه : اذا كان على كذا محلوله لا جا طيب الفال تصنعت الادب
والنعومه كل شي ياميمتي بهالزمن تصنع وتمثيل
خوله : هههههههههههههه ترى زيدان يناسب لك ومايحتاج تصنعين عنده الادب
العنود : وووووووووووووووووع مالقيتي الا زيدان العرب
امها وخوله : هههههههههههههههههههههههههههههههههههههههه
سلطان وهو يطل عليهم وبنذاله : خلصتو سوالف عنوده ليش ماتروحين للمدرسه
العنود وهي مبوزه : مابي
امها : وليه ياكافي
العنود : يمممممممممممممه تكفين اعتقيني اليوم لوجه الله والله ولدك ماخلاني أنام
سلطان يتهرب : يالله اجل مع السلامه تاخرت على الجامعه
امه بصوت عالي : انحشت ياسليط طيب علمك عند ابوك
العنود وهي تركض رايحه لغرفتها : يالله ياحبايبي بروح انام لاتصحوني الا عالظهر
(عايلة ابو احمد)
( ابو احمد هادي مره مايسولف ولا يضحك الا نادرا دوره بالبيت يلقي اوامره
وبس دايم مشغول وبعض الاحيان يسافر وتطول سفراته برا بحكم اعماله وشركاته
ام احمد حنونه وتحب عيالها وهي صديقة ام ناصر وامنيتها بهالحياه تشوف عيال احمد
احمد تعرفنا عليه قبل وهو صديق جواد
خوله زوجة احمد وبنت خاله يموت فيها بس هي عقيم ورافض انه يتزوج عليها
عالرغم من محاولة ابوه فيه الا انه حالف مايدخل بيته مره غير خوله
سلطان : 20 سنه يدرس بالجامعه تخصص هندسه فرفوشي ويحب الضحك
والهبال ودايم هو والعنود مسوين حزب بس احيانا يقلب عليها واحيانا هي ماتقصر
وسيم وجماله مو اسطوري ولاهو شي خيالي اكثر مايميزه رجولته طبعا هو واحمد
نفس الملامح كأنهم توأم
العنود 17 ثاني ثانوي ملح البيت هي اخر العنقود بس ماتحب الدلع والنعومه تموت في العربجه من
شاف حركاتها قال هذي ولد ماهيب بنت بس احيانا تصنع الدلع عشان تقهر اخوانها
لانهم يقولون مايليق عليك الدلع تحب الهبال والمقالب تكره شي اسمه زيدان طبعا
هي اللي مسميته كيذا ولا هو اسمه مطلق هالولد عربجي قليله عليه ساكن في
القرية اللي ساكن فيها جدها وجدتها اهل ابوها وسمته كيذا لانه مره شافها طالعه
تلعب مع بنت عمها لما كانو صغار وشات الكوره من بعيد ماوقعت الا براسها ومن
بعدها حقدت عليه ولزقت فيه اسم زيدان العرب ماهوب مدح فيه طبعا تستهزء به)



في مكان ثاني
في شركته
.......: ياخوي تكفى والله كل ماشفتها تقطع قلبي عليها
.......: وش تبيني طيب اسوي لها
......: تعال شفها حتى لو من بعيد يمكن يلين قلبك عليها
......: ان هذا اللي مابيه مابي قلبي يتعلق بها
......- بصراخ - : بس مهما صار هذي تصـيــ......
......- يقاطعه - : هذي السبب في كل مصايبي لاتنسى ارجوك رجااااااااء ماعاد ابي اسمع اسمها
........: براحتك بس صدقني بتندم وانا اللي بذكرك
..........: هه تتوقع اني مو ندمان الحين انا كل شي بحياتي ندمان عليه ماراح يضر هالندم
.......: اقول انا شايل هم ذالاشغال وانت تزيد الهم هم مع السلامه
...........: مع السلامه بس اذا كنت شايل همها تعرف وين توديها
.........بعصبيه : اقول الشرهه ماهوب عليك على اللي يكلمك ( سكر السماعه بقووه)
نزل راسه بحزن على مكتبه : سامحيني حاولت وحاولت لاكن مافيه فايده الله يعينك ويستر عليك يارب


نهاية الجزء الثاني





 


التعديل الأخير تم بواسطة فارسة القلوب ; 07-02-2011 الساعة 01:32 PM
  رد مع اقتباس
قديم منذ /07-02-2011, 02:25 PM   #7

ج‘ـوْلي ♥
ملكة التنسيق
أُحٍبُّكً { ربّي } ! `

L43
    حالة الإتصال : ج‘ـوْلي ♥ غير متصلة
    رقم العضوية : 64620
    تاريخ التسجيل : Jul 2010
    العمر : 32
    المشاركات : 820
    بمعدل : 0.16 (مشاركة/اليوم)
    النقاط : ج‘ـوْلي ♥ is a splendid one to beholdج‘ـوْلي ♥ is a splendid one to beholdج‘ـوْلي ♥ is a splendid one to beholdج‘ـوْلي ♥ is a splendid one to beholdج‘ـوْلي ♥ is a splendid one to beholdج‘ـوْلي ♥ is a splendid one to beholdج‘ـوْلي ♥ is a splendid one to behold
    التقييم : 762
    تقييم المستوى : 29
    الأسهم : 0 (أسهم/سهم)
    الجواهر : (جواهر/جوهرة)
    عدد الدعوات : 0
    زيارات ملفي : 17413

     SMS : ربآهـٍ / أمآت الحُب عشآقاً . . و حُبك أنتَ أحيآنيْ ! ^^

مزاجي :
    استعرضي : عرض البوم صور ج‘ـوْلي ♥ عرض مواضيع ج‘ـوْلي ♥ عرض ردود ج‘ـوْلي ♥
    تجديني هنا :
     MMS :

MMS

افتراضي

وآو

ماشاءالله عليك

تحمست مرة

كملْي





 

  رد مع اقتباس
قديم منذ /07-02-2011, 02:40 PM   #8

أسِيفْ
ملكة التنسيق
مبدعة الردود
شُو بدك ؟

    حالة الإتصال : أسِيفْ غير متصلة
    رقم العضوية : 58474
    تاريخ التسجيل : Apr 2009
    العمر : 29
    المشاركات : 3,602
    بمعدل : 0.66 (مشاركة/اليوم)
    النقاط : أسِيفْ has a reputation beyond reputeأسِيفْ has a reputation beyond reputeأسِيفْ has a reputation beyond reputeأسِيفْ has a reputation beyond reputeأسِيفْ has a reputation beyond reputeأسِيفْ has a reputation beyond reputeأسِيفْ has a reputation beyond reputeأسِيفْ has a reputation beyond reputeأسِيفْ has a reputation beyond reputeأسِيفْ has a reputation beyond reputeأسِيفْ has a reputation beyond repute
    التقييم : 4406
    تقييم المستوى : 106
    الأسهم : 0 (أسهم/سهم)
    الجواهر : (جواهر/جوهرة)
    عدد الدعوات : 2
    زيارات ملفي : 23910

     SMS : . . . طَعناتِي غادِرَة وسكّيني حاد !

    استعرضي : عرض البوم صور أسِيفْ عرض مواضيع أسِيفْ عرض ردود أسِيفْ
    أوسمتي :         هنا
    تجديني هنا :
     MMS :

MMS

افتراضي

هههههه ضحكت على موقف هند ونورا هع
وحتى العنود وسلطان :d

تشوقت اعرف من الي جالس يتكلم في التليفون )(



بالإنتظار (F)*





 

  رد مع اقتباس
قديم منذ /09-02-2011, 06:47 PM   #9

شعاع الاكوان
بنوتة محلقة
ُآٍننثٍى أسُستٍثنائيٍةِ

L16
    حالة الإتصال : شعاع الاكوان غير متصلة
    رقم العضوية : 66206
    تاريخ التسجيل : Feb 2011
    المشاركات : 111
    بمعدل : 0.02 (مشاركة/اليوم)
    النقاط : شعاع الاكوان is on a distinguished road
    التقييم : 28
    تقييم المستوى : 14
    الأسهم : 0 (أسهم/سهم)
    الجواهر : (جواهر/جوهرة)
    عدد الدعوات : 0
    زيارات ملفي : 2194

     SMS : أسستغفر الله أسستغفر الله أسستغفر الله أسستغفر الله أسستغفر الله أسستغفر الله أسستغفر الله

مزاجي :
    استعرضي : عرض البوم صور شعاع الاكوان عرض مواضيع شعاع الاكوان عرض ردود شعاع الاكوان
    تجديني هنا :
     MMS :

MMS

افتراضي

انآ ُكنت متًتآبعة مِن الكوآليٍيٍس ِ

أعجبُتني الروآيًية جددآ






 

  رد مع اقتباس
قديم منذ /14-02-2011, 10:17 PM   #10

فارسة القلوب
بنوتة مبتدئة
White Angel

L9
 
    حالة الإتصال : فارسة القلوب غير متصلة
    رقم العضوية : 66156
    تاريخ التسجيل : Jan 2011
    المشاركات : 95
    بمعدل : 0.02 (مشاركة/اليوم)
    النقاط : فارسة القلوب has a spectacular aura aboutفارسة القلوب has a spectacular aura about
    التقييم : 176
    تقييم المستوى : 17
    الأسهم : 0 (أسهم/سهم)
    الجواهر : (جواهر/جوهرة)
    عدد الدعوات : 1
    زيارات ملفي : 2416

     SMS : ليس الانجاز ان تصنع الف صديق في السنه ولكن الانجاز ان تصنع صديق لالف سنه

مزاجي :
    استعرضي : عرض البوم صور فارسة القلوب عرض مواضيع فارسة القلوب عرض ردود فارسة القلوب
    تجديني هنا :
     MMS :

MMS

افتراضي

يسلمو حبايبي على الردود

وانا اسفه اني مانزلت الجزء الثالث بس بجد هالاسبوع اللي فات كنت مشغوله كثير

تعرفون مافيه اجازه الا هالاسبوع ولازم استغلها

عالعموم راح انزل كل خميس جزء لاني راح اكون مشغوله بالكليه طول ايام الاسبوع

اتمنى انكم ماتتضايقون من تاخيري





 


التعديل الأخير تم بواسطة فارسة القلوب ; 14-02-2011 الساعة 11:10 PM
  رد مع اقتباس
إضافة رد

الكلمات الدلالية (Tags)
لليً, الامل, الاولى, ذكرى, بثار, دموعنا, ياخفوقي, روايتي, على, عهد, والمهانه

مركز تحميل بنات



الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

Facebook Comments by: ABDU_GO - شركة الإبداع الرقمية

الساعة الآن 08:44 PM


Powered by vBulletin® Version 3.8.11
Copyright ©2000 - 2024, vBulletin Solutions, Inc.
Adsense Management by Losha
جميع الحقوق محفوظة لـ شبكة بنات دوت كوم © 2014 - 1999 BANAAT.COM