راح يكون هالجزء طويل لاني طولت مانزلته
(الجزء الثالث )
عندما يصفو الليل
وتتالّق النجمات..
ويعمّ السكون
في العتمات..
والرّكود من حولي
وتناغم الصمت والسّكنات
ويبدا حواري مع نفسي
وتعود الذكريات..
احسبني سلوتها لكنهّا هيهات
تابى مغادرتي
تؤلمني..وتجرحني.
ما اصعب اللحظات..
وا يّما لحظات!!
تعرض كل مراحل العذاب
في ومضات..
حين اراهم احبّتي عند الفراق..
وايّ فراق...ما بعده لقاء..
ما اصعب ان ابكي بلا دموع..
واصرخ صامتا ..وقلبي الصغير المسكين..
يتفتّت ذرّات ..ذرّات
ااه حينها ..اتمنّى لو افقد ذاكرتي
وتغيب عن مخيّلتي تلك الويلات..
.....
وصباح اليوم التالي
الملم شتات نفسي ..
واعود الى الحياة....
في لندن
في الجامعه
نورا : انتي اللي عصبتيبي شنو تبيني اسوي
هند بزعل : والله مالك داعي انتي وحركتك هالبايخه
نورا وهي تبوس خد هند : خلاص ياقلبي لاتزعلين بس بجد نرفزتيني بقوه
هند مبوزه :......................
نورا : يالله عشانج الطلعه اليوم علي اوك
هند وهي تنط قدامها : صدق يعني انا مادفع ولا شيء
نورا : بل وين اللي تو زعلانه
هند وهي تمد بوزها : يعني تبيني ارجع ازعل
نورا : لا واللي يخليج كل الطلعه علي اليوم ابد ماراح تدفعين شي بس لاتزعلين
تعرفين مانقوا على زعلج
هند وهي شاقه خشتها : تسلمين قلبو
نورا : طيب قلبو صكري حلجج لايدخل فيه ذباب
هند من طرف خشمها : ترى بزعل وانتي بكيفك
نورا : لا لا خلاص
هند : طيب يالله قولي شكانت خطتك اللي ماتخرش الميه
نورا بحماس : ايوه شنو رايج نهرب اليوم مانحضر المحاظره ونروح نتمشى
هند برفعة حاجب : ولا اشوف جواد وحنا طالعين لاقلبي اسفه لامن شفته الظهر
وحنا طالعين وتطمنت عليه وقتها نطلع تعرفين بعد اليوم تعبان
نورا بنرفزه : الله ياخذج انتي وجوادج هذا ترى لوعتي جبدي به
هند بضيقه : نورا بليز لاتدعين عليه كافيه اللي فيه
نورا : طيب ماراح ادعي عليه بس هند ترى والله ماصارت جواد جواد كل شي
لازم يدخل فيه جواد ترى والله بديت اكرهه
هند بتنهيده : قومك والله ماجربتي الحب احبه يانورا وربي احبه
نورا ببرود : طيب بتطلعين معي ولا لا
هند : لا
قامت نورا بعصبيه : خلي جواد ينفعج
مسكت هند يدها : شفيك ياختي كبريت اعوذ بالله
نورا : ابد سلامتج عن اذنج باطلع
هند : وين بتروحين له
نورا بضيقه : وين بعد للشقه اكيد
هند : والطلعه
نورا : خلاص عفتها
هند : خساره كنت ابي اهرب معك بس مادامك بتروحين للشقه خلاص باقعد
رفعت نورا حاجبها وعطتها نظره وراحت
راحت تمشي وهي متضايقه بقوه تحس هند ماعاد يهمها الا جواد وبس هند من اغلى صديقاتها وخايفه تخسرها
تذكرت كيف التقت في هند
(كانت متضايقه من قلب صحيح انها جات تدرس هنا غصب عن عمها وماقدر
يوقف في طريق طموحها بس خايفه على امها وخواتها امها ماترد على عمها ابد
ولاتحب توقف في وجهه وخواتها صغار اكبرهم فاتن 17 ثم الجوهره 14 ثم توأم
سارا ويارا 10 سنوات وكلهم خوافات دايم هي اللي كانت توقف في وجهه
وماترضى بظلمه عليهم من توفى ابوها اما عمها اللي يكرهها بقوه لانها
ماتطيعه
يحاول دايم يسبب لها مشاكل ويتمنى اليوم اللي يشوفها فيه مكسوره مالها
الا عم
واحد وظالم وخاله مالها حيله الا انها تواسي اختها لاشافتها منهاره
تنهدت : كلهم ضعيفين ومايقوون على جبروت عمي ليش تركتهم بروحهم
ياخوفي عليهم لايسويي لهم هالظالم شي
تذكرت خواتها كيف ودعوها بدموعهم وخوفهم من عمهم وامها اللي كانت تخفي
المها عنها كانت حاسه فيهم بس عنادها لعمها اعماها تنهدت وقامت تبي تدور على
جدولها كانت تمشي وهي منزله راسه جات بنت تركض وصدمت فيها
البنت : آآآآآآسفه وربي ماكان قصدي
نورا : لا عادي حصل خير
البنت بربكه : لو سمحتي
نورا بهدوء : هلا ختي شبغيتي
البنت : انا جايه هنا لحالي ومو عارفه شسوي والحين اتوقع تاخرت عالمحاضره
تكفين قوليلي وين اروح او وش اسوي
نورا : انتي باي سنه
البنت : انا هذي اول سنه لي
نورا : حلو حتى انا اول سنه
البنت : أي حلو الله يعافيك الحين كلنا نمشي على عمانا توقعتك لك وقت هنا
نورا باستغراب : شمعنى
البنت : من مشيتك يعني احسك واثقه من نفسك واحس انك عارفه لوين تروحين
نورا : لا هذي اول سنه لي تعالي ندور على جداولنا اول شي
البنت : اوك بس انتي وش اسمك
نورا بابتسامه : اسمي نورا من الكويت
البنت وهي تبتسم : تشرفنا انا هند من السعوديه
ومن بعدها كانو مايفترقون عن بعض لدرجة انهم شرولهم شقه وسكنوا فيها مع بعض لهم سنتين مع بعض )
هند : بوووووووووووووووووووووووووووووه
التفتت نورا عليها بحزن : هلا هند
هند باستغراب : نورا حبيبتي شفيك
نورا : ابد سلامتج ماكو شي
هند : نورا حبيبتي وش هالحزن انا اسفه اذا كنت السبب بس صدقيني كنت استهبل
عليك ولا مستحيل اتركك عشان أي احد حتى لو كان جواد
نورا : يعني انا اغلى من جواد
هند باستغراب : من جدك انتي والله لو يخيروني بينكم لاختارك انتي
نزلت نورا راسها بحزن : صدقيني انا مازعلت منج بس تذكرت امي وخواتي
هند : ربي بيحميهم حبيبتي وهذا انتي تكلمينهم كل يوم وما فيهم شي ليش الحزن
نورا بتنهيده : وتتوقعين انهم بيخبروني لو صار عندهم شي امي واعرفها مستحيل
تحملني همهم
هند : طيب وش رايك اذا كنتي للهدرجه ولهانه عليهم اروح انا وياك نزورهم
نورا بفرحه : صج
هند : أي والله عادي بروح معك ثلاث ايام ونرجع اوكـ
نورا وهي تبكي من الفرحه : اوكـ الله يفرح قلبك مثل مافرحتيني
هند وهي تضمها : خلاص قلبي مابي هالدموع وخلينا نروح نتمشى تراني هربت
لعيونك
نورا تضحك : يالله
راحو يتمشون في الشوارع ماخلو شارع الا ماراحوله وكل هذا وهم على رجولهم لين جات الساعه 5 العصر
هند : نورا وش رايك نروح للسوق
نورا : لاتكفين خلي هالطلعه للترفيه مانبي اسواق
هند : طيب وش رايك نروح نجلس بالهايد بارك
نورا : حلو يالله خلينا نروح
راحو وجلسو على الارض بدون فرشه ومعهم حلويات وشيبسات وبيبسي
نورا : اذا خلصنا اكل نبي نلعب
هند وهي تاكل : أي لعبه
نورا : اممممممممم وش رايك بأمر ومأمور
هند : حلو يالله خلينا ناكل ونخلص بسرعه عشان نلعب قبل
المغرب لانا بنرجع للشقه
نورا : طيب انا شبعت خلصي انتي
هند : وانا شبعت
نورا : طيب اجمعي اللي عندك بهالكيس وانا اجمع هاذولي بهالكيس
هند : اوك
كانو جالسات قبال بعض جمعو الشيبسات والحلويات وحطوها بكيس والزبايل اللي
بعدهم حطوها بكيس وخذت نورا علبة مويه كانت معهم وفرتها
صار الامر عليها
هند وهي تفكر: امممممممم ابيك تبوسيني على راسي
نورا براحه : الحمدلله – وقفت وباستها على راسها – وهذي بوسه
لفت العلبه وصارت عليها بعد
نورا : لا غش غش مرتين علي
هند : والله عاد مشكلتك مو مشكلتي وبعدين ترى انتي اللي تلفين العلبه ماهوب انا
نورا مبوزه : طيب آمري عمتي
هند : قومــــــــــي شفتي هذاك السعودي
نورا : وين
هند : هذاك اللي جالس على الكرسي معه جريده
نورا : وانتي وش دراك انه سعودي
هند : مادري روحي اذا كانه سعودي فقولي له ترى حركات النص كم ماتعجبني
استح على وجهك ولا تتبع الحريم
نورا : ياويلي تبيني اموت اليوم لا ياعمري وراي ام وخوات اعتمادهم علي بعد الله
هند : طيب روحي يمكن يكون غربي ماهوب سعودي
نورا : طيب اذا كان عربي بس ماهوب سعودي
هند : قوليله هالكلام اهم شي يكون فاهم وش تقولين
نورا : واذا كان غربي
هند : اسفهيه وتعالي
نورا برجاء : تكفين ياهنوده ارحميني والله لايذبحني لايكون عربي يمه شوفي شكله
يخرع
هند بعناد : مااااعلي قومي يعني قومي هذا عاد امري
نورا : هنود وش هالامر البايخ بعدين المسكين ماتوقع انه سوا شي غلط
هند : لا حبيبتي كنتي مستهينه بالبوسه يالله اعرفي كيف الاوامر
نورا : هنود تكفين
هند : ..................................
نورا : يعني مافيه امل
هند : ابد
نورا : طيب يكون خير خليه يجي الدور علي
وقفت وراحت دارت عليه تستكشف الامر وكل ماتقدمت خطوه رجعت كم خطوه
فالاخير رجعت عند هند
نورا : تكفين هنود اطلبي أي شي ثاني احس هذا بيذبحني
هند : اسفه حبيبتي ماعندي شي ثاني
نورا وهي ترفع يدها : يارب ياعليم يارزاق ياحليم انه مايكون عربي
راحت لين وصلت عنده
نورا : هاي
الرجال ماناظرها حتى رد من طرف خشمه : هاي
نورا : Do you speak Arabic
الرجال رفع راسه لها باستغراب : yes
نورا بفجعه : no no blease
الرجال باستغراب : what
نورا بصوت يرجف : من وين انت
الرجال بصدمه : انتي عربيه انا من مصر
نورا بخوف : اها اصلا مصر حلوه انا كذا مره زرتها وبصراحه اهلها طيبين
الرجال : آه بعرف
بلعت ريقها بخوف : وعشان هيك مابدياك تخرب سمعتها لو سمحت
الرجال بنظره : انتي مقنونه ولا ايه
نورا تمثل القوه : لا ماني مينونه انا نورا اسمع اترك البنات بحالهم ولاعاد تتبعهم
وخلك ريال
المصري بعصبيه وصراخ : انتي ايه اللي قرالك مره سوريه ومره مش عارف
وبعدين من فين قايبه هالكلام
نورا وهي ترجف : من هند مو مني يالله باي
ومايشوف الا غبرتها
هند : هههههههههههههههههههههه
نورا : الله ياخذج يالخايسه يمه قلبي احسه بيوقف
هند وهي تناظر المقطع اللي صورته لنورا مع المصري : هههههههههههههههههه
والله شكلك تووووحفه ههههههه
نورا : اقول يالله خلينا نكمل وهالحركه مردوده بس اصبري علي
هند : يالله
لفت نورا العلبه وصار الامر على هند
نورا وهي تضحك بخبث : ياك الموت ياتارك الصلاه هاهاهاها
هند : قسم بالله يانوير اني ماتركت الصلاه واني اصليها على وقتها حتى
نورا : اقول شفتي ذاك الياهل
هند وهي ماسكه قلبها : ايه وش فيه
نورا بنذاله : روحي ودزيه من الكرسيه خليه يطيح واهم شي انه يبكي
هند : نوير هذا طفل خليه على جنب وش ذنبه تدخلينه بانتقامك
نورا : ههههههههههههههه حلوه انتقامي اجل وش رايك باللي بجمبه
هند : لا واللي يرحم والدينك البزر احسن
نورا : عيل يالله روحي وصيحيه
هند : طيب واذا انتبهلي العبد اللي جمبه
نورا : عادي بسيطه انحاشي وانا بنحاش
هند لانها غاسله يدينها من تراجع نورا في قرارها رضت بالامر الواقع
وراحت تنفذ الجريمه
قربت من البزر وشافته جالس ياكل آيس كريم جت ووقفت وراه مباشره وهي
تراقب العبد من طرف عينها لف عليها العبد وناظرها باستغراب من فوق الى تحت
حست انها بتنهار من بعد هالنظره
قالت خلني انفذ الجريمه وألوذ بالفرار على وجه السرعه
حطت يدينها على كتف البزر بسرعه ثم شالته ورمته على الارض ومانشوف الا غبرتها
نورا اللي كانت تصور هند خافت يوم شافت العبد وقف وصرخت وهي تركض :
هندددددددد تراه وراج بسرعه اركضي
هند وهي تصارخ : يماااااااااااااااااااااه نورا وقفي لي تكفيييييييييييييييين
نورا : مااااااااااااااااااقدر اوقـ............ طرااااااااااااااااااااااااااخ
نورا : آآآآآآآآآآآآآآآآه يمآآآآآآآآآه
هند اللي تعدتها : نورا بسرعه تراه بيجيك
نورا : هند ساعديني تكفين يمااااااه
هند مالتفتت حتى : نورا ماقدر تعالي بسرعه
التفتت نورا بيأس يوم حست ان حياتها انتهت
<
<
<
<
<
<
<
<
<
يوم التفتت ماشافت العبد وراهم بس كل اللي في الهايد يناضرونهم اللي باستغراب
واللي يضحك
حست بفشيله عمرها ماحست فيها صرخت على هند : هنننننننننند ماورانا احد
التفتت هند وهي تركض تبي تشوف العبد وراها ولا لا : نور.......... طرااااااااااااااااااخ
هند : آآآآآآآآآآآآآآآآآآآآآي
نورا جات تركض : هند صار لج شي
هند : يمه وجهي وجهي احسه محترق
نورا ببرود : اسم الله عليج ويهج مافيه الا بعض الرضوض والعلامات اللي راح
تبقى ذكرى لاجرامج الليله
هند بشهقه : صدق نورا وجهي تشوه
نورا : لا ابد بس جروح خفيفه
هند : اقول خلينا نرجع خلاص فشله شوفي كيف الناس يناظرونا
نورا : هذا كله منج يالمجرمه
طلعو وكل وحده فيها اصابه بتبقالهم ذكرى لهالطلعه
اشرت نورا لتاكسي ركبو ووصفوه البيت
اول مادخلو على طول هند راحت للمرايه
هند وهي تلمس الجروح اللي جات بوجهها : نورا الحقي علي وجهي تشوه
نورا وهي جايبه مرهم جروح : لاعادي حطي عليه هذا وبيروح
هند : انتي وش صارلك
نورا : ابد بس جروح بسيطه في ركبتي
هند : حطيتي عليها من هالمرهم
نورا : ايه حطيت
هند : تصدقين نوير احس هذا عقاب من ربي
نورا :ههههههههههههههههههههه اما اشكالنا بصراحه تضحك
هند : ايه انتي بس طيحه على الارض بسيطه الموت انا اللي وجهي مباشره صقع
في جذع الشجره آآآآآه والله حسيت وجهي احترق من الالم
نورا : لا ان شاءالله بيروح انا عاد هلكانه ابي اروح انام شوي
هند : خلاص روحي نامي لين يأذن المغرب واصحيك وبعدها انا انام الين ياذن
العشاء وتصحيني عشان الصلاه لاننا اذا نمنا مستحيل نصحى من التعب وبتفوتنا
الصلاه
نورا : اوك باي
اما جواد من رجع وهو قاعد ينضف الملابس اللي مانضفها امس ماقال على الله انه
يخلص رمى نفسه على السرير بتعب
تذكر كلامها
(نورا بحماس : ايوه شنو رايج نهرب اليوم مانحضر المحاظره ونروح نتمشى
هند برفعة حاجب : ولا اشوف جواد وحنا طالعين لاقلبي اسفه لامن شفته الظهر
وحنا طالعين وتطمنت عليه وقتها نطلع تعرفين بعد اليوم تعبان
نورا بنرفزه : الله ياخذج انتي وجوادج هذا ترى لوعتي جبدي به
هند بضيقه : نورا بليز لاتدعين عليه كافيه اللي فيه
نورا : طيب ماراح ادعي عليه بس هند ترى والله ماصارت جواد جواد كل شي
لازم يدخل فيه جواد ترى والله بديت اكرهه
هند بتنهيده : قومك والله ماجربتي الحب احبه يانورا وربي احبه
نورا ببرود : طيب بتطلعين معي ولا لا
هند : لا
قامت نورا بعصبيه : خلي جواد ينفعج
كان جالس وراهم وسمع كل كلامهم بس هم مانتبهو له )
تنهد : ليش ياهند تتعلقين بوهم غلطتي ياهند غلطتي في اختيارك
تنهد وهو يتذكر الحادثه اللي غيرت مجرى حياته
( عمه :الغلط هذا لازم يتصحح وانا اعرف كيف اصححه
جود : بس انا ماسويت شي وربي ياعمي اني مالي ذنب
جهاد : بس ولا كلمه انتي اخر من يتكلم فضحتينا الله يفضحك
جواد : حدك ياجهاد انت عارف القصه كامله ليش تحط اللوم كله عليها
العم : اقول انت مابي اسمع منك ولا كلمه لو كنت رجال كان ماخليتها تدوج
بانصاف الليول
جواد بصراخ : يعني ترمون خطاكم عليها اسمعوني زين ابوي مات سندها مات
لاكن وربي اني لاقوم بمقامه وان أي واحد منكم يمس شعره منها لاكون ذباحه
عمه بعصبيه : تهددني ياقليل الخاتمه تهددني ياللي ماتربيت
جواد : انا متربي ومو أي تربيه انا تربية ابوي لاكن انت امسك ولدك الهايت
بالشوارع وربه ثم تعال حاسبني
صدى كف تردد بالمكان
جود بشهقه : لاااااااااااااا
جواد : انا ياجهاد انا تعطيني كف طيب بيجي يوم اذكرك بهالكف لاكن مادمتو
اعداء لجود اقولها لكم صريحه انا عدوكم ولو يوصل لدر جة القتل انا مستعد
جود وهي تبكي : لا تكفى ياجواد
خالد اللي كان ساكت طول الوقت : انتي سبب المشاكل الله لايوفقك هذي نهايتها
تشعلينها بين اهلك
جواد : اقطع واخس انت مالك كلمه عليها اطلع برااا اللي بيتكلم على جود البيت يتعذره
جود تبكي : بيجي يوم تبان فيه الحقيقه والله وربي اللي خلقني لا تندمون كلكم
خالد باستهزاء : لاجا ذاك اليوم خبروني - وطلع - )
جواد : آآآآآآآه ياجود حسبي على الظالم وربي لانتقم منهم كلهم – تنهد –
ياترى عرفو بالحقيقه ولا لا
ابتسم باستهزاء : انا ليش انكد على نفسي بهالذكريات خلني انام بس
بعد شهرين كان كل شي كما هو حياه روتينيه عند ابطال قصتنا
نورا سافرت لامها ثلاث ايام اما هند اعتذرت عشان الجروح اللي بوجهها واحلفت
ان تكاليف الرحله تكون عليها طبعا نورا قبلت اعتذارها وقالت ماله داعي تكلفين
على نفسك بس هند وراسها اليابس اصرت على انها هي اللي تدفع
جواد على نفس الروتين بايام الدراسه يدرس ويذاكر وبالليل في المطعم وفي
الاجازه يتفرغ للبيت وتنضيفه ويحاول يتجاهل احمد ويتجنبه بس احمد وراه وراه
احمد على نفس الروتين وكل ماجا عنده فراغ يفكر كيف يكسب جواد وكيف يكشف سره
ليان على نفس الروتين مجننه بجدتها والشغالات
العنود وسلطان في هبالهم ماتغيرو
بعد شهرين كانت العطله الصيفيه في بريطانيا لمدة ثلاث شهور
احمد في المطعم : ها جواد وش قلت
جواد : قلتلك من قبل انا اهلي ماتو وماعندي احد بالسعوديه انا باقعد هنا
احمد : طيب تعال ضيف عندي بالبيت
جواد : ماتقصر بس مابي اجدد الاحزان بشوفت السعوديه
احمد : اجل على راحتك طيب تجي معي للسوق نص ساعه وراجعين
جواد : لا عندي شغل الحين رح انت
احمد : ماراح تودعني طيب طيارتي بعد ساعتين
جواد ببرود : تروح وترجع بالسلامه عن اذنك
احمد : لا ماقصرت احلى وداع بصراحه
جواد : مشكور – راح وخلاه –
احمد بعصبيه : طيب جوادوه وراك وراك والزمن طويل
هند : والله بتوحشيني يالدبه
نورا : حتى انتي والله بتوحشيني بس ليش ماتروحين للسعوديه
هند : وش اسوي فيها اروح لبيت الاشباح اللي مافيه الا ذكريات امي
نورا : طيب روحي عند اخوج بامريكا
هند : لا مابي اروح له بقعد هنا
نورا : هنود حياتي انا خايفه عليج تقعدين هنا بروحج
هند بابتسامة حزينه : لاتخافين ترى طول عمري عايشه لوحدي ماتفرق ثلاث شهور معي بس انتي بفقدك
نورا : ياقلبي انا والله اللي بفقدج بس لاتخافين كل يوم بتصل عليج واخذ اخبارج
هند : لاعادي انا اللي باتصل عليك ماراح اصبر عنك بس لاتنسين هدايا امك وخواتك
نورا : مانسيتها الله يوفقج والله من كلامي عنج يحبونج وصدقيني بيفرحون بهداياج
لهم بس كان امنيتهم انهم يشوفونج
هند : ماعليه ياقلبي الايام الجايه نتقابل ان شاءالله
نورا : ان شاء الله يالله نطلع للمطار
هند : يالله
في الكويت
كانو واقفين ينتظرونها توصل على احر من الجمر اخيرا امانهم بيوصل اخيرا
بيحسون بالراحه والاستقرار
اعلن المطار عن وصول الرحله اللي كانت عليها
طلعت من بين المسافرين وهي تسحب شنطتها
صرخت يارا : نوراااااااااااااا
التفتت عليهم لما شافتهم ركضت لهم بشوق
ضمت امها وسلمت عليها
امها تبكي : الحمدلله على سلامتج ياقلبي
نورا تمسح دموعها : الله يسلمج يالغاليه كيفج
امها: بخير ياقلبي الحمدلله
سحبتها فاتن وضمتها ثم سلمت عليها الجوهره ثم التفتت للثنائي اللي اذا شافتهم
تحس ان همومها كلها تختفي ضمتهم ثنتينهم
نورا : كيفكم حبايبي
يارا وسارا : الحمدلله منيحين
نورا : لا وقالبين سوري بعد
الجوهره تضحك : ومنكم نستفيد
ضحكت لما تذكرت سالفتهم مع المصري لما كانو في الهايد بارك
نورا : يالله حبايبي والله حيلي منهد وين السياره
امها : يالله خلونا ناخذ تاكسي
نورا باستغراب : ليش تاكسي
فاتن باستهزاء : ليش كنتي متوقعه ان عمي العزيز بيوصلنا
نورا : لا طبعا بس السواق وين راح
امها : السواق انحاش
نورا بصدمه : ليش
امها : مدري
تنهدت بضيقه تدري انهم مايعرفون يتصرفون من غيرها : طيب خلونا ناخذ تاكسي
الحين وبعدين اجيب انشاء الله سواق
اما في السعوديه
بضيقه : طيب ليش ماروح استقبله تراني اخته بعد
امها : عنيد لاتزعجيني خلاص سلطان راح يكفي
العنود بزعل : لا مايكفي انا مشتاقه لا احمد وابي اشوفه
خوله : عنود خلاص سلطان راح يعني كلامك هذا مراح يفيد وبعدين احمد بيجي
للبيت وين بيروح يعني
العنود وهي تقوم : اوووووووووووووووف تدرون انكم دكتاتوريين اروح لغرفتي احسن
في المطار
سلطان وهو يسلم على احمد : وش اخبارك وانا اخوك
احمد : والله باتم حال وش اخباركم انتو
سلطان : الحمدلله عطني شنطتك اشيلها
احمد وهو ماشي معه للسياره : لا عادي باشيلها انا الا وين عنيد غريبه ماجات
سلطان وهو يضحك : ماخليتها تجي
احمد : ليش حرام عليك
سلطان : ابد بس ارد لها نذالتها
احمد وهو يضحك : انتو ماتتغيرون عادكم على هبالكم
سلطان بنظره : لا عاد يالثقيل
احمد بابتسامه : اقول وين سيارتك تراني تعبان
سلطان : هه تعبان اجل احسب حسابك لازعاج اختك المصون
احمد : عسل على قلبي
سلطان : ايه نشوف
في قصر ابو ليان
ابو ليان جالس مع امه في الصاله
: سونا روحي استعجلي ليان
سونا : اوك بابا
امه : الا ماتقولي ياناصر الى متى وانت على هالحال
ناصر باستغراب : أي حال
امه : ياناصر ياولدي انا ابي اشوف عيالك تزوج الى متى جالس كيذا وحداني
ناصر : قلتلك يا يمه انا من بعد هدى مابي احد
امه : هدى ماتت ياولدي والله يرحمها والدنيا ماتوقف على موت احد
ناصر بحزن : يايمه انا مابي اظلم احد معي ليش اتزوج وانا للحين مانيب قادر انساها
امه : وكيف تنساها وانت حتى ملابسها واغراضها للحين عندك
ناصر : خلاص يايمه الزواج مالي فيه نصيب
امه : وليان الى متى انت ميتمها
ناصر بضيقه : يصير خير
عند ليان
ليان بصراخ : سونا عمى بعينك روحي جيبي جزماتي الحمرا بسرعه
سونا بضيقه : اوكـ
ليان تسحب كل ملابسها وترميها على السرير وتدور أي شي يعجبها
سونا وهي داخله بالجزمات : ليان ايس هادا حوسه
ليان : اقول سونا تعالي شوفي وش احلى لبس البسه
سونا : هذا اصفر كويس - تأشر على شورت اصفر -
ليان : آبو الذوق اللي تعرفينه اقول روحي جيبي جزماتي الموفيه
سونا بعصبيه : وهذا جزمه احمر انا جيب
ليان بصراخ : روحيييييييي جيبي اللي قلتلك عليها ولا يكثر
طلعت سونا وهي تسب وتلعن
اما ليان لبست تنوره موف اللي قماشها يصير قاسي ضيقه والى فوق الركبه وتحتها
برمودا ضيقه مره وقصيره تحت الركبه مباشره لونها رمادي وبلوزتها موف عليها
رسمة بنت بالرمادي جعدت شعرها ولمته من قدام بطوق موف ولبست جزمه
سبورت موف وخيوطها رماديه وشراب قصير مرره رمادي وملت يدينها
باكسسوارات موفيه
خذت جوالها وحطته بجيب تنورتها ونزلت
جات بينهم ودارت على نفسها : وش رااااااااااايكم
جدتها وابوها : تهبلين ماشاءالله
وجدتها تقرا عليها في نفسها :
ليان وهي رايحه برا: يالله بسرعه خلونا نروح ابي اشوف احمد
ابوها لجدتها : احسها بعض الاحيان تحب احمد اكثر مني
امه : اهتم فيها مثل ما احمد يهتم وتحبك اكثر منه
في لندن
جواد حاس بضيقه فضيعه ماعنده دراسه ولا عنده شي بس جالس بالشقه واذا بغى
يطلع سد نفسه فرانز اللي يتبعه من مكان لمكان
رتب شقته ويوم خلص قرر انه يطلع للهايد بارك يسلي نفسه شوي ولا عليه من فرانز
لبس بنطلون جنز ازرق باهت وبلوزه صوف سماويه من قدام على شكل
مثلث وتحتها قميص ابيض مخطط بسماوي
صفط كمومه الى نص ذراعه ولبس ساعه بيضاء وجزمات بيضاء لبس
نظارات سودا كبيره وكبوس ابيض وطلع
راح يتمشى شرا له ايس كريم
وهو يتمشى في الهايد بارك شاف مجموعة اطفال متجمعين حول طفل
باين انه اكبر منهم وكان معه عود وقاعد يعزف عليه
جواد : هاي
الاطفال : هاي
جواد وهو يجلس القرفصاء قدامهم وبيده آي سكريمه صاير كنه طفل – اشر على الولد الكبير - : what is your name
الطفل : me
جواد : yes
الطفل : GON
جواد يتمصلح :You arevery beautiful
الطفل : thanks
جواد وهو يأشر على العود : Can Iusethis
الطفل : Of course
جواد وهو ياخذ العود : thanks
خذا العود وتربع على الارض وجلس يعزف في البدايه كان عزف حزين
مرررررره وهادي بعدين اسرع شوي وبدا يغني
خلاص الماضي ودعته محيت ذكراه من قلبي
انا من باعني بعتـــــــه ولا دربه يجي دربي
خلاص الماضي ودعته محيت ذكراه من قلبي
انا من باعني بعتـــــــه ولا دربه يجي دربي
خلااااااااااااااااااص
خلااااااااااااااااااااص
خلااااااااااص الماضي ودعته
باعاند كل احاسيسي وابدا خطوة النسيان
واذا مازارني طيفك اقوله روح ياخوان
باعاند كل احاسيسي وابدا خطوة النسيان
واذا مازارني طيفك اقوله روح ياخوان
خلااااااااااااااااااص
خلااااااااااااااااااااص
خلااااااااااص الماضي ودعته
صوت من وراه : جواد
التفت باستغراب : هند
كانت واقفه ومتسانده على كرسي وراهم اما هو جالس والعود بيده
والاطفال جالسين حوله متحمسين مع عزفه
هند : وش قاعد تسوي
هز كتوفه : ابد طفشان وقاعد اسلي نفسي
هند : غريبه ماشوفك رجعت للسعوديه
جواد بلا مبالاه : لاعادي لاغريبه ولا شي انا اساسا ماروح للسعوديه بس
انتي اللي غريبه صدق ليش مارحتي
هند بسعاده انها لقت احد تعرفه وتسولف معه واحلى شي انه جواد اللي كان
مايعطيها وجه بس الحين شكله طفشان مثلها ويبي احد يسولف عليه : انا مالي احد
في السعوديه اخوي يدرس بامريكا وابوي مشغول مو فاضيلي عشان كذا مارحت
جواد : طيب وامك
هند بحزن : امي متوفيه من زمان
جواد بربكه : انا آسف ماكنت ادري والله الله يرحمها ويسكنها فسيح جناته
هند بابتسامه : اللهم امين انا بصراحه طفشانه وماعندي احد اعرفه زين اني لقيتك
جواد وهو يقوم ويعطي الولد العود : thanks
جواد : وش رايك نروح نتمشى انا بعد طفشان حدي
هند باستغراب انه عطاها وجه : اوكـ
اشر لها تمشي قدامه : تفضلي
راحو يتمشون وهم يسولفون
جواد : يعني انتي الحين عمرك 25
هند : ايوه انا 25 ونورا 23
جواد : اها بس تصدقين من شافكم قال انتي اصغر موب هي
هند وهي مستحيه : بالعكس والله نورا على سنها
جواد بربكه – قسم بالله يبيلي كف يعدل هاللسان الاعوج – يضيع السالفه : طيب عادي عند ابوك تجلسين بروحك في بلاد غربه
هزت كتوفها : أي عادي واثق فيني
جواد : اها
فترة صمت .................................................. .
هند بفضول : جواد ممكن سؤال
جواد : تفضلي
هند : ادري اني ملقوفه بس في سؤال دايم يطري علي لاشفتك ليش ماتبين وجهك
يعني دايم تلبس أي شي يغطي وجهك ومايبينه وحتى لا جا احد يكلمك ماتحط عينك
في عينه
جواد بابتسامه : شسوي عاد مابي احد ينظلني تعرفين عاد انا مزيون واخقق
هند – انا اشهد - : تصدق وش كانت نورا تقول عنك قبل لا نعرفك
جواد بابتسامه : وش كانت تقول
هند وهي تضحك : كانت تقول اتوقع ان هذا مجرم هارب من العداله ويتنكر عشان
ماحد يعرفه بس انا لازم ادل الشرطه عليه
جواد : هههههههههههههههههههههه ابو النذاله ولو كنت مجرم صدق كانت بتدلهم علي
هند وهي خاقه مع ضحكته : اذا تذكر لما جاتك وقالت ان صديقتي ضايعه وابيك
تساعدني ندورها ترى كانت تبي تكتشف انت بتخاف من طاري الشرطه ولا لا
تذكر جواد الموقف: ههههههههههههههههههههه يعني طيرت قلبي على الفاضي بس
هند : بس لما صرخت عليها بالعربي وعرفت انك عربي تراجعت وقالت حتى لو
انه اكبر مجرم مستحيل اخبر عليه احد
جواد برفعة حاجب : وش معنى
هند : من زود التعصب للعرب
جواد وهو يوقف عند كشك شرى 2 فيشار اللي يجي بعلبه وعطاها واحد واخذ
واحد : ايوه شكانت تقول عني بعد
هند : ابد كانت في كل محاظره تدور لك حل لو فتحت كتبها تلقاها كلها مشاكلك
وتفصيل تصرفاتك والعلاج لها
جواد : ههههههههههههههه وش كانت مشاكلي طيب
هند بابتسامه : مره تقول يمكن تكون معقد وتحط كذا علاج للتعقيد اللي فيك ومره
تقول يمكن فيه توحد وتحطلك كذا علاج
وتدون اسماء العيادات لمعالجة مرض التوحد ومره تقول مغرور وتحط لك كذا
طريقه تكسر فيها خشمك عشان تعرف الغرور على اصوله وكل شوي مطلعه فيك
عله
جواد فاطس ضحك : ههههههههههههههههههههههههههههههههههههههههههههههههه
في الكويت العصر
اتصلت عليهم مرة عمهم وقالت حنا جايين بنزوركم جهزت نورا القهوه والحلى وكل شي لما خلصت راحت فوق تلبس
خذت لها شاور واستشورت شعرها لبست جلابيه حمرا مطرزه بذهبي وحطت مكياج هادي مره كحل داخلي وماسكرا وبلاشر وروج خفيف لفت على راسها شيله ذهبيه من نفس الجلابيه
سارا ويارا بصراخ وكل وحده تبي تسبق الثانيه : نورا نورا عمي يا
نورا تسد اذنيها : طيييييييييييب خلاص هدوء شنو هالصراخ اعوذ بالله
التفتت على التوأم كانو لابسين كلهم نفس الشي فستان اخضر سيور قصير من تحت
الركبه وسندل اخضر ورافعين خصله على جنب من شعرهم بفراشه خضرا كانو
قاصين قصة فيكتوريا وكان شكلهم يجنن
نورا بابتسامه : شنو هالزين تبون تغطون علي
يارا تمشي بغرور : حنا اساسا حلوات من قبل
سارا : أيه مو شي يديد
نورا تضحك : طيب يامغرورات خلونا ننزل
التوأم : يالله
عدلت شيلتها ونزلت كانت تنزل بهدوء مع الدرج ورافعه راسها بثقه صدمت
نظرتها بنظرات مرت عمها اللي تناظرها بحقد تقدمت بخطوات واثقه
سلمت عليها ثم سلمت على بناتها نوال 24 و فاطمه 21 و حنين 19 وكل وحده
نفسها براس خشمها الا بنتها فاطمه سلمت عليها بفرحه وهي تتحمد لها بالسلامه
التفتت على اخوهم جاسم 27 صحيح انه هادي وطيب و مايرضى بالغلط ابد بس
تكرهه من كرهها لاهله
نورا بهدوء : كيف حالك ولد عمي
جاسم بابتسامه : تمام كيفك انتي
نورا : الحمدلله
خذت القهوه من اختها فاتن وقعدت تقهويهم وتسولف معهم ولاكن بينها وبينهم شي
حنين بغرور : الا اقول نورا كيف دراستج برا
نورا بابتسامه : الحمدلله كويسه
نوال بقهر : اكيد كويسه هايته هناك لوحدج لا حسيب ولارقيب وكل شي بتسوينه
جاسم باستغراب : نوال شهالكلام اللي تقولينه
امه ببرود : لا تستغرب كل شي وارد بهالزمن
جاسم : لا ماتوقعها من نورا
فاطمه بطيبه : صحيح انهم هناك فري بس بصراحه مستحيل نورا تسوي شي غلط
حنين باستهزاء : وش معنى
فاطمه بهدوء : لانها نورا مو أي وحده ثانيه بامكانكم تشكون فيها
فاتن اللي كان جالسه بجمبها : امووووواه وهذي بوسه اوصلها لج من شقيقتي نورا
نورا بهدوء : خلصتوا
التفتوا كلهم لها
نورا بغرور : اول شي يابنت عمي – تناظر نوال – يقولون كلن يرى الناس بعين
طبعه صحيح انهم فري وانهم عايشين حياتهم عالاخر بس ماهوب بنت جاسم ابن
سالم اللي تسوي الغلط - ناظرت مرة عمها وبنغزه – وبعدين صحيح كل شي وارد
في هالزمن مثل ماقلتي لدرجة ان الاهل صارو يكرهون بعض على اسباب تافهه
ويتفرقون عشان وسخ دنيا بس اللي مستحيل انه يصير اني اروح للغلط برجلي –
ناظرت جاسم وفاطمه – شهد شاهد من اهله – ناظرت فاطمه وابتسمت – لاني
نورا مو أي احد ثاني
فاطمه : اقول لاحد يكبر راسه علينا عاد
جاسم وهو مستحي من ردها القوي عليهم واللي قاعده تقط فيه نغزات : يالله انا
استأذن
ام نورا اللي كان ساكته وتناظر بنتها باعجاب على شجاعتها وردها عليهم : وين اقعد تعشى
جاسم : مره ثانيه خالتي انا مواعد اصحابي وتأخرت عليهم
ام نورا : الله معك
طلع جاسم لاصحابه اما امه وخواته قعدوا في بيت عمهم الين تعشوا وطول وقتهم
يقطون نغزات على نورا ونورا ترد برد قوي يسكتهم الا فاطمه اللي كان تسولف
معهم وتضحك وتعلق وعايشه حياتها من دون احقاد وكره
في قصر ابو احمد
احمد : وانتي يمه مصدقتهم الله يهديك
حط سلطان يدينه على جنبه : وليش ماتصدقنا طايحين من عينك
العنود وهي تسوي نفسه : أي والله طايحين ولا طايحين
امهم : لا والله مانيب مصدقه مير انا بروح ارتاح وترى العشا اليوم عند عمك – طبعا الغدا كان ببيت ابوه والعشا حلف عمه انه يكون عنده –
احمد : ايه قال لي عمي اليوم
العنود : يمه لحضه والكلام اللي قلنا لك معقوله تسكتين عنه
سلطان : أي والله حتى انتي ياخوله تشوفين رجلك هايت بالخارج مع هالحريم وساكته
احمد : لا اله الا الله انتو وش قصتكم علي
العنود تناظر سلطان : مدري
سلطان باستهبال : صدق انا وش قصتنا عليه
امه وهي تقوم عشان تريح : بلاكم والله الهبال اللي مطير عقولكم
سلطان : افا
العنود وهي تمسك قلبها : آآآآآآخ يمه جرحتي مشاعري
احمد : متأكده ان عندك مشاعر
العنود بشهقه : لا بجد شكلنا طايحين من عينك لا وبقوه بعد
سلطان باستهبال : لا حاسبي على نفسك تراك توك متعلقه برموشه ماطحتي للحين
العنود : ككككككككككك ياخف دمك ياخوي
سلطان ببرود : اربطيه لايطير
العنود : ساااااااااااااااااااااااامج
سلطان ببرود : زيديه ملح
العنود تبي تقلب عليه : ازيد ولا انقص
سلطان بضحكه : تبين تقلبين علي مافيه كاشفك ياختي
العنود بقهر : وجع يالدددددددددددددب
سلطان يبي يقهرها وهو يضحك : دب ولا اسد
العنود وهي ترمي عليه المخده بقهر : على تببببببببببببببن
احمد : اقول بلا بزاره زايده خلو مني الهبال واعقلو
سلطان والعنود بصوت واحد بعد ماكانو يتضاربون : خلينا العقل لك
التفتو وناظرو بعض بابتسامه وراحو يركضون على الطاوله اللي كانت بجمب
خوله
خوله يوم شافتهم جوها يركضون نقزت من كرسيها وصرخت من الخوف : لاااااااااااااااااا
احمد بصدمه يوم شافهم يتحاربون على الطاوله : شفييييييييييييييييكم
خوله طبعا يوم شافتهم جوها ركض انقزت من كرسيها وصرخت جتها العنود
طيران ودزتها من قدامها وراحت تحارب هي وسلطان على الطاوله
خوله وهي ماسكه قلبها : يمااااااااااه طيرو قلبي
احمد باستغراب : طيب شفيهم على الطاوله
خوله بضحكه : هذي الحركه يسوونها اذا قالو كلمه بوقت واحد كل واحد يضرب
الخشب واول واحد يتزوج الاول
جاتهم العنود وشوشتها طايره جلست على الارض وهي تلهث : الله ياخذ بليسك
يالسلطعون آآآآآآآآآه انقطع نفسي حسبي عليه
جا سلطان وهو العن منها وجلس بجمبها على الارض: لا تبيني اخليك تزوجين
قبلي حامض على بوزك
العنود : خييييييييييييييير تبي تقطع نصيبي
سلطان : والله ياقلبي كل واحد يقول نفسي نفسي
خوله واحمد : هههههههههههههههههههههههههههههههههههههههههههههههههه هههههههه
سلطان والعنود بنظره : فيه شي يضحك
خوله واحمد : ههههههههههههههههههههههه
العنود : طبعا متزوجين ولا شلتو هم المستقبل
سلطان : تراهم يقولون عيني حاره انا عاد مادري
احمد وهو يضحك : لا يابوي ابعد عنا عيونك
العنود : ماضنتي انه بيبعدها مير خذ زوجتك وابعدها عن موقع الخطر
احمد : يعني قولتس تسذا
العنود وهي تستهبل : أي وترا اشوفك من جيت هنيا ماعبرت لها عن شوقك
وحنينك كم لك عنها وفي النهايه سلام بارد قم وخذها للغرفه واحكي لها عن ايامك
الحزينه ولياليك المضلمه في بعدك عنها واحلامك فيها بس انت ماش مانتب
رومنسي
خوله ميته من الفشله وتتحسب على العنود
احمد : أي والله انك صادقه اقول خوله مشينا للغرفه
سلطان وهو يمثل دور المظلوم : ياخي خاف الله في عزابي وعانس هنا
احمد : انت بس ابعد عيونك عنا ويرزقك ربي
خوله من الفشله هربت فوق
احمد : يالله عن اذنكم باروح لحرمي المصون اطبق الوصيه – يغمز للعنود - كل يوم بجيك تعطيني كورس
العنود وهي تضرب صدرها : افا عليك في الخدمه
احمد : اجل يالله باي
سلطان : ماتشوف شر وكثر من دعاويك لنا بالزواج ولا ترى عيونا حاره
احمد وهو رايح : الله يكفينا شرك
التفت سلطان للعنود : تصدقين اني من زمان ماضربتك
العنود بنظره : ايه صادق بس قطعت شوشتي من شوي
سلطان بحماس : لا اقصد ماضربتك من قلب يعني مافضيت كل اللي في قلبي فيك
العنود بشهقه : يالمجرم ناوي علي تراني قدها اقرب وشوف
سلطان وهو ينسدح على الارض : متأكده انك قدها يعني منتي رايحه تشتكين لابوي
بعدين
العنود : شقالولك بزر لا ياقلبي قدها وقدود
جلس سلطان بحماس : اجل المكان والتوقيت مناسبين لابوي ولا امي ولا احد عندنا
وريني شطارتك
العنود وهي تنسدح على الارض تقلده : بس بعدين ماهوب تبكي وتروح تشتكي
لامي
سلطان يقلدها: ليه قالولك بزرلا ياقلبي قدها وقدود
العنود وهي تجلس : طيب لحضه خلني ادور سبب مقنع نبدأ فيه الهوشه
سلطان : مايبيلها تفكير ياغبيه والهوشه اللي على الطاوله الحين من الربحان فيها
مو انا يالله اخذي حقك وورينا شطارتك
العنود وهي تناظره بهدوء : سلطان
سلطان : نعم
العنود : ماتحس انا اغبياء وحنا ندور على أي سبب للهوشه
سلطان بابتسامه : ياختي قوليها وخلاص قولي انك خفتي وانك مو قدها
العنود وهي تنط وتمسك خصرها : لا ياحبيبي مو انا اللي اخاف
سلطان وهو يوقف : يالله ورينا
جلسو يتضاربون وحاسو الصاله حتى الكنب حركوه من مكانه وهذي حالتهم دايم
اذا طفشو رجعوا يتضاربون مع بعض
في فلة ابو طارق بعد صلاة العشاء على طاولة الطعام ماكان ينسمع الا اصوات
الملاعق والسكاكين كان هدوء ولا واحد راضي يتنازل ويتكلم
رفع راسه بهدوء شافها مجلسه طارق بحضنها وقاعده تأكله وهي سرحانه والى
الان ماكلت من صحنها شي
بهدوء : ساره
انتبهت من سرحانها : هلا
فهد : وش صار على شغلك
هزت كتوفها : ماصار شي فصلوني وانتهت السالفه
فهد : طيب انتي تبين هالشغله ولا لا
ساره بحزن : وش يفيد اذا كنت ابيها راحت علي خلاص
فهد بهدوء : اذا كنتي تبينها برجعك فيها غصب عنهم
تجمعت الدموع بعيونها لما حست بالحنان في صوته وماقدرت تتكلم نزلت راسها عشان مايشوف دموعها
فهد : ها ساره وش قلتي
ساره ماقدرت تتحمل من زمان عن هالنبره ماتذكرها الا قبل زواجهم و بعده فقدتها رفعت راسها وناظرته بحزن
فهد باستغراب لما شاف دموعها : ساره شفيك
ساره ودموعها بعيونها : فهد انا مابي شغل ولا بي شي بس ابي شي واحد وعمري
ماراح اطلب منك شي ثاني غيره
فهد : وشهو هالشي
ساره وهي منزله راسها : خلك دايم كذا
مافهم عليها : وشلون يعني
ساره : ابيك دايم تكون كذا هادي وماتصارخ ابي لو مره نجلس نسولف من دون
هواش ابي انام مره وانا مرتاحه فهد ترى لي حق عليك واتوقع اني قايمه بكل
حقوقك
فهد بضيقه : غصب عني ياساره اتنرفز وانتي بعد تنرفزيني بكلامك
ساره : طيب خلنا نبعد عن المشاكل عشان ترتاح نفسيتنا شوف شغلك مانتب قادر
تركز فيه من المشاكل وانا فقدت وضيفتي من المشاكل والضغوط اللي اواجهها في
البيت (ساره تشتغل مدرسة حاسب بمدرسه اهليه وتهاوشت مع بنت بسبب عصبيتها
الزايده اشتكت عليها البنت والمدرسه اهم ماعندها الفلوس قامو فصلوها )
فهد : عالعموم جهزي نفسك والاولاد نبي نسافر أسبوع الى أي مكان
ساره بفرحه : وين بنروح طيب
فهد بابتسامه وهو يناظر ولده : طارق هو اللي يقرر
ساره وهي توقف طارق على رجولها بحماس : طروقي حبيبي وين تبينا نروح
طارق : ملاهي
ساره بخيبه وهي تناظر فهد : طارق مايهمه الا الملاهي وبس وبكل مكان بنلقى ملاهي مايصير انا اقرر
فهد بابتسامه : الا يصير بس لا تشطحين (تبالغين )
ساره بفرحه : ابد ولا يهمك نبي بس ماليزيا ولا ايطاليا
فهد : خلاص بنروح لماليزيا جهزي نفسك والعيال وانا باتصل بكره واشوف لنا حجز
ساره والدنيا مو سايعتها من الفرحه : الله يعافيك ويفرح قلبك طفشت من البيت والقعده فيه
اشر على صحنها : طيب مع الفرحه لاتنسين الاكل
ساره وهي تناظر صحنها : لا الحمدلله الحين انفتحت نفسي للاكل
فهد برفعة حاجب : غريــــــــــــــــــبه اللي اعرفه ان الواحد من الفرحه والحماس
يعيف الاكل ماهوب تنفتح نفسه له
ساره بضحكه : عاد انا غير
ابتسم وكمل اكله وكان هذي اول جلسه تمر عليهم من يوم ماتزوجو ماجا فيها
هواش وسب وتجريح <<<<< الجايات اكثر ان شاءالله
مر شهر على ابطال قصتنا اللي فرحان بقعدته مع اهله ويستغل كل لحضه تمر
عليه معهم وقضوها في عزايم وزيارات للاصحاب والاقارب وهم طبعا طلابنا
احمد ونورا واللي متهني بسفرته وعايش كل لحظه بلحظتها وهم ابطالنا ساره وفهد
واولادهم طارق ونوف واللي مطفره بكل اللي حواليها وهي بلا شك ليان واللي زاد
تعلقها با احمد ماتفارقه ابد لدرجة انه يشوفها اكثر من ابوها واذا راح لاصحابه
وخلاها هبلت بجدتها والشغالات واللي عايش بغربته للحين وهم هند وجواد
بعد شهر في لندن
كان جواد وهند طالعين يتمشون في منطقة الغابات كان رايحين على دراجات ناريه
وكان هذي فكرة هند اللي اصرت انها هي اللي تستأجرها طبعا خلال الشهر اللي
راح توثقت علاقة هند بجواد بشكل ماكانو يتصورونه الاثنين وكل واحد صار
مايصبر عن الثاني
جواد لابس بنطلون جنز اسود وتيشيرت ابيض كم طويل فيه كتابات انجليزي بخط
عريض باللون الاسود وفوقه جاكيت اسود وجزمات بيضا ونظارات سودا كبيره
وكبوس اسود (صحيح ان جواد على قد حاله بس عنده ذوق رفيع في اللبس واكثر
شي يشتريه الملابس ويحب يتفنن في شكله ويعشق اللون الاسود )
هند كانت لابسه بنطلون جنز ازرق غامق وقميص احمر فوقه بلوزه فراشه ( اللي
تجي وسيعه عاليد ومن عند الصدر وضيقه من عند الخصر ) من السناره ومفتوحه
على شكل مثلث من ورى و قدام وبوت احمر مدخله البنطلون من تحت فيه ولابسه
لفه حمرا على شعرها ولابسه عبايتها الكتف ونظارات شمسيه
طبعا يوم ركبت الدراجه ربطت عبايتها على خصرها وجواد قاعد يتمسخر على
شكلها مره يقول اتخيل البنات بالسعوديه يسوون كذا بالشوارع والله يطلعون تحف
فنيه ومره يقول انتبهي لايجي احد ويصورك بشكلك كذا تطلعين اروع مقطع
للبلوتوث ومره يقول ذكرتيني بالايام الخوالي وعربجة بنات العايله وهند مفوله عليه
للاخر
لما وصلو لمنطقة الغابات
جواد وهو يأشر على عمود كهرب : لحظه خليني اربط الدراجات في العمود هذا
هند بفهاوه : ليش
جواد : عشان ماتنسرق حنا نبي نتمشى وهذي بتقعد هنا لحالها الا ان كانك تبين
تدفعين غرامه لا انسرقت
هند : لا لا اربطها مانيب ناقصه انا
خذا جواد السلسله ودخلها بالدراجتين ثم لفها على العمود وقفلها وراحو يتمشون
طبعا بعد مااخذو شناطهم اللي وزعو الاغراض فيها جواد معه شنطه سودا اللي
تلبس على الضهر وفيها بساط صغير و مويه وعلب بيبسي
اما هند معها شنطه اللي تلبس مايله ( حزام الامان على قولت مبزرتنا ) وفيها
الشيبسات والحلويات والفصفص اللي مستحيل ينسونه ومعلقه كاميرتها على رقبتها
ويمشون ويسولفون وماخلو شي الا ماعلقو عليه
(صاير شكلهم كأنهم مستكشفين او كأنهم يصورون فيلم امريكي)
جواد : انتبهي ترى يمكن يطلع لنا ثعبان ولا شي
هند بخوف : جواد معك سلاح
جواد بصدمه : تصدقين نسيت السلاح
هند : طيب مو خطر علينا نمشي بالغابه من دون سلاح
جواد بأسف : والله اني ناسي بس تراني ماستعمل السلاح هنا لاني خايف يورطوني
بشي قلت ابعد عن الشر واغنيلوه نهاية الجزء الثالث
راح تتابعون ان شاء الله في الجزء الرابع رحلة هند وجواد اللي بتقلب احداث الروايه 180 درجه
انتظروني الخميس الجاي