[الوان الطيف]

السلام عليكم
اليوم الثلاثاء 20\11
اليوم كمان وصلت متاخر شكلو مافي امل احضر الطابور حتى بكرة مع زحمة الشوارع المهم كان علينا اول حصتين تفصيل غرفة التفصيل تحت اخر دور واحنا فصلنا فوق فقلت اودي شنطتي للفصل وانزل طلعت تعبت ولسا بنزل اخذت كتاب النصوص عشان اراجع نزلت اليوم طبعا كان كل شي اسود ماعدا المريول والبلوزة جزمتي وجكيتي وربطة شعري كل شي دخلت لقيت الابلة تسال مين جاب الادوات وعدت اسمي وانا مو في قلتلها اني جبتها عشان ما تنقصني كنا ماسكين الكتب نراجع النصوص بعدين قالتلنا اطلعو واحنا دوبنا طلعنا من غرفة التفصيل دق الجرس طلعنا و رتبنا الطاولات قعدنا نراجع كانت التدريبات كثيرة جات ابلة العربي حظنا اللي تراقب علينا كانت نفس الابلة حق النصوص يعني لو نبا نسالها هيا عندنا قبل ما تدخل وحدة من البنات قالت اليوم الحل بالغش دخلت طبعا قاعدين نراجع نراجع جابت المراقبة الاوراق وتقول يلا لو رحت محا اجيب الاوراق الا بعد وقت والنصوص لو نسيتي شي تعصرين مخك احيانا ولا تتذكريه عشان كذا احنا نراجع كثير الين بعدين كانت بتاخذ الكتب مننا حطيتها عالكرسي اللي جنبي اخذته الابلة ودخلته صاحبتي في الشنطة اعطونا الاوراق شوية جات المديرة واحنا نختبر وشي غريب انها تجي ممكن تجي تمر بس هذي المرة طولت شوية وهيا واقفة بعدين وحدة من البنات كانت بتسال الابلة على شي بس المديرة قالتلها ايش تبي قالتلها على شي بتسال عنه قالتلها السؤال واضح وراحت المديرة تكلم المراقبة وبعدين قالت للابلة اللي عندنا تروح وجات بدالها وحدة ما تدرسنا بعدين هذي الابلة راحت عشان في بنات بصف ثاني بيسالو عن مادتها وجات الابلة اللي كانت تدرسنا العام قران دخلت شوية قالت من غشنا فليس منا انا استغربت ايش فيهم اليوم سلمنا الورق وطلع في كلمتين في النص خطا بس قلت للابلة انو بنفس المعنى يارب ما تنقصني عليها بعدين جات وحدة من صاحباتي تقول انو الفصل الثاني كشفو اسئلة الاختبار وغيروها لهم قلت فنفسي شكلهم عشان كذا اليوم متغيرين نزلنا الفسحة قعدنا نتكلم بعدين رحت سمَعت بعدين رجعت للفسحة وفطرت وكان علينا اللي بعدها مرة ثانية تفصيل طلعنا نودي كتاب صحبتي وبالمرة نتمشى شوية ونزلنا دخلنا غرفة التفصيل بعدين شوية انا وصحبتي فكيناها ضحك بس نضححك كانت الحصة حلوة لانها شبه فاضية بعدين طلعنا كان عندنا قراءة كانو البنات متحمسين خلصت الحصة بعدين كان علينا فقه اخذنا درس وكان سهل بعدين كان علينا علوم اول يوم تخلص الابلة الشرح ويبقى من الحصة خلصنا ورحت الحمام قابلت بنت من الفصل الثاني قلتلها انتو اللي كشفتو اسئلة الاختبار قالتلي ايوة قلتلها كيف قالت الابلة كانت تحل قواعد عالسبورة وكتاب النصوص حقها ع طاولة ع جنب وحدة من البنات قالتلها انا كتابي ناقص وقالتلها الابلة خذي كتابي وكمليه وهيا قاعدة تكمل فتحت صفحة ولقيت فيها ورقة الاختبار واشرت ف كتابها عالاسئلة بعدين وحدة ثانية قات للابلة بكمل انا كمان اخذت الكتاب وشافتها الابلة تاشر بعدين جات المراقبة وقالت انتو عارفين انو هذا الشي خطا واحنا محا نبلغ الادارة والبنت قالتلي اليوم الاسئلة كانت غير ماشاء الله مداهم يغيرو الاسئلة رجعت الفصل وهيا رجعت فصلها بعدين خلصت الحصة وكان علينا E كانت الابلة مو زي كل يوم اليوم شوية كانت معصبة خلصت الحصة بعدين كان علينا رياضيات اخذنا الدرجات وكانت حلوه الحمد الله بعدين نزلنا ورحنا
لاتنسو التقييم