السـلام عليكم ورحمة الله وبركاته ,,
مرحباً و أهلاً بصاحبات الهمم ،
ما أخباركنّ بعد الجزء الأول من حملتنا ,
هل احسستن بشئ من التغيير؟؟؟
:
اليوم سيكون الجزء الثاني و الأحب لديّ :)
جزء خفيف لطيف على القلوب ..
سميته مرتاحة
لان بعد هالجزء هالكلمة بتكون جواب لمن يسألك عن شعورك!
إضافة إلى جميع ماطبقناه الأسبوع الماضي .. سنطبق مايلي ؛)
""""""""""بتكلللللللللم عامي 
"""""""""""""
أول شي شرايكم نستذكر فضل هالأمر ؟
حيااااكم هنا
الحمدلله :)
اليوم خلقنا مهم جداً نطبقه ,,
بقولكم موقف ..
لما تكونين بمصلى الكلية/ المدرسة .. و كانت صلاتج هذي غيير
وحاسه بخشوع ............... فجأه
"ترا را ار تتت " >> نغمة أغاني أو أناشيد بس عالية ومزعجه جداً
فتبدين الوسوسة : شخباري هالنشيدة شسمها ياربي نسيت
بس أخلص صلاة بسأل البنت عنها !!!!!!
يالله حسيتي بتصيحين قطعت خشوعج .. آآآه زيين اشوى صكرت النغمه
ما مداج رجعتي بخشوعج وجاهدتي نفسج على التركيز ..
ولا اللي قاعده بزاوية المصلى شافت رفيجتها
فلالالالالالالالالالانه .. ياهلا والله .. عاش من شافج ..
سلامات وينك ؟؟
والله مسوية عملية ..
آآه ياقلبي ماتشوفين شر ..
عاد شنو عمليتج؟
و قر قر قر قر قر .... إلخ
و طبعا ماله داعي نقولج ان انتي كملتي السالفه معاهم
ومادريتي جم ركعه
صليتي ,,
بنات هالسالفة جداً منتشره بمصلياتنا .. و كلاساتنا .. و الاماكن المغلقه ..
اشكثر قطعنا على ناس صلاتهم و شكثر خربطنا تركيزهم في الدرس؟
اهني قضيتين :
1*اختيار النغمة ,, 2*احترام الاماكن
الدكتورة جالسه تشرح بكل ضمير والكل معاها فجأه يرن الجوال
تتخربط الافكار ..
أماكن الانتظار .. تجلس بنت ويرن جوالها و الأغنية تصدح و سنة
على ماترد وتصكر هالاغنية!
بقولكم شغله .. شوفوا أثر النغمات ..
هي والله مو نغمة او رنه و السلام ..
الموقف الأول :
ساره : يالله يا عنود سمعت نغمة لأغنية فلان الفلاني من
وحدة تكفييييين جيبيلي اياها
مرره دخلت مزاااجي
العنود : شنو كلماتها ؟
ساره : ---------------->> عطتها أول الكلمات من الاغنية
راحت عنود جابتلها الأغنية من النت و ساره عطتها فلانه و فلانه وفلانه ....
والذنب كله لمنو ؟ اهي ماتدري مسكينة .. بس اهي دعت لأثم بطريقة غير مباشره
وبالمقابل ممكن وحده تسمع نشيدة نغمة منك تغيير مجرى حياتها!!!!
قال رسول الله صلى الله عليه وسلم: "من دعا إلى هُدَى كان له من الأجر مثل أجور من تبعه، لا ينقص ذلك من
أجورهم شيئاً. ومن دعا إلى ضلالة كان عليه من الإثم مثل آثام من تبعه، لا ينقص ذلك من آثامهم شيئاً" رواه
مسلم.
هذا على اختيار النغمة ..
أما احترام الأماكن ..
مثل المصلى - الكلاس -الدروس الندوات مجالس العلم..إلخ من الأماكن
اللي تحتاج وضع الساااايلنت لك ولجوالك!..
قبل لا تدخلين الكلاس أو المصلى حطي صامت وادخلي لجوالك..
وصوتك وطي عليه شوي مايصير تسولفين كأنك ببيتكم وتخربين على الناس
والله مارتحت بصلاتي إلا لما أحط سايلنت .. تحترمين غيرج و تحترمين نفسج
وتقدسين الصلة اللي بينج وبين ربج ...
احس اللي يحط صامت كأنه يقول لكل شي ستوووووب انا عندي الحين شي مهم
أنا عندي اجتماع مع الخالق مابي أحد يقطعني ..
واللي تخلي نغمتها نفس ماهي عادي عندها تنقطع صلاتها و صلاة غيرها
لان شي عادي!
على فكرة وضع السايلنت باليابان يسمونه وضع الأخلاق!
فعلاً والله أخلاق ..
* طيب المطلوب .. نغير اسم الوضع إلى أخلاق ..
نطبق هالخُلق في الاماكن اللي نحتاج ؛)
--------------------------------
الفراااائض ........
ماراح أسرد عليكم آيات و احاديث ونصلي بوقتها ووو
لا بس بقولكم .. خل نغير الهدف من صلاتنا !!!
من عـــــــادة إلــــــــــى راحـــة ..
الاغلب يصلي..يببي يخلص فرضه والسلام
لما تجين تتوضين قبل لا تكبرين ..
قــــولي هال10 دقايق ابي ارتاح فيها أبي اكون مع الخالق
مع الرحمن اسبحه واحمده واستغفره و اغذي الجانب الروحي
و عند السلام تطلع ثمرة كل هذا .. الرااااااااحه ..
أبي ارتااااح ..
والله لاشعوري لما تصلين وهدفج ترتاحين وتركين مشاغل الدنيا بصوب ..
تخشعين لاشعوري .,, وتصلين بوقتها و تقرين الأذكار كل هذا لاشعوري
لأنج كل
ماسويتي شي ارتحتي اكثر 
------------------------------------------
الكتاب :
كل واحد له اولويات .. فأنا أقول .. شنو أولوية الكتب اللي تحتاجينها
وتحتاجين تقرين فيها ابدي فيها وحددي لنا كتاب تقرينه ومتى تخلصينه ..
انا محتاجه أقرى في كتاب :
الفوائد لابن القيم + لون حياتك وبإذن الله السبت الجاي اخلصهم .........
مارتبت العبارات ولانسقتهم .. مؤمنه بشدة
بعبارة ماخرج من القلب فهو في القلب
F2DlvjNNNpJi =) |[hludhj ydv
الموضوع الأصلي :
[2]مرتآآآحـه =) |جامعيات غير
||
القسم :
جـامعة بنـات دوت كـوم
||
المصدر :
منتديات بنات دوت كوم
||
كاتبة الموضوع :
~ أشـواقـ اللـقـا ~