[كادي~]

بسم الله الرحمن الرحيم سلامٌ من ربٍ رحيمْ .. اليوم حابه اناقشكم بحركات يسوونها اغلب البنات ... والي هي لمّا تدخل الوحده من بوابة المدرسه تكشف عن وحهها أو تنزل الطرحه قبل ما تعتب باب المدرسه وينكشف شعرها امام الخارج ..!! ابغى اعرف الحين هي تستعر ولا تشوف انها موضه قديمه ولا اخاف صحباتي يشوفوني ويقولوا وععع انتي مطوعه !! انا بنظري ان اغلب الناس تلبس الحجاب عاده وليس عباده ! يعني تلبس الحجاب عشان الاستاذه الي واقفه ع الباب ما تهزأني وتخاصمني قدام صحباتي وتهين كرامتي ! طيب انتي بتنهان كرامتك وتتخاصمي قدام الخلق كلهم مو بس صديقتك يوم القيامه .. وانتي اصلا كذه ولا كذه بتتجبي فخذيها عباده واحتسبي الاجر واخلصي نيتك لله =) لاتقولي عشان صحبتي الي طلعت معايه ولا الاستاذه هذي بتشوفني وتمدحني صدقيني ان كل ما تسترتي ان الملائكه تستغفر لك وهذا ما جبته من راسي من معلمة الدين افهم مني قالت لنا يعني شوفي ملائكه تستغفر لك ! والله ولا اي جزاء هذا غير الجزاء بالآخره من رب العالمين .. (= ●●● وثاني: حركه ولي هي قراءة القران بصوت عادي مندون اي ترتيل .. طيب يجيك بعض البنات يقولو صوتي مو حلو لما اقرأ !! طيب ع الاقل اخشعي وتدبري معانيه وحاولي انك تستوعبي انك تقرأي كلام الله مو كلام من مجله او جريده اوتعبير .. كثير استعجب منهم ما يقرأو بتركيز او خشوع كأنهم يأدو واجب عليهم .. والا بعضهم يقولو لااااا استحي!! والي تقرأ لك من دون ظبط الحركات ولا مخارج الحروف غلط!! صدقيني ان كلآيه وكل حرف لك اجر فيه بس المطلوب منك الخشوع واحتساب النيه لله تعالى بس هذا الشي البسيط يرفع الله بك درجات للجنه .. ●●● والمشكله الثالثه: حضورك للمدرسه عشان ماما وبابا :( << تخيلي مداومه 12 سنه كلها بيوم القيامه هباء منثور ..!! لاتقولي انا بحضر عشان الفله وعشان يكون لي ذكريات او عشان صحباتي او عشان انرفز المعلمات او عشان اتوظف ..! لا تخلو هذا الشي هدفكم اخلصو نيتكم لله وحده يعني لو تجددي نيتك يوميا انك رايحه الدوام هذا عشان رضا الله تعالي تخيلي لو جددتي نيتك يوميا كان بالنهايه لك مجموع عظيم وهائل من الحسنات وثانيا رضا والدينك وطبعا رضا الله قبل كل شي واذا رضي الله تعالى عنك و رضيوا عنك والدينك صدقيني ربي راح يرضى عليك ويوفقك بكل امورك في الدنيا ويجزيك بالاخره ●●● والمشكله الرابعه :تبسمك في وجه اخيك صدقه .. استعجب من بعض البنات اذا طاحت عيني على عينهم ابتسم وتشيح "تلف" الوحده وجهها مآ كأن لابتسامتي اي اثر ! ما طلبت منها شي بس ابتسامه .. انا صراحه نفسي ادري ايش المبدأ الغريب هذا انه اذا الوحده دخلت المتوسط تقلب 180 درجه اهم شي الفله والتشميق وارد على اي وحده تتكلم معايه بجفاف < سواء تكلمت معاها بالادب او قلة الادب ..! الناس اغلبها صارت فاهمه ان المراهقه سن الواحد يكون لسانه متبري منه ويكول اغلب كلامه بذيئ !! خلونا نحاول نغير هذي الفئه من الناس ونغير اعتقادهم فينا خلونا قدوه لجميع المراهقات لا تقولي انا مالي دخل هم يبدأو بالاول ابدأي انتي وحده على وحده وتصيروا مجموعه =) ●●● واخر شي: حابه اقوله لك اي مشاكل تصير لك بالدنيا سواء ببدنك او بدراستك او اياً كان بعض الناس تقول عين !! الناس حسدتني .. صح ان العين حق بس مو لهذي الدرجة اني اخليها شماعة اخطاء على جميع الامور السيئه بحياتي .. وبعض الناس يسأل نفسه ليه دايما ما يجيني الي ابغاه ليه الله ما يوفقني بحياتي ليه اذا دعيت ربي يوفقني وينجحني بهذي الماده ما انجح !! مافيه فايده ايش اسوي ..في هذي الحالات راجعي نفسك شوفي ايش اقترفتي من ذنب في قصه سمعتها من استاذتي الله يجزاها خير ويذكرها بالقول الطيب .. قالت انه في ما معنى قول الرسول انه جاء النبي واحد وقال انه زوجته زعلانه منه رد الرسول فيما معنى كلامه راجع نفسك وشوف ايش اقترفت من ذنب لدرجة ان حتى دابة الرجل صارت بعض الاحيان ما تطيع اوامره .. فهذا مثال حبيت اجيبه لكم واي شي ما تتوفقوا فيه او يتعسر عليكم لكم اول طريق واول حل واخر حل مراجعة النفس والتوبه الى الله تعالي والدعاء الحق .. حبيت انبهكم على هذي النقاط المهمه بحياتنا = ) واعذروني على اسلوبي .. فقط حبيت اوصل لكم المعلومه وابرأ ذمتي امام الله تعالي اني امرت بالمعروف :) وربي يجزاكم خير ويجيزكم الجنه .. * ملاحظه : الموضوع ترا مو لهذاك الزود جآمد ادري لأنه مجرد من الرموز ^^ لكن عدت الموضوع اكثر من مره بسبب عمتنا الشبكه الجميله ومع اعادتي اكثر من مره تختفي الرموز ●●●