[I can]

وعليكم السلام ورحمة الله وبركاته

مساج الله بالخير لا فندر
موضوع جميل جدا ووايد حبيته

أولا : بالنسبه للبنيه الي كانت تستحي وايد وتغيرت
عقبها .. قصتها جدا جميلة وهي عرفت تيود المشكله
من الايد الي بتويعها .. ترى أي مشكله فالدنيا أهم عامل
لحلها " مواجهتها بكل صدق وجرأة وعزيمة بعدم العودة أو التردد"
ترى كثرة التفكير الزايد والتردد في اتخاذ القرار والحل الأمثل يخلي
الشخص يتم متشكك ومحتار وما يتخذ الخطوة المهمة لانهاء مشكلته
فبالتالي يتم يعاني سنين وسنين وتسيطر عليه هواجس وآثار المشكله
الين ما تغيب عنه خيوط الحل ويحل بدالها ظلام هم المشكلة ووحشة مشي دروبها !

ثانيا : حابه أفيد خواتي بتجربه شخصيه

انا متخرجه من الثانويه العامه من زمان .. يعني بنات دفعتي احينه اتخرجوا من الجامعه
ومن فتره بعد .. المهم تو ما كتب لي ربي أكمل لأسباب معينه .. ولسبب أو لآخر
في شوية صعوبات تواجهني ...! وإذا ربي راد بتخصص ع السمستر الياي إن شاء الله

وأنا كنت من محبي العلم جدا فتعبت نفسيتي وايد أيامها واتسكرت الدنيا فويهي لاني
ما كملت دراسه .. المهم من ربي يسر لي أرد أكمل ، اموري معسره نوعا ما ، ففي البدايه
صابني احباط ونوع من اليأس صراحه .. ولكن من أنعم علي ربي بمرونه التفكير تغيرت
حياتي 180 درجه .. كيف يعني ؟؟

يعني أنا اصلا حلمي اتخصص علم النفس ولكن ماشي جامعه قريبه عني فيها هالتخصص
فاضطريت أغيره ب " ايديوكيشن فالانجلش " برغم انه ذاك حلمي الأكبر من انا صغيره .!
ولكن خلاص لازم أفتح الآفاق جدام عيني عشان أعيش بسعاده فنظرت للتخصص اليديد
بنظرة تفاؤل وايجابيه فحبيته .. ولكن اموري بعد فيه مب ميسره للحين ولكن انا حطيت خطه
لحياتي بشكل كامل في جميع جوانبها " يعني : قلت لو ما تيسرت لي الجامعه " بدخل معاهد
باخذ لغات وببدع فيها إن شاء الله ولو ما تيسر لي بدخل تحفيظ وبتعمق في علوم القرءان
الين ما أجني منه أطيب الثمر وأفيد غييري بعد وأترك بصمة ذات أثر .. ولو ما تيسر لي بنمي
موهبة الكتابه بحيث أستوي كاتبه كبيره بإذن الله ولو ما تيسر بعوض فعيالي ولو سبحان الله
ما ياني عيال فعيال احد من اخواني بزرع فيه احد احلامي وبحقق من خلاله بصمة كبيره فالدنيا
... ولو ولو ولو ولو ................... الخ

ونفس طريقة التكفير فباقي أمور حياتي .. وهالشي خلاني انسانه متفائله جدا جدا بالحياة
صار لي سنه ونص وانا بهالتفكير وصرت من أسعد خلق الله ولله الحمد
وأكيد احزن لو ما صار لي الي ابغيه ولكن سرعان ما اتجاوز صدمتي لاني ما حس الحياة
انتهت عند هالشي وأروح بشوق لباقي الخيارات وجيه

والسموحه ع الاطاله ولكن من باب الافاده

وتسلم ايدينج لافندر ع هالموضوع الرااااااااااااااااااائع
وشكرا عظيمة