[برعم الورد]

أهلــين لافندر
كالعادة متميزة في طرحك و أفكارك
أنا لا أستطيع أن أرد رد قصير مع الأسف
لازم أرد عَ كل فتفوتة بموضوعك المتميز

السلام عليكُم ورحمة الله وبركاته ..،

 

 

وعليكم السلام ورحمة الله و بركاته

وش الحياة بدون هدف ؟ وش الحياة بدون إنجاز وتطوير و تغير ؟ حلو نغير روتين حياتنا ، نتفائل ، نتفوق على انفسنا :) و ننجزْ ونعيش الحياة ! و نثبت وجودنا ونحلق بعيداً بإفكارنا و طموحنا (!

 

 

بالفعل أنا أكره إن ما يكون عندي أهداف وإنجازات
أكره أحس إني [ فاضية ]
أحب الإنشغال ---> بما ينفع
أحب الإنجاز
أحب أترك بصمة بحياتي عشان ما أكون ولا شي لمن أموت
الله يجمعنا بجنته يارب

فيك صفه مو عاجبتك أو فيك صفه ودك تضيفينها لشخصيتكْ لا يهمك كلام أي احد .. وأسعي لتغيرها كل يُوم امشي خطوة صغيره ترى ما في احد يقدر يغير نفسه أكثر من نفسه < خذ من كلام الناس الإيجابي واترك الباقي :)

 

 

أهم شي إن الواحد ما يجلس ويتفرج على نفسه الي هو مو مقتنع بيها
المفروض كلنا نحاول نحسن أنفسنا وشخصياتنا
والحمد لله أشياء كثير قدرت أغيرها أو بدأت في السيطرة عليها
وهذا من فضل ربي
رضا الناس غاية لا تدرك ---> أهم مقولة
أنا والحمد لله ما أهتم كثير بكلام الناس
وصدقوني الي بتجلس تفكر بتواجه مشاكل وصعوبات بحياتها

أحب اعرض لكم تجربه تخلص من الخجل قريتها في احدى المنتديات صاحبه التجربه عضوة اسمها : بسمة أمل ..

 

 

التجربة أكثر من رائعة
وفعلا كلام بسمة أمل صح
إحنا مشكلتنا بأول مرة فقط
يعني لمن تطلعي المسرح
وتلقين خطاب مثلا
أول سطرين تكوني خايفة
بعدين تصيرين متعودة وواثقة من نفسك

إنتي أهم شي ما تستسلمي لنفسك و فلسعتها
وتتغلبي على مخاوفك ونقاط ضعفك

 

 

نقطة رائعة حبوبة

* صاحبة الأثر :) لاترضى أبدًا أبدًا أن ترى أحد أحبابها أو صديقاتهـا على معصية بل تقوم بنصحها بأسلوب جميل ♥ وهذَا اثر

 

 

أسلوب النصيحة مشكلة تعاني منها البنات
يعني لمن تكوني مع صاحباتك ويسمعون موسيقى
البنات يستحو يقولو وينصحوا و كذا --> ممكن نضيفها مع النقطة الي فوق
أنا صرت أقولها كذا وبس
" سكروا ،، الموسيقى حرااااام "
وإن كانت أغلب ردات الفعل كالتالي :
" بالله روحي يا مطوعة ،، ياداعية بس " وما إلى ذلك
بس أقلها نكون متطمنيين على نفسنا واننا سوينا الي علينا
وحتى الغيبة
ترى والله لمن تقولين خلاص الغيبة حراام ان البنات يسمعون
إنتي بس قولي هالجملة بصوت مسموع وواثق
وهما حيسمعوا الكلام
ولك الأجر بإذن الله

* عرفتِ أنّ إحدى الصديقات أنهت الإختبارات :) أرسلي لها مباركَة و" فرفشي بحديثك" معها .. وهذَا اثر ♥ * رسالة صباحية عن طريق الرسائل النصية .. لها " أثر * صديقتك حزينَة ! إبعثي لها رسالة تطمئنها , ذكريها بالآيات وبأقوال الرسول عليه السلام والسلف , ثمّ تامّلي قلبها كيف يكبر فرحا بكِ

 

 

بالفعل نقاط بسيطة لكنها تترك أثر كبير
الواحد ما يستهين بالكلمة الطيبة
يعني لو قلتي لصاحبتك إن لبسها حلو
أو مدحتيها على شي هذا يترك أثر كبير بنفسها

إحنا لازم نعرف قيمة انفسنا وان العالم محتاجنا (: واذا ما تقبلنا شخص مو مشكله " رضا الناس غاية لا تدرك "

 

 

مافي شخص منبوذ من الجميع
كل شخص له مكان بهذا العالم
ومافي شخص العالم بغنا عنه
ولازم نفرق بين معرفة قيمة النفس و التكبر
والفرق شاسع

من الاشياء الي حاولت اعززها بنفسيْ : وتركت طابع جميل باللي حولي .. إني حتى لو ما عجبني حاجه بنفسي

 

 

يوووه هالحركة وش تطلع من فضايح
حتى البنات أحيان يكون ماحد لاحظ مثلا ان عندها حبوب
تجي هي وتقول
وترى البنات يعايروا بهالشي بعدين
وانتي لمن تسكتي ما تعطي مجال لغيرك انه يتفلسف
بعكس لما بتتكلمي انتي وتقولي لغيرك
كانك تفتحي المجال لغيرك يتكلم

ولو احد ذم فيني شيء يا أرد رد محرز محترم أو اسكت ..، سكوت يدل على عدم قبولك بما قاله إن كان مزح ثقيل غير مهذب أو كلام غير محترمْ

 

 

ترى والله لمن تسكتين ويحسون انهم انصفوا ما يكرروها
ويتفشلوا قدام الكل
ويصير لك احترام بين الكل
يعني أنا كنت أبدا ما اتقبل المزاح التقيل من شد للملابس أو سحب الكراسي
حتى البنات الحين مستحيل يسووها معاي
و إن كنت استخدمت القرص مرتين
يعني مرة من المرات وحدة جلست تشد مريولي الين ما كشفت لي كل شي
قمت عصبت وبعدت عنها
قامت جات وكررت الحركة
و قرصتها قرصة أليمة
وماعاد أحد جرب يسويها معي بعدها
وإن كنت ما أحب هالحركة بس وش أسوي عاد البنات ما يتعلمون غير كذا

المرة الثانية كانت بنت تسحبي لي الكرسي كل ما أجي أجلس
وكل مرة منجد كل مرة
أكثر من 10 مرات
وتسحبه وتفضل ماسكته أقولها رجعي الكرسي ما ترضى
قمت قرصتها وسابته ومعاد عادتها
وهالمزحة تدرون لو طحت ممكن يتكسر الحوض أو انشل أو أي شي وقتها
إش حتسوي البنت
أو إش حاسوي أنا

الكبت من الاشياء الي تعكر المزاج و تخلي الاخلاق قافله و التفكير مسرح

 

 

وتخلي الأخلاق قااافلة منجد

حتى لو على اشياء بسيطه مثل لبس صاحبتك عاجبك اليوم قوليلها : فلانه اليوم لبسك طالع عليك شي جميل ما تتصورين كيف هالشيء يبسط الطرف الآخر انا لما احد يقولي لافندر اليوم لبسك شعركك .ألخ حلوو احس عيوني تنقلب قلوب و تبدأ نبضات القلب تزيد

 

 

يب يب حتى أنا

المهم وكنت مسرحه ومالي خلق افتحه شوي كلمتني صديقتي قالت شوفي من 6 لـ 8 نخلص نص التوحيد و ناخذ راحه ربع ساعه ثم لين 10 نكون خلصنا وراجعنا خلاص حمستني رغم ان الي قالته ما خذا 5 دقايق .. رحت بمكان هادي وذاكرت و اول ما خلصت حسيت بسعااده ..

 

 

أنا كذا بطريق الرجعة من المدرسة أو إذا تأخرت بالمدرسة لحالي
أرتب أشغال اليوم بس حسب الصلوات
يعني مثلا أرجع أجلس عالنت بعدين العصر أرتب المكتبة
بعدين المغرب أحضر الشنطة وكذا
بهالحركة أي شي تبي تسوينه تنجزيه
يصير كل يوم تنجزي أشياء بدال ما تضيع أيامك
أهم شي ما تسوي تخطيط معقد أو تخطيط تطفشي منه

* بهجة العطاء تفوق لذة الأخذ !!

 

 

روووعة



لك تقييم يالغلا
و آسفة عالرد الطويل