[||وتين الورد~]

صـــــباح/مــــــساء الابـــــــــــداع و التمــــــــــيز . . بيوم من أيام الصيف السعيده كنت ملانه .. وبما إن الفضاوة تصنع الابداع فربما أكون أبدعت بهاللوحه البهيه ^^ و بما اني بإجازة أخرى تشجعت اني اخرجه من الحبس -الابتوب- يعني الشغل مسويته من زمان .. بس تعيجزت أصلحه بالفوتوشوب و أزينه<~الله من العجز فَياليت ألقى منكم التفاعل لأني تعبت بالشغل يدوياً و تعديلياً هع الأدوات: *ورقه للتخطيط <~ يعتبر التخطيط أهم خطوات العمل بالنسبه لي *صمغ *مسطره *مرسام *قطعه من الفلين *ورق ملون *مقص رسمت بالورقه البيضا التخطيط لهاللوحه .. {ما تدققون بالملاحظات هع لأني ما حبيت أتوه بالألون} قصيت الورق الملون على شكل مستطيلات طويله بهالطريقه .. بديت بلف ورق الملون المقصوص بهالطريقه .. لفيت الورق الملون كله وبعد اللف حطيت قطره من الصمغ السائل بطرف الورقه عشان يبقى اللف ثابت <~لا تسألوا عن التعب اللي لقيته بس خلوا أي أحد يساعدكم باللف زي ما سويت أنا .. وقبل هذي الخطوة راح نقص الفلين بحجم مناسب و نثبت عليها ورقه كخلفيه للعمل و الأفضل تكون فاتحه عشان تتناسب مع ألوان الورد اللي بنثتها عليه .. هالصورة بعد لف كم ورقه و تثبيتها ع الاستاند اللي كل الشغل بيتلصق عليه و هنا عملت ورده ثانيه -تقدرون تغيرون الورد بأي شكل و لون تبونه- .. واذا بغيتوا تسووا ورق الشجر بتكون بنفس الطريقه باستثناء اننا نضغطها من جنب .. وبعد ما خلصتها لقيت عندي ورود بالكوروشيه -سبق وعملتها بالمدرسه- وفوق كل ورده كروشيه حبه كريستال حبيت أضفتها عشان تزيد منحلاوة اللوحه .. خلصت اللوحه و اقترحت علي أختي العزيزة -اللي ساعدتني بالشغل-أن نضيف للأطراف هاللونين من الخرز عشان يكسر شوي .. وبــــــس .. وأتمنى تكون حازت على اعجابكم.. في آمان الله..