والله انا احس حالي اني مشعوووطه مشعووطه واايد ههههههههه
على فكره هالكلمه معروفه ان معناتها مقطوعه ...في بعض المناطق اليمنيه
يقولونهاا..عااد مدري عنكم ....وهي تستخدم مثلا انشعط القماس ..يعني انقطع ..
بس في الجمله الاولى اقصد فيها اني مضغووطه ...لا تفكروا حاجه ثاانيه ..خخخخخ
امتحااااناتنا راح تبدى بتاريخ 16/5 لكن انا اول امتحان عليا بتاريخ 19/5 وبخلص تاريخ 26/5
الله يعييين الحينه على تسليم البحوثات والعروض ...
امس كان عندي عرض بوربوينت ..وجهزته بسرعه بسرعه حتى
اني ما راجعت الكلام المكتووب فيه ..حتى اني ما اتدربت على الالقاء ..يعني رحت الكلااس وانا كأني شي شي ..
المهم نادتني الدكتوره ..عشان اعرض العرض..وبعدين انا بكل شجااعه القييت ..كاني متدربه علييه ..خخخخ....بس الفضيحه الاخطاء اللي في العرض..كنت ما انطقها كنت اعدلها بكلامي ..
والحممد لله مر اليوم على خيير ...
ما شاء الله على الدكتووره ..وااايد وااايد ..ممتازه ..بكل شي ..حتى انها وزعتلنا هدايا بسيطه ..لانها هذي آآخر سنه تدريس لها في جامعتنا ..وبترجع بلاادها..حتى انها السنه اللي طافت وزعت لنا شوكولاه عشان عيد الاضحى
وانا بصرااحه زعلت .لانه بصرااحه هذي الدكتووره رووووعه ..
انا لما اخذت الهديه تميت اطاالع في الدكتووره واشوفها وهي توزع الهدايا للبنات ..ما اعرف وش صاار فيني ..حسييت ان لازم اقوول شي في هالموقف ...
هذي الهديه ..
اول شي خلوني اشرح لكم شو كانت الهديه ..قالت ان اي معلمه لازم يكون هالاشياء في بالها ..
كيس صغير ..داخله ثلاث شوكليت + محايه وحديده ما ادري وش اسمها
بس هي تستخدم لمسك الاوراق مع بعض ..+ عمله نقديه..+ عينه من شريط المقياس..
وبعدين الدكتوره شرحتلنا وش معناة كل حاجه في الكيس..وقالت ..
شريط المقياس هذي..
معناته ان النجاح يقاس بمقدار بسيط ..يعني ان المعلمه ما راح تلاقي التقدم
بطلابها والنجااح في تدريسها يبان بشكل وااضح ..لازم بالتدريج وبمقدار صغيير..وما يقاس بالمتر
اما المحايه ..معناته ..الاخطاء نقدر نمحيها ونصلحها ..
الحديده ..اسمها paper clip
معناته نظمي امورك ورتبي افكاارك مع بعض..كوني منظمه
اما العملة النقديه ..
كل طفل تدرسيه هو مثل هالعملة النقديه ..مع مجهووده ...ومساعدتك له ..
راح تلمع هذي العمله
واخييرا..hershey chocolate kisses
معناته ..اعطي الكثير من الحب لطلابك بعدين راح تجني نفسه كمقابل للي قدمتيه ..
صرااحه رووووعه هالهديه ..وبالنهايه وزعت الدكتوره لكل وحده ورقه مكتوب كل اللي هي
قالته ..
انا هنا بعدين ما عرفت ايش اعبر لها..المشكله ولا حد عبر الدكتووره ..انا رحت قلتها ...مس..انتي هذا الكيس..اللي فيه هالاشيااء كله ...سيكو..خخخخخ
الدكتووره استحت ..وانا بصرااحه انفتح لسااني زيااده ومدحتهاا..واشكرتهااا..
والبناات قاعداات يطاالعونا كانه فيلم وشوي اشوف عيونها حمرت ..وانا وشوي عيوني ترقرقت ..وحسييت ان الدكتوره تبى تحضني ..وانا ابى احضنها ..
هههههههه ..كان المشهد مؤثر ...بس ما عرفت كيف نسويه ..لانه ولا مره استوت في الجاامعه ..
ان اسوي هالشي..
يا حليلها هالدكتووره ..بترجع سينغافوره بلدهاااا....استمتعت بحصصهاا واايد واستفدت ..
وكان امتحاناتها وااضحه وما فيه اي تعقيدات ..
وقلت انا لاازم نحنا نهديها هديه ..ف بدينا نجمع فلوس عشان
نعطيها شهاده تقدير ..عليه اسامينا وقرآن الكتروني ..
:sm.49: