[برعم الورد]

كيفكم بنوتاات ان شاء الله بخير
كيف استعداداتكم النفسية و المادية للمدرسة
اول شي اعتذرانا من عادتي اجهز للموضوع بالتصاميم و كذا بس دا عشانه موضوع مستعجل قبل ما تبدأ المدارس
فقلت خلاص تمشو حالكم لووول
هذا الموضوع مجهود شخصي و ما حتلاقونه فولا منتدى تاني الرجاء حفظ الحقوق
لمنتدى بنات دوت كوم العضوة برعم الورد
وان شاء الله تستفيدو
جبتلكم تساريح ما تاخذ وقت وحلوة وتنفع للي يصحو متأخر كمان و حتطلعي غير شكل

••¤§««التسريحة الأولى»»§¤••

اول شي طبعا افردي شعرك و مشطيه

لمي شعرك على جانب واحد من الراس كأنك بتربطيه ذيل حصان

لفي شعرك كعكة<<<تسموها كعكة؟؟؟

اربطييه بالربطة ( يعني خليه كعكة بس مثبتة بربطة <<فهمتو شي؟؟)

انفشي الكعكة على برة شوي و بشووويش وحبة حبة احسن ما تنفك

••¤§««التسريحة الثانية»»§¤••

امسكي خصلة من الجنب

ضفريها

رجعيها على ورى و ثبتيها ببنسة

••¤§««التسريحة الثالثة»»§¤••

خذي خصلة من الجنب

وضفريها

ورجعيها على ورى و ثبتيها ببنسة

اربطي شعرك بحيث انك تغطي البنسة

وعشان تعطي ذيلك نطة اقسميه نصين نص من فوق و نص من تحت (يعني مو يمين ويسار)
وحطي بنسة
بعدين نزلي النص الي من فوق و غطي بيه البنسة

••¤§««التسريحة الرابعة»»§¤••

ولا شي بس انك تربطي الذيل من الجنب من تحت

••¤§««التسريحة الخامسة»»§¤••

ضفيرتين من تحت من الجوانب

••¤§««التسريحة السادسة»»§¤••

اول شي تربطي ذيل حصان

تقسمي الذيل بالنص من فوق الربطة ( من جهة الراس و ليس الشعر المفتووح)
بعدين تدفي الشعر الي من تحت الربطة (الشعر المفتوح) تدفيه بين النصين و تسحبيه على برة
ان شاء الله فهمتو

الشكل النهائي

••¤§««التسريحة السابعة»»§¤••

هذي التسريحة الي اكيد اغلبكم قد سواها
تلفي الغرة بيدك (او الشعر الي من قدام يعني)
وتثبتيه ببنسة و تربطي ذيل

••¤§««التسريحة الثامنة»»§¤••

ضفيرة ذيل السمكة
قسمي شعرك الى قسمين فقط
الخصلة الي على يمين البنت أ والي على يسارها ب

ناخذ خصلة صغيرة من القسم أ من الخلف (كما هو موضح في الصورة الأولى) ونحطها قدام بالنص بين أ و ب (مثل الصورة التانية)
و نكرر نفس الشي مع القسم ب وهكذا من الخلف الى الأمام الين ما نكمل

اذا حابة تعطي الضفيرة عرض امسكيها بيدك من الجنبين وشديها بشوييش وهيا حتصير عريضة
و حتبين الشعر كتير و حلو

••¤§««التسريحة التاسعة»»§¤••

خذي خصلة من شعرك كما هو موضح في الصورة

قسميها ثلاث اقسام
من اليمين لليسار[أ،ب،ج]

ادخل ج تحت ب (كانك تعملي ضفيرة بالمقلوب بدال ما تحطي ج فوق ب تحطيها من تحت)

و دحين دخلي أ تحت ج (ج صارت هي الي في النص )
بعد هذه الخطوة صار الترتيب كده من اليمين لليسار
ج أ ب

دحين حتدخلي ب تحت أ
لمن تجي تدخلي ب اسحب خصلة زيادة من جنبها و خليهم سوا كأنهم خصلة وحدة
و كرري نفس الشي الين ما توصل الضفيرة لفوق الأذن
ولا تنسي تدخلي من تحت مو من فوق وتشيلي خصلة في كل مرة

دحين لمن توصلي لعند الأذن كملي الضفيرة عادي ( دخلي الخصل من تحت برضو)

اذا عندك غرة اعملي دي الضفيرة عشان ترفعي بيها الغرة

خلصنا كده الجزء الأول من التسريحة

نعمل الضفيرة من الجهة التانية كمان بنفس الطريقة

نربط الضفيرتين مع بعض من ورا

شكل الضفيرة من الجانبين

نخرج الشعر المفرود من تحت الضفيرتين بس بحذر عشان ما تخرب الربطة

وبكده نكون خلصنا الجزء التاني

هذا الجزء اختياري وانا ما احسه ضروري ممكن اذا يوم شهادات او اول يوم و زي كده
تلفلفي شعرك

في الختام اتمنى يكون الموضوع اعجبكم وما استغني عن اضافاتكم وأفكاركم
وكل وحدة فيكم استفادت ياريت تقيمني لو سمحتو لأني مررة تعبت بهالموضوع
ومعليش تراني سويتو مستعجلة
انتظر ردودكم

المصدر: منتديات بنات دوت كوم

---

jsvdphj auv ggl]vsm flkhsfm hgu,]m ggl]hvs

الموضوع الأصلي : تسريحات شعر للمدرسة بمناسبة العودة للمدارس || القسم : صـالـون بـنـات دوت كـوم || المصدر : منتديات بنات دوت كوم || كاتبة الموضوع : برعم الورد