[الوان الطيف]

يوم الاحد في هذا الاسبوع 27\10\1431ه كان اليوم الوطني بالنسبة للمدارس هذا اليوم كان فلة ولو انها حصة بس فليناها انا وصحبتي مزبووووط اليوم بدا عادي بعدين الحصة الخامسة او الرابعة قالولنا انزلو المصلى عشان في برنامج واشياء احنا ماصدقنا لانو كان علينا حصة جغرافيا وما نحب ابلتها ابداا المهم نزلنا في البداية عادي كان مافينا شي المهم بعدين لما نزلنا دخلنا انا وصحبتي وجلسنا في النص يعني مو قدام ولا ورا لانو اللي قدام اكثرهم كئيبين واللي ورا اكثرهم مجاااااانيين واحنا مكاننا في النص المهم جلسنا وكانو حاطين كراسي للمعلمات وصحبتي ما تحب تجلس في الارض راحت وجلست ع واحد من الكراسي قلتلها تعالي هنا بس المعلمات قالتلي ليش المعلمات بعدين جات معايا عالارض وشغاالة حش الله يهديها وانا اشتغلت معااها كمان الله يغفرلنا بس منجد وقتها كنا قريب من الهسترياا وبداو بنات ام يقولو اشياء عن الوطن المهم ودارو عالمعلمات بقهوة ومدري ايش بعدين جابو ورقة والوان ويعطو المجموعات يحلوها بعدين سارت الالوان قنابل الي ورا يرمو عاللي قدام واللي قدام يرمو عاللي ورا واحنا نرمي عاللي ورا وحمااس بعدين المساعدة قامت تخاصم واحنا ما كاننا سوينا شي لانو مهم شايفيننا وسط جيش المتوسط ماشاءالله بعدين خلصت الحصة انبسطنا فيها كثيير بعدين رحت ادور ع جزمتي (الله يكرمكم) ولقيتها طاايرة من البنات طلعت انا وصحبتي واحنا في الدرج كانو معانا بنات رججه يصرخون واحنا ما قدرنا نستحمل لازم نصرخ معاهم وحدة من الخالات كانت تمشي في الدرج ومقفلة ع اذنها مسكينة تحزن بس احنا مستمرين وصلنا الفصل سكتنا شوية لحظة هدوء لانو تعبنا من الدور الارضي لاخر دور خلصت اللحظة نشدنا سارعي بعدين يالسعودية وهذا كله لازم ياثر عالحصة اللي بعدها اللي كانت رياضيات جات المعلمة دخلت قالت السلام عليكم قمنا بدانا مرة ثانية سارعي خلصنا ورديت السلام ومر باقي اليوم