[أسِيفْ]

. . رجعت مع ذكرى ثاني ابتدائي لأنّي كنت صغيرة و ما أفهم بذاك الوقت إنّ هذا مريض بالحيييل أو زي كذا >< و عمي مرض و هو بالطائف بصراحة ما أذكر الأحداث بالطائف لكن أذكرها و راسخه بعقلي وهو معنا بجدة جاءنا جدّة و بيبتنا بالأخص و بات معنا هو و زوجته و ولده الوحيد إلّي بعمري ~ كل يوم هو و أبوي و عمي الثاني بالمستشفيات يدورون و يحللون و راحوا لأحسن الأطباء ، عالميين و مشهورين . . عشان يكتشفون المرض إلّي بعمي ، كان يسخن و ترتفع درجته 42 و ترجع تنخفض ، بدوون أسباب ، كل ما أتخييل شكله و هو منسدح و الكمادات براسه بيتنا تملّى ضيوف ، الباب ما يوقف ، كلهم قرايبنا و يباتون عندنا . . مرّت الأيام و أنا و العيال نخرج نلعب بالشارع و نتسابق بسيارات سابق و لاحق < أيامها غباااااار و في الليل نتضارب مين ينام جنب ذي و ذا و على ذا الحاااال ، < أطفال جد ابرياء :sg.9: تخيلوا كانت أيام دراسة يعني نداووووووووووم بس برضوا ، أيام ما تنسى الصراحة >< () و يوم من الأيام عمّتي ( إلّي هي زوجته ) تصارخ على الساعة 3 و نص الفجر تقريبًا : سعد اصحى ، سعـــــــــــــــــــــــد ، < و تهزه ، عمي : ما يتكلم ، و شوي شوي ما صحى لها ، اتصلت على أبوي و قالتله و هي تبكي ، . . و شوي إلّا البيت فوضى الكبار كلّهم صحوا عمّاتي و عمّاني و جدي و جدتي ، و شلّوه للسيارة و على مستشفى فقيه على طوول ، يا بنات سبحان الله . . جلس يتشهد وهو في السيارة و رافع سبابته إليييين غاب صوته بعدها دخل بغيبوبة و كان بالعناية المركزة في إحدى غرف مستشفى فقيه ، اليوم الثاني مستغربة إن عمي مو فيه و كل شوي قرايبنا خارجين و رادين ، للحين أذكر جلسة جدتي و عمتي ، حتى ولده و إحنا بالصالة نسالف و نلعب و شوي إلّا خبرونا ، للأسف ما كان لنا ردة فعل ما نفهم حتّى ولده رجع يلعب ، تجي عمّتي تبكي في البيت و تقول : و الله إنه يتحرك ، بس ما أدري ليه ما يتكلم ، :dmo33: بعد أسبوعين ، أصحى من نور الشمس إلّي دخل الغرفة ، أطالع مستغربة عدم روحتي للمدرسة و أنا باقي في السرير أطالع في شغالتنا و هي تطلع ملابسي من الدولاب تضحك بوجهي و تقول : يلا فستاان قومي ، إحنا يسافر طائف !!! أناظر فيها وعلى راسي 100 علامة تعجب و استفهام أسمع صوت بكي بالغرفة الثانية ، و أنط من سريري و ركض عندهم ، أطالع من الباب إلّا أخواتي يبكون و أمي واقفة عندهم تكلمهم أمي : فستان صحيتي ^_^، يلا حبيبتي روحي غسلي وجهك و قولي لجدتك عظم الله أجركم ، عشان عمك مات . . إش تتوقعون سويّت ، أو ردة فعلي ، جد جد أقهههههههههههههههههر ، ما سويت شيء ، قلت لأمي طيب و رحت سويت زي ما قالت لي ، دخلت في مجلس الرجال و ألاقي زحمة و بقووووة ، إلّا واحد من عمّاني قال : يلا فستان تجهزي إنتِ و أخواتك عشان تطلعون معنا الطائف الحين < و يبتسم ^^ و سافرنا أنا و أخواتي بس إلحالنا بدون أمي و أبوي للطائف . . وصلنا و ليتنا ما وصلنا ، بنت خالتي يغمى عليها و ودوها المستشفي و عمّتي الثانية طاحت علينا بالعزاء في بيتنا و جلسوا يقرأون عليها ، و الله للحين أتذكر التفاصيل ، أتخيله كأنه اليوم . . و بعد ما مرّ أسبوعين و إحنا بالطائف و قدنا نازلين مرّينا على ولد عمي و زوجته بالبيت ، ولده : يمّه متى أبوي بيجي ؟ ترى طوّل ! أمه : قريب يا ولدي ، و تبكي و تصييييح ، بنااااات ما تتصورون إش كثر أثر كلامه فينا ، كلنا بكينا حتّى أنا ، أخيرًا فهمت ، رجعنا للمدرسة و أنهت بكى ، طلّعت حق سكوتي الأيام كلها ، أبكي و أبكي و أبكي ، يا ناااس إمكن كمان تستغربون بكاءي الفظيع ، لكن هو كان الوحيد إلّي يقول : إذا فستان ماهي فيه ما راح أمشيكم إلين تجي ، وجد ما كان يمشيهم إلين أجي عندهم الطائف و كان يقولي من باب المزح : بأخليكِ لولدي . . و الله جد جد يا بنااات فقدته . . و فقدت عمّتي و ولده ، للحين ما عاد شفناهم مرّت تقريبًا 8 سنوات ، ، قبل كم يوم رجعنا من طلعة و لقيت أبوي مطلّع شنطة ( أمي مخبيتها) > فيها صوّر عمّي ، أبوي يطالع في أمي : وش بك دسيتي ( خبيتي ) هالصور منّي ! أمي ما ردت ، فستان : بابا هذا عمّي سعد الله يرحمه ؟ ( كنت آشر لواحد في الصورة ) أبوي هز رأسه بأسى : إيه . . سألت أمي بعدين : ماما ليه دسيتيها من بابا ؟ أمي : فستان ما تتصورين إش كثر كان يبكي أبوك لما مات عمّك . . ! عرفت بعدها إن مهما كان الرجال قوي أكيد راح يكون ضعيف لما يفقد شخص غالي بالأخص الأخو . . جلس أبوي يتكلم عن عمّي و عمّي الثاني إلّي مات و إحنا باقي ما قد جينا للدنيا . . كنت أسترق من حديثه عن ولده . . يا بنات تعلقت فيه بشكل ما تتصورون ، يعني كان معنا و احنا صغار في كل مكان ، نلعب ننام نأكل نخرج . . مع بعض و فجأة كذا ما عاد شفته يقول أبوي : إنه الحين صار رجال و ربي أطول منّي ، و يشبه سعد بالحيييل عرفت إن الأعمار بيد الله لأن عمي كان توه في الثلاثينات ، و عرفت إن التكلنوجيا أكبر كذبة في العلاج ، و عرفت مهما فقدنا أشخاص غاليين مو مثل فقدنا لأبونا و إنك تكون يتيم و عمرك ما بعد تجاوزت الـ 7 سنين . . يا رب أرحم موتى المسلمين و نجيهم من عذاب القبر و أفسحها لهم و أدخلهم جنّات تجري من تحتها الأنهار في ترف جنّاتك ينعمون ~ . .