رواية~(بقايا الامس)~
سلآآآم بنات رجعت ومعي الروايه وأتمنى اشووف تفاعل على الرواية
وأتمنى محد ينشرها بمنتدى آخر إلا بذكر اسمي واسم المنتدى
ورااح انزلها لكم كل يوم خميس
~الشخصيات~
الجد سعد:عنده شركة كبيرة ومعروفه بكل الخليج العربي يحب يصغر نفسه
الجدة ساارة:تحب احفادها وتحب تحافظ على رشاقتها إلي يشوفها يقول بالربعين متعلمة
~~~~~~~~~~~~~~~~~~~~~~~~~~~~~~~~~~~~~~~~~~~~~~~~
خالد:يشتغل مع أبوة مزوح مايحب يعصب وخاصة على عياله أي شئ يبونه يلقونه
نورة:عمرها39مثل خالد ماتحب تقول لعيالها لا تحب البنات لان ماعندها بنااات تزوجت وعمرها17
سامي:عمرة22يحب رامي أخوه بالجامعة يدرس مع رائد جميل هو ورامي يتشابهون مره
رامي:عمرة 20يحب سامي اخوة باول سنة بالجامعه مع محمد دايم ومايحب حركات المغازل داايم يقول لمحمد ابعد عنها
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ ~~~~
فهد:يشتغل بشركة ابوه يكره يرفض أي طلب لعياله طيب مايحب العصبيه
اماني:طيبة مررره ربة بيت تحب الكل والكل يحبها
راكان&تركي:توائم عمرهم23محد يفرق بينهم ومنار كمااان مررره تشبهم والكل يقول انها توائم تركي وراكان عيونهم عسلية وفيهم بياض الييشوفهم يقول من امريكا طوال وفيهم رزة
منار:عمرها22الكل يقول انها توائم تركي وراكان تحب داليا بنت عمتها خلود مررة
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ ~~~~
يوسف:صفاته مثل اخوانه
مها:تحب رائد ولا تبي ترفض له أي طلب طبيبة نساء وولادة
رائد:عمرة22وسيم لاكن تركي وراكان اوسم ولدين بالعائلة يدرس طب اسنان مع سامي
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ ~~~~
خلود:متزوجة احمد ولد عمها تحب منار كانها بنتها وتحب عزوز حفيدها دكتورة اطفال
احمد:يحب عياله موووت عندة شركة تجارية كبيرة مثل عمه سعد
حمد:متزوج هند عمره27يحب ولدة عزوز وتزوج هند عن قصة حب يشتغل مع ابوه
محمد: توائم دالياعمره20يدرس مع رامي يحب حركات المغازل طويل ورزة وجميل مرره
داليا:توائم محمد تجنن تحب منار ونوف اخت هند تحب عزوز ولد اخوها
رند:متزوجة نواف عمرها24حامل بنهاية الشهر السادس ومحد يدري لانها ساكنة مع نواف بالشرقيه
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ ~~~~
غاده: اصغر عمه عمرها21تموت بمنار تدرس برا بلندن جناان مرره حلوه ماتجى لهم بس ترسل صورها بالمسن تقول بتشوفوني اذا جيت ماتبي احد يدري عنها شئ تحسونها غامضه
~~~~~~~~~~~~~~~~~~~~~~~~~~~~~~~~~~~~~~~~~~~~~~
هند:عمرها25جميلة مره تحب الاطفال تشتغل مع خلود دكتورة اطفال تحب حمد وعزوز مررة
عزوز:عمره2سنه يجنن ودبدوب مره يسمونه عزيز او زازو او عزوز
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ ~~~~
نواف:زوج رند يحبها مره عمره 26يشتغل مهندس بالدمام نقل للرياض يصير ولد خالة راكان
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ ~~~~
نوف:عمرها20 اخت هند جميلة مرره تحب منار وداليا
والباقي بنتعرف عليهم بالرواية
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ ~~~~~~~~~~~
رند:اهلييييييييييييييين
الكل ناظر الباب
ونطوا كلهم للرند يسلمون عليها
هم عندهم عادة مايتغطون عن عيال العم والخا ل
وقبل مايطلعون الحريم من المجلس انفتح الباب
منار وتركي وراكان:هااااااااااي
ناظرو للمرة الثانية لكن الحين منار وتركي وراكان وهم بعبايات التخرج
ورجعولهم مرره ثانيه وسلموا عليهم وباركولهم وجلسوا شوي عند الرجال وراحوا للفيلا حقت الحريم الفيلا مقسمه قسمين قسم حريم وقسم بنات
ونفس الشئ الرجال أول ماتدخلون مطبخ مشترك وصاله وحمامين مشتركة بعدين الدرج فوق قسم الحريم فيها5غرف لان هند ورند يجلسون مع البنات وصالة كل غرفه فيها حمام
إما قسم البنات8غرف وصاله كل وحده غرفه وغرفة حاطين فيها تلفزيونين ودفدي وفيديو وسوني وفيها جلسه ومثل كذا والغرفة الثانية مخلينها مطبخ والغرفة الاخيره كلها أشياء رياضه والصالة خلوها طاولة طعام
نررررررررجع للرواية
دخلوا البنات قسمهم
رند~تمسك بطنها توري البنات~:بناات شوفوا
داليا:وشو
رند:شوفي بطني ياتنحه
داليا:بصراخ:يااااااااااااااااااااااااااااااااااي وناااااااسه بصير خااااله
هند:مبروووك رنوووده
رند:الله يباارك فيك
نوف:مبروك رند
رند:الله يبارك فيك عقبالك
مناار:أحلى رنوود بتصيري أم زى هنووده
رند:ايووه
داليا:رنود بااي شهر أنتي؟
رند:نهاية الخامس
داليا:يالنحسه لك 5شهور وماتقولينلنا؟
رند:أزين لما تأكدت من الحمل علمتكم وعندي خبر ثااني مرره حلوو
منار:وشوووووو؟
رند:خلاااص استقرينا بالريااض وبنسكن مع أم نواف
مناار:يحليلها خالتي بالله وش سوت لما درت أنكم استقريتوا؟
رند:حلفت ما نشري بيت ولا نستأجر قالت بيتي مفتوح خذو الدور الثاني كله لكم محد فيه
منار:احلفي اجل نوره ونجود وين راحوا؟
رند:بالدور الثالث
منار:غريبة هم أكثر دور يكرهونه الدور الثالث
رند:ايه بس مادري وش الي خلاهم يحبون الدور الثاااالث
فجاة رن جوال منار
منار:اهلين راكان
راكان:منوور تعالي بسررعه بابا يبيك هو وماما ضروري
منار: اووكي جاايه
راكان:باي
منار:باي
رند:منور وش فيك
منار:ماما وبابا يبوني ضروري شوي وجايه
راحت منار عند امها وابوها لقت بنت عمرها 25وولد عمره26
منار:هاي ماما هاي بابا شفيكم
البنت:انتِ منار صح؟
منار:ايوه مين انتي؟
تركي:منور تعالي هنا بقولك شئ
منار:هلا
تركي يكلمها باذنها:هذولي الاثنين يقولون انهم اخوانا وان بابا طردهم قبل2سنه واحنا بامريكا وان هم كانو ساكنين بجده يدرسون مع واحد يقولون انه خالي من هم صغار ويوم جوا ابوي طردهم وسكنوا مع هذا الي يقولون انه خالي سامي الولد عمر والبنت جنى
منار: هي انتم خير شجايبكم هنا ومن انتم؟
فهد:منور تعالي اجلسي جنب راكان وتركي اجلس جنبها بقولكم شئ
منار:هلا بابا
فهد:هذولي الي قدامكم اخوانكم
منار وتركي وراكان مصدومين
راكان:كيف يعني اخوانا
فهد:الكلام الي قالوه صح كانو مع خالكم سامي من يوم انهم صغار وجوا قبل سنتين وطردتهم واللحين هذولا هم اخوانكم قدامكم وخالكم سامي اللحين ببيت خوالكم يبي يشوفكم بنروح اللحين بنجلس نسلم عليهم وبنرجع للشاليه هذي جنى وهذا عمر
منار:نعم لا لامستحيل انا بجلس بالشاليه بجلس مع البنات ماني رايحه
اماني:منور هذا خالك يعني اخوي لازم تسلمون عليه وهذولي هم اخوانكم تذكرون الغرفتين المقفلات هذولا حقات عمر وجنى
منار:ما ابي اروح
اماني:ترا خالتك ساره جت من اسبانيا
منار:جتت لا لابرووح اجل
اماني:يلا روحي البسي عبيتك وتعالي
تركي:يعني نبيل جا
اماني:ايه اركبوا السياره
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ ~~~~
عند البنات
رند:منور خير شالسالفه
منار:فيه بنت ترا بتنضم لنا هنا
رند وهند:ميين؟
منار كشرت:وحده تقول انها اختي
رند انصدمت:لاتقوولين جنى
منار:الا ومعها واحد اسمه عمر اففف لا وبعد طلعلي خال جديد بس بروح اللحين لان خاله ساره جت ونواف بيجي معنا بتجين تعالي بس وش عرفك بجنى ذي
رند:هذي اختك صدق وابوك طردهم وانتم بامريكا لان ابوك كان يقولهم تعالوا للرياض ومايجون ويوم جو قال عقب ماخلصتوا تجوني وانا عندي رقمها
داليا ونوف منسجمين مع الفلم مايدرون شالسالفه
داليا:منور شوفي الفلم خطير تعاااالي شوفيه
منار:دلوي مو رايقتلك
داليا:افا منور شفيك
منار لبست عبايتها وطنشت داليا ورند علمت داليا السالفه
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ ~~~~
اما عند خوال منار بعرفكم عليهم
الجد:منير له شركات كبيره عياله يشتغلون معه
الجده:متوفيه
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ ~~~
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ ~~~~
سمر:متزوجه وربة بيت
عبدالله:زوجها يشتغل مع شركة الجد
نواف:زوج رند
تميم:بامريكا مره كول ووسيم كان مع تركي وراكان ومنار عمره23
نوره:بنت جميله مرره عمرها 21وكلهم يحبون رند ومنار
نجود:توائم نوره مرره حلوه عمرها21**عندهم وراثه التوائم**
أمل:بصف6مع جود صارت متكبره بتعليم جود طبعا هبله هي وجود بنفس المدرسه والفصل
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ ~~~~
فارس:متزوج يشتغل مع ابوه
سهى:ربة بيت طيبه مره
هيثم:عمره 26مخطوب دايم يجلس مع تركي وراكان ونواف
جود:بصف 6ابتدائي حلوه مرره مي مغروره ابد بس متكبره مهبله بالمدرسه كلها هي وامل
سمير:بصف4كيوت وخكري
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ ~~~~
بدر:متزوج بدورمع ابوه يشتغل
بدور:ربة بيت
ريف وريوف:توائم بصف 2متوسط دايم عند خالاتهم عشان البنات كبرهم
براء:مع سمير بنفس الفصل خكري مثله**كل واحد يعدي الثاني يخليه مثله**
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ ~~~~
ساره:متزوجه قبل سنه وتدرس هي وزوجها باسبانيا حامل بنهاية الشهر9يعني باي وقت تولد
نبيل:يدرس طب هو وساره
ملاحظه:ابو سآآره وابو نبيل وابو خالد اخوان وزوجاتهم اخوات عشان كذا لاتستغربون بالبارتات الجايه عن كثر توائمهم J
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ ~~~~
سامي:خالهم الي مايدرون عنه عمره27ماتزوج
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ ~~~~
منار:سووووسوووو~مايقولونلها خاله تعصب اذا قالوا خاله~
ساره:اهليييييييييين منوووور كيفك متى وصلتوا؟
منار:امس وصلنا وانتوا متى؟
ساره:امس كمان احنا
منار:كيف البيبي؟وش بيصر؟
ساره:يقولون ولد
منار:اقول نوني وجودي بيعصبون ماسلمت عليهم
ساره:حتى انا محد يدري اني جيت الا امك
منار:يلا ندخل
ساره:امشي
وش تتوقعون بيصير ببيت خوالهم وبالشاليه اكتبوا توقعاتكم للبارت الثاني