SMS : لكي تنجح من الضروري أن تقبل العالم كما هو وترتفع فوقه :)
المشاركة الأصلية كتبت بواسطة رفيعة المقام شعري دهني في منطقه الجذور + عندي قشره >> بس الحمدلله مرتاحه من القشره ويا كلير .. ولكن اطراف شعري جداً جااافه >> بس تراه مب متقصف .. حاولت بكل الزيوت + مستحضرات الترطيب بس بعده جاف .. استخدم حمام زيت الفواكه + بعد ما اتسبح احط كريم هملايا للتساقط >> ريحته روعه + يرطب الشعر .. بس الجفاف موجود حتى لو حطيت كريم .. تراني ادهن شعري زيت قبل لا اتسبح .. عشان ما يجف بعدين .. شو تنصحوني فيه ..؟؟ابي مستحضر ضد الجفاف + تطاير الشعر .. قبل ما اقولج اي شي انصحج ان تروحين عند مستشارة ، آحسن و آفضل لان شعرج من الجذور دهني و الاطرف جاف و لا تستخدمين آي مستحضرات دام جذي شعرج قبل الاستشارة ترى يعفس شعرج الحين بقولج اللي عندي انتي لازم تتبعين طرق العنايه بالشعر الدهني و الشعر الجاف بنفس الوقت انتي شعرج ما بين الدهني و الجاف -آول شي قللي قللي قللي من استخدام الاستشوار و الافضل ما تستخدمينه الا للمناسبات و الصبغات تجنبيها اذا كنتي تصبغين - الحنة مفيدة بس تنشف الشعر فإذا تبين تحطينها على طول دهني شعرج - لا تغسلين شعرج يوميا ، يعني بس مرتين بالاسبوع يكفي - لا تمشطين شعرج وايد يكفي مرة وحده - لا تستخدمين الشامبو اللي مكتوب عليه ( ٢ في ١) آي ( الشامبو + البلسم ) - عشان تقللين افراز الدهون من على الفروة ، في محلول كحولي يستخرج من شجره اتوقع اسمها " الفرجينيه المشتركه " ، هذا يبطئ و يساعد على تقليل افراز الفروة للدهون ، عاد انتي دوري عالمنتج هذا و استخدميه مرة او مرتين بالاسبوع ، و طبعا بس على فروة الرآس - لما تحطين الشامبو على شعرج لا تغسلينه على طول ، اتركيه لمدة تقريبا ٣ دقايق بعدين غسليه - لما تحطين الماسكات انتبهي انتبهي لا تحطينه عالجذور ،، بس عالاطراف ، ابتعدي ابتعدي عن فروة الراس هذي النصايح اللي عندي و مثل ما قلتلج الافضل ان تستشيرين دكتور متخصص
كل لحظة في عيوني تكبريــن كل ما جيت أكتب احساسي بجيت لأنج أكبر من كلام العاشقيــن انتي اللي من صغر سنّي هويــت ي الكويت PROUD TO BE KUWAITII