السلام عليكم ورحمة الله وبركاته
موضوعك جميل كيسامي، تحمست أسجل عشان أشارككم النقاش
أول شيء احنا في السعودية وضعنا غيير غيير عن باقي دول الخليج
ما تعودنا عالاختلاط أبدًا، وسائل المواصلات عندنا محدودة!
لو أقارن بينا وبينكم في البحرين فاحنا مختلفين تمامًا..
إذا جيتي من ناحية الدولة، دولتكم صغيرة مقارنة بدولتنا
وهذا شيء يسهل عالحكومة تغطي احتياجات دولتكم أكثر من دولتنا
ثاني شيء دولتكم تعودت عالاختلاط من فترة طويلة
احنا تعودنا على بيئة محافظة ال
بنات ما يقابلون فيها أولاد العايلة
سكاننا معدل ازديادهم أكثر بكثير من معدلات ازدياد السكان عندكم
يعني البلد زحمة زحمة!
مواصلاتكم أوسع من المواصلات عندنا، عندنا محدودة عالسيارات
ومواقف الباصات ما تحصلين منها كثير وين وويييين!!
فتصوري في ظل هذي الظروف لو سمحوا للمرأة عندنا تسوق؟!
أول شيء راح تكون الطرقات زحمة بشكل فظيع على الزحمة اللي هي عليها
ثاني شيء راح تكثر حركات المغازلة لأن أي شاب يشوف بنت لحالها لا بد ويتعرض لها لو بكلمة
ثالث حاجة، حنشوف تبرج كثير عاللي احنا شايفينه!
حتزيد الأسواق زحمة، حتصير مشاكل في كثير من العايلات
وغير كذا حتكثر حركات الاختطاف والاختفاء
حنخسر تربية جيل لأن المرأة مشغولة تسوق برا وحتهمل بيتها!
حتصير كثير مشاكل بين الأزواج، لأنه الرجل السعودي عندنا غيور بشكل!!
فتخيلي تكون زوجته تسوق ويشوفها صاحبه أو واحد من معارفه هنا حتقوم قيامة
شيء مهم، حيتعود المجتمع عالفتنة، حيصير شوية شوية حتتعود البنت الكلام مع الأجانب!
حتتعود إنه إذا خرب شيء في السيارة تكلم أي عامل يجي يصلح لها لحاله ولحالها بس!!
حيصير عادي البنت تطلع من البيت لغير ضرورة والله عز وجل يقول :( وقرن في بيوتكن )
لأن التزام المرأة لبيتها واجب وخروجها يكون لحاجة..
حاجة كمان، مو كل بنت مضطرة تكمل تعليم
فيه كثير
بنات صاروا يتزوجوا وهم لسا ما دخلوا الجامعة وذا الشيء انتشر بشكل كبير
وبعدين مو كثير
بنات يتوظفون يعني مصيرها البيت باختصار وبعدها تتزوج وتجلس في بيت زوجها
فيعني الحل الأحسن تتوفر باصات بشكل أكبر في كل مدينة
تكثر وسائل النقل العامة زي القطارات والمترو
هذي منها تخفف الزحمة ومنها تحل أزمة عند بعض النساء في مواضيع المواصلات
أما لو صار لكل بنت سيارة، حيكون اللي عندها سيارة هي بنت عايلة مترفة مو محتاجة في الأصل
والبنت المحتاجة من فين حتطلع لها فلوس تشتري فيها سيارة؟!
مواصلات التعليم عندنا أتوقع أفضل من اللي عندكم
عندنا شركات باصات للتوصيل موثوقة وآمنة
عندنا برضو مؤسسات لنفس الغرض
عندنا بعض الجامعات توفر ذا الشيء
المدارس لكل مدرسة مجموعة من الباصات
يعني حقيقي وبصراحة قيادة المرأة للسيارة عندنا مو شيء ضروري زي ماهو عندكم
احنا عندنا عامل فتنة وفوضى في البلد مو إصلاح وتنمية
وعني أنا، أنا بنت عايلة غنية والحمد لله ربي مكرمنا
ما عندي أخوان يودون أو يجيبون عندنا السواق أو أبوي الله يحفظه
وإذا اضطريت لمشاوير أروح مع
بنات خالاتي
الموضوع عندنا فيه سعة ومو تحجير عالمرأة وسلب لحقوقها زي ما تظنون
وبس
