[الوان الطيف]

بسم الله الرحمن الرحيم

احب اعطيكم رأيي في مهمتنا احنا اللي مو راضيين عن الغش في طرق كثيرة وترى البنات مو كلهم قلوبهم قاسية في بنات او حتى اولاد اذا ذكرتيهم بالعقاب وكلمتيهم بكلام عاطفي ممكن تتوب وتشكركِ كمان انتي لازم تعرفي البنت والطريقة اللي هيا تحب انك ترشديها بها طيب اعرضلكم هيا نقاط

1. اذا كنت متاكدة انها غشت وانتي شفتيها تكلميها من غير ما يشوفك احد مثلا:-تقوليلها -ممكن اكلمكِ بموضوع خاص- اتوقع هيا حتجي عندك وهيا متحمسه اذا ما كان بينك وبينها موقف
2. تكلميها بكلام يعجبها مثلا - انتي عارفة ان المسلمة تتمنى لاختها الخير وما ترضى انو يسير لها امر سيئ وعظيم وهيا ما تنبهها- بعدين تدخلي في الموضوع -ولأني ما ارضى لك انك تكوني وقعت فامر عظيم وسيئ وهو براءة الرسول صلى الله عليه وسلم منكِ - هيا ممكن تستغرب انتي كملي- اكيد ان انتي ما تحبي هذا الشي يسيرلك طيب الرسول صلى الله عليه وسلم قال :-((من غشنا فليس منا)) فما يسير ان تشتري درجات دنيا ببراءة الرسول صلى الله عليه وسلم و بدرجات اخره - ممكن انها تقولك طيب انا ان شاء الله اتوب واترك الغش او تقولك انتي ايش دخلك وووو......الخ اللي زي هذي انتي قوليلها طيب بس حبيت اذكركِ وممكن تبلغي عنها لانو مافي امل منها .
3. اذا كانت البنت مالك علاقة فيها ابدا ممكن انك تلمحي عن اللي انتي تبي تقوليه مثلا تكلمي صاحبتكي بالكلام اللي تبي تقوليه للبنت الثانية اذا قدرتي يعني اياك واسمعي يا جارة خخخخ
4. ممكن كمان تعلقي ورقة على جدار المدرسة مثلا بالشعار اللي مسويته الاخت نبض النقاء جزاها الله خير اذا كانت تسمح ممكن تؤثر الورقة اكثر من انك تتكلمي وتتكلمي
   

5-لا يهمك رد البنات عليكي والسخرية اللي تلاقيها منهم اذا كالنت الرسل عليهم الصلاة والسلام سخر منهم اقوامهم فنحنا من باب اولى وخلي معاك حجج واضحة زي ماقالت الاخت RAY0O0M اذا قالولك قال تعالى ((وتعاونوا على البر والتقوى)) ردي عليها وقولي وقال تعالى ((ولا تعاونوا على الإثم والعدوان)) عشان تاكليها حجر ففمها لانها تستخدم كلام الله على كيفها وتفسره زي ما تبى


في النهاية احب اقولكم لا تيأسوا اذا ما فاد النصح لهم بلغوا عنهم وحاولوا قد ما تقدروا لانو امانة علينا لعل الله ان يهدي بنا
واقول لكل البنات لا تخسري براءة الرسول صلى الله عليه وسلم لاجل درجات في الدنيا
واللي يقولوا احنا ما نغش بس نغشش طيب انتي لك يد في الغش لانو لو ما لقيوا اللي يبو يغشوا احد يغششهم محا يقدروا يغشوا
ان اخطات فيم كتبته فمني ومن الشيطان وان اصبت فمن توفيق ربي

اللهم سامحني ان اخطأت واجعل ما كتبته حجة لي لا علي واعني انا واخواتي على الامر بالمعروف والنهي عن المنكر وارنا الحق حقا وارزقنا اتباعه وارنا الباطل باطلا وارزقنا اجتنابه انك على ذلك قدير ...اللهم اميين

سبحانك اللهم وبحمدك اشهد ان لا اله الا انت استغفرك واتوب اليك

اعتذر على الاطالة ولكن الموضوع كبيير