[بتلات الندى]

لي عودة قريبة بإذن الله ..

وعليكم السلام ورحمة الله ..~

حتى إنتِ وحشتينا .،
ويا هلا برجعتك ..

برد على كل اللي ذكرتيه نقطة نقطة ؛

أولا بالنسبه للتشدد صراحه من غير زعل أنا شايفتو متشدد بالفعل قوانين كثيره و مسح في مسح أنا أعرف إنو دا من صالحنا بس لازم تفكرو بعد إذنكم إنو مو كل الناس تقبل هاذا الشي يعني هو من صالحنا عشان الغربى و عشان و عشان و لكن مو الكل يتقبل كل القوانين الكثيره

 

 

بصراحة معاكِ حق ،
المنتدى بالفعل متشدد وما أحد ينكر هذا الشي .،

بس إنت بنفسك قلتِ " أنا أعرف إنو دا من صالحنا "

شوفي في الحياة بصفة عامة حتضطري إنك تسوي أشياء إنتِ ما تبغيها ولا إنت مقتنعة فيها عشان توصلي لغايتك أو هدفك .،

فلما نلاقي نفسنا مضطرين نلتزم بقوانين المنتدى المتشددة والصارمة المفروض ما نعترض لإنها في النهاية بتوصلنا لغايتنا من التسجيل في المنتدى واللي هو ( إظهار الإبداع ) الخاص بكل عضوة ..

ثانيا من ناحية الردود إذا كان ردها سطحي على سبيل المثال يكفي إنها عبرتني و ما أزعل و إنتو سألتوني لأنها كتبت و علقت على موضوعي مو كل الناس فاضيه في ناس مشغوله و حبت إنها تعلق على موضوعي فيعني أنا أشوفها عادي بالعكس جزاها الله خير

 

 

طيب وكيف تتأكدي إنها قرأت الموضوع واستفادت منه ؟؟

لو كان مسموح إنو نكتب ردود سطحية كان دخلت على كل موضوع وكتبت فيه كلمتين وطلعت ولا قرأت شي .،

ولو هي كانت مشغولة وتبغى تعلق عالموضوع الأحسن إنها تعلق بس برواقة بعد ما تكون قرأت الموضوع كويس يعني بس تفضى ..

+ كويس إنك بتنبسطي إذا لقيتِ ردود سطحية في موضوعكبس لو جينا نفكر فيها منطقياً 3 ردود -غير سطحية- أحسن من مليون رد سطحي ،؛
لإنك لما تشوفي إنو في ناس من جد استفادت من موضوعك (اللي تعبتِ عليه) حتحسي بقيمة تعبك ،
على عكس لما تلاقي وحدة ردت بكلمتين .،

الشي أساساً ما يقبله العقل تجلسي أكثر من يوم وإنت تكتبي موضوع وفي النهاية يجيك الرد "يسلمو"
بصراحة شي يرفع الضغط ويفقع المرارة والبنكرياس ويفجر الأمعاء الدقيقة ويجيب الجلطة إذا ما جاب سكتة قلبية !
< عذراً آخر سطر طالع من القلب

و ممكن كمان تكون غير قادره على الإبداع الناس درجات و شخصيات و عقليات مختلفه يعني بعضها تكون حساسه و عيب أقولها بطريقه مباشره منتي مبدعه أو سطيحه ما أقدر أحكم على الناس كلها بأنها ترد بنفس الأسلوب مو لازم إبداع في الرد دا رد مهو موضوع أبدع فيه في ناس على فكر ه تبدع بكلمتين بس و حتى لو ما أبدعت الرد عموما يجي من القلب

 

 

طيب بعطيك قاعدة ثانية في الحياة ،

كل الناس في العالم من أعمى وأصم وأبكم وكل الأجناس والأشكال والعقول تقدر تبدع ،
مستحيل ومن سابع وثامن ومليون مستحيل إنها ما تبدع !

+ نحن لما بنقول أبدعوا في ردودكم من شرط إنك تكتبي خطبة من صفحتين أو ثلاثة .،
بس اكتبي سطرين تعبري فيها عن شعورك بعد ما قرأتِ الموضوع

ترا الشغلة مهي صعبة .،
في البداية حترتبكي حبتين ويمكن تجلسي في الرد أكثر من أسبوع بس شوية وبتتكيفي وبتصيري بتكتبي رد في 5 دقايق إذا مو أقل ..

كمثال و حده أعطتني هدية تصميم لازم أبدع في ردي في شكري لها

 

 

امممم بصراحة شكل المسألة كبيرة في نظرك ،
الإبداع في الرد مو يعني إنك تلوني كل كلمة وكل فتحة وكسرة وإنك تكتبي 10 سطور

بس اكتبي عن شعورك عبري ،
عمره الشعور ما يجي سطحي !

ترا الإسلام دين سهل و طلب المعامله الحسنه ما قال إبداع في المعامله الإبداع في شي

 

 

اممم بصراحة ما أعرف كيف قدرتِ ودخلت الإسلام في الموضوع بس مو مشكلة .،

"إن الله يحب إذا عمل أحدكم عملاً أن يتقنه" -حديث صحيح عن الرسول عليه الصلاة والسلام-
طيبفين الإتقان لما تكتبي رد من كلمتين ؟؟

+ ممكن أعرف إنتِ ليش سجلتِ في المنتدى ؟!
عشان تكتبي موضوع نقاش وتجيك كم وحدة ترد عليك وتقلك مشكورة ويسلمو ولا يعبروك وتحسي نفسك بتتكلمي مع دجاج ما يعرف منقاره من ذيله !

و في شي تاني مو في كل حاجه أتمنى وصلت لأن الزعل أكثر يجي على إلي ترد و تفكر انا بدخل و بأقرا و كتبت شكرا على الموضوع الروعه و استمري ينحذف و الله تزعل و تنقهر أنا بالنسبه ليا و سئلتوني تزعلي إيوه أزعل لأن دي مسئله أخلاقيه مو أكثر ,

 

 

إذا تبغي الصراحة فالشي ما يزعل .،
فلو كنت كتبت رد سطحي وانحذف ما حزعل عليه لإني أساساً ما تعبت فيه ..

بس ما فهمت قصدك لما قلتِ إنو المسألة أخلاقية لا أكثر !

الكلمتين البسيطه ترا تحمس الواحد و تجي طبيعيه و مهي متصنعه يعني كمثال روعه أستمري

 

 

ما عمري حسيت بالحماس ولا بالعفوية لما شفت رد سطحي في موضوعي .،
بالعكس الحماس والعفوية لما تلاقي إنو من جد في أحد تفاعل مع موضوعك وتلاقي إنو هدفك من كتابة الموضوع وصل وتحقق

+ دحين كل وحدة جالسة قدام جهازها (إيش ما كان) ، كيف تعرفي إنك بتردي على بنت أو ولد ؟؟
من الأسلوب تقدري تعرفي لإنو إذا كان ولد حتقدري تعرفيه مهما حاول يصطنع أسلوب البنت .،
نفس الشي كيف تعرفي إنو اللي ردت عليكِ استفادت من الموضوع ؟!
من الأسلوب ومن الرد ..
< الرابط عجيب

إيش فيها تتمسح إحنا ما نجلس نخلق الإبداع في الردود بس لازم نخلق الإبداع في الأخلاق

 

 

هيكارو يا قلبي ترا الشغلة وربي مهي صعبة بس اكتبيلك سطرين تبين إنك قرأتِ الموضوع واضغطي اعتمد الرد والسلام ،
ما يبغالها كل هالتعقيد ..

+ أمة محمد كانت دائماً مبدعة في كافة المجالات في العلم وفي الأخلاق وفي التجارة
ومن الأخلاق ناخذ معاملة الناس ومن معاملة الناس الرد عليهم ومن الأخلاق في الرد عليهم إنو يكون ردنا كويس وداخل ضمن نطاق الحديث يعني نعبرهم ونحسسهم من جد إنهم بيتكلمو مع بشر يفهموهم..

في ناس حتى جزاكي الله خير على الموضوع ما بتكتبها و تهري صاحبة الموضوع مية نقد

 

 

بصراحة ما قد شفت من هذه الأنواع بس لو شفت زيها على طول بعطيها تنبيه -هذا إذا ما سبقتني الإدارة-

و ممكن بطريقه سيئه و غير لبقه فهنا الفرق فدي يتمسح ردها فعلا إنتو تبغو الإبداع ينخلق طيب أصنعو بس بطريقه إيجابيه و من غير أي جرح لأي أحد لأن أكرر المسح حاجه سلبيه و المسح في حاجات معينه

 

 

عذراً هيكارو قوانين المنتدى صريحة وواضحة ( الإساءة للعضوة ممنوعة + الردود السطحية ممنوعة )
مو بيدي أعدلها
كل اللي بيدي إني أمشي عليها وألتزم فيها ..

من ناحية الزينه و كمان إلي يزعلني أكثر صراحه إلي ما يكتب و لا تعليق أوقات صح مهي حاطه زينه لكن مبدعه في موضوعها من ناحية الكلام و الصور و التعبير دا يكفي زي الكتاب مثلا مو دائما يبدعو في ألوانو و خلفياتو ووو بس مبدع في الكلام و جذب القارئ بحاجات بسيطه طيب ما تفكرو ليه جذب القارئ ترا القلم بحد ذاته إبداع

 

 

هيكارو يا حياتي أغلب الأشياء اللي بتناقشي فيها بسيطة ومهي معقدة ،

عندنا ولله الحمد قسم المصممات وعندنا المصممة المبدعة (تصابير) -الله يخليها ويكثر من أمثالها- .،
حطيلك موضوع هناك واطلبي فيه هايدر وخلفية وإذا كان موضوعك يحتاج فواصل فاطلبيها كمان ،؛

وصغري الخط ولونيه كله بلون واحد بعدين إذا كان في كلام مهم لونيه بلون ثاني أو حطي تحته خط وحطيلك كم سمايل وانتهينا ،
وطبعاً ما تنسي المرفقات ..

و بالنسبه للتناقض أنا مني متناقضه بشرح الموضوع من عدة أوجه

 

 

بس حسيت إنو شرحك نفسه فيه تناقض ،
< ارجعي لردي السابق واتمعني فيه ..

و بالنسبه للمنقول مو لازم أبدع فيه في ناس مشغوله و حابه تنقل بس لأنها تحب تفيد غيرها وما عندها وقت تعدله و تخليه في أحلى صوره

 

 

سابقاً كان في قسم للمنقول وعدد المواضيع المنقولة فيه 865 فإذا كان في وحدة تبغى تقرأ مواضيع منقولة فتقدر تدخله وتقرأ فيه ..

و أحس كدا الي يزعل صاحب الموضوع الأساسي يعني ممكن يقول ليه غيرو موضوعي الأساسي على فكره يفرح إنو يشوفو موضوعو ينتشر مو يتغير هنا

 

 

يا قلبي مافي داعي ناخذ أمور بسيطة بحساسية زيادة عن اللزوم .،
وإذا تبغي الموضوع ينتشر عندك وسائل الإتصال الحديثة من فيس وتويتر وواتس حطي رابط الموضوع وتلاقيه انتشر في ساعات ،؛

بس عذراً سياسة المنتدى واضحة (يمنع المنقول)

أكيد يزعل و تعبو راح و غيرو أستغلو فكرتو و مو عيب نتعلم من غير بنفس خبرتهم

 

 

شوفي يا قلبي ،
كلنا اللي داخلين المنتدى عندنا نت طبعاً
إذا نبغى ندور ونتعلم عن شي يمدينا بكبسة زر نتعلم .،

المنتدى ما يحتاج المنقول المنتدى يحتاج لإبداع العضوات .؛
كل المنتديات اللي بتلاقيها تعتمد عالمنقول بتلاقيها مغبرة ومحد بيدخلها ..

ليش يقولو أوقات الطالب بيتغلب على أستاذو لأن أستفاد من فكرتو و طورها من أفكارو هو مو من المعلم أخد الخبره و وطورها

 

 

بس اللي بنشوفوا إنو اللي بينقلوا بسووا نسخ ولصق من غير لا تطوير ولا تعديل على التنسيق حتى ولا مراجعة أخطاء ولا شي .،


هيكارو يا عمري مع الأسف وبصراحة ردك هذا ما جبتِ فيه شي جديد ،
يعني كل كلامك في بداية الموضوع رجعتِ كتبتيه هنا بس بأسلوب غير .،

أتمنى إنك ترجعي تقرأي ردودنا كويس واتمعني فيها وأنا بانتظار ردك
..