[الوان الطيف]

السلام عليكم ورحمة الله وبركاته
امس الاثنين19\11
طبعا امس ما مداني اكتبلكم لانو نمت من العصر للعشاء وصحيت احل واذاكر نصوص المهم امس صجينا تجهزنا وخرجنا وصلت متاخر شوية مع الزحمة وكان علينا الحصة الاولى قواعد حلينا تدريبات و كل شوية نقولها توقف الين ما وقفت وكنا نراجع اختبار تفسير طبعا المذاكرة مرة كانت سهله جا وقت الاختبار جهزنا الطاولات بعدين جات ابلة العربي اللي كانت تدرسنا العام عشان تراقب علينا في الاختبار دخلت و شوية جا الورق شلنا الكتب واخدنا الورق كان مررة سهل الحمدالله وحلينا بعدين جات الابلة تجمع الورق وباقي صحبتي ما خلصت وطلبت ابلة المادة المهم انا وراها وفي وحدة بجنبها اشرتلي انها قاعدة تبكي طبعا استغربنا لانو هيا ماشاءالله شاطرة بعدين جو الابلة والمراقبة بس ما عرفت وكان عندها بس اسم صحابية كانت عارفة اسم ابوها بس اسم الصحابية -رضي الله عنها- نسيته وقعدت تبكي وكلهم يهدوها بس دق الجرس وحطت اسم ثاني غير اسم الصحابية المهم راحت بعد ما سلمت الورقة للحمام طبعا كلنا وراها ونقلها خلاص عادي يعني ممكن تنقصكي بس نص وبعدين جا وقت فوفة نزلنا قعدنا نتكلم بعدين هيا تقول اختبار الاملاء غلطت كلمتين واليوم كمان غلطت كل صاحباتي اللي في الشلة غلطو فنفس الكلمتين وحتى بنات الفصل سالت بعضهم قالولي غلطو يعني كثير غلطو وامس قلنا للابلة حق العربي قالت في كلمة ممكن اشوف انقصكم ولالا اما الثانية لا بعدين قلتلهم مين يروح معايا الادارة نكلم المساعدة طبعا المساعدة مرة متفاهمة معانا ودايما اذا في شي زي كذا ننزلها قلتلهم احنا جينا للابلة بالطيب وكلمناها بس شكلو ما ينفع لازم نروح للادارة رحنا انا و3 من صاحباتي والرابعة كانت حاطة مناكير ولابسة جاكيت احمر فقالت ما بروح <<عشان لاتكلمها وحدة من الاداريات رحنا واحنا طالعين من الساحة للادارة كانت الابلة حق فصلنا عليها مناوبة فسحة قالتلنا وين رايحين قلنالها عند ابلة ____قالت حق ايش قلتلها المساعدة قالت ليش وانا طيب؟<< هيا قالتلنا لو في اي مشاكل مو لازم تروحو للادارة تعالو كلموني احسن قلتلها لا عشان نبا اعادة للاختبار قالت ادخلو رحنا للمساعدة تخيلو 4 بنات داخلين مع بعض<<طبعا اشكالنا مو زي كذا شافتنا قالت خير اللهم اجعله خير او شي زي كذا المهم قلنالها قالت خلاص ان شاء الله نشوف ومدري ايش المهم كلامها كان ايجابي خرجنا بعدين طلعنا الفصل وكان علينا E كانت حصة عادية بعدها كان علينا علوم كانت الحصة كويسة نزلنا فيها لمعمل الكيمياء بعدين طلعنا وكان علينا توحيد كانت حصة حلوة بعدين علينا رياضيات مرت الحصة وكان نفسي انام فبدايتها بس بعدين تنشطت اخر حصة كان علينا مرة ثانية Eبعدين انصرفنا ورحنا عالبيت