عرض مشاركة واحدة
قديم منذ /19-08-2014, 02:13 AM   #8

لؤلؤة المعجبين
بنوتة محلقة
Nø Ćòmm

L54
 
    حالة الإتصال : لؤلؤة المعجبين غير متصلة
    رقم العضوية : 40772
    تاريخ التسجيل : Aug 2007
    المشاركات : 101
    بمعدل : 0.02 (مشاركة/اليوم)
    النقاط : لؤلؤة المعجبين has a spectacular aura aboutلؤلؤة المعجبين has a spectacular aura aboutلؤلؤة المعجبين has a spectacular aura about
    التقييم : 203
    تقييم المستوى : 21
    الأسهم : 0 (أسهم/سهم)
    الجواهر : (جواهر/جوهرة)
    عدد الدعوات : 0
    زيارات ملفي : 2375
    علم الدولة :  Egypt

     SMS : جددى نيتك بالتواجد فى المنتدى .. اللهم أعنى على ذكرك وشكرك وحسن عبادتك

مزاجي :
    استعرضي : عرض البوم صور لؤلؤة المعجبين عرض مواضيع لؤلؤة المعجبين عرض ردود لؤلؤة المعجبين
    تجديني هنا :
     MMS :

MMS

افتراضي رد: روايتي الأولى ~ عبد الرحمن وأسماء ♥


قصه .. (" عبد الرحمن واسماء ")
الحلقـــ (6) ــة

------------------------------------

عبد الرحمن قام من مكانه وذهب يتوضأ وصلى ركعتى السنه وتلاها الفجر ، كانت اسماء فى هذا الوقت تعد طعام الافطار ، فانتهى عبد الرحمن من ارتداء ملابسه وجلس على مائدة الافطار
تسلم ايدك ياحبيبتى ، ادعيلى بئة ربنا يسهلها ويفتحها ف وشى النهاردا واقابل محمد

اسماء رفعت يديها للدعاء وقالت بابتسامه
ياارب ييسر ليك شغلك ويوفقك ويكون معاك يارب وتشوف محمد صاحبك وننقل من هنا ياااااارب

انتهى عبد الرحمن من طعامه وودع زوجته وأسرع بالنزول إلى عمله وهو على شوق لمقابلة محمد

------------------------------------
فى عمل عبد الرحمن

ذهب عبد الرحمن إلى عمله ممسكا بيده فنجان القهوة جالسا على مكتبه ويعمل بسعاده غامرة ، منتظرا حضور محمد

وبينما هو منشغل فى عمله إذا بالباب يفتح بهدوء ، وإذا برأس محمد تدخل من الباب

محمد
ممكن أدخل ؟

عبد الرحمن بسعاده
حماااده ، طبعاً ادخل من غير ممكن يا عم الحاج

دخل محمد وأغلق باب المكتب وسلم على عبد الرحمن بحرارة شديده تملؤها عبارات وكلمات فرحة وسرور ، أشار عبد الرحمن لـ محمد أن يجلس ليتحدثا ويتناقشا فى هذا الموضوع !!

عبد الرحمن
اتفضل يا محمد ، اقعد يلا / تشرب شاى ولا قهوة ؟

محمد
اللى تطلبه يا عم ، واحشنى يا عبد الرحمن والله ، من زمان ما شفناش بعض ولا اتكلمنا ولا قعدنا قعده حلوة زى دى

عبد الرحمن رفع السماعه وطلب كوب شاى ، ثم أكمل
انت كمان يا محمد والله ، أخبارك وأخبار زوجتك والأولاد عاملين ايه كلكو ؟

محمد
الحمد لله بخيير والله ، أى نعم العيال مطلعين عينينا شوية ، بس الحمد لله

عبد الرحمن
ههههههههههههه ، ربنا يعينك / الأولاد دى تعمة من ربنا والله ( قالها عبد الرحمن بحزن قليلا )

محمد
ايه يا عم مش هنفرح بيك قريب وتبقى بابا

عبد الرحمن بابتسامة
ان شاء الله ، ادعيلى انت بس

محمد
ربنا يرزقك ان شاء الله بالذرية الصالحة

عبد الرحمن
آميين يارب / المهم بئة ندخل فى الموضوع

محمد
اتفضل يا سيدى ، كلى آذان صاغيه

عبد الرحمن
شوف يا محمد ، أنا عاوز شقه تكون بعيده عن المدينه أو على الأطراف حتى / شقة حلوة وواسعه ومكانها كويس ومش بعيد من هنا ، بحيث أقدر أستقر ولما ربنا يرزقنى أولاد أربيهم بعيد عن الجو العائلى اللى انتَ عارفه دا ، وانت بئة فيك البركة يعنى

محمد صمت وشرد قليلا ثم أجاب
اممممممممممم ، شوف يا عبده / فى شقه مش بعيده عن هنا ، الشقة دى أنا لسة كنت بعرضها امبارح على واحد ومكانش عايزها وسابها / متهيألى هتبقى كويسة ليك وهتناسبك أوى

عبد الرحمن
طيب شكلها ايه الشقه اللى معجبتهوش دى يا محمد ؟؟

محمد
ههههههههههه ، لا متفهمنيش غلط ، أنا قصدى إن اللى طلبه مش متناسب مع الشقه دى
المهم يا سيدى .. الشقه دورين ، تمام
بتطل على البحر ، فيها حديقه صغيرة وليها بوابة غير الباب بتاعها ، الشقه متشطبه وجاهزة ع العفش علطول إن شاء الله ..
الشقه من جوا بئة ، الدور اللى تحت : ريسبشن وحمام صغير ومطبخ وأوضة صغيره ،، الدور اللى فوق أوضتين نوم وحمام كبير وبلكونة وصالة واسعه

عبد الرحمن بتفكير
اممممم ، تماام كويس جداً / طيب هنشوفها امتى ونعاينها ؟

محمد
أعدى عليك النهاردا فى المسجد ونصلى العشا سوا ونروح ؟

عبد الرحمن
خلاص اتفقنا ، وأسماء هجيبها معايا ؛ لأنى مش هختار إلا لما هيا تبقى موافقه

محمد
ههههههههه ، ماشى يا عم حااضر ، حكومة بئة هنعترض !!

عبد الرحمن
ههههههههههههههه .. ششششششششش الحيطان ليها ودان يا راجل

ودع عبد الرحمن محمد بشوق للقاء بعد صلاة العشاء ، واتجه إلى الهاتف مباشرة ليخبر أسماء زوجته بما تحدثا فيه ، ففرحت أسماء كثيراً وحمدت الله تعالى - وعاد عبد الرحمن الى عمله ..

------------------------------------

فى المنزل
كانت أسماء تعد طعام الغداء حين شعرت بألم شديد فى بطنها ، فحاولت أن تتمالك نفسها حتى انتهت من اعداد الطعام ووضعه على المائده استعداداً لحضور زوجها ، أسرعت إلى الهاتف لتحدث والدتها بما حدث ؛ فأخبرتها أنها ربما تكون أعراض حمل !!

أغلقت أسماء الهاتف مع والدتها وهى لا تصدق !! . أسرعت لتحضر اختبار الحمل لتتـأكد بنفسها ، فوجدت فعـلآ أنها ,, حـآامل

ارتجفت أسماء قليلا ، ابتسمت ، بكت ،
مشاعر كثيرة تكونت بداخلها وظلت تحمد لله تعالى ، وذهبت لأداء ركعتى شكر لله تعالى ودعت الله أن تكون ذرية صالحة

فى هذه الأثناء ،
كان عبد الرحمن قد وصل إلى المنزل .. لكنه م يجد أسماء تستقبله مثل كل مرة ، ووجد الطعام على المائده والبيت مرتب ونظيف .. فشعر بالقلق وبدأ ينادى
أسمااااااء .. أسماااء حبيبتى انتى فيين ؟

ودخل إلى غرفة النوم فوجد أسماء على سجادة الصلاة وهى ساجدة لله تعالى ، فاطمئن قلبه وانتظر حتى انتهت من صلاتها ..

نظرت إليه أسماء والدموع بين عينيها ,,
عبد الرحمن ، أنااااا ........

نظر إليها عبد الرحمن مرتبكاً من ملامح وجهها والخوف الذى يبدو عليها
مالك يا أسماء ، انتى كويسة ؟

أسمـاء ضحكت وأمسكت بيديه ووضعتها على بطنها وقالت
انا حامل يا عبد الرحمن ، مبروك يا أبو عيالى

لم يستطع عبد الرحمن أن يتمالك نفسه من فرحته وحمل أسماء ودار بها وضحكته تكد تُسمع الأصم ، فصاحت به أسماء
خلاص يا مجنووووون ، نزلنى .. دُخت والله !! ، كل دا عشان بقيت حامل ، أمال لما تشوف الولد هتعمل فيا إيه ؟

عبد الرحمن
دا أحلى خبر سمعته فِ حياتى ، انتى مش متخيلة أد إيه كنت بدعى ربنا كل صلاة ومكنتش عايز أبين ليكى إنى عايز ولد عشان متزعليش على زعلى ، يااااااه .. كنت مستنى اللحظة دى من زمان

أسماء
أنا كمان والله كنت دايماً بدعى ربنا يرزقنا بالذرية الصالحة اللى نربيها أنا وانتَ سوا
يلا نتغدى بئة عشان نجهز ونروح نشوف الشقة الجديدة يا ( أبو عيالى )

عبد الرحمن
يا سااتر يارب .. من أولها كدة أبو عيالى ،
مااشى يا ستى ، يلا ناكل ؛ بس بقولك ايه خلى بالك من نفسك اليومين دول .. انتى فاهمة / وعندك أحلى أكل لأجمل أسماء فِ الدنيا كلها

ضحكت أسماء وأشارت له بالموافقه ، وذهبا ليتناولا طعام الغداء ثم أديا صـلآة العصر وبعدها ركعتى شُـكر لله على هذين الخبرين فى هذا اليوم

أُذن لصلاة العشاء وأتى محمد ليصلى مع عبد الرحمن ، وبعد الانتهاء من الصلاة أخذا أسماء وذهبا ليعاينا الشُـقه ،
كـآنت الشقه أكثر من رائعه ، فـ بمجرد أن رأتها أسماء وافقت قبل أن يدخلوها / أخذهم محمد فى جولة داخلية ليريهم الغرف والأماكن ..
انتهو إلى أن عبد الرحمن سيشتريها / وسيبدأو بنقل الأثاث فى الصباح الباكر إن شاء الله

عادت أسماء مع عبد الرحمن وهى سعيده وتكاد تطير من الفرحه ،
وناما على أمل أن يأتى الصباح بأسرع ما يمكن

------------------------------------
فى الصباح التالى
وصلت السيارة التى بدورها أخذت الأثاث وحملته إلى المنزل الجديد ..
قامت أسماء وإخوتها ووالدتها ببذل مجهود كبير فى ترتيب المنزل ووضع أثاثه وتزيينه
وأسماء كانت تبذل مجهوداص كبيراً ..

وأثناء الترتيبات ،،،





 

  رد مع اقتباس