[حلوة الإحساس]

.....................



وين وصلنااا ...



وصلنا لعند يوم عقد القران اللي يسمونها "الملكه"..او بالهجه الخليجيه.."الملجه"...



كان كل ما بقرب وقت كتب كتابي ..كل ما أقلق وأفكر..واكلم نفسي ...اقول ...
يعني الحينه انا مش متجوزه يعني بعد ابام بصير متجوزه ..يا سبحاان الله..بعني الحيين لازم استمتع بعزوبيتي واودعهاا....يعني خلااص..


كانت هالايام لما كان عندنا اجازه نص السنه..ولما صار يوم الخميس 22-1-2009 اللي هو يوم الملكه..

كنت طول الوقت سااكته ..ما اعرف شو اتكلم..نفسي الاقي حد حاسس
بمشاعري واحاسيسي..او يشاركني هالاحساس حتى لو كاان زياده عن اللزوم..

على الاقل بهدئ من روعي..:sm.64:

المهم..انا استشورت شعري وسويت مكياج بسيط..وظليت انتظر
..وانتظر لين ما طلعت انا واخوي للمسجد اللي جنبنا وصلينا المغرب...
وبعدين لما خلصنا الصلاة طبعا انا كنت في مصلى الحريم ...لحاالي ولا في حد ..
وقلبي يدق لدرجه اني اسمع نبضات قلبي..

وقااعده انتظر متى برن موبايلي عشان اطلع ...واالله قعت وسرحت لبعييد..
واقوول الحينه انا عزابيه بعد دقائق بوقع بالورقه وبصير متزوجه ...وقلبي يدق طربق طربق ..
.سبحاان الله بتوقيع بس وخلااص ... وبعديين تمييت أقرا قرآآن


وفجاة ولللا اشوف زوجه اخوي تدخل المصلى ..فررررررررحت ..كثيبيير..مع انه هي يوم كتب كتابها كانت بنفس المصلى ولحاالها ولا حد كان معاها ..


المهم اخوي رن عليا ..واول ما سمعت الرنه ..قمت من مكاني
وانا مرعووبه ..واتنفس بسرعه ..ولما كنت امشي ما اعرف انا اللي امشي
فوق الارض وللا الارض اللي تمشي عليا :sm.55::sm.55:



المهم ...شوفو شوفو..شو سويت ..هههههههه


فتحت الباب حق المصلى ..وحطيت راسي على الأرض..واتقدمت
خطوات وبعدين لفيت وجهي وانا بعدني حاطه نظري على الارض..
لقيت رجالين ...يعني اثنين رجال..فز قلبي خفت لأرفع راسي والاقي خطيبي بوجهي..


المهم ..رفعت نظري شويا شويا ..ولقيت اخوي والمأذون .المهم سالني
أسئله وانا لما ارد على السؤال ببطء شديد ..مصدوومه كنت ..مش قادره اتخيل اني بتزوج ههههه


المهم ..قالي وقعي هنا ...انا تلقائيا وقعت واحس ان بالي مش معايا ..
وقالي كمان وقعي هنا ..وبعدين وقعت ..وبعديييييييييييين


قلي الماذون مبرووووك علييك ...





انا هنااا بلمت تبليييمه ...حسيت اني مش حااسه ....بعديين اخوي
سلم عليا..وانا مش عاارفه شو اقوول او اسوي..وبعدين سلمت عليا زوجه اخوي..
وهنا انا بكيييت ..وارتجفت حتى
ما عرفت اطلع الدرج ..راحت ساعدتني زوجه اخوي عشان اطلع الدرج ...


سبحاان الله شفتوا كيف وقعت واتزوجت ....ييلاا اللي تريد تتزوج توقع ..خخخخخخخخ



المهم ..روحت انا البيت..لان زوجي بييجي عشان يشووفني ...

وانا قولو الحمد لله من قبل استشورت شعري وسويت مكياج قبل لا اروح المسجد..
يعني بس لما وصلت البيت لبست الفستان ...فستان بسييط..وهاادي...


وكنت خاايفه جدا ..لما ادخل على زوجي ...

اتخيل نفسي من دون شيله وعبايه ودااخله على رجال...اول مره ادخل على رجال كذا ..فاكييد كنت متوتره جدا..
وبنفس الوقت كنت متوتره شو اللي بيستوي بعديين ......



المهم ..اخوي حس فيني اني مرعووبه ..راح اول ما وصل العريس راح قله ..
على حاالتي ..واني خايفه ومتوتره..


المهم ..العريس وامه في المجلس وقاعدين ينتظروني اني ادخل...



وانا خلاااص اتقدم خطوه وارجع خطوتين :sm.55:

لين ما وصلت باب المجلس...وانا خلااص احس أذني راح تنفجر..ساااااخنه ..مدري لييه ..


أقولكم تعبت الحيين ..

ان شااء الله المره القادمه بكملكم السالفه كيف دخلت عليه ..وكيف سويت ...



:sm.55::sm.55: