[C A N D I D U S]

السَلامُ عليكُم وَ رحمةَ اللهِ وَ بركَاتُه ، آولاً شَي اسفهَ تأخرتَ بتنزيل الموضوعَ وثآنياً : مِن الحينَ آحذركُم تصويريَ مُو شَي آبدددآ يلآ بنلش ، يبدآ يومِيْ . . الساعه 12 وشوَي ، كنت اساعد امي ب المطبخ نسوي السحور، وَ ماصورت لان الفون ماكان يمي مآ كنتْ جوعانه كلش ، ف بس كليت هالسيزر سلطَ ، الي صج كآنتَ غير شكل ،تسلم ايدْ جارتنآ عليهآ () ، . . وهذيَ صورهُ :$ وشربت من شيء الجميل ، - كنت موصيه ابوي يجيب لي حليب كاكاو KDDالِي آحبهَ ، بس مالقى فشرى هذا ، بس الحمدالله كان حلوو و ثنتينَ خوآتي كانوا مسوين تحدِي بالحلو ! مسوين نفس الطريقه بس الزينه تختلف وبيشوفون منو تبدّع اكثر بالزينهَ XD فذقنا مال اختي الصغيره ، () - الي كان مشوه نوعاً ما -عالساعه 2 تقريباً - صعدت آرتبْ غرفتِي [ بعد اعصار الكورس الصيفي واليوم كان آول يوم عطله لي، آو بالأحرى كنت مخلصه آخر امتحان الساعه 10 الصبح من يومَ آمس بس سحبتهآ نومه من بعد الظهر إلى قبل الفطور بشوي ><" آول شَي رتبتَ الكتب الأليمه ؛ الي كانت تارسه الغرفه و الصاله و المكتب و ... و حطيتهم بمكان واحد ، بعدين شفت المكياج مادري منو كان لاعب فيه ومطلع اغراض ، رحت رتبته =ــ= بعدين تذكرت شي مهمُ ، امس لما رحت شفت ورقه درجات الكويزات الي معلقتها المعيده على مكتبها طلعت حاسبه لي غلط ، و حاطه لي صفرين مادري ليش! فقلت ادور الكويزات كلهم ، وباجر وانا رايحه اشوف درجه الامتحان و القريد اعطيهم الدكتور يصلح لي الدرجه ، فصرت احوس لان ماادري وين حاطتهم X_X والحمدالله لقيت 5 من 6 كويزات بعد عناء طويل و من بين الحوسه و انا ادور ، اكتشتفت اشياء كنت ناسيتها XD - لقيت روايتين / الأبعاد المجهوله 2 - لِ عبدالوهاب السيّد الرابح يبقى وحيدا - لِ باولو كويلو ، وحده شاريتها بعد نهايه الكورس الثاني ، ووحده قبل شهر تقريبا ، وكلهم ما خلصت قراءتهم ! بس ان شاء الله بآقرآهم و بعد لقيت هالشي ، > مادري شسمه كانوا مسوين يوم مفتوح بالكليه وكان فيه بوث واققفين فيه يابانيين *ـ* ويسوون هالشي على الاسم الي تبينه ، سويت لي و لرفيجتي شهودُ وعشآن مااخربط كتبت اسمها بالرصاص على مالتها بس للحين ماتلاقينا و مَ عطيتها اياها :( بعدَ هالترتيب والحوسه ، قعدت اقرآ قرآن ، آذنَ الفجر صليت و رجعتَ أقرا وردِي ، وعالساعه 4.15 تقريبا ، بطلت المنتدى ، وقعدت اشتغل على موضوع ، المفروض اكون منزلته من اسبوعين ! ><" وبعدين انصدمت بالساعه صارت 6 وشوي وآنآ مآ نمِت ! حطيت المنبهَ ، ونمت - - - 12.30 الظهر قعدت ، صليت الظهر ، قريت قرآن شويْ ، صارت 1 لبست و طلعت من بيتنآ و توجهت للكلية ، . . و عالساعه 1.40 تقريبا وصلت كلية العلوم ، وخذيت لقطه سريعه لهآ وآنآ بالسيارهَ * الكلية الي اتمنى اخلص وافتكِ منها باسرع وقت ، > عندِنآ مواد مشتركه بين كليتنا وهالكليه :"( مآحدث بالكليه ؛ > فيلم هندي الي مالها خلق لآ تقرآ لما وصلت رحت لمكتب الدكتور بقسم الرياضيات، لقيته معلقّ الدرجات جدام باب المكتب ، وانصدمت بقريد بالقاع ! وصار فيني احبآط مو طبيعي دشيت مكتبه بشوف ليش جذي قالي انتي مزفتهّ حيل بالفاينل ، ! مع اني كنت متأكده من حلي وقلتله عن الغلط الي صاير بالكويزات جان يعصب عليّ ويقولي انتي الغلطانه الي ماكلمتي المعيده من قبل! المهم قلتله ابي اشوف امتحاني عالاقل قالي انطري لي 3.30 و اوريج اياه ! طلعت ودقيت على ابوي وقلتله بالي صار معآي قالي مو مشكله اقعدي ؛ وقبل لا تدشين تكلمينه بعدين اقري المعوذات والله يسهل ان شاء الله :") ومآ باليد حيله قعدت انطر > و بهالوقت رحت شغله خدمه البلاك بيري المنقطوعه من اسبوع وقمت اسولف مع رفيجتي اقولها شصار و لما صارت 3.15 تقريبا دش طالب قبلي ، وكان ينتناقش وي الدكتور و الدكتور يتكلم بهدوووء بعدين الطالب قال: دكتور ممكن اشوف امتحاني ؟ فجاه صوت الدكتور انقلب عصبيه وقام يقوله / انت منو تراجع تصليح دكتور! والحين بفتح امتحانك و بعيد تصليحه ونشوف لو انا زايدك شي بنقصك اياه ! و قام يصارخ و يعصب و شوي و يسب و انقلبت الآيه وصار الطالب يترجاه مايفتح الورقه خلاص انا الي واقفه برا بس سمعت صوته معصب خفتتت و صارت فيني بجيه قلت خيره ان شاء الله اني سمعت هالحوار مع الطالب و مادشيت حسبي الله ونعم الوكيل ، ربي يردلي حقي :) والحمدالله على كل حال ، المهم خلصت و طلعت من هالكليه و طلعتَ ، وانا بالسياره قعدت عالبي بي آم ، > خدمتي كانت مقطوعه لاسبوع تقريبا و توَ آجددهِآ قعدت العب لعبه مع رفيجاتي صارلي اسبوع منطّرتهم عليهآ اللعبه ان آجآوب على كذآ وحدِه بعدين آختآر 10 بنآت يقولون 10 اشياء عني وهذي مقتطفات مِن الِي كتبوهُ عنِي : *فديتهمْ والله ، نسونِي بالمشكَله الي صآرت عال 4.10 تقريباً وصلت البيت ،و صليت العصر، و قريت قرآن شوي . . . و بطلت المنتدى اكمل الموضوع الي اشتغل عليه :* الساعه 5.30 تقريبا نزلت اساعِد بالفطور ، بس مآ سويتَ شي هالمرهَ ^^" ، و هذِي صوره لِ جزء من فطورنا *تصوير اختي ب انستاغرام بعدين صعدت غرفتي وصليت ، وقريت شوي قرآن ، لمآ صارت السآعهَ 7.20 نادوني تحت و حاطين القهوَه و الحلوَ () وهذآ حلو اختي التوآم الي مشآركه بالتحدِي مع إختِ الصغيره * طبعاُ فآزت على إختِي الصغيرهْ وعالسآعه 8 وشويَ قلتِ بروحُ مكتبهَ جرير لأن من زمآن كآن بخآطري آروحلهآ و رحنآ و هذي آول صفحه ب روايه اسمهآ "مَهَل" ، رآقتْ لِي و شريتهآ ، وشريتَ روايه ثآنيه لِ جين آوستنَ ، ان شاء الله ناويهَ آنزل موضوعَ عن هالكآتبه الرآئِعه () ، و شريت الشَي الِي مِن فترهَ طويله كنتِ آبيه- الحمدِالله - * هالصورهَ صورتهآ حق رفيجتِي ودزيتهآ آسآلهآ آي وآحدِ آي آحسن من النوعين ^^ ولمآ طلعنآ ، دقتَ بنت خآلتِي على إختي وقآلت لنآ تعآلوآ عندنِآ قريقيعآن و فِي نقآشه بتجِينآ ، وعالسآعه 10 وثلث تقريبا كنآ عندهُم =") نسيتَ اصور الآكل و الخرآبيط ، بس لقطتَ صينيه الشربآت جدآمي و خذيت لقطه سريعه و شفت هالآنسه الصغيرهْ الجميلهْ - بنتْ خآلتِي -مآسكهَ قطعه كندِر كآنت لآبسه ملآبس قرقيعآن وردِيه بس وصخته فَ افصخوهْ عنْهآ و صورهْ مِن القرقيعآن : و بس هذآ كآنْ يومِيي البسيطَ ، () شكراً عالمتآبعَه و القرآءهْ ، و اعذرونِي طولت عليكم ، و السموحَه عالقصورْ و التنسيقْ السريعْ و إن شاء الله مآ ثقلتَ عليكم ، [ *شكرا كيسآمي عالمسآعدِه بالخلفيه () ، ] دمتّمن بخيرْ

المصدر: منتديات بنات دوت كوم

---

d,lAJd " hgJvlqNkAd || 12 -9 - 1433iJ | | > > >

الموضوع الأصلي : يومِـي " الـرمضآنِي || 12 -9 - 1433هـ | | . . . || القسم : رمضان بنات كوم " للأعوام الماضية " || المصدر : منتديات بنات دوت كوم || كاتبة الموضوع : C A N D I D U S