[جحيم الانتظار]

لآقلتـــ أنت عندي غير
يعني بالصريح [غييير]
في المستشفى الساعه 2 الليل
هلا والله سوسو
سارة :هلا فيك هـآ أخبار خالد..؟؟
فيصل:الحمدلله تمام نايم الحين
سارة :ااها
فيصل:اخبارك انتي اشتقت لك؟
سارة :الحمدلله وانا بعد
فيصل :سارة حبيبتي ممكن أطلبك بمهمه؟
سارة :تآمر أمر
فيصل:تسلمي لي حبيبتي ،شوفي تعرفي مريم زوجة فهد الثانيه
سارة:ايوهـ
فيصل :عندها اخت اسمها سمر واخو اسمه ياسِر
سارة:طيب
فيصل:حبيبتي بعطيكِ رقم اختها سمر ودقي عليها وتطمني عليهم أوكِ
سارة :وفهد؟؟مابيروح لها؟؟
فيصل: ماااظن لأنهـ من بعد اللي صار وهو راميها المسكينة المهم ابيك بكرة تقولي لها تتجهز وتجهز اخوها واختها لقيت لهم سكن وبجيب لهم اغراض بمر عليكِ بكرة ونروح لهم
سارة:أوكِ
فيصل:نوصلهم شقتهم ونقعد شوي معهم ونطلع اش رايك؟
سارة:وين؟
فيصل:اش رايك نروح البحر ؟
سارة:اوك وخالد؟
فيصل:بكرة بتجيه خالتي مارضت لي تقول يوم ويوم
سارة بضحكة:ههههه الحمدلله
فيصل: على وشو الضحك ؟
سارة:ان اقنعوك من جد انت تحتاج راحة تعبت كثير
فيصل:حتى انتي تحتاجي رآحة الكل اصلا تعبهـ غياب خالد خالد غالي ياسارة على الكل
سارة:اي والله ،يلا فيصل ملاك معي ع الخط
فيصل:افااااا ملييك وانا تتركيني ؟
سارة بخجل :هاا..لآآ..بس
قاطعها فيصل:لآ بس ولا غيره براحتكم حبيبتي المهم ملاك لا تدري عن هالسالفه لانها متحسسه شوي منها
سارة: أوك
فيصل:يلا تصبحي على خير وردتي
سارة بخجل:وانت من اهله
رجع الغرفة ~
شاف خالد صحى
فيصل:ارتاااح لاتقووم
============
في بيت أبوسعود
ريم:ياالله الساعه2ونص ولا جا الفلم
فارس:شكله مابيجي
نزل ابوسعود وقال:الله يهديكم ياعيال الناس بهالوقت تصلي وتقرأ قران وانتو جالسين على هالخراب
فارس وهو يطفي الـTV:أمرك يبهـ يلا ريم نقوم
ريم: يلا
كل واحد دخل غرفتهـ
في غرفة فارس
دخل غرفتهـ ورآح الحمام فرش اسنانهـ وانسدح على السرير
انتبهـ لجوآلهـ ف رسايل
فتحهم:أوووف ذآآ مـآزنـ خل ادق عليهـ
بعدين تردد:لآ اكلمه بكرة احسسن
========
في الصبااح الساعه6
تسللت اشعة الشمس لغرفتها المتهدمة اللي لو يجيها مطر تتهدم عليها
قامت وغيرت ملابسها وصحت اخوانها
مريم:ياالله انا وش اسوي لآزم اشتغل اصرف على اخواني
رآحت لسمر:سموورة حبيبتي يلا قومي تأخرتي عن المدرسة
سمر:همممممممم
مريم:يلاحبيبتي قومي
سمر قامت وباست اختها:صباح الخير
مريم:صباح النور لأحلى اخت بالدنيا،يلا حبيبتي روحي تجهزي وصحي ياسر على ماأسوي الفطور
سمر: أوك
رآحت تجهز الفطور وفجأة دخل جاي من الاستراحة وكان مو بوعيه شارب السم وصار يصااارخ:ياهوووووووو ياهووووو يااهل البيت
ردووووو
مريم تأففت لهالحال وقالت:الله يهديك ياخوي
دخل المطبخ وهو يصارخ رمى على مريم كاس بعدت بسررعه وصاب رجولها
مريم بقهر:عمااار حرام عليك اطلع براا اجهز لك اللي تبي
عمار:هههههههههههههههههههههههههههههههههههههههه تطرديني يـآبنت هههههههه هذا بيتي لآتخليني اطردك يلا انقلعي
بعدته مريم عنها وراحت بسرعه غرفتها وسكرت عليها وعلى اخوانها
ياسر:صبح الخير ماما
مريم:صباح النور
سمر شهقت :هااااااااااا مريم شفيها رجلك حبيبتي
مريم:لآ جرح بسيط
سمر:حرام عليك مريم اكيد جاء عمار صح؟
مريم ناظرتها انها تسكت لان ياسر هنا
عمار انسدح على الكنبة ونام
مريم:بروح اشوفه شكله هدأ
فتحت الباب بشويش وطلعت هي واخوانها
تذكرت عندها 500 ريال عطاها خالد
قامت واشترت لأخوانها فطور وعطتهم لفسحتهم
ووصلهم التاكسي للمدرسة
صاحب التاكسي:مدام انتا وين في يروح؟
مريم في نفسها:يااالله وش اسوي وش اقول له ماعندي مكان
رن جوالها
مريم:الو؟
سارة:هلا فيك
مريم:منو؟
سارة :انا سارة اخت فهد
مريم: ايه هلا عرفتك اخبارك؟
سارة:تمام الحمدلله وانتي؟
تنهدت مريم وقالت:الحمدلله
سارة حست بها وقالت:وينك فيه؟
مريم :والله طلعت اوصل اخواني تآمرين على شي؟
سارة: مايآمر عليك عدو تعالي لي عند مكان الكوفي اللي في .....<<وصفت لها
مريم:اوك
=======
عند فيصل وسارة
فيصل:ها حبيبتي وش قالت؟
سارة بملل: بتجي
فيصل:طيب اش فيك انتي ؟
سارة زفرت بحراره :آه يافيصل
فيصل:سلآمتك من الآه حبيبتي فيك شي؟
سارة انتبهت له ونزلت راسها وبخجل:اخوي فهد ورطنا المسكينة شذنبها
فيصل:لو تدري عن حياتها كان قلتي الحمدلله يالغاليه
سارة:ادري بس لو جاي لها واحد ثاني مو احسن
فيصل بااستهبال:اتزوجها ؟
سارة رفعت راسها والتقت عيونها بعينه وقالت:على راحتك اذا تقدر
فيصل:ههههههههههههههههه اللي عنده ورد مثلك وش يبي بالباقي
سارة وهي منزلة راسها بخجل:تسلم
فيصل:الله يسلمك يآحلو الخجل بس
وصلت مريم وطلعت لها سارة
سلمت عليها:هلا فييك
مريم بانكسار:هلا والله سامحوني على اللي صار لـ...
قاطعتها سارة:انا مو جاية عشان اللي صار الحمدلله خالد رجع لطبيعته
مريم بفرحة :صدق؟؟
سارة :ايوه اركبي السيارة يلا ؟
مريم :اوك
ركبت معاهم السيارة
فيصل:اسمعيني يااختي انتي الحين منا وفينا واللي يصير عليك مايرضينا فكرنا نحطك بشقة انتي واخوانك من الشقق اللي عندنا
مريم بخجل:والله اكرمتوني بس انا مااقدر اد
قاطعتها سارة:حبيبتي من شققنا لاتدفعي الايجار ولا شي اخترنا لك شقة فيها 4 غرف و3حمامات ومطبخ
مريم بفرحة من داخلها قالت:الله يوفقكم يارب
فيصل:سارة بتجيك كل يوم ان شاء الله وكل اللي تحتاجينة ماتترددي
مريم:الله يسعدكم يارب مثل ماريحتو قلبي بس عمار لو درى
سارة:انتي قلتيها لو درى مو لازم يدري عن مكانكم
انا وفيصل بنجيب اخوانك اليوم للشقة روحي ارتاحي انتي وتططمني
مريم :والله مو عارفة كيف اشكركم
فيصل:احنا اهل مابيننا هالكلام
وصلو الشقة وفتحو لها الباب وخلوها ترتاح وعطوها المفتاح وطلعو
قفلت الباب على حالها وقالت:يااااااااااااارب توفق سارة وفيصل وترزقهم الذرية الصالحة
راحت تدور بالشقة شافتها من نوع راقي مااعتادت عليه ،
دخلت المطبخ شافت اغراض واشياء شراها فيصل لهم بأمر من ابوفهد
راحت غرفتها ونامت ،،
======
في المدرسة الساعه 9
وجدان : ياالله زهقت صبايا ودي نهرب
سلوى<صاحبة وجدان>:مالللت نهرب ويين ياحسررة
شهد<صاحبة وجدان>:نهرب من المدرسة بكبرها
نور<صاحبة وجدان>:اي والله
وجدان:هع هع والله فكرة
جات المديرة وبصراخ:
البناات اللي هنا ليه طالعين؟
وجدان :ها كنا بنشتري مويه عطشنا؟
المديرة :مين عليكم؟
وجدان ترقع:ابله حصه
المديرة:بسررعه قدامي وتعهد ابلة حصة اليوم غايبه باين كذبكم
نور:ههههههههه قال ايش ابلة حصة
وجدان:سكتي بسس سكتي
=========
انتهى البارت
اكمل الليلة ان شاء الله