|
الـقـصـص و الـروايـات [ ﺂحداث ، شخصيات ، مغامراتَ ، ۊ غيرهِآ | بَ قلمکِ ﺂنتِ ♥ ] |
يمنع منعا باتا رفع المواضيع القديمة .. و يمكن معرفة المواضيع القديمه من خلال ظهور التنبيه اسفل صندوق الرد
|
أدوات الموضوع |
منذ /29-07-2008, 05:48 AM | #21 | ||||||||||||||||||||
بنوتة محلقة
|
تينن القصه
شووووووكراااااااااااان ياعسل .. ننتظر التكملة ..
|
||||||||||||||||||||
#ADS | |
:: إعلانات ::
Circuit advertisement
تاريخ التسجيل: Always
الدولة: Advertising world
العمر: 2010
المشاركات: Many
|
|
منذ /29-07-2008, 02:47 PM | #22 | ||||||||||||||||||||
بنوتة SpeciaL
|
سعودية ما تنهزمشكووووووووووووره يالربي لا يحرمنه من كتاباتك تينن القصه شووووووكراااااااااااان ياعسل .. ننتظر التكملة شكرا" ليكى يا maho0oya ...انتى الى تجننى .. اسعدنى والله ردك حبيبتى ..الله لا يحرمنى منكم
|
||||||||||||||||||||
منذ /29-07-2008, 02:53 PM | #23 | ||||||||||||||||||||
بنوتة SpeciaL
|
احلام : ماما صباح الخير يا ماما خديجه : صباح الخير يا حلوه , عمله ايه النهارده احسن ؟؟ احلام : الحمد لله احسن كتييير خديجه: طيب الحمد لله ,يا رب دائما" خديجه: و كل حاجه جاهزه ,عملتلك انتى و اصحابك الحلويات الى بتحبيها احلام : تقبل خديجه , ربنا يخليكى ليه يا احلى ام بالدنيا خديجه: خلى بالك من نفسك و انتبهى فى الفصل احلام : حاضر يا ماما احلام : السلام عليكم يا ماما خديجه : و عليكم السلام و رحمة الله و بركاته , فى أمان الله سالى : ازيك يا احلام النهارده ؟؟ لالا ما شاء الله عليكى شكلك احسن كتييير احلام : الحمد لله والله يا سالى احلام: يلا نطلع الحصه سالى : يلا دانا (صديقه لاحلام و سالى ) : انتظرونى ,انا جيه معاكم احلام: ازيك يا دانا سالى : ازيك عامله ايه دانا : و الله الحمد لله ..انتوا عملين ايه , احلام انى كنت بتبكى امبارح ليه ؟؟ انا استغربت اوى احلام : لا ولا حاجه افتكرت شيىء زعلنى احلام : متنسوش النهارده التجع عندى , و ماما عملتلنا الحلويات الى بحبها سالى و دانا : الله الله , جايين طبعا" ههههههه احلام : تعالوا نجلس فى اخر الفصل عشان نكون جنب بعض استاذه الماده الانجليزيه : good morning دانا : متحوليش , دينا البت ديه اصبحت اقرب صديقه ليها , المشكله انها من ساعة معرفت البنت ديه و هى بتلبس لبس غريب و تصرفتها اصبحت غريبه , و الله صدق رسول الله صلى الله عليه و سلم " المرء على دين خليله فلينظر أحدكم من يخالل"جميع الفصل : good morning miss الاستاذه : طلعوا الكتب و اكتبوا الى حكتبوا على الصبوره و يعدى الوقت و يدق جرس انتهاء الحصه احلام : صعبت عليه دينا اوى و هيه متزنبه سالى : بس هيه الى غلطانه فى حد يرد على الاستاذه كده دانا : اه و الله ,دينا اتغيرت من ساعة متعرفت على بنت كده من المدرسه الى جنبنا احلام : تقصدى مدرسة الزهور دانا : اه احلام : ياه , المدرسه ديه البنات الى فيها مش كويسين , طيب احنا لازم ننصحها تبعد عن البنت ديه احلام : لا حول ولا قوة الا بالله , لا يا دانا احنا واجبنا نقف بجانبها و نحاول نخليها تبعد عن البنت ديه سالى : انا معاكى يا احلام , كلامك صحيح 100فى ال 100 دانا : لو هتعملوا كده انا معاكوا ان شاء الله و يحضروا جميع الحصص و يأتى موعد الخروج من المدرسه احلام : معاد التجمع الساعه 6 قولوا للباقين سالى و دانا : ان شاء الله يا احلام دانا : احلام شيفه البنت الى وقفه مع الولد الى لبسه بنطلون جينس ؟؟ احلام : ايوه مين ديه يا دانا ؟؟ دانا : هيه ديه البنت الى غيرت دينا سالى : لا حول ولا قوة الا بالله , شكلها مش ماتزمه تماما" , لا احنا لازم ننصح دينا , دينا كده هتضيع احلام : غريبه ,حسه انى شفت البنت ديه قبل كده سالى : اكيد شفتيها يا احلام مدرستها امام مدرستنا احلام : اه ممكن فعلا" , طيب يلا نمشى بئه ,متتأخروش عليه 6 بالضبط تكونوا موجودين مش عيزين نأخر الحلقه ,سلام يا بنات سالى و دانا : سلام يا احلام احلام : طق طق طق أحمد : احلالالالالالام و حشتينى يا حبيبتى احلام : بابا انت رجعت من السفر امتى ؟؟ أحمد لسه من شويه احلام : تحضنه , و حشتنى و الله اوى يا بابا , جبتلى ايه معاك أحمد : تعالى افرجك على الحجات الى جبتهالك خديجه : احلام انتى جئتى ؟؟ احلام : اه يا ماما , اصحابى جايين الساعه 6 ان شاء الله خديجه : يجوا بالسلامه ههههههه احمد : عجبتك الهدايه يا احلام ؟؟ احلام: طبعا" يا بابا الحجات تحفه , ربنا يخليك ليه و تحضنه خديجه : أحمد , احلام يلا تعالوا الغداء جاهز أحمد : الله يا خديجه ايه الحجات الحلوه ديه , من فطره طويله مكلتش اكل حلز كده احلام : طبعا" يا بابا ,هو فى اكل ذى أكل ماما أحمد : عندك حق و الله يا احلام اكلها طول عمره حلو خديجه : ايه ده انتوا كده بتحرجونى , بالهنا و الشفا احلام : ماما انا هدخل انام شويه قبل اصدقائى ما يجوا خديجه : ماشى يا حبيبتى , و انا هصحيكى الساعه 5 احلام : ماشى يا ماما خديجه : ايه اخبارك يا أحمد , كده تقعد طول الفطره ديه متسألش عليه ولا على بنتك ؟؟ أحمد : و الله يا خديجه كنت مشغول جدا" مكنش حتى عندى وقت اكل أو اشرب خديجه : لالا خلاص انا كده مسمحاك ,حمد الله على سلمتك يا حبيبى أحمد : الله يسلمك و الله كنتوا وحشنى جدا" خديجه : انت كمان و الله أحمد : أحلام عمله ايه فى الدراسه ؟؟ خديجه : و الله ما شاء الله عليها شطره و طال الحديث بين أحمد و خديجه حتى الساعه الخامسه خديجه : ياه الساعه 5 لازم اصحى احلام عشان اصحبها زمنهم جايين خديجه : طق طق طق احلالالام احلام : اتفضلى يا ماما خديجه : يلا يا حبيبتى عشان تلبسى و ترتبى البيت اصحابك زمنهم جايين احلام : حاضر يا ماما احلام: ماما البس الطقم ده ولا ده ؟؟ خديجه : الاثنين حلوين احلام : اه افتكرت الفستان الى باب جابوا , هلبسوا خديجه : يلا يا حبيبتى بسرعه البسى البيت محتاج ترتيب احلام : حاضر يا ماما و تأتى الساعه 6 و يدق جرس البيت خديجه : احلام افتحى الباب لاصحابك احلام : اهلا" و سهلا" اتفضلوا , تعالوا نجلس فى غرفة الجلوس سالى : احلام كلمى نورا شوفى مجتش ليه ؟؟ احلام : طيب سنيه واحده يا بنات اعتبروا البيت بتكم نورا : ترن ترن : لسلام عليكم , مين احلام ؟؟ احلام : ايوه يا نوا انتى فين البنات كلهم هنا أتأخرتى اوى نورا" معلش يا احلام اعتذرى للبنات و الله حسه انى تعبانه شويه احلام : ايه يا نورا خير مالك ؟؟ نورا: لا والله مفيش حاجه مجرد ارهاق , ان شاء الله الحلقه الى جايه هكون معاكم احلام : سلمتك يا نورا هكلمك تانى اتمن عليكى , مع السلامه نورا: مع السلامه احلام : معلش يا بنات نورا تعبانه شويه و مش هتيجى سالى : ايه عندها ايه ؟؟ احلام : بتقول شوية ارهاق سالى و الاخرين : الله يشفيها احلام : يلا نبدأ الحلقه , الكل حفظ سوره النبأ ؟؟ الجميع : ايه حفظنا احلام : يلا يا سالى ابدئى سالى : بسم الله الرحمن الرحيمعم يتسألون عن النبأ العظيم ......................حتى نهاية السوره و سمع الجميع احلام : يلا عشان نأكل الحلويات الى ماما عملتها و اثناء الاكل كل وحده تحكلنا اخبارها سالى : انا اخبارى جيده الحمد لله ماما و باب رجعوا من السفر و اختى تزوجت سلمه (صديقه اخرى لهم ) : اما انا فأخبارى ليست جيده , ماما انفصلت عن بابا و حعيش مع جدى و جدتى احلام و الباقين : لا حول ولا قوة الا بالله ,الله يكون فى عونك يا سلمه , اصبرى و ادعى الله يصلح الاحوال بين مامتك و باباكى دانا : اما انا سأسافر قريبا" الى بلدى السعوديه عشان اختى هتتجوز و اهلى عيزين يعملوا الزفاف فى السعوديه عشان كال اهلنا هناك احلام و الباقين : ياااه يا دانا هتسبينا , الحلقه و المدرسه مش هيكونوا ليهم طعم من غيرك و والله هتوحشينا اوى احلام : و هترجعى امتى يا دانا ؟؟ دانا : بعد شهرين تقريبا" سالى : طيب و الدراسه يا دانا .انتى كده هيفوتك حجات كتيير دانا : انا عرفه بس لازم اسافر ان شاء الله لما ارجع هحاول اعوض الى فاتنى احلام و الباقين : تسفرى و ترجعلنا بالسلامه يا دانه سالى : طيب انا اتأخرت لازم اروح دلوقتى احلام : ليه يا سالى متبقيش رخمه سالى : ماما هتزعل منى دانا و الباقين : احنا كمان لازم نمشى احلام : ايه ده , الاعده كانت حلوه , خلاص اشوفكم بكره فى المدرسه ان شاء الله دانا و الباقين : ان شاء الله يا احلام , مع السلامه , فى امان الله احلام : مع السلامه , فى امان الله لها تكمله ان شاء الله
|
||||||||||||||||||||
منذ /29-07-2008, 06:34 PM | #24 | |||||||||||||||||||||
بنوتة روعة
|
واااااااااو
|
|||||||||||||||||||||
منذ /30-07-2008, 12:27 AM | #25 | ||||||||||||||||||||
بنوتة SpeciaL
|
شكرا" ليكى يا فتاة الأحلام .....اسعدنى ردك ...و ان شاء الله اكمل القصه و يا رب تعجبكوا
|
||||||||||||||||||||
منذ /30-07-2008, 01:03 AM | #26 | |||||||||||||||||||
بنوتة مبتدئة
|
واااااااااااااااااااااو الصراحه القصه قاعده تزيد حلوتها اكثر واكثر وانا اتوقع البنت الي شافتها واقفه هي اختها الي تشوفها بالاحلام
|
|||||||||||||||||||
منذ /30-07-2008, 05:00 AM | #27 | ||||||||||||||||||||
بنوتة SpeciaL
|
هههههههههههههههه, و الله ضحكتينى يا سعوديه ما تنهز ....شكرا" ليكى على تواجدك ...الصفحه منوره بيكى ....
|
||||||||||||||||||||
منذ /30-07-2008, 07:14 AM | #28 | |||||||||||||||||||
بنوتة مبتدئة
|
تسلمين ياقلي على القصه الممتعه انا كل يوم قبل لا وس بالمنتدى ادخل قصتك اول
|
|||||||||||||||||||
منذ /30-07-2008, 10:02 AM | #29 | ||||||||||||||||||||
بنوتة SpeciaL
|
شكرا" ليكى يا سعودية ما تنهز ..... و الله فرحانه ان القصه عجبتك ..و ما ثقلت عليه ...انا بكون سعيده بوجودك
|
||||||||||||||||||||
منذ /30-07-2008, 10:04 AM | #30 | ||||||||||||||||||||
بنوتة SpeciaL
|
خديجه : احلالالالالالالالالام يلا بسرعه المدرسه
احلام : ماما هى الساعه كام ؟ خديجه : الساعه 7و نصف احلام : الساعه 7 و نص انا متأخره , و تقوم و تلبس بسرعه خديجه : احلام متنسيش تخدى السندوتشات معاكى احلام : حاضر يا ماما احلام : السلام عليكم يا ماما خديجه : و عليكم السلام و رحمة الله و بركاته ,فى أمان الله يا حبيبتى احلام : السلام عليكم يا سالى سالى : و عليكم السلام و رحمة الله و بركاته احلام : مالك يا سالى , شكلك زعلان سالى : مفيش , مديقه شويه عشان ماما زعلانه منى احلام : ليه مامتك زعلانه منك , انتى زعلتيها ؟؟ سالى : اخويه الصغير كان عايز الكشكول بتاعى و أنا مردتش اعطيه فماما زعلت منى احلام : و ليه يا سالى تزعلى مامتك , يلا كلميها اعتزيرلها أنا معايه الموبيل بتاعى سالى : بس خايه تكسفنى احلام : لا متخافيش , قوليلها انا اسفه يا ماما و الله ما بقصد ازعلك سالى : طيب اعطينى الموبيل أم سالى : ترن ترن : السلام عليكم , مين معى ؟ سالى : انا سالى يا ماما أم سالى : سالى ! بتتكلمى منين ؟؟ سالى : بتكلم من موبيل أحلام , ماما أنا اسفه و الله ما قصدت ازعلك أم سالى : انتى بتكلمينى عشان كده ؟؟ سالى : اه يا ماما زعلانه انك زعلانه منى , عشان خطرى ما تزعلى منى أم سالى : خلاص يا حبيبتى مفيش حاجه بس متزعلنيش بعد كده سالى : و هيه فرحانه , حاضر يا احلى ام بالدنيا أم سالى : انتبهى لدراستك و خذى بالك من نفسك يا حبيبتى سالى : حاضر يا ماما , سلام عليكم أم سالى : و عليكم السلام و رحمة الله و بركاته سالى : شكرا" ليكى يا سالى , انتى فعلا" خير صديقه , الله لا يحرمنى منك ابدا" احلام : متقوليش كده يا سالى انتى مثل اختى بالضبط و اظن لو كان لى اخت ما كنت حبتها مثلك , يلا يلا نطلع الفصل سالى : احلام مش ديه البنت الى دانا قالت انها أصبحت صديقه لدينا ؟؟ احلام : اه يا سالى سالى : طيب يلا يا احلام عشان البنت اخذت بالها اننا بنبص عليها و باين عليها شرانيه احلام : اه و الله يا سالى يلا نطلع احسن أنا حسه اننا هنضرب احلام : اهلا" يا دانا ليه اتأخرتى دى خلاص الحصه هتبدأ دانا : اصلى كنت سهرانه امبارح طول الليل بحل فى الواجب الى الاستاذه قالت عليه سالى : انا اول ما رجعت البيت امبارح حلييت الواجب احلام : انا حليت الواجب بعد ما روحتوا و نمت بعديها على طول احلام : طق طق طق ممكن ادخل ؟؟ الاستاذه: ادخلى و تبدأ الحصه احلام : دانا بعد الحصه عيزاكى فى شيىء مهم سالى : و انا مش هعرف يا احلام الموضوع الى هتقوليه لدانا احلام : لا ده سر ههههههه سالى تزعل احلام : سالى انا بهزر معاكى متزعليش سالى تضحك و تشرح الاستاذه الدرس و يدق جرس انتهاء الحصه دانا و سالى : ها يا احلام فى ايه ؟؟ احلام : ههههههه مش هقول دانا و سالى : ههههه يلا يا سالى عيزين نعرف الموضوع المهم احلام : لا و لا حاجه بس كنت عيزه نعمل خطه نبعد بيها دينا عن البنت الى فى المدرسه الى جنبنا سالى : انتى بتهزرى يا احلام , هو ده الموضوع المهم ؟؟ دانا : سالى هو فعلا" موضوع مهم , لو كانت دينا اختك كنتى هتسبيها تضيع ؟؟ سالى : كسفتينى يا دانا هو فعلا" موضوع مهم , بس ايه الخطه يا احلام ؟؟ احلام : هو ده الى مفروض نفكر فيه سالى : ايه رأيكم اوح لدينا اشخط فيها و اقولها متعرفش البنت ديه تانى ههههههههه احلام و دانا : ههههههههههه فكره حلوه جيدا " بس لو حد ضربك احنا منعرفكيش ههههههههههه سالى : كده هى ديه الصداقه هههههههه احلام : ايه رايكم اعملها تنويم مغناطيسى ..اقولها دينا متعرفيس البنت ديه هههههههههه سالى و دانا : هههههههه و الله ضحكتينا يا احلام احلام : لا بجد بئه فكروا فى خطه حلوه احلام : عندى فكره ...ايه رأيكم نعمل حلقه و دانا تقول درس فيها عن الصداقه و صديق السوء و الصديق الصالح و نقول لدينا اننا عملين حفله و هى فعلا" هتكون حفله سالى و دانا : هيه دى الافكار ولا بلاش سالى : امتى هنعمل الحفله يا احلام ؟؟ احلام : ايه رأيكم نخليها يوم الخميس عشان يكون يوم اجازه ؟؟ سالى : موافقه دانا : موافقه و كمان عشان اودعكم عشان انا هسافر يوم الجمعه ان شاء الله احلام و سالى : خلاص هتسفرى بسرعه كده دانا : اه والله , انا والله ما عيزه أسافر بس لازم اسافر حتوحشونى و بكت دانا احلام و سالى : و الله انتى كمان هتوحشينا و بكوا هم ايضا" دانا : خلاص بئه بطلعوا بكاء انا رجعه علطول ان شاء الله احلام و سالى : تسفرى و ترجعلنا بالسلامه احلام : يلا يا جماعه احنا اتأخرنا على الحصه و يحضروا جميع الحصص و يأتى موعد الخروج من المدرسه سالى : احلام انا كنت فكرت فى فكره حلوه احلام : ايه يا سالى قولى سالى : ايه رايك نعمل بطاقات دعوه للحفله و نخليها حفله كبيره لجميع بنات المدرسه احلام : كل بنات المدرسه , حلوه و الله الفكره يا سالى سالى : ايه رأيك يا دانا ؟ دانا : طبعا" فكره تحفه احلام :خلاص احنا الثلاثه ننظم للحفله و نخليها خفله رائعه سالى و دانا : الله الله حتكون فعلا" رائعه احلام : خلاص احنا نرجع البيت دلوقتى و ننام شويه و نقوم نصلى و نحل الواجب و نتقابل عشان ننظم للحفله سالى و دانا : موافقون احلام : الحقوا يا جماعه البنت الى صحبت دينا جيه علينا سالى : اه و الله البنت : هو فى ايه انا كل ما ابص نحيتكوا تكونوا بصنلى فى حاجه ولا ايه ؟؟ لو انتوا فكرين نفسكوا احسن منى انا اعرفكوا انا مين أنا شوشو الى ياما ناس يتمنوا يتعرفوا عليه احلام : احنا تقاطعها البنت : و لا احنا ولا مش احنا مش عيزه اشوفكوا فى حاياتى تانى فهمين و لا و مشيت البنت و سبتهم احلام: ايه ده , لا حول و لا قوة الا بالله , البنت ديه عمله كده ليه و الله خوفتنى ههههههه سالى و دانا : اه و الله يا احلام احنا كمان خفنا منها ههههههه احلام : طيب يلا نروح احسن شكلنا هنضرب النهارده هههههه مع السلامه يا جماعه سالى و دانا : هههههه مع السلامه يا احلام
|
||||||||||||||||||||
الكلمات الدلالية (Tags) |
تأليفي, حياه, رحلة, قصه |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|