[الوان الطيف]

اليوم الاحد 18\11
اليوم بدا الحماس من قبل ما نروح المدرسة امس في الليل بابا قال انو بكرة لازم يروح شغله بدري وقالولنا في المدرسة انو يوم الاحد عندكم حصة (مفتوحة)<<يعني تجيبو اكل ع كيفكم وفي اشياء تسمح في هذا اليوم المهم امس في الليل طبعا الساعة 2 تقريبا الناس نايمة وانا حايسة بالمناكير خلصتها ونمت ويوم الاحد كان عليا اختبار املاء صحيت اليوم استغربت انو بابا ما صحاني بدري عشان نتجهز ويلحق شغله تجهزت وانا لسا ماا خلصت بابا قال اخوكي بيوديكم خلصنا الساعة 7 كنا مخلصين رحت لقيته نايم صحيته وخرجت ماصحي راح اخويا الصغير صحاه صحي ونزل ما قلنا ولا شي نستنا نستنا بعدين قلت لاختي روحي شوفي لا يكون راح راحت قالتلي مهو في شكله في السيارة شوية دق التليفون رديت بابا قلي قاعد يستناكم ليش ما نزلتو قلتله ما قلنا نزلنا بسررعة ركبت ومشي طبعا هوا سواقته مررا عادية بس احيانا يسرع اما بابا ماشاءالله دايما سريع كان يمشي عاادي والساعة 7 وربع مررة تنرفزت وقل فنفسي مني واصلة الا 7 ونص بعدين شفنا الزححمة قفلو طريق وسار مافي الا طريق واحد تمشي السيارات منه وزححمة قلت شكلي ما بوصل 7 ونص بوصل 8 الا ربع ونمشي شوية ونوقف شوية ونوقف الين تقريبا 8 وربع بعدين فكت الزحمة تخيلو الحصة الاولى رااحت وحصة الاختبار بدات لها ربع ساعة تقريبا ولو ما اختبرت معاهم احتمال ما يختبروني الا بتقرير طبي وانا خلاص متوترة وبطني تعورني من الخوف لا وكنت حاطة مرطب مسحته في السيارة قلت مالي وجه متاخرة وحاطه مرطب و اختي تقولي ليش مستعجلة قلتلها الاختبار باقيله ربع ساعة ويخلص (مرة تنرفز) بعدين اخويا سار يسرع كويس بس وقف عند الباب ع طول نزلت من السيارة و مشيت ع باب المدرسة كنت خايفة انو قفلوه امشي وانا ماني عارفه بدخل ولالا واخويا شكله كان مستني عشان لو مقفل ما اجلس عند الباب هع ولله الحمد لقيته مفتوح ومعايا طبق وبسررعه عالمقصف وديته والطرحة فسختها وانا امشي مافي مجال اوقف باقي 5 دقايق لو راحت ممكن يروح عليا اختبار دخلت محد كان في عند المدخل ولا احد سالني ليش تاخرتي وحتى اسمي ما كتبوه الحمدالله يارب طلعت بسررعه ابواب الفصول اكثرها مفتوحة والبنات يختبرو ويطلو فيا وانا امشي بسررعة ع باب الفصل بنات فصلي انفجعو طبعا لازم يعلقو لانوالظاهر ما كان عندهم امل اني اجي بسرررعه فسخت العباية والابلة قالتلي احسن تروحي فصل ثاني عشان الجمل الاملائية رميت العباية عالطاولة والشنطة عالكرسي ووحدة من البنات تخوفني وانا مو نااقصة تقولي ما رح يختبروكي الابلة تقولي على مهلك الا حيختبروكي اخذت المقلمية وجات المراقبة رحت عالفصل اعطوني ورقة رحت على طاولة بس مالقيت كرسي راحت المراقبة تجبلي بدات تمليهم الابلة وانا اكتب وارتجف جابتلي كرسي ما صدقت جلست بس برضو الين ذحين مني مرتاحة بس ارتجف خلصت املاء وقلبت الورقة حليت الاستخراج اعطيت الابلة الورقة ورحت ع فصلي طبعا عندي خطاين في الجمل ما الوم نفسي لانو اكثر البنات ففصلنا غلطو فيها بس دخلت فصلنا البنات قالولي ايشبك وطبعا الكل مستغرب قلتلهم عن السالفة قالتلي وحدة من صاحباتي كنت زعلانة ولما دخلتي بسرعة قعدت اضححك على شكلك وبجد انا انرجيت ما قلت لبابا متى وصلنا وقلت لاختي ما تقوله لانو اخاف من العواقب بس قلتله ما كتبو اسمي ومحد شافني ف شكله حسبني وصلت متاخر شوية لو يدري انو حصة ونص راحت خلصنا بعدها نزلنا فوفة ما اكلت شي لانو ماكان ليا نفس دوبني جاية بعدين طلعنا وكان علينا حديث مشيت الحصة عادي بعدين كان علينا علوم كانت حصة كويسة لانو الابلة عرفت تشرح فيها بعدها كان علينا حصة مفتوحة رحنا المقصف ناخذ اشيائنا جلسنا في الساحة طبعا دايما لمن تكون عندنا هذي الحصة البنات يلعبو كورة ولازم شلتنا كم وحدة تتعور مع انو محد يلعب مننا بس اللي يلعبو___ فيدقونا طبعا جلسنا فكينا اشيائنا وصبينا العصيرات دوبنا جلسنا تجي وحدة تشوت الكورة علينا كبو كاسة عصير انكبت على بعض الاكل سكتنا وقالو سوري ومدري ايش وصاحبتي عصصبت وجو مرة ثانية رموها علينا انكبت ثاني كاسة جو اثنين منهم وقعدو يمسحو معانا ويقولولنا معليش ومدري ايش صاحبتي راحت للمساعدة معاها بنت راحت وقالتلهم لانو مريولها هيا كمان جاه عصير المساعدة قالتلها ايوا انا شفتهم واتوقع اخذو الكورة منهم جات وحدة من اللي كانو يلعبو قالت لصحبتي انتي قلتيلهم علينا قامت صاحبتي معصبة قالتلها كيفي<< (طبعا ما سوت كذا) البنت انقهرت قعدت تتريق عليها بعدين جات الابلة حقت فصلنا قالت ايش رايكم تروحو الركن قامت وحدة من اللي كانو يلعبو كورة جات مدري كيف تتكلم استغفر الله المهم انها قالت كلمة كانو انقلعو او ايوة روحو طلليت فيها قامت الابلة تقولها لا مو كذا تكلمي باسلوب قلتلها انا ايوة باسلوب الابلة قالت يلا انا بشيل معاكم قصدها ع خرابيطنا الاكل و العصير طبعا تفشلنا حتى انو في اداريات يطلو من شبابيكهم شلنا اشيائنا ورحنا عالركن واكلنا للاسف دق الجرس طلعنا بعدين كان علينا رياضيات البنات مطلعين 3 كراتين دونات وكل وحدة تقول للابلة خذي وهيا مستحية وتضحك بعدين اخر الحصة خلوها تاخذ قامت وحدة تقول كل ابلة تجي اكلوها هع بعدين كان علينا قران دخلو بعد ما دق الجرس المراقبة ومعاها ابلة او اثنين قالو تفتيش طبعا انا جايبة مرطب والمشكلة جايبته ولا استخدمته خبيته في المخبا السري الجزمة -الله يكرمكم- بعدين وحدة تتريق تقول هنا في القات والايفون<< قصدها الافيون وهذا كله من انواع المخدرات بعدين ابلة القران تقول انو هذا لمصلحتكم ومدري ايش وقرأنا وخلصت الحصة واخر حصة كانت انجليزي كنت تعبانة فيها وفررحت لما دق الجرس نززلنا شوية نادى اسمي ورحت عالبيت ان شاء الله تكون عجبتكم مغامرات اليوم لاتنسو التقييم وشكرا للي مرو وللي قيمو