عرض مشاركة واحدة
قديم منذ /12-10-2011, 05:01 PM   #16

الوان الطيف
بنوتة محلقة
لوني حيااتك بالوان كالطيف

L3
 
    حالة الإتصال : الوان الطيف غير متصلة
    رقم العضوية : 57801
    تاريخ التسجيل : Mar 2009
    المشاركات : 149
    بمعدل : 0.03 (مشاركة/اليوم)
    النقاط : الوان الطيف is a jewel in the roughالوان الطيف is a jewel in the roughالوان الطيف is a jewel in the roughالوان الطيف is a jewel in the rough
    التقييم : 324
    تقييم المستوى : 22
    الأسهم : 0 (أسهم/سهم)
    الجواهر : (جواهر/جوهرة)
    عدد الدعوات : 1
    زيارات ملفي : 3826

     SMS : اللهم ارحمنا

    استعرضي : عرض البوم صور الوان الطيف عرض مواضيع الوان الطيف عرض ردود الوان الطيف
    تجديني هنا :
     MMS :

MMS

افتراضي

السلام عليكم ورحمة الله وبركاته
اخباركم مع الربوع ورجته اليوم الاربعاء 14\11 ام نمت الساعة 2 في الليل عشان كذا بالقوة قمت تجهزت ورحت عالمدرسة دخلت عند الباب بفسخ عبايتي لقيت الثانوي طالعين والمتوسط لسا فسخت شوية اطل لقيت وحدة من صاحباتي ورايا سلمت عليها وفسخت عبايتها ومشينا بين البنات الين وصلنا طابورنا فاخر لحظة بس وقفنا مشيو اللي قدام مشينا واحنا في الدرج جات صاحبتي الثانية سلمت عليها ومشينا في الفصل طبعا كنا نراجع الين ما تجي الابلة حق الحصة الاولى وكان علينا تفسير والاختبار فمادة القواعد دخلت الابلة سلمت وكذا بعدين قالت طبعا انا عرفت انو عندكم اختبار قواعد وحاعطيكم درس قصير لو ساعدتوني وما طلتو كتاب القواعد وانا اشرح حيبقى من الحصة تراجعو فيها شرحت الدرس كان مرة قصير حلينا تدريباته وراجعنا دق جرس الاختبار جاتنا ابلة العلوم وكانت هيا تراقب علينا عدلنا الطاولات واعطتنا الورق طبعا الاسئلة كانت سهلة بس في اشياء جات نبهتنا عليها طبعا بعد ما طلبناها الله يستر بس لا يكون عندي غلط ان شاء الله خلصنا جمعت الورق بعد ما دق الجرس رحت انا وصاحباتي كل وحدة تسال الثانية كنت شاكه في شي والابلة كانت عند الباب والبنات متجمعين عليها لما جيت بسالها تمشي والبنات حولها وهيا شكلها بتوصل لغرفة المعلمات بسرعة رجعت الفصل و جا وقت فوفة نزلنا اكلنا وتكلمنا بعدين رحت ابا اسمع المهم رحت عند الابلة وكانت تجمع بنات ثاني وحدة وحدة وانا اراجع ومستنيتها بعدين راحت هيا والبنات وسابتني وما كاني في شكلو كان عندهم اختبار بس كان قالتلي بدال ما استناها عصبت ورحت لقيت شلتنا جالسين عالكراسي وعندهم بنتين من فصلنا طبعا جاني فضول قلتلهم ايش قالولكم ؟؟قالو بيسوو ____(اسم غريب ) قلتلهم ايش يعني قالو حفلة رقص قلتلهم مين بيسويها؟ قالولي وحدة فيهم بتسوي وانو جاية تعزمنا لا وكمان بتسويها في اجازة الحج قالولي بتروحي قلتلهم مستحييل وثنتين من شلتنا زيي قالو ما بنروح والباقيين قالولي ليش عادي ما في اولاد بس بنات؟ قلتلهم لا. وبعدين انا و ثنتين من صاحباتي كمان قلنا ايش حفلة رقص والناس في الحج مررة لا وكمان مالها مناسبة وحدة قالت اذا بتروح ___انا بروح قالت___ اذا ماما رضيت بروح انا استغربت ايش بهم صحباتي المهم لما طلعنا من الفسحة كان علينا فرااغ وبدا مفعول يوم الربوع البنات يطبلو ويرقصو رقص يضححك وتجي المراقبة اللي جننوها اليوم كم مرة تدخل تفك الباب وترجع تقفل بعدين فكت الباب قالت منتم شامين ريحة فصلكم ؟ قامت ردت عليها بنت قالتلها انتي بس تبي تقهرينا عشاننا مسوين رجة قالتلها تعالي واخذتها معاها بعدين قالت اطلعو شوية وارجعو يعني قلك عشان نشمها قامو البنات فررحو لما قالت اطلعو طلعو مو كلهم بعدين رجعو الفصل وفكت الباب وقالت فكو الشبابيك فكوها شوية وقفلو كل شي الباب والشبابيك ورجعو يطبلو دخلت مرة ثانية وقالت ان شاء الله تنكتمو من الريحة اقلكم فكو الشبابيك وانتو زي اولى ابتدائي فهذيك الحصة كان في فصل غيرنا عندهم حصة فاضية المهم رجعو يطبلو ويرقصو رقص يفططس ضحك بعدين قالو لوحدة من صاحباتي هيا مصرية قالولها تعالي ارقصي مصري قالتلهم لا اخجل قالتلها وحدة لا تخجلين يلا قومي ما بنقول لاحد واحنا نتفرج ونضضحك قامت البنت ورقصت صفقولها بعدين قالو اعطوها طرحة شوية دخلت ابلة التدبير هيا فلاوية شوية بس بحدود قالت ايشبكم اصواتكم الين تحت طبعا احنا اعلى دور قامو البنات قالو واااا منجد بعدين كانو يتكلمو عن الابلات ويقولو للابلة مين اكثر الابلات اللي يحبوهم بعدين دق الجرس جو بنات من الفصل الثاني مو بنتين ولا خمسة يمكن 10 بنات او اكثر قالو سمعنا صوتكم حمستونا طبعا مني فاكرة هما جو بعد مادق الجرس او قبل ما تدخل ابلة التدبير مساكين جو شوية بعدين قاعدين يجرو طلعو من الفصل وكان مررة زحمة طلعو من عندنا وشكلو كان عندهم حصة اما احنا برضو كان عندنا حصة ثالثة فاضية جات الابلة حق فصلنا قعدنا نهرج مع بعض انا والشلة شوية قالت خلونا نتكلم مع بعض ايش في شي بينكم مشاكل او شي احلها معاكم عدت الحصة واحنا نتناقش على هذا الشي بعدين كان علينا رياضيات اخذنا حصة قبل هذي نكمل فيها الدرس حق امس وهذي الحصة جات تراجعلنا المهم كنت قاعدة مكان صاحبتي ومعايا الشنطة لما جات الابلة بتبدا اخذت شنطتي عشان اروح على مكاني وصاحبتي تجي مكانها وكنت ابا استهبل سويت نفسي رايحة ومعايا الشنطة وعند باب الفصل قلتلهم مع السلامة قامت الابلة تقولي ذاكري اللي حليناه ماعدا المسائل لانو عندنا اختبار يوم السبت ان ضححكت قلتلها مني رايحة وصاحباتي يطلو ويضحكو بعدبن هيا سمعتني اني اقول ما اعرف المسائل قلتلها لاا مني رايحة رجعت ع مكاني راجعتلنا ودق الجرس كان علينا اخر حصتين تدبير نزلنا المطبخ حق التدبير سوو مكرونة بالبشاميل بس كالعادة ما اكلت وعدت الحصتين وانصرفنا ورحت عالسيارة طبعا اليوم كان مررة حلو نصه حصص ونصه فلله يلا ان شاء الله اكتبلكم يوم السبت لاتنسو التقييم





 

الوان الطيف





من مواضيع : الوان الطيف

  رد مع اقتباس